Grumpa...

2007-06-04T23:34:00.000Z

Hef ákveðið að vera ekkert að þvælast með tvö blogg í gangi og ætla því að færa mig alfarið hingað
http://grumpa.blog.is/blog/grumpa/

2007-05-17T13:38:00.000Z

Nú er farinn í hönd mikill anna tími hjá mér sem þýðir að aðra hverja helgi í allt sumar verð ég að fylgjast með mótorhjólaakstri og oftast verður það einhversstaðar úti á landi. Motocross sísonið er sem sagt byrjað!
Ég var því á Hellu á laugardaginn síðasta og missti því af öllu kosningahavaríinu í bænum. Horfði ekki einu sinni á kosningasjónvarpið þar sem ég var sofnuð kl. 10, frekar þreytt eftir að hafa verið að labba upp og niður sandbrekkur í 7 klukkutíma. En ég kvarta ekki, það er öllum hollt að hreyfa sig aðeins utandyra og svo er ógeðslega gaman að taka af þessu myndir. Ég er líka þessi nastý ljósmyndari sem bíður eftir því á einhverjum góðum stað að menn fljúgi á hausinn og helst ofan í forarpytt og tek mynd af öllu saman og set á netið.

En ég ætla ekkert að fara að velta mér upp úr þessum kosningum, það eru nógu margir aðrir í því. Sjálfgræðisflokkurinn er kominn aftur í sitt venjulega fylgi, Framsókn var því miður ekki þurrkuð út (þökk sé kosningasmölum á elliheimilum landsins) og ríkisstjórnarlufsan situr eflaust sem fastast (þökk sé Ómari Ragnarssyni).
Kosningabaráttan fór líka voða mikið framhjá mér. Ég horfi reyndar ekki á sjónvarp og aðrir í húsinu sáu um að henda öllum áróðurspésum í ruslið. Við í vinnunni fengum bara 4 heimsóknir af örvæntingarfullum þingmannakandídötum. Einn spilaði á harmonikku, annar tók létt ballettspor þar sem við heimtuðum skemmtiatriði af öllum eftir að harmonikkuleikarinn var búinn að koma, sá þriðji sagði fimmaurabrandara og þeim fjórða var ekki hleypt inn (við einfaldlega nenntum ekki að hlusta á Gunnar Birgisson segja okkur hvað það væri gott að búa í Kópavogi).

Það var Skruddukvöld á síðasta sunnudag. Fámennt en afar góðmennt. Tensai San og Hammer voru m.a.s að stinga upp á því að við myndum horfa á einhverja 40s svart/hvíta japanska mynd sem öll var leikin á táknmáli. Persónurnar eru aðeins tvær í allri myndinni og eru staddar í sitt hvoru herberginu allan tímann og önnur þeirra sofandi. En hvað er það miðað við að aumingja Hammer þurfti að sitja undir 5 tíma löngum flautukonsert eftir Atla Heimi Sveinsson fyrr um daginn. Þegar þetta var að skella á birtist þá ekki Móðir Jörð sem frelsandi engill þannig að það varð fundarhæft. Næsti Skruddufundur verður svá haldinn á Eyrarbakka sem verður mjög skemmtileg tilbreyting. Það eina er að þá fær Móðir Jörð að velja næstu bók. Kæmi mér ekki á óvar að þurfa að lesa franskar miðaldabókmenntir uppfullar af táknfræði sem enginn skilur, ekki einu sinni höfundurinn þar sem hann var að drepast úr skyrbjúg og sífilis þegar hann skrifaði bókina og var með óráði og skrifaði bara niður það sem raddirnar í höfðinu á honum sögðu. En það getur varla verið verra en Hroki og hleypidómar...eða hvað!?

2007-04-22T18:47:00.000Z

Það er ferlegt hvað ég er búin að vera bissí undanfarið. Fyrst voru það æðislegir páskar í sveitasælunni í Kjarnholti til að fagna því að Tensai San er nú komin á fertugs aldurinn svo var það Skruddukvöld hér á Laugaveginum á sunnudagskvöldið og svo á þriðjudagsmorguninn var haldið í sólina á Spáni. Talandi um bissí læfsæl!
Ég vil alveg sérstaklega þakka Tensai San fyrir þessa frábæru hugmynd að halda upp á afmælið sitt með þessum hætti. Ég er svei mér þá að hugsa um að gera eitthvað svipað þegar ég verð 35 en það er nú enn langt í það! Þarna var étið og drukkið út í eitt enda kom Tensai með sendiferðabíl fullan af mat svona just in case og aðrir gestir eitthvað svipað þannig að þegar Forski mætti á sínum netta heimilisbíl til að skutla okkur tveim heim var afgangurinn svo mikill að ég gat með naumindum troðið mér í aftursætið og þurfti að sitja með risastóran bangsa í fanginu (sem var eina af hinum fjölmörgu gagnlegu gjöfum sem afmælisbarninu áskotnuðust) alla leið í bæinn.
Eitt af því sem gert var til skemmtunar þarna í sveitinni var að eitt kvöldið var farið í actionary. Allt í góðu með það og rosa gaman. Þetta var þó ekkert venjulegt actionary þar sem Tensai San hafði tekið sig til og samið sjálf atriðin sem átti að leika og þetta voru engin venjuleg atriði get ég sagt ykkur strax. Þarna átti fólk t.d að leika Vígahross. Hvað er það!! Og fjallið Grábrók og kom það vel á vondan að frú San þurfti að leika það sjálf! En þetta var bara það auðvelda. Svo komu atriði eins og Blautur kaffikorgur ruslafötu, 18" pizza með sveppum og lauk, Hani að labba í kring um brúnan hænsnakofa við sólarupprás seint í júlí og Blindur maður inni í dimmu herbergi að leita að svörtum ketti sem er þar ekki. Næst drekkur Tensai San aðeins minna af IKEA kaffi áður en hún semur spurningarnar eða lætur bara einhvern annan um það!

Maður var rétt svo kominn heim úr páskafríinu þegar kom að því að Skruddurnar hittust til að kryfja hið mikla stórvirki bókmenntanna, Hroki og hleypidómar til mergjar þar sem það var sú bók sem Frú Líkjör hafði valið sem bók mánaðarins (ég á ennþá eftir að ná mér niðri á henni). Ég að sjálfsögðu keypti þessa merku bók og ákvað að sleppa öllum fordómum og gefa henni séns. En það var sama hvað ég reyndi, ég gat hreinlega ekki lesið nema nokkrar blaðsíður án þess að stein sofna. Sama hversu glað vakandi ég var þegar ég byrjaði lesturinn. Ég reyndi að hella í mig sterku kaffi, drekka kippu af Magic, opna alla glugga þannig að hitastigið í húsinu var við frostmark, standa á öðrum fæti í fötu fullri af köldu vatni, stinga ísmolum oní buxurnar...just name it. En hvað sem ég reyndi þá varð ég að játa mig sigraða á blaðsíðu 40, ég gat bara ekki komist lengra. En hversu margar blaðsíður af langdregnum lýsingum á dansleikjum og hver dansaði við hvern og hver talaði ekki við hvern er hægt að þola?? Thor Vilhjálmsson come back, all is forgiven!!

Þegar þetta er skrifað er ég svo nýkomin heim frá Spáni þar sem ég hafði það gott í sólinni í nokkra daga. Alveg perfect veður, svona 20-25 stiga hiti og léttskýjað. Fullkomið veður til bjórdrykkju utandyra. Fór þarna með nokkrum föngulegum karlmönnum (sjá mynd) sem reyndu hvað best þeir gátu að beinbrjóta sig á mótorhjólum. En allir komu þeir aftur og enginn þeirra dó, eins og segir í kvæðinu. Spánverjar virðast þó ekki getað eldað almennilegan mat á þessum miðlungs veitingastöðum sínum, alla vega ekki á þessu svæði. Það var farið út að borða á hverju kvöldi og fólk fékk t.d kjúkling sem var eflaust búinn að vera í ofninum frá deginum áður, sjávarréttasúpu sem bæði lyktaði og bragðaðist eins og slor, lax sem hafði verið veiddur og frystur um síðustu aldamót og pizzu sem var örugglega upphituð Ömmupizza. Og svo voru franskar kartöflur með nákvæmlega öllu. Það hefði ekki komið mér á óvart að fá franskar með soðinni ýsu ef ég hefði pantað mér eitthvað þannig. En bjórinn ver fínn og rauðvínið eðall svo þeim er fyrirgefið.
Svo er það núna bara spurningin hvert ætti ég að fara næst:D

2007-03-31T19:03:00.000Z

Ég er búin að henda inn nýju bloggi hér:
http://grumpa.blog.is/blog/grumpa/

2007-03-26T19:46:00.000Z

Ég var í London í síðustu viku. Skrapp bara rétt si svona áður en ég fer til Spánar eftir páskana. Anyway, tilgangur þessarar ferðar var að berja augum og eyrum hina margrómuðu hljómsveit Warrior Soul. Skemmst er frá að segja að tónleikarnir voru gargandi snilld svo vægt sé til orða tekið og Kory Clarke er mesti töffari í heimi. Gítarleikarinn í bandinu var heldur ekkert slor (sjá mynd) og er honum fyrirgefið að vera sænskur. Ég held ég verði bara að kíkja til Stokkhólms, það lítur út fyrir að það hafi heilmikið breyst þar til batnaðar síðan '86!
En ég fór ekki ein í þessa pílagrímsferð og ekki var félagsskapurinn af verri endanum þar sem voru Gözli og Satan Jarl. Það var því næsta víst að kíkt yrði á pöbb eða tvo og drukknir nokkrir bjórar og þeim síðan skolað niður með whiskey. Að ferðast með tveim karlmönnum hefur bæði sína kosti og galla. Kostirnir eru tvímælalaust þeir að maður þarf ekki að þræða fatabúðir eða snyrtivöruverslanir og þess þá síður barnafatabúðir og ef maður stingur upp á því að fá sér blóðuga nautasteik í hádeginu og líter af bjór með er tillagan samþykkt samhljóða með lófaklappi og fagnaðarlátum. Að eyða klukkutíma inni í whiskeybúð er heldur ekki litið illu auga og þegar annar ferðafélaginn fjárfesti í hvítum kúrekastígvélum fékk henn ekkert nema hrós og hvatningarorð enda er það mikið rokk.
En eins og ég sagði eru líka gallar á þessu fyrirkomulagi. Til að geta keypt meiri bjór og meira whiskey ákváðum við að vera öll saman í herbergi sem hefði verið í fínu lagi nema hvað Gözli virtist ekki hafa borðað neitt nema baunir og rúgbrauð síðustu tvær vikurnar sem var á þessum tímapunkti farið að gerjast all verulega í innyflunum og eina leiðin fyrir óhóflega gasmyndun var að hleypa því út í tíma og ótíma okkur hinum til hrellingar. Þetta byrjaði m.a.s í leigubílnum á leiðinni frá flugvellinum. Okkur algerlega að óvörum hleypir Gözli út einni góðri laumu og áður en maður veit af er mann farið að sundla og ekkert hægt að forða séstuck inni í leigubíl á fullri ferð. Bílstjórinn hefur eflaust líka fengið nett aðsvif þar sem aksturinn varð allt í einu mjög undarlegur. Svona gekk þetta svo í þrjá daga thank you very much.
En ég þurfti ekki bara að þola loftmengun á við útblástur frá loðnubræðslu heldur lenti ég líka í slæmri hávaðamengun þar sem Satan Jarl hraut eins og grjótmulningsvél milli þess sem hann blés eins og búrhveli. Ég get svarið það að það voru sprungur í herbergisloftinu sem voru ekki þar þegar við komum.
Ég verð líka aðeins að minnast á hótelið. Eins og ég sagði þá var ákveðið að vera ekki að spreða í svoleiðis hluti þannig að valið var tiltölulega ódýrt en þó 3ja stjörnu hótel nálægt Paddington, þar sem vegir liggja til allra átta eins og segir í kvæðinu. Allt leit alveg ágætlega út í byrjun, lítið en huggulegt lobbí og fínasta borðstofa. But that was it. Loksins þegar við römbuðum á herbergið eftir að hafa gengið bæði upp og niður tröppur en alltaf þó verið á sömu hæðinni tók á móti okkur miðlungs stór fataskápur þar sem hitastigið var um frostmark (það var örugglega hlýrra úti). Ástæðan var sú að það voru einhverjar framkvæmdir í gangi á þakinu (komumst að því mjög hastarlega kl. 9 morguninn eftir) því þegar horft var í gegn um viftu í baðherbergisloftinu sá maður upp í heiðan himinn. Enskukunnátta starfsmanna hótelsins var auk þess álíka mikil og dönskukunnáttan mín og allan tímann sem við vorum þarna var hótelbarinn lokaður. Það var þó hægt að láta færa sér drykki inn í setustofuna ef maður hafði allan tíma í heiminum og tók áhættuna á því að fá billiardborð með kjuðum þegar maður hafði pantað Bailys í klaka.
En fyrir utan þessi óþægindi og utanaðkomandi mengun var þetta skemmtilegasta ferð og myndi ég hiklaust fara aftur. En er ekki allt að fara að fyllast af álverum? Gott að vera búin að mynda mengunaróþol. Gæti þó hugsað mér að vera bara ein í herbergi næst:D

2007-03-11T12:01:00.000Z

Nú er úti veður vott
verður allt að klessu
Ekki fær hann Grímur gott
að gifta sig í þessu.

Ja hvað dettur manni annað í hug við að horfa út um gluggann þessa stundina? Rok og rigning! Ég þakka þó fyrir að vera ekki einhversstaðar á suðurlandsflatlendinu þar sem að mér skilst að sé ROK og RIGNING!
En anyway, ég fór í leikhús á föstudagskvöldið. Starfsmannafélagið í vinnunni ákvað að bjóða í leikhús og sýningin Pabbinn varð fyrir valinu. Það er sem sagt einleikur þar sem Bjarni Haukur Þórsson lýsir raunum manns sem lendir í því að verða pabbi á mjög svo raunsæjan hátt. Þar kom skýrt fram, eins og ég hef alltaf bent á, að foreldrar eru upp til hópa ósofnir, úrillir, pirraðir, geðstirðir, langþreyttir, tuskulegir, úttaugaðir með harðlífi og meltingartruflanir, útslefaðir og kámugur, með kúkalykt á puttunum þegar verst lætur, orðnir tilfinningadofnir og heyrnasljóir af endalausu orgi og látum og skítastaðall heimilisins álíka hár og verðbólgan í Zimbabwe. Líf þessa aumingja fólks er sem sagt búið (eins og ég er alltaf að útlista fyrir einum vinnufélaga mínum sem eignaðist krakka ekki fyrir löngu, held ég verði samt að fara að hætta því, hann verður alltaf eitthvað svo skelfdur á svipinn) en samt lifir þetta fólk í þeirri sjálfsblekkingu að þetta sé eitthvað sérstaklega eftirsóknarvert ástand. Og ekki nóg með það heldur reynir að telja öðru blásaklausu fólki trú um það sama!
Og þetta skánar ekkert þó að börnin vaxi úr grasi. Ó nei! Ég hef nefnilega fylgst með raunum vina minna sem eiga unglinga (nefni hér engin nöfn). Það er þó hægt að stinga snuði upp í lítil börn og þau þegja á meðan en það virkar víst ekki á unglingana. Það þarf miklu, miklu meira. Þeir vilja ný föt, iPod og Playstation, fartölvur, frítt fæði og húsnæði og fullan ísskáp af mat sem þeir geta gengið í ásamt 8 vinum sínum allan sólarhringinn, peninga og helst mikið af þeim, vilja svo bara sofa á dagin og nenna ekki í skóla og þess þá síður nenna þeir að vinna. Svo er litið á foreldrana sem hálf þroskaheftar risaeðlur sem vita ekkert og skilja ekkert.
Foreldrum til huggunar þá vaxa flestir upp úr gelgjunni svona milli tvítugs og þrítugs. En hvað tekur þá við? Ró og næði? Dream on!! Þá koma barnabörni organdi og slefandi. Þið losnið sem sagt aldrei út úr þessu. ALDREI!!!!

2007-02-25T21:05:00.000Z

Þó að ég hafi verið löt við að blogga undanfarið þá þýðir það ekki að það sé ekkert að gerast. Þvert á móti. Ég veit varla hvar á að byrja. Tensai San á leiðinni á Þing, Forski formlega útskrifuð sem Ismafræðingur og varð svo mikið um að hún fékk gigtarkast, Skruddurnur héldu stofnfund og Móðir Jörð lagði á sig langt og strangt ferðalag úr öðrum landshluta til að geta setið stofnfundinn og ég fór út að borða á Austur-Indíafjelaginu á laugardagskvöldið og át mér til óbóta (sem breytti því þó ekki að ég hefði verið til í að smakka á Sandholts súkkulaðikökunni sem Monopoly þurfti endilega að tilkynna mér að hún væri að borða).

En byrjum á frétt dagsins sem er auðvitað sú að Tensai San (mynd af henni að flytja framboðsræðuna er hér til hægri) er verðandi þingmaður og ef ekki bara ráðherra. Hún ákvað sem sagt að skella sér í framboð fyrir Vinstrihreyfinguna Græna Fingur til að geta látið gott af sér leiða. Ég ákvað því að kynna mér nánar stefnu flokksins.
Þar segir meðal annars að Vinstrihreyfingin Bleikir Fílar ætli að beita sér fyrir jafnrétti og bræðralagi, ást og umhyggju ásamt almennri fegurð að innan sem utan. Þá mun Vinstrihryfingin Fjólublátt Ljós við Barinn beita sér fyrir því að ekki verði framar skert hár á höfði einnar einustu þúfu á Íslandi og litlu sætu trén og blómin fái að vaxa og dafna í friði fyrir alþjóðlegum auðhringjum sem hafa mannhatur og skemmdarfísn eina að leiðarljósi. Einnig mun Vinstrihreyfingin Rauðir Hundar leitast við að jafna hlut karla og kvenna og með það að leiðarljósi verða karlar skikkaðir til að ganga um á háum hælum, þvo þvott og fara með börnin í stórmarkaði síðdegis á föstudögum. Vinstrihreyfingin Purpla Haze mun heldur ekki skorast undan ábyrgð þegar kemur að utanríkismálum og hefur ákveðið að senda fulltrúa á næstu Júróvisjónkeppni.
Þetta eru allt saman góð og göfug markmið og efast ég ekki um að þingmannsefnið okkar eigi eftir að hinna hug og hjörtu kjósenda.

Eins og fram hefur komið þá var stofnaður menningar- og bókmenntaklúbbur um daginn sem fékk heitið Skruddurnar. Markmiðið er að lesa eina bók á mánuði og hittast síðan og rökræða efni hennar auk annara gáfulegra hluta sem klúbbfélögum kunna að liggja á hjarta. Stofnfundur var haldinn hjá Tensai san og hristi hún fram úr erminni hverja kræsinguna af annari eins og t.d heimatilbúið hnetusmjör, bollur sem hún hafði bakað fyrr um daginn og rækjurétt sem hún fékk aðstoð frá Hammer við að taka út úr ofninum þar sem hún var of bissí við að þeyta rjóma og bera fram heimatilbúna sultu og snúast í kring um Frú Líkjör. Þar sem Tensai San hélt stofnfundinn fékk hún að ráða hver fyrsta lesningin væri og mæltist hún til að bókin "Þar sem vorið vaknar í hildjúpi sálarinnar og breiðir faðminn mót hnarreisum fleyjum hugans" eftir Thor Vilhjálmsson væri lesin þar sem hún væri í miklu uppáhaldi hjá sér.
Næst verður hist hjá Frú Líkjör og bókin sú arna krufin til mergjar og mun Tensai San flytja framsögu.

Þeir sem hafa lesið bloggið hjá Forska hafa varla komist hjá því að taka eftir að hún búin að hella sér út í líkamsræktina á fullu. Það er mætt í ræktina eldsnemma á morgnana meðan allt venjulegt fólk sefur ennþá værum blundi og svo hleipur hún orðið frá sér ráð og rænu. En hvað er upp úr þessu öllu að hafa? Ég geri ráð fyrir að Forski vilji bæti hreysti og vellíðan og fá hraustlegt og gott útlit þar að auki. En hvað gerist? Á föstudagskvöldið boðar Forski komu sína, segist vera í nágrenninu. 2 tímum seinna staulast hún með erfiðismunum hérna upp tröppurnar, komin með gigt og bakveiki og orðin slæm í mjöðminni af öllu spriklinu. Ég tók í snatri upp rauðvínsflösku enda sá ég að það var orðið illt í efni og Forski þurfti nauðsynlega á hjálp að halda ef þetta átti ekki að enda með ósköpum. Það er skemmst frá því að segja að Forski hélt heim á leið einni rauðvínsflösku seinna spræk sem unglamb og kenndi sér einskis meins.
Það sem hrjáir fólk nú til dags er að það drekkur ekki nógu mikið rauðvín og borðar ekki nógu gott súkkulaði.

2007-02-11T15:26:00.000Z

Trivialkeppnin mikla var haldin í gær. Byrjaði reyndar á því að Frú Líkjör og Zorglúbb beiluðu bæði og Tensai San sá sæng sína út breidda áður en keppni byrjaði og lét sig hverfa enda greinilega við ofurefli að etja og líklega ekki mikið af spurningum um ofbeldisfulla tölvuleiki. Það er skemst frá þvi að segja að ég og Monopoly gjörsamlega völtuðum yfir Gösla og Forska sem sáu aldrei til sólar þrátt fyrir að fá spurningar eins og "Eru ísbirnir svartir eða hvítir" eða "Hvert er eftirnafn Guðjóns Bergmann" á erfiðustu kökunum. Sumir eru bara klárari en aðrir! Og þar sem viðstaddir eru flestir orðnir miðaldra þá var þetta allt saman ósköp dannað og fólk farið að geispa kl. 11 enda dauðuppgefið eftir erfiðan laugardag. Það þarf að skúra, skrúbba og bóna, sníta og skeina og allt þetta skemmtilega sem fjölskyldufólk gerir. Forski var hins vegaer eftir sig eftir líkamsrækt dagsins en eins og einhverjir vita þá er Forski orðin mikil áhugamanneskja um líkamlega hreysti og hleipur nú eins og rófulaus hundur út um allar jarðir og er búin að kynna sér þessa merku list að hlaupa mjög ítarlega og lesa margar lærðar bækur eins og t.d "How to move your feet fast", "The art of putting one foot in front of the other" og "Running: You can do it if you try hard enough"

Ég talaði um það síðast að ég væri á leiðinni til Spánar eftir 2 mánuði, núna er ég líka að fara til London eftir 1 mánuð! Ó já, og nú á sko að skella sér á alvöru tónleika og sjá hina margrómuðu hljómsveit Warrior Soul trylla lýðinn. Og ég fer ekki ein í þetta skiptið heldur með fríðu föruneiti þar sem Zorglúbb og Gösli ætla að rifja upp gamla flösuþeytingatakta (annar hefur reyndar meira hár en hinn til að þeyta en allt er hægt ef viljinn er fyrir hendi). Hér verður sko ekki farið í einhverjar barnafata eða hannirðabúðir né heldur farið á málverkasýningar eða söngleiki. Það verða þræddar subbubúllur og sveittir tónleikastaðir og bara drukkinn bjór og borðaðar pizzur (hljómar eins og típísk utanlandsferð áttatíu og eitthvað....)! Svo er líka bara alltaf gaman að fara til London og þar er voða, voða stór og flott Apple búð!!!

Hafiði tekið eftir því að það virðast hreinlega allir ætla að fara í framboð fyrir þessar kosningar. Fyrst var það gamla liðið sem ætlaðar að vera með ekki eitt framboð heldur tvö. Seinna dæmið er líklega þeir sem voru búnir að gleyma því að það var komið framboð. Svo eru allskonar umhverfisverndarframboð þar sem umhverfisvernd er tískumálið í ár. Það er Framtíðarlandið og Draumalandið og Flokkur grænmetisæta, fólk með græna fingur ætlar í sér framboð sem og Samtök garðálfavina. Það er Flokkur til verndunar sunnlenskum trjálundum og framboð áhugafólks um bankabygg lífrænt ræktaðar belgbaunir. Svo eru það allir undirokuðu minnihlutahóparnir eins og tileigðir og útskeifir sem aldrei hafa fengið hljómgrunn innan gömlu stjórnmálaflokkanna ekki frekar en áhugafólk um velferð íslensku landnámshænunnar eða Vitavinafélagið. Þá eru ótalin ýmis hagsmunasamtök sem vilja koma sínum málum betur á framfæri eins og Samtök lúsera úr prófkjörum sem eru þverpólitísk samtök og samtök áhugafólks um óhefta mengun sem samanstendur af jeppaeigendum og fiskiskipaeigendum. Maður á hreinlega eftir að fá valkvíða þegar svo loksins kemur að því að krossa við á kjörseðlinum.

2007-02-03T19:20:00.000Z

Þá að ég sé orðin heimsfrægur ljósmyndari eins og allir vita þá ætla ég samt ekki að hætta blogginu frekar en að hætta að mæta í brönsinn sökum anna. Og come on, hver er það bissí kl. hálf tólf á sunnudagsmorgni að geta ómögulega mætt á kaffihús í klukkutíma?! Væll segi ég!!
Ég missti reyndar af síðasta bröns en var löglega afsökuð þar sem ég var í France að horfa á menn elda mat. Þarna voru12 kokkar að elda í einu og markmiðið var að hrista fram úr erminni besta og flottasta réttinn á ákvðnum tíma úr fyrirfram ákveðnu hráefni. Þó þetta hafi verið keppni í matreiðslu og fullt af fólki að fylghast með þá átti ég ekki von á stemmingu eins og á landsleik í handbolta þar sem áhorfendurnir voru uppi í stúku fyrir framan keppendurna og hvöttu sína menn áfram með látum og lúðrablæstri. Að full stúka af fólki standi hreinlega á öndinni af spenningi yfir að sjá mann elda fisk er frekar sérstakt:D
Borðaði líka allskonar mat og drakk fullt af rauðvíni. Ég smakkaði t.d pizzu með spældu eggi sem var þó ekki viljandi gert heldur skildi ég ekki hvað stóð á seðlinum og þjónninn vissi ekki enska orðið yfir egg. En það kom skemmtilega á óvart að pizza með papriku, kryddpylsu og spældu eggi er bara alveg ágæt. Af öllu ólöstuðu er þó súkkulaðikaka með appelsínusósu toppurinn á matarupplifun minni í þessari ferð og ég fæ sæluhroll við það eitt að hugsa um hana!
Næst fer ég svo til Spánar í apríl í samfloti við nokkra mótorhjólanörda. Life is sweet (þökk sé barnleysinu að ég get dekrað í kring um rassgatið á sjálfri mér, and I love it :D )

Það er þó ekki bara ég sem hef verið á faraldsfæti undanfarið heldur er Forski búin að vera í heimsókn í draumalandinu Svíþjóð að kynna sér starfsemi IKEA sem hún hefur tekið miklu ástfóstri við. Þar sem hún hefur unnið sér inn stöðuhækkun hjá fyrirtækinu með elju og samviskusemi og er orðin yfir skiltaálímari, þá var hún send til höfuðstöðvanna í Ullevalla á skiltaálíminga- og upphenginganámskeið. Nú kemur sér líka vel að hafa stúderað bókmenntafræði þegar þarf að staðfæra heilan IKEA vörulista upp á 150 blaðsíður sem Forski mun vinn að í samvinnu við stjarneðlisfræðing, taugaskurðlækni og heimspeking sem allir hafa tekið starf hjá hinu öfluga fyrirtæki fram yfir akademískt brölt.

Það eru búnar að vera heilmiklar framkvæmdir hérna í hverfinu undanfarið. Búið að rífa 2 eða 3 stór hús hérna á bak við hjá mér sem mátti svo sem alveg rífa og þó fyrr hefði verið. Það sem verra er að ég veit ekkrt hvað á svo að gera þarna þar sem íbúunum hefur ekki verið kynnt neitt hvað stendur til. Kanski enn ein fjandans 25 hæða blokkin með 5 skrilljón fermetra bílakjallara? Kanski moll með 50 tískuverslunum og skóbúðum sem allar selja sama draslið á uppsprengdu okurverði? Kanski er einhver bankinn að fara að byggja stærri, flottari og dýrari gler og stálmonster en hinir bankarnir, með 10 skrilljón fermetra bílakjallara fyrir alla jeppana sem starfsmennirnir keyra um á? Kanski verður troðið niður þarna mislægum gatnamótum með slaufum og hnútum til að flytja umferðarteppu ofan úr Grafarvogi eitthvað annað? Ja hver veit? Borgarstjóralufsan hefur alla vega ekki mátt vera að því að kynna neitt deiliskipulag, er allt of upptekinn við að skipta sér af því hvort það verði holað niður nokkrum spilakössum í Mjóddinni. Svo var hann að hreinsa blómabeð í Breiðholti og gott ef ekki mála grindverk líka. Hvað er næst? Fer hann að skipta sér af ósmekklegum blómapottum úti í gluggum hjá fólki eða skamma druslulega klædda unglinga?

Það hafa tveir tónlistarviðburðir verið í sjónvarpinu síðustu daga sem mig langar aðeins til að bera saman. Þar sem ég er ekki með sjónvarp þá sá ég annan að hluta til á netinu en hinn að hluta til í sjoppunni í Þorlákshöfn. Þarna er ég að tala um Júróvisjón undankeppnina og Íslensku tónlistarverðlaunin. Það fyrrnefnda ámátlegt væl Ædol lúsera og sveitaballahnakka og hver lagasmíðin annari ófrumlegri og aumkunarverðari. Svo voru það Íslensku tónlistarverðlaunin sem sýndu það að það er til fullt af hæfileikaríkum tónlistarmönnum á Íslandi eins og t.d Lay Low, Pétur Ben, Hafdís Huld, Trabant, Jeff Who, Ampop o.fl, o.fl. Þessir tónlistarmenn þykja hins vegar ekki þess virði að eytt sé í þá peningum úr opinberum sjóðum og hvað þá krakkar sem eru enn inni í bílskúrum út um allt land að spila tónlist sem þeim finnst skemmtileg. Þeir einu sem hafa sýnt þessu einhvern áhuga eru borgin (vona bara að borgarstjórinn haldi áfram að reyta arfa í blómabeðum í Breiðholti og fari ekki að skipta sér af því, það samrýmist víst ekki frjálshyggjunni að leggja peninga í listir), Flugleiðir og Landsbankinn. Það vantar hins vegar ekki íþróttamannvirkin og það er varla til það auma krummaskuð þar sem ekki er íþróttahús í ólympíustærð og upphitaður fótboltavöllur. Það er verið að senda fólk til útlanda á allskonar mót þar sem árangurinn er venjulega lítið skárri en enginn. Hvar er t.d fótboltalandsliðið statt á heimslistanum? Einhversstaðar á svipuðum slóðum og Bermúda og Togo. En ekki vantar að það sé dælt peningum í það. Svo er haldið heimsmeistaramót í handbolta sem er álíka mikil jaðaríþrótt á heimsmælikvarða og skíðafimleikar eða kassabílarallý en hér ætlar allt að fara á annan endann yfir þessu hnoði.
Íþróttabrölt er langt frá því að höfða til allra og því ekki að gefa hinum tækifæri til að gera það sem þau langar til og vera skapandi. Burt með íþróttabölið!!!

2007-01-16T23:09:00.000Z

Brönsklúbburinn ákvað um daginn að fara í útrás og stofna dótturfélagið Skruddurnar, bóka-og menningarklúbbur. Þar munu félagsmenn koma saman eins og eitt eða tvö kvöld í mánuði og ræða um bækur og önnur menningartengd efni af mikilli þekkingu enda hlutfall bókmenntafræðinga í félaginu langt yfir landsmeðaltali. Uppistaða hvers fundar mun vera einhver ein bók sem helst allir þurfa að hafa lesið fyrirfram en þó er bannað að stinga upp á bókum eftir Thor Vilhjálmsson eða sænskum málfræðibókum. Afskaplega áhugavert allt saman. Stofnfundur átti svo að vera á sunnudaginn síðasta en hvað haldiði...það sá sér enginn fært að mæta! Frekar slök byrjun. En við verðum bara að vona að fall sé fararheill.
Ég sé reyndar fyrir mér mjög blómlega útrás hjá Skruddunum, sem munu þá heita Skruddurna group, með aðalfundi í Róm og umtalaða árshátíð þar sem skemmtiatriðin verða af dýrari sortinni. Ekkert Duran Duran hallæris herðapúðapopp heldur Bon Jovi og Mötley Crue og gott ef ekki Poison líka. Skruddurnar hafa nefnilega mjög einfaldan smekk og velja aðeins það besta. Þar verður sungið hástöfum Girls, girls, girls og Wanted dead or alive (sem hét Wanted dead or in bed á sokkabandsárum hins merka BKBK en eftir að meðlimirnir komust á breytingaskeiðið heitir það frekar Not wanted at all because I will go to bed at 10) og enginn fær aðgang nema að vera í spandexi.

Það hefur verið frekar lítið um samkvæmi undanfarið ef frá er talið stórskemmtilegt innflutnings/Lúsíukvöld hjá Frú Líkjör (sem endaði þó á því skildist mér að bæði Frúin og Forski týndu kápum, handtöskum, sokkabuxum og pinnahælaskóm á mjög dularfullan hátt). Það hafa allir verið eitthvað svo voðalega uppteknir af því að hafa ekki tíma til að gera neitt skemmtilegt. Kanski fylgir þetta því að verða miðaldra að "having fun" þýðir barnaafmæli, video og popp á laugardagskvöldi eða ferð á McDonalds. Hvað verður það næst? Félagsvist og bútasaumur?
Monopoly var nefnilega að benda mér á þá merku staðreynd að hinn höfgi drykkur Pine Colada verður 50 ára á þessu ári og er full ástæða til að halda upp á þau tímamót. Það er haldið upp á ómerkilegri hluti en þetta. Mér dettur bara í hug bankinn sem all síðasta á hélt upp á það að þá var hann búinn að blóðsjúga okkur með okurvöxtum í 120 ár og eigandinn glotti bara og keypti sér fótboltalið (þ.e sá þeirra sem ekki keypti Búlgaríu). Þegar ég verð stjórnarformaður í Skruddunum group ætla ég að kaupa Justin Timberlake bara til að henda honum!
Já svo er ég líka að verða heimsfrægur ljósmyndari hvorki meira né minna og því til sönnunar getiði smellt á þennan link hér http://www.flickr.com/explore/interesting/2007/01/ og skoðað nánar myndina þann 11. jan. :D

2007-01-04T20:37:00.000Z

Maður er alltaf smá tíma að ná sér eftir jólafrí. Er bún að vera laus við vinnuna í nokkra daga og ekki þurft að gera neitt annað en að sofa og borða. Hmmm, hljómar svona eins og lýsing á viðburðaríku lífi ungabarns.
Ég er líka blessunarlega laus við að lenda í eftir-jóla geðveikinni sem einkennist af þremur aðal atriðum. Útsölum, loforðum um heilbrigðara líferni og himinháum kreditkortareikningum. Rétti upp hend sá sem á við eitthvað af þessu þrennu að stríða...ekki vissi ég að Forski væri með 3 hendur. But anyway, blöðin eru alla vega full af auglýsingum frá aðilum sem vilja endilega gera okkur allt þetta léttara. "Komdu þér í súperform fyrir hádegi á mánudaginn" og allir hlaupa upp til hanada og fóta og kaupa sér í leiðinni megrunareyrnalokka, svifþörungaseyði, brönugrasamjólk og svínaþarmasmyrl. Og ekki má gleyma öllum þeim sem ætla svoleiðis að hætta að reykja um áramótin...aftur. Það virðist vera hægt að fá nikótín allan fjandann. Nikótín plástur er orðinn so yesterday. Það er nikótín baðolía, nikótín skyr.is, nikótín tannkrem og hver veit hvað. Af hverju ekki að halda bara áfram að reykja? Það er miklu einfaldara.
Útsölurnar eru sér kapítuli út af fyrir sig og þar gilda lögmál frumskógarins. Þar tapa konur á öllum aldri (og karlmenn ef um er að ræða rafmagnstækjaútsölur) gjörsamlega glórunni og mögr þúsund ár af siðmenningu fjúka út í buskann og þær fara að haga sér eins og Homo kaupóðus sem var fjarskyldur ættingi Homo sapiens. Það er bitið og slegið, hvæst og urrað og þegar kaupæðið rennur á fólk er ekkert sem getur bjargað því og best fyrir aðra að halda sig víðs fjarri þar til viðkomandi hefur aftur fengið ráð og rænu sem gerist venjulega fyrir utan verslunarmiðstöðvar þar sem útsölubullan áttar sig á því að hún stendur með 18 innkaupapoka fulla af fötum sem hún á aldrei eftir að ganga í. Hver sem þjáist af þessu hegðunarbrengli kannast ekki við að hafa keypt 8 pör af svörtum netsokkabuxum eða aðsniðinn gulllitaðan jogginggalla bara af því það var svo ódýrt?
Þá kemur að þriðja atriðinu sem eru kreditkortin. Ekki nóg með að fólk eyði öllu sem það á og heilum helling sem það á eftir að vinna sér inn, fyrir jólin þá bætir það um betur á janúarútsölunum. Febrúar Visareikningurinn er oft svo langur að það þarf að gefa hann út í þrem bindum! En hefur þetta ekki alltaf reddast? Hvað eru nokkrar andvökunætur út af fjárhagsáhyggjum eða eitt magasár á milli vina? Og vinnan göfgar manninn segja þeir. Svo er líka góðæri og peningarnir hreinlega sogast að okkur. Svo er líka hreinlega óþarfa tímaeyðsla að vera að velta sér eitthvað upp úr þessu, það þarf að endurnýja bílinn sem var keyptur í ágúst og svo þarf að fara að plana Kanaríeyjaferðina um páskana.

2006-12-13T18:12:00.000Z

Það er bara allt búið að vera að gerast síðustu daga. Byrjaði á því að fara í jólahlaðborð með vinnunni á laugardagskvöldinu. Forðaði mér þaðan áður en vinnufélagarnir fóru að komast á trúnó. Var líka að drífa mig að komast á Lúsíukvöldið margumrædda hjá Frú Líkjör. Afskaplega vel heppnað og skemmtilegt samkvæmi í alla staði nema hvað að Lúsían mætti ekki. Come on, að taka að sér að vera Lúsía og beila svo á öllu saman! Og hver var svo afsökunin? Þurfti að vera heima og læra fyrir próf í vélritun! Þarna mætum við öll full eftirvæntingar og tilhlökkunar og svo er bara engin Lúsía. Forski m.a.s í korseletti keyptu í rándýrri undirfatabúð í ameríku. Þetta er eins og að setja ekki í skóinn hjá börnunum sínum eða stela ellilífeyrinum af gamalli konu. Við erum sem sagt mjööög svekkt! Zorglubb the womanizer var líklega þó sínu minnst svekktur
En Lúsíukvöldið var þó bara byrjunin. Ég var komin á fætur kl. 10 morguninn eftir (enda drakk ég enga görótta drykki né eyddi hálfri nóttinni í að troða mér úr einhverju korseletti) og brunaði til Þorlákshafnar ásamt nokkrum morgunhressum hjólamönnum. Ég er auðvitað svo mikil útivistarmanneskja, sjáiði til. Ég fór sem sagt til að taka myndir meðan þeir hjóluðu (enda nota ég hvert tækifæri til að snapa mér bílfar út fyrir bæinn í ljósmyndatúra þar sem tæknilega séð er ég ekki með bílpróf). Ég labbaði þarna einhverja kílómetra í kring um Þorlákshöfn og út í fjöru þar sem ég eitthvað að voða upptekin við að mynda og vissi ekki fyrr en ég stóð í sjó upp fyrir hné! Mér var frekar kalt á eftir og sem betur fer var ekki mjög langt í sjoppuna. En það var ekki allt. Svo bara koma þessar svaka þrumur og eldingar, rafmagnið fer af þorpinu og gömul kona í sjoppunni byrjar að jesúsa sig hægri vinstri. Segiði svo að maður lendi ekk í ævintýrum úti á landi?

Svo fór ég í bíó á mánudagskvöldið sem er nú heldur betur í frásögur færandi. Ætli það hafi ekki verið að sýna Gone with the wind síðast þegar ég fór í bíó.Ég fór sem sagt að sjá James Bond og þar sem bæði Forski og Frú Líkjör hafa talað mjög fjálglega um nýja Bondinn fór ég með opnum huga. OK, fyrir það fyrsta er þessi Bond eins og Bret Michaels án hárkollu og einhverjum árum eldri (sjá mynd af honum hér til hliðar back in the days), ekki mjög foxy. Svo var þessi mynd minnst þremur ástarsenum of löng auk þess sem allt of langur tími fór í að fylgjast með Bond ræflinum spila á spil og hlaupa á eftir bílum. Hann var á tímabili orðinn eins og íslenskur fjárhundur, hlaupandi á eftir öllum farartækjum. Ég beið bara eftir því að hann færi að gelta. Og hvar var allt hi-tec tótið sem Bond er alltaf með? Laserbyssa í úrinu, gleraugu sem skjóta eldflaugum, jakki sem breytist í fallhlíf? Þetta var sem sagt bara voðalega venjuleg amerísk hasarmynd.
Þetta er nú ekki allt sem ég hef áorkað á síðustu dögum, ó nei. Á mánudaginn fór ég sem sagt í IKEA, alla leið út í Middle of nowheretown. Fór náttúrulega bara öðrum aðila til samlætis og eftir að hafa skoðað 5 skrilljón fermetra af ljósum viðarhúsgögnum haldiði ekki að ég hafi gengið fram á Forska, Frú Líkjör og Tensai San með fangið fullt af þvottabrettum og skóhillum (allt úr ljósum ómeðhöndluðum við, auðvitað).

Nú eins og flestir vita er Monopoly að fara að skipta um vinnu, og eitthvað virðist vera orðið lítið að gera í gömlu vinnunni þar sem maður er farinn að fá tölvupóst með allskonar furðulegum atriðum sem Monopoly er að grafa upp á netinu. Síðast fékk ég t.d póst um verslun bænda með kýr. Þegar Monopoly er farin að sökkva sér niður í Bændablaðið þá þykir mér langt gengið. Hvað kemur næst? Snið af ullarnærbrókum úr Prjónablaðinu Ýr eða útlistingar á servíettubrotum úr Húsfreyjunni? Ættartala einhverra stóðhesta úr Eiðfaxa eða upplýsingar um fluguhnýtinganámskeið úr Veiðiblaðinu? Monopoly, legðu bara kapal eða eitthvað!!

2006-11-26T18:29:00.000Z

Smá slappleiki búinn að vera í gangi í blogginu undanfarið, ég er bara búin að vera svo gasalega upptekin við jólaundirbúninginn að ég hef hreinlega ekki mátt vera að þessu. Það þarf að skúra, skrúbba og bóna, baka 18 sortir af smákökum, föndra og kaupa jólagjafirnar. Það eru nú einu sinni 4 einstaklingar hérna í heimili og í nógu að snúast. Það er bara ábyrgðarlaust fólk eins og Forski sem getur leyft sér að flandrast eitthvað í útlöndum yfir há annatímann. Hún er sem sagt í New York eins og hefur væntanlega ekki farið fram hjá neinum, og ætlaði þar að gera allt. Og þá meina ég ALLT.
Ég hef nú komið til New York og þó það hafi verið bara alveg ágætt þá get ég ekki sagt með góðri samvisku að ég hafi heillast upp úr skónum og ætli að fara þangað á hverjuári hér eftir. Stærsti ókosturinn við New York er sá að þar er full af Ameríkönum. Þar eru heldur engin útikaffihús nema eitt og eitt á stangli í Greenwich Village, enda yrði maður líklega bara rændur eða skotinn eða hvort tveggja og ef ekki það þá dræpist maður úr koltvísýringsmengun eftir nokkur skipti. Starbucks er ekki kaffihús, það er take-away þar sem þú getur keypt allskonar bragðefnasull í pappaglösum og kleinuhring með sultu og rotvarnarefnum en þú getur ekki fengið bara venjulegt svart kaffi með kaffibragði og engu öðru.
Svo langar þig kanski til að fá þér að borða. Það er hægt að finna fína veitingastaði en það er bara fólk eins og Björgólfur Thor sem geta leyft sér að fara þangað oftar ein einu sinni. Fyrir hina þá er það McDonalds eða aðrir álíka geðslegir rottuborgarastaðir eða pizzastaðir sem eru enn ógirnilegri, believe me. Þar er hægt að kaupa sneiðar af pizzum sem eru á stærð við jeppadekk (það er ástæða fyrir því að ameríkanar eru í laginu eins og þeir eru), osturinn eins og bráðið kennaratyggjó og ofan á honum fljóta risa sneiðar af pepperoni í olíubrák.
En ég vona nú samt að Forski skemmti sér vel og láti kaupa eitthvað fallegt handa sér.

Það líður óðum að Lúsíudeginum, 9.des og er Frú Líkjör í óða önn að undirbúa teitið. Hún hefur komið upp bar þar sem boðið verður upp á hvannarrótarbrennivín, séniver og Camparí. Hún gerði svo heldur betur góð kaup um daginn þegar hún skipti á gömlu strauborði, fótanuddtæki og vasadiskói (sem hún er reyndar alveg ný hætt að nota) og 8 kössum af pólsku jólaöli. Vona bara að það komi ekki að söka að það var framleitt fyrir jólin 1987. Svo voru keypt 74 whiskyglös í IKEA (þetta á að vera ALVÖRU rokkælupartý) og parýhelt sófaborð sem þolir að alla vega þrír geti dansað upp á því í einu. Nágrönnunum hefur svo verið bent á að eyða helginni í sumarbústað einhversstaðar laaangt í burtu.
Og ekki nóg með að það sé teiti hjá Frú Líkjör á döfinni heldur fer að líða að fyrstu opinberu tónleikum línudanssasveitarinnar Zorglúbb and the Knickers, þar sem Zorglúbb hinn mikli mun þenja líru við mikinn fögnuð viðstaddra kvenna þannig að nærklæði munu fjúka og dömur falla í ómegin. Hér til hliðar má svo sjá hluta af aðdáendaklúbbi sveitarinnar í sínu fínasta pússi.

En það eru fleiri búnir að vera í útlöndum en Forski. Móðir Jörð, ásamt húsbóndanum á heimilinu gerði sér lítið fyrir og skellti sér til Englands sér til hressingar og skildi allan krakkaskarann eftir hjá aldraðri móður sinni sem ekki hefur farið fram úr rúminu síðan og kvartar undan síþreytu, andþrengslum, eyrnaverkjum og höfuðverk. En anyway, Móðir Jörð eins hagsýn og hún nú er, keypti allar jólagjafir fyrir næstu 6 árin auk allra afmælisgjafa, sængurgjafa og útskriftargjafa. Hún keypti föt á öll börnin sem eiga að duga þeim fram yfir fermingu, 8 umganga af sumargardínum í allt húsið, sjampó og baðsápu til ársins 2012, 463 pör af sokkum í blönduðum stærðum, tvö gashelluborð ef rafmagnið færi einhverntíma af á matmálstíma og einn vasaklút handa sjálfri sér. Það hvíslaði því að vísu að mér lítill fugl að nokkrar gamlar frænkur húsbóndans hafi farið með Móður Jörð í innkaupaleiðangur og fatað hana upp. Fanst hún ekki vera nógu dönnuð í klæðaburði, eitthvað svona mitt á milli Janis Joplin og Guðrúnar frá Lundi. Sem sagt ekki alveg að gera sig samkvæmt enskum standard. Móðir Jörð var því dressuð upp frá toppi til táar og er nú klædd eins og Margret Thatcher

2006-11-09T20:51:00.000Z

Haldiði ekki að við höfum eignast okkar eigin litla, sæta fasistaflokk?! Frjálslyndi flokkurinn (sem núna heitir Frjálslyndi Fasistaflokkurinn) hefur opinberað þá afstöðu sína að útlendingar séu skítapakk og á bara næsta ári eða þarnæsta verði Pólverjar og Tælendingar búnir að útrýma okkur innfæddum af vinnumarkaði og við öll orðnir atvinnulausir félagsmálarónar. Það er nú þegar (í skjóli nætur liggur við) búið að taka af okkur öll spennandi og vel launuðu byggingarvinnudjobbin og þú færð ekki vinnu við skurðgröft lengur nema að vera Pólverji eða Lithái. Áhugaverð störf eins og að flaka fisk, skúra gólf og skeina gömlu fólki að ógleymdu uppvaski á veitingahúsum er vonlaust að fá nema heita Hong eða Ming.
Við erum að verða annars flokks þegnar í eigin landi og ofan á allt þá eru útlendingar farnir að sölsa undir sig húsnæði í öllum bestu hverfum borgarinnar. Hið eftirsótta Fellahverfi er að verða útlendingum að bráð og sömu leiðis Hólarnir og Bakkarnir. Og ef okkur langar að kaupa iðnaðarhúsnæði uppi á Höfða (en eins og allir vita er það mjög eftirsótt erlendis að búa í uppgerðu iðnaðarhúsnæði) þá er það ekki hægt þar sem "þetta fólk" er búið að hrifsa það út úr höndunum á okkur líka.
Frjálslyndir hafa tekið af skarið og benda okkur á staðreyndir málsins í sinni nýjustu stefnuskrá sem ber heitið "Allt sem þú vildir vita um þetta útlendingapakk en varst of mikið chicken til að spyrja". Þeir hafa skoðað þessi mál ofan í kjölinn og komist að því að "þetta fólk" er rót alls vanda sem hrjáir íslenskt samfélag. Launamunur kynjanna er augljóslega því að kenna og sömu leiðis stendur það á bak við vaxandi ójöfnuð og stuðlar beinlínis að því að bilið milli ríkra og fátækra hér er að verða eins og í Bandaríkjunum. Það er útlendingum að kenna að hér eru okurvextir í bönkum og maður þurfi að borga 1000 kall fyrir eitt skitið þorskflak. Það er líka þeim að kenna hvað Stuðmenn eru leiðinlegir, hvað Árni Johnsen er mikið fífl og hvað íslenska landsliðið í fótbolta er ógeðslega lélegt.

Eins og góðum vinum sæmir þá reynir maður allt sem maður getur til að hjálpa vinum sínum ef þeir eiga í erfiðleikum. Nú virðist Monopoly orðin eitthvað þreytt á einlífinu og sendi um daginn út tilkynningu þess efnis að hún óskaði eftir að komast í kynni við mann sem kynni að elda mat, laga espresso, skúra og vaska upp. Þó menn gæddir þessum kostum séu ekki á hveru strái og flestir þar að auki samkynhneigðir þá hef ég verið að svipast um ef ég ræki augun í einhvern kandídat. Ég fór og skoðaði einkamál.is til að athuga hvort þar væri eitthvað boðlegt. Þar var t.d einn sem kvaðst vera "að leita að draumadrottningunni og vera mjög vandlátur". Pís of keik fyrir Monopoly. Annar segir: "Mig langar að kynnast Hressri og nettri stúlku til að spjalla við og gera ýmislegt annað með sem lífið bíður uppá. Er giftur en hef eingin leindarmál falin fyrir konunni sem mun einnig vilja kynnast þér svo við getum öll haft gaman samann.Ég er hress týpa og hef mikinn áhuga á mótorhjólum og græjum. Og gjarnan myndi ég vilja taka viðkomadi með mér á hjólarúnta í sumar ef áhugi er á því. Endilega sendið línu en áhugi er fyrir því að kynnast.:)" Woww. Born to be wild, baby. Sé Monopoly fyrir mér á Harley og búin að draga fram gömlu leðurbuxurnar! Þessi hafði einfaldan smekk: "villt kynlíf með konum frá 20-45 ára". Monopoly fór ekki mjög djúpt út í smáatriði í karlmannsleitartilkynningunni sinni, but you´ll never know. Svo er það jákvæða típan: "Sprækur sem lækur, alltaf í góðu skapi og sé bjartar hliðar á flestu í lífinu B". Gott og hressandi fyrir Monopoly að hafa einhvern með jákvæða strauma á heimilinu. Það má líka skoða óákvðnu típuna: "ég er að leita að öllu, einhverju og engu". OK, kanski ekki það mest spennandi en maður sem veit ekkert hvað hann vill gæti verið meðfærilegur. Svo kemur þessi sterkur inn: "Lífið er mitt helsta áhugamál. Og allt sem um það snýst. Er sagður mjúkur maður en ég segi ég þori að tala um lífið og tilfinningar mínar. Ber titil "Helgarpabbi" á einn 11 ára strák sem mitt líf snýst um. En margir láta blekkjast af útliti mínu Stimpla mig sem harðan töff gæja. Kannski ástæðan fyrir því ég er einn. Hverju ég leita að. Mínnum besta vini sem vill ferðast í gegnum lífið við hlið mér en ekki með mér". Mjúki maðurinn inn við beinið sem skilur hvað dudda þýðir, kann að hreinsa ælubletti úr fötum og þolir að hlusta á fæðingarsögur. Finnst jafn vel ekkert óeðlilegt að þurfa að vakna kl. 6:45 á sunnudagsmorgnum en getur jafn framt skipt um dekk, borað upp hillur og haldið á þvottavél upp á 4. hæð. Gengur í hlýrabol í norðan skafrenningi (nei, þetta er örugglega ekki Fjölnir Bragason, hann væri á Barnalandi), rakar sig með fjaðurhníf og notar sólgleraugu innandyra.
Nú þarf Monopoly bara að fara á stúfana og skoða. Segið svo að maður hjálpi ekki vinum í nauð!

2006-10-31T20:00:00.000Z

Ég vil byrja á að minna alla á Lúsíukvöldið sem Frú Líkjör ætlar að standa fyrir laugardaginn 9. des. Þið ómegðarfólk verðið að fara að panta barnapíur í tíma. Þetta er nefnilega eitthvað sem enginn má missa af. Gözli hefur tekið að sér að vera Lúsía þetta árið en erfitt verður að toppa frammistöðu Tensai San frá því síðast. Þetta verður líka fyrsta alvöru samkvæmið sem Frú Líkjör heldur síðan hún flutti frá Gjögurvík núna fyrir stuttu. Zorglúbb ætlar svo að halda uppi stuðinu með líruleik og aldrei að vita nema hann dragi fram langspilið líka.

Ég hef áður verið með svona nokkurs konar veitingahúsagagnrýni hérna og ætla að taka hér eina öldurhúsagagnrýni. Við Forski og Frú Líkjör rákum nefnilega aðeins út nefið á sunnudagskvöldið til að fá okkur einn gráan fyrir svefninn, enda er það talið alveg sérstaklega heilsubætandi. Stefnan var sett á Thorvaldsen en þegar til átti að taka var þar allt lokað og læst og einhverjar framkvæmdir í gangi innandyra svo við ákváðum að kíkja inn á staðinn við hliðina sem er nýbúið að opna, þar sem apótek hafði verið áður. Það var nú hvorki múgur né margmenni þar inni en samt (eftir 20 mín. bið) sá Forski sér ekki annað fært en að taka fram handtöskuna og hreinlega ógna einum þjóninum og hóta líkamlegu ofbeldi til að fá loksins afgreiðslu. Ég pantaði mér cappuchino sem var bara alveg ljómandi gott og Forski og Frúin fengu sér rauðvíns- og hvítvínsglös. Sko, vökvamagnið í þeim glösum hefði varla dugað til að bleita frímerki hvað þá meira. Miðað við verð og skammtastærð þá myndi flaskan kosta álíka mikið og helgarferð til Parísar. Varðandi innréttingarnar voru það tvö atriði sem hönnuðurinn klikkaði illilega á. Þetta er voða fallegt hús að innan og allt það en það bergmálar meira en í Látrabjargu um varptímann. Og svo tókst blessuðu fólkinu að gera ein grundvallar mistök varðandi hönnun veitingastaðar en það er að hafa óþægilega stóla. Eitthvað af sætunum eru bólstraðir bekkir sem er bara besta mál en svo er restin tréstólar. Come on! Hverjum dettur í hug að kaupa ömurlega tréstóla inn á fína artí fartí veitingastaðinn sinn!? Það hefði alveg eins verið hægt að koma með kirkjubekkina úr Strandakirkju, ég held þeir geti varla verið óþægilegri. Ég ætla nú samt að gefa þeim séns og fara þangað og smakka hjá þeim matinn. En á fjandans trékollunum sit ég ekki aftur.

Ég hef fylgst af miklum áhuga með þessu hlerunardrama sem búið er að vera í gangi undanfarið. Það virðast bara hreinlega allir hafa verið hleraðir! Ætli það sitji maður í rykfrakka og með dökk sólgleraugu í gömlum Skoda fyrir utan Vegamót þegar brönsklúbburinn hittist? Einhvernvegin virðist það vera á allra vitorði að mér finnast ameríkanar vera heimskir, sjálfumglaðir hrokagikkir og Davíð Oddsson haldinn ofsóknaræði og mikilmennskubrjálæði þó ég hafi ekki verið að hafa þessar skoðanir mikið í flimtingum. Rétt nefnt þetta í lokuðum hópi.
Það virðist líka vera eins og löggan hafi hreinlega ekkert haft annað að gera undanfarin ár en að hlera fólk hægri vinstri. Allt í einu er líka fleira fólk farið að vinna hjá einhverju embætti ríkislögreglustjóra en á Landspítalanum! Einhverju ómerkilegu embætti sem ætti ekki að fást við neitt merkilegra en að ákveða hvað væru margar strípur á einkennisbúningum og í hvaða litum þær ættu að vera. Eftir því sem ég hef lesið þá virðast engin takmörk fyrir því hverjir eru hleraðir. Einhver sóknarnefnd vestur á Nesi heldur því m.a.s fram að fundir hjá þeim hafi verið hleraðir! Hvað kemur næst? Að símar félaga í Þjóðdansafélaginu séu hleraðir, að njósnað sé um Kattavinafélagið eða Búnaðarsamband Eyjafjarðar? Að fylgst sé með öllum ferðum Skólakórs Kársnes og Kvæðamannafélagið Iðunn sé vaktað allan sólarhringinn?! Stazi lítur út eins og bridsklúbbur miðað við þetta. En það eru auðvitað bara innvígðir og innmúraðir sem hafa fengið að vita hvað var í gangi.
Svo kemur Björn Bjarnason og heimtar leyniþjónustu! Mér sýnist löggan bara hafa staðið sig ágætlega í njósnadjobbinu. En í alvöru talað, hverslags hálfvitagangur er þetta eiginlega að verða allt saman! Fyrst Birni tekst ekki að troða upp á okkur her (þetta "herlíki" sem rúntar um á jeppum í Afganistan og finnst þeir vera svalir gaurar með byssur og sólgleraugu telst varla með) þá á að rigga upp leyniþjónustu! Getur einhver sagt mér hver tilgangurinn er? Um hverja á að njósna sem löggan getur ekki njósnað um? Já og ekki nóg með það heldur vill hann vopna lögguna. Það er alltaf svo mikið af skotbardögum hérna, eða hvað? Og hvað gerir t.d Víkingasveitin annað en að ráðast inn í hús þar sem húsráðandi hefur sést veifa framhlaðinni kindabyssu í ölæði og er undantekninga lítið löngu sofnaður þegar hersveitin loksins ryðst til inngöngu grá fyrir járnum.
Er þetta það sem er mest aðkallandi að gera? Væri ekki nær að reyna að minnka launamun kynjanna eða jafna misskiptinguna sem er að myndast með ógnarhraða í þjoðfélaginu? Er það eðlilegt að skattbyrðin aukist stöðugt hjá þeim efnaminni meðan hún minnkar að sama skapi hjá þeim ríku? Ég hef ekkert á móti ríku fólki. Það má vera svo ríkt að það snýti sér 5.000 köllum og eigi bíl í stíl við skóna sína. En mér finnst að þetta fólk eigi þá alla vega að borga sama hlutfall af tekjunum sínum í ríkishítina og við hin smæligjarnir. En þetta erum við víst búin að kjósa yfir okkur undanfarin 12 ár. Ég vil bara benda fólki á að skoða greinarnar eftir Stefán Ólafsson sem eru að finna hér http://www.hi.is/~olafsson/

2006-10-23T19:59:00.000Z

Það er alveg óhætt að segja að samkvæmisgleðin hafi ráðið ríkjum síðustu tvær helgar. Fyrst skal telja dannaða konukvöldið sem Forski hefur aðeins minnst á, en þá helst í sambandi við að hún og Frú Líkjör fengu einhverja slæmsku daginn eftir. Alltaf þessar leiðinda flensur að ganga. Þetta var allt voðalega dannað þó annað mætti skilja á Forska...ég meina, rauðvín, ostar og súkkulaði og allt. Og hver segir að Manowar eigi engin hugljúf og angurvær lög?! "Die by the sword" er t.d ákaflega tragískt ástarlag og "March For Revenge (By The Soldiers Of Death)" er bara ákall um frið á jörð.
Þar sem að allt útlit var fyrir að konukvöldið yrði ansi fámennt (en þó einstaklega góðmennt) þá bættust í hópinn fjórir ungir menn sem sýndu á sér allar sínar feminískustu hliðar og hefðu verið vel viðræðuhæfir um barnauppeldi og bútasaum ef út í það hefði ferið. Zorglúbb mætti m.a.s með lírur tvær meðferðis og tók nokkra létta madrígala. Geri aðrir betur!

Annað samkvæmi helgarinnar var svo "formlega miðaldra" afmæli Monopoly sem var svo hrikalega dannað að þar var þjónn til að hella meira rauðvíni í glösin og sérinnflutt franskt gæsapaté var borið fram með sítrusgljáðum ætiþistlum og bananabrisi. Já takk fyrir, þetta var sko alvöru hanastél! Það var reyndar hvorki spilað Manowar né Motörhead undir borðhaldinu og fannst mér m.a.s full langt gengið í því hvað sumir tóku miðaldramennskuna alvarlega þegar það kom til mín maður og bað mig vinsamlegast að skipta um tónlist þar sem honum fannst það sem var í gangi vera full mikil læti...það var verið að spila Madonnu!
Monopoly endaði svo víst á einhverjum togarbar niðri í bæ og kom heim undir morgun með gúmmístígvél og munntóbaksdós undir hendinni. Veruleg samkvæmisónot gerðu svo vart við sig daginn eftir.
Talandi um sjóara þá ljóstraði Forski því upp að á sínum yngri árum hefði hún ætlað að fá sér tattoo á bakið, sem ekki væri í frásögur færandi nema hvað...að það átti að vera rauður fjórhjóladrifinn Massey Ferguson traktor með bónda í víkingabúningi við stýrið, með sviðakjamma í annari hendinni en mysuflösku í hinni. Tvær skjöldóttar kýr á beit í bakgrunni og íslenska hundinn geltandi á eftir. Hversu mikið þjóðarstolt er hægt að sýna? Maður hreinlega bara tárast og fer ósjálfrátt að raula "Skín við sólu Skagafjörður".

Hvernig er þetta, ætla svo ekki allir að hlaupa út í búð helst á morgun og kaupa hvalasnitsel, hvalahakkbollur eða þá hvala T-bone? Ég geri ráð fyrir að þau 60 eða 70% þjóðarinnar, sem samkvæmt lauslegum könnunum finnnst hvalveiðar í dag alveg bráðnauðsynlegar, verði sjálfu sér samkvæm og éti þennan lýsishaug. Ekki það að ég hafi eitthvað Keiko syndróm, mér gæti eiginlega ekki verið meira sama hverrar tegundar kjötið er sam maður borðar (nema að ég neita að borða kanínukjöt af tilfinningalegum ástæðum). Það er bara hvernig allt þetta hvalveiðibull er búið að þróast. Þetta snýst ekki nokkurn skapaðan hlut um það hvort einhver vill éta þessi hálf sjálfdauðu hræ sem verið er að drösla á land heldur er þetta farið að snúast eingöngu um þjóðarrembing og þvermóðsku Kristjáns Loftssonar (sem eflaust er þrjóskasti maður á Íslandi og þó víðar væri leitað).
Við ætlum sko ekki að láta neinn segja okkur fyrir verkum! Við skulum sko veiða þennan helvítis hval no matter what! Svo var bara allt í einu rokið upp til handa og fóta 17 árum seinna, haugryðgaðir forardallar sem hanga saman af gömlum vana og eru gufuknúnir (ég er ekki að grínast), dregnir á flot og karlskarfar sem unnu við þetta í upphafi síðustu aldar sóttir á Grund til að flá kvikindin.
Síðan mætir Kristján Loftsson ásamt heilum her af prófkjörskandídötum með sjávarútvegsráðherralufsuna í broddi fylkingar til að taka á móti gufukatlinum þegar hann skrönglast að landi. Þar er líka "kaupandinn" mættur sem Kristján kynnir sem japanskan stórkaupmann og lætur fylgja með í kynningunni að sá japanski hafi hreinlega sleikt út um þegar hann sá hræið dregið upp í hvalstöðinni.
Það er nú hægt að telja manni trú um ýmislegt en að einhver Japani (sem þekktir eru fyrir fágaðar matarvenjur og miklar kröfur um ferskleika enda ekki annað hægt þar sem þeir éta allt meira og minna hrátt og væru annars dauðir úr salmónellu eða kólígerlasýkingu) hafi sleikt út um að sjá grindhorað og ormétið hvalshræ sem með réttu ætti að fara beint í minkafóður, er too much.
Og hvað kostar svo þetta einkaævintýri Kristjáns Loftssonar okkur? Það kaupir þetta varla nokkur kjaftur fyrir það fyrsta auk þess sem það er búið að kosta litlar 200 milljónir að kynna það fyrir útlendingum (sem við erum samt að sýna að við ætlum sko ekki að láta þá segja okkur fyrir verkum...halló) að við ætlum að fara að veiða hvali aftur. Og það er bara byrjunin! Eyðileggja svo kanski í leiðinni ágætan túristabissnes sem er hvalaskoðun og fá einhverja öfga dýraverndunarsinna snaróða á eftir okkur í þokkabót. Hvort erum við fífl eða hálfvitar?!
Plottið er auðvitað það að draga athyglina frá hleranaskandalnum hjá Sjálfstæðisflokknum og leynilögguþráhyggjunni í Birni Bjarnasyni (sem ég á eftir að tala aðeins um seinna). Svo er ekki verra að Kristjá Loftsson á víst Granda (eða eitthvað álíka batterí) sem kemur sér vel í komandi kosningabaráttu þar sem alltaf vantar peniga í kosningasjóðina.

2006-10-09T22:11:00.000Z

Þar sem mér hefur verið hótað eylífum fæðingasögum ef ég færi ekki að hunskast til að blogga þá sér hver maður að ekki er stætt undir þvílíkum hótunum.
Anyway, ég er sem sagt búin að fara í mína árlegu reisu (eða kellingaferð eins og sumir kalla þetta) og í þetta skiptið var Búlgaría fyrir valinu. Ég hitti reyndar ekki Björgólf yngri, hann hefur sjálfsagt verið að kaupa Armeníu eða Svartfjallaland, en ég sá margt annað áhugavert. Ég fór t.d í klaustur uppi í sveit þar sem þeir örfáu munkar sem ég sá röltu bara um og drukku kaffi og möluðu í farsíam. Ekki það að ég hafi átt von á því að þeir væru að skrifa handrit með fjaðurpenna eða yrkja sonnettur en mér fannst þeir hefðu mátt vera kanski aðeins munkalegri.
Talandi um farsíma þá virðist það vera nýjasta trendið í Búlgaríu núna. Alla vega var álíka mikið af þannig búðum í Sofiu og pizzastöðum á Ítalíu. Það var líka ýmislegt fleira við Búlgarska verslunarhætti sem kom manni spánskt fyrir sjónir. T.d fannst mér þvottaefnis- og sápulögsbúðirnar (sjá mynd) frekar sérstakt fyrirbæri. Þarna lifði líka gamla góða kaupfélagsstemmingin góðu lífi þar sem að þú komst inn í pínulitla búð sem seldi allt frá hárspennum og geitaosti upp í þaksaum og svínaskanka. Og þú valsaðir ekki um og týndir sjálf ofan í körfu...ó,nei. Þú komst að afgreiðsluborði og taldir upp það sem þú ætlaðir að fá (eða bentir á það ef tungumálaerfiðleikar voru til staðar) og afgreiðsludaman náði í það upp í hillu og rétti þér. Afskaplega persónulegt allt saman. Lúgusjoppur voru líka mjög vinsælar og fólk var ekkert að setja það fyrir sig þó sjoppan væri staðsett í niðurgröfnum kjallara. Það var bara farið á fjóra fætur til að biðja um tóbakið eða kaffisopann.

Það er nokkuð ljóst að það er að styttast í kosningar og hin ráðandi öfl eru orðin eitthvað taugaveikluð yfir að geta kanski ekki gengið að því vísu að halda áfram að stjórna okkur næstu 4 árin. Allt í einu eru til nógir penigar til að gera Sundabrautir í allar áttir og á mörgum hæðum og mislæg gatnamót og jarðgöng í kaupbæti. Það á að reisa virkjanir í hverri sveit og álver í öllum sýslum þannig að búseta á landsbyggðinni mun verða sem himnaríki á jörð og sem hendi væri veifað mun landsbyggðarlýðurinn aka um á dýrum jeppum og eiga einbýlishús með tvöföldum bílskúr í stað þess að hengslast um með sultardropa á nefinu og tærnar út úr sokkunum. Halelúja! Svo til að toppa allt þá á að lækka vaskinn á matvörum og afnema tolla (sem tekur reyndar ekki gildi fyrr en viku fyrir kosningar og er til reynslu þar til viku eftir kosningar, en samt...).
Í öllum fagnaðarlátunum og fjölmiðlafárinu þá virðist fólk hafa gleymt því að lesa smá letrið í þessu kosningatrixi Sjálfstæðisflokksins. . Ég auðvitað læt ekki plata mig svona auðveldlega og setti upp stækkunarglerið. Þar kemur í ljós að orðið "matvara" er skilgreind sem "lífsnauðsynleg lágmarks næring miðað við þarfir ofurfyrirsætu". Það er sem sagt verið að lækka verð á Gvendarbrunnavatni, salatblöðum og agúrkum. Svo stendur líka í smá letrinu að ferskt loft verði undanþegið skattlagningu enn um sinn auk þess sem fyrirhuguðum skatti á hárvöxt og vindgang einstaklinga verður frestað að sinni.

Eins og fram hefur komið þá eru uppi háleitar hugmyndir hjá meðlimum brönsklúbbsins um að bregða undir sig betri fætinum næsta vor og skoða heiminn (skoða búðir í tilfelli sumra). Hefur það orðið að samkomulagi að skunda með sitt hafurtask til Rómar og upplifa ítalska menningu (eða aðallega búðir hjá sumum). Ég er alls ekki að halda því fram að ég sé eitthvað svartsýn þegar ég segi að oft er meira um orð en gjörðir, ég er þá frekar að tala um raunsæi í því tilfelli. Mín kenning er sú að smá saman fari fólk að draga í land með Ítalíu, það sé langt í burtu og kosti pening að komast og svo er nú ekki hægt að skilja börnin eftir í heila 4 daga, hvað ef þau fá heilahimnubólgu eða berkla? Þá verður stungið upp á helgarferð til Köben. En nei, það er nú allt svo dýrt í Danmörku og svo er allt fullt af morðóðum mótorhjólagengjum. Maður gæti hreinlega bara verið skotinn úti á götu og ekki viljum við eiga á hættu að aumingja börnin verði móðurlaus. En þá dagsferð til Færeyja? Nei, það er kanski ekki eins sniðugt og það hljómar. Færeyjar eru, eins og nafnð gefur til kynna eyja og úr alfaraleið. Hvað ef eitthvað kæmi upp á hjá börnunum? Skemmdar kjötbollur í skólamötuneytinu og enginn til að sitja hjá þeim meðan magakveisan gengur yfir.
Þetta endar því með strætóferð á Feita dverginn þar sem verður skvett í sig uppáhelltum Gulum Braga og maulaðar með kleinur frá Ömmubakstri.

2006-09-17T23:30:00.000Z

Jibbí!!!!!!!!! Þessi Rockstar Supernova óbjóður er loksins búinn! Nú getur fólk á kaffistofum landsins loksins farið að tala um eitthvað áhugavert eins og veðrið eða bensínhækkunina frá í gær og ég þarf ekki að mæta til Monopoly á miðvikudögum og horfa á öll ósköpin endursýnd 85 sinnum sama kvöldið. Og fólk var bara steinhissa og hneikslað að fjósamaðurinn að austan hafi ekki unnið! Hann sem var svo frábær og svo góður gæi. Hey, wake up! Það var löngu búið að ákveða hver ætti að vinna, mongólítarnir ykkar! Raunveruleikaþættir eru nefnilega alveg jafn raunverulegir og jólasveinninn og karlinn í tunglinu.
Og dettur einhverjum í hug að þessi hljómsveit komi til með að gera einhverjar rósir? Þetta fyrirbæri er álíka áhugavert og skorpið fransbrauð. Tommy Lee lítur m.a.s út eins og skorpið fransbrauð, það veit enginn hvað Jason er að gera þarna annað en að fá borgað fyrir það og Gilby er miðaldra kelling með hárkollu og ljósabekkjafar í andlitinu (myndin hér til hliðar var tekin af Gilby um daginn). það getur enginn þeirra samið þokkalegt lag sem heyrðist best á þessu frumsamda sorpi sem þeir voru að rembast við að hnoða saman. Kanski hefðu þeir átt að ráða Magna eftir allt saman. Þeir hefðu getað sett enska texta við Fiskurinn hennar Stínu og Vor í Vaglaskóg og slegið í gegn í Vegas.

Annars er ég alveg gjörsamlega miður mín núna eftir að hafa misst að skírnarveislu aldarinnar á Eyrarbakka núna á sunnudaginn þar sem Kokksi lét fullorðinn mann klæddan sængurveri og með hvítan bylgjupappa um hálsinn sulla vatni á frumburðinn að viðstöddu fjölmenni. Finnst virkilega engum neitt bogið við þetta? En anyways, ég var búin að hlakka þvílíkt til alla vikuna enda eru skírnarveislur þær skemmtilegustu samkomur sem ég mæti í ásmat barnaafmælum auðvitað. Ég var þarna í mínu fínasta pússi og hafði fengið far með Monopoly í gleðskapinn. Farðin sú varð bæði stutt og skemmtileg og endaði í Ártúnsbrekkunni þar sem Mini Monopoly byrjaði að kvarta undan magakveisu og var því snúið við í snarhasti. Ég missti því sem sagt af öllu kruðeríinu ásamt því að hitta öll skáldin og listamennina sem ég hafði frétt að ættu að vera á staðnum. Þarna átti að vera ljóðalestur og einsöngur, leikþættir og dansatriði auk þess sem Móðir Jörð ætlaði að lesa valda kafla úr BA ritgerðinni sinni. Jæja, ég verð þá bara að bíða eftir fermingunni. Darn...

Ég ætla að taka hérna smá veitingahúsa/kaffihúsagagnrýni þar sem ég stunda þannig staði all nokkuð. Ég fer reglulega á Thorvaldsen til að borða og tel ég þann stað bera höfuð og herðar yfir aðra sambærilega staði hvað varðar gæði eldamennskunnar og er samt ekki dýr. Maturinn er þó stundum framreiddur á svolítið artý fartý hátt, ég minnist þess t.d ekki að hafa annarsstaðar fengið saltfisk borinn fram í krukku með loki.
Um daginn var opnaður nýr svona staður (það sem kallað er Bistro) í Geysishúsinu og heitir því frumlega nafni Geysir bistro og ég ákvað að fara og prófa. Staðurinn er flottur að innan enda fallegt gamalt hús og stólarnir þægilegir (sem er grundvallaratriði sem allt of margir klikka á. Matseðillinn var þó ekki sá frumlegasti eða fjölbreyttasti sem ég hef séð og ákvað ég að fá mér kjúklingapasta. Sko, ef þú getur ekki eldað pasta þannig að það sé passlega soðið áttu að vera að gera eitthvað annað en að vinna við matreiðslu sem er nákvæmlega það sem ég legg til að kokkurinn á Geysi fari að gera. Það vantar alltaf fólk í bensínafgreiðslu eða póstútburð. Er virkilega erfitt að sjóða pasta þannig að það sé ekki ofsoðið, fjandinn hafi það!! Svo var þarna kona á óræðum aldri og með óræða fortíð sem þjónaði til borðs og hefur eflaust verið að vinna í Múlakaffi eða á Kaffivagninum síðustu 25 ár. Maður segir t.d ekki "eruði tilbúnir að panta, strákar mínir" við tvo miðaldra menn sem eru greinilega að koma þarna í fyrsta skiptið og það með rödd eins og Janis Joplin á þriðju whiskyflösku. Ég slafraði þó í mig þessu pasta enda orðin glorsoltin og ákvað að taka sénsinn á kaffinu sem ég hefði betur látið ógert þar sem það var Gevalia uppáhelling frá því kl. 10 um morguninn og búið að standa á kaffivælinni síðan. Sem sagt vel soðið. Það er ekki bara á Akureyri sem fólk kann ekki að elda mat. Það er örugglega fínt að fara þarna til að fá sér einn, tvo bjóra eða eina, tvær hvítvínsuppskerur ef Forski og Frú Líkjör eru annars vegar en maður ætti bara að fá sér brauð með osti heima hjá sér fyrst. Það er a.m.k erfitt að klúðra því.

2006-09-06T21:43:00.000Z

Þegar ég verð stór þá ætla ég að verða eins og Patti Smith!! Patti Smith er snillingur og tónleikarnir í Háskólabíói voru alveg total fuckin snilld! Nú þegar gjörsamlega allir eru að tapa glórunni yfir ömurlegri amerískri karókíkeppni þar sem hver hæfileikalausi wanna-be "rokkarinn" eftir annan reynir að gaula einhver Nirvana lög, og það helst nákvæmlega eins og Kurt Cobain gerði það, þá var hressandi að sjá ALVÖRU tónlistarmann flytja SÍNA EIGIN TÓNLIST og rokka feitar en þessir aulabárðar eiga nokkurntíma eftir að gera á sinni lífsleið og það með kassagítar!! Ó já, sextug gráhærð kona tók þetta lið og gjörsamlega pakkaði því saman!
Og ég er sko ekki búin að ræða um þetta Supernova crap! Þetta er svo gjörsamlega lýsandi fyrir íslenskan smáborgarahátt að bara af því að fjósamaður að austan álpaðist inn í arfalélegan amerískan "raunveruleikaþátt" þá er hann allt í einu orðin einhver hetja og er þarna til að sýna umheiminum hvað við íslendingar (sem samkvæmt netkosningakerfinu eru orðnir 4 milljónir og helmingurinn býr á Hawaii) erum frábær. Kellingar sem aldrei hafa heyrt í Billy Idol eða Who og hafa ekki hugmynd um hvaða menn þetta eru í þessu Supernova bandi eru farnar að rífa sig upp úr rúminu um miðjar nætur til að kjósa 1200 sinnum á netinu!! Er fólk ekki með fullum sönsum! ÞETTA ER DRASL!!!!!!!!!!!!!!
Ég veit allt um það þegar ég segi að þetta sé drasl þar sem ég var neydd til að horfa á heilan þátt af þessum óbjóði um daginn. Ég lét mig hafa það bara af því að Monopoly var búin að baka marenstertu. Þarna sátu svo 4 miðaldar kellingar og tístu eins og táningsstúlkur í hvert sinn sem Tí Lí stóð upp svo NÆSTUM skein í það allra heilagasta. Tensai San var að minnsta kosti afskaplega hrifin af buxunum sem hann var í...þetta voru sko flottar buxur!!

Já og ef Frú Líkjör les þetta þá þætti mér gaman af fá að vita hvort hún sé ekki að verða búin að mála svo hægt sé að halda innflutnings-rokkælupartý? Það mætti halda að hún væri líka að mála undir gólffjölunum.

2006-08-26T20:41:00.000Z

Jæja, ég verð víst að fara að gera eitthvað í þessu með bloggið. Monopoly var farin að kvarta sárlega yfir því að þurfa sífellt að horfa upp á þennan Akureyrska fjórfætta silung.
En anyway, það er svo sem nóg búið að vera að gerast í höfuðborginni undanfarið. Bæði menningarnótt og Gay pride. Ég var hér einhverntíma áður búin að spá því að allt færi til fjandans í menningarlífinu í borginni þegar Sjálfstæðisflokkurinn kæmist til valda og er ég ekki frá því að þess sé strax farið að gæta. Hvaða snillingi datt það t.d í hug að halda flugeldasýningu þegar það var ennþá bjart? Nei, það varð auðvitað að drífa þetta allt saman af svo aumingja úthverfa fjölskyldufólkið gæti forðað sér heim í einbýlishúsin sín áður en fullu unglingarnir færu á stjá. Svo var þessu skotið upp af einhverjum dalli úti í ballarhafi þannig að þetta litu út eins og stjörnuljós í fjarska. Það var nefnilega verið að passa upp á það að fólk þyrfti ekki að fara niður í bæ til að geta horft á blisin heldur ætti helst að geta séð allt saman af sólpallinum heima hjá sér. Ef mig misminnir ekki þá var tilgangurinn með þessari menningarnótt í upphafi að fá fólk í bæinn! Og svo toppaði löggan allt með því að stinga upp á því að þetta yrði á sunnudegi!!! Þá verður bara fyllirí í tvo daga, mongólítarnir ykkar! Ég spá því að á næsta ári verði menningarnótt á föstudaginn langa, þannig að það verði örugglega allt lokað og fólk haldi sig bara heima í sínum úthverfum og horfi á sjónvarpið. Þar væri t.d hægt að halda uppi stuðinu með að sýna valda þætti úr Maður er nefndur seríunni sem Hannes Hólmsteinn stýrði svo lista vel eða þá að sýna nokkrar bíómyndir eftir Hrafn Gunnlaugsson. Minnst vesen fyrir alla.
Þar sem að Gay pride er ekki beinlínis á vegum borgarinnar gæti verið eitthvað flóknara að koma böndum á þá sorasamkomu því eins og allir sannir íhaldsmenn vita þá er samkynhneigð sjúkdómur og óeðli og ekki við hæfi að svoleiðis fólk þrammi á korsiletti og pinnahælum um borg og bý. En það þarf leyfi fyrir fjöldasamkomum og þar liggja möguleikarnir. Það væri t.d hægt að færa leyfið fyrir Gay pride fram í janúar og sjá svo til hvað margir eru tilbúnir til að stripplast niður Laugaveginn í snjó og norðan 15 vindstigum.

Það er um fátt annað rætt á íslandi í dag en Magna og Rockstar. Í gær fékk ég senda 6 tölvupósta þar sem fólk var að hvetja mig til að greiða honum atkvæði í næstu umferð. Sko, hvers vegna í ósköpunum á ég að fara að vaka fram á nætur til að kjósa í einhverri ömurlegri amerískri karókíkeppni? Ég hef nákvæmlega engar tilfinningar gagnvart þessum Magna lúða og gæti ekki verið meira sama hvort hann syngur einu Pearl Jam laginu meira eða minna. Liðið sem er að syngja þarna eru upp til hópa hæfileikalausir athyglissjúklingar sem sést best á því að sveitaballasöngvari frá Íslandi er með því skásta sem er í boði. Og hvað með það þó Magni sé íslendingur? Hleip ég um í íslensku landsliðstreyjunni og mæti fyrst á völlinn í hvert skiptið sem fótboltalandsliðið (sem spilar leikkerfið 9-0-1) drullar á sig á móti Andorra eða Asjerbatsjan? Nei! Ef hlutirnir eru drasl er mér sama hvers lenskir þeir eru.

Hvernig er þetta með öll rokkælupartýin sem búið er að snuða mann um upp á síðkastið? Móðir Jörð gleymdi því alveg þegar hún átti stórafmæli hérna um árið auk þess sem það just slipped her mind að halda upp á það þegar hún útskrifaðist úr Hússtjórnarskólanum. Monopoly er að reyna að humma sína afmælisveislu fram af sér. Var eitthvað að stinga upp á að hafa hana 31. september en ég sá auðvitað í gegn um plottið. Það eru bara 30 dagar í september!!! Og hvernig er svo með innflutningspartýið á Bárugötuna? Ætlar Frú Líkjör að bíða með það þangað til hín er búin að mála háaloftið?

2006-08-09T21:23:00.000Z

Þá er þessi verslunarmannahelgi liðin og það alveg stórslysalaust. Eins og áður hefur komið fram var ég á Akureyri um þessa helgi í ágætis yfirlæti og ekki svo slæmu veðri. Ég þurfti alla vega ekki að gista í einhverju illa lyktandi íþróttahúsi.
En ég vil nú samt koma hér einu atriði að varðandi Akureyri, að þó að Akureyringum sé eflaust eitthvað til lista lagt þá er matreiðsla ekki eitt af því. Byrjum á ísnum (jú víst er ís matur). Hver sá sem svo mikið sem hugsar um það að fara einhverntíma á lífsleiðinni til Akureyrar fær að heyra langa lofrullu frá heimamönnum um það hvað Brynju ísinn sé nú frábær. Ég komst að því í fyrra að hann er óætt sull búið til úr frosinni undanrennu. En þar sem að ég er jú mjög opin fyrir öllum nýjungum og til í að gefa öllu séns þá ákvað ég samt að prófa aftur. Kanski var aðal ísgerðarmaðurinn bara þunnur í fyrra og klúðraði blöndunni. En nei, nei. Þetta var alveg sama hundvonda jukkið. Ég hef því ákveðið að halda mig við Kjörís framvegis.
Þar sem ég er komin yfir það tímabil að gara mér að góðu kaldar pylsur og brunna hamborgara þegar ég er á ferðalagi þá hef ég fengið mér að borða á nokkrum svona bistro stöðum á Akureyri. Byrjum á hinum landsfræga Bauta sem Akureyringar virðast vera álíka stoltir af og af Brynju. Þar er sem sagt hægt að fá nánast allt með bernessósu og frönskum kartöflum. Líka djæupsteikta fiskinn í raspinu sem enn er eini fiskurinn sem hægt er að fá þar. Ekki svo mjög nýmóðins samt sem áður. Næst var farið á Greifann þar sem að ég fékk ofeldað pasta með þurrum humarbitum og súkkulaðikakan var með glassúr. Come on!! Síðasta tilraunin til að fá þokkalega ætan mat án þess að þurfa að dressa sig upp í galadress og borga 8.000 kall fyrir aðalrétt var að fara á Strikið sem heimamenn mæltu mjög með. Þar var boðið upp á sömu bernesósusteikurnar svo ég ákvað að prófa pönnusteiktan silung. Þegar svo maturinn loksins kemur þrem korterum seinna (við vorum 6 saman en fjandinn hafi það, það voru flestir með pasta eða salat) þá er slengt fyrir framan mig einhverjum hlussustórum hamborgara stútfullum af vel sveittum beikonstrimlum og coctelsósu í dunk. 20 mín. seinna þegar svo rétti maturinn kemur þá er þetta bara smjörsteikt flak af silungi með einhverju afbrigði af kaldri bernessósu on the side. Rauðvínið var þó alla vega fínt enda framleitt á Ítalíu. Þjónninn klikkaði nú samt á þeirri grundvallar reglu að rauðvínsflöskuna á alltaf að opna fyir framan viðskiptavininn. Ég held ég haldi mig bara við Subway næst þegar ég fer til Akureyrar.

Það voru víst fleiri sem lögðu land undir fót um helgina. Forski og Kokksi skelltu sér á Njáluslóðir og komust að því að einn sögufrægasti staður íslandssögunnar er bara ósköp venjulegt tún uppi í sveit og það merkilegasta sem þar var að sjá voru beljur að bíta gras. Engar menjar um miklar orustur enda íslenskar stórorustur frekar einhverjir 10-15 pirraðir bændur og húskarlar með hor og skyrbjúg að lumbra á hvorir öðrum með handónýtum sverðum sem bitu ekki á blautan skýt og bognuðu ef lamið var of fast. Hvorki Bergþórshvoll né Hlíðarendi standa uppi í dag sem minnisvarðar um forna dýrð Sturlungaaldarinnar enda þessi stórbýli torf og grjóthrúgur og einstaka hola í jörðinni. Nei, hér standa engir kastalar eða hallir eða virki enda voru íslendingar fátækir og drykkfeldir bændalurar upp til hópa hálfdauðir úr hor og farsóttum.

Svo er það stórfrétt vikunnar. Maður kemur sem sagt heim úr fríinu og fer að kíkja í blöðin og svona og viti menn. haldiði ekki að það leynist þingmannsefni á meðal vor! Já takk fyrir, Tensai san er sem sagt komin hálfa leið á þing. Gott ef hún endar ekki sem tölvuleikjamálaráðherra einn daginn. Já það sem sagt borgar sig að mingla við fræga og ríka fólkið eins og Tensai San er búin að vera að gera undanfarið og fólk sem að er á jólakortalistanum hjá Dorrit er í góðum málum. Ég ætla alla vega að kjósa Tensai san!

2006-08-03T23:50:00.000Z

Q: Hvernig veit maður að það er komin verslunarmannahelgi?
A: Það er rok og rigning í Vestmannaeyjum

Þá er enn ein verslunarmannahelgin að ganga í garð og surprise, surprise...það er rok og rigning! En hvað gerir fólk ár eftir ár? Jú, það aulast til Vestmannaeyja sem er mesta rok og rigningarrassgat á norðurhveli jarðar (myndin er frá verslunarmannahelginni í fyrra). Þar híma draugfullir og ælandi unglingar í pissblautum svefnpokum vafin inn í restina af Rúmfatalagerstjaldinu og allt annað fokið til fjandans. Á þriðja degi monsúnvindanna er liðinu svo dröslað á vörubíl niður í bæ og holað niður í íþróttahúsinu (sem lyktar af samblandi af svitalykt og táfýlu í bland við þef af hálfmeltum pizzum og vodka í kók) þar til veðrinu slotar viku seinna. Ekki nóg með það að veðrið er alltaf ömurlegt heldur eru skemmtiatriðin það líka. Skítamórall eina ferðina enn og Stuðmenn 20. árið í röð að ógleymdu hæfileikalausasta tónlistarviðrini landsins, Árna Johnsen. Svo er ekkert ætt hægt að fá á þessu volaða skeri annað en óætar pizzur og kaldar pulsur í þurru brauði sem kosta þessa helgi álíka mikið og aðalréttur á Holtinu. Þeir sem eru svo "heppnir" að hafa aðgang að þessum hvítu tjöldum geta átt von á kræsingum á borð við reykta smáfugla, rollukjötssoð sem sumir kalla súpu og harðfisk sem er löngu orðinn gegnsósa af rigningu. Hápunkturinn á heimsókninni er svo þegar einhver hæfileikamaðurinn rífur fram kassagítarinn og allir taka saman "Stál og hnífur". Fyrir þetta borgar fólk svo álíka mikið og viku ferð til London kostar. Og svo kemur það fáránlegasta. Eftir að hafa svo loksins komist heim til sín nær dauða en lífi þá er fólk ákveðið í því að fara aftur því þetta var svo æðislegt! Hversu heimskur er hægt að vera?!
Ég hef bara einu sinni farið á útihátíð. Það var í Þjórsárdal hérna um árið. Sem betur fer var ekki nein rigning (eða alla vega man ég ekki eftir því) og þó að það hafi verið alveg ágætlega gaman þá hafði ég enga sérstaka löngun til að fara á útihátíð aftur. Að vera í tjaldi er líka algert hell. Það er alltaf of heitt eða of kalt, of óslétt, of blautt, of þröngt, of mikið drasl, of margt fólk...
Ég ætla sem sagt ekki á útihátíð í ár. Ég ætla hins vegar til Akureyrar að fylgjast með fólki á mótorhjólum krassa og fljúga á hausinn og ná helst mynd af öllu saman. Og ég ætla að gista á notarlegu gistiheimili þar sem er rúm til að sofa í.

Ég kíkti í heimsókn til Frú Líkjör um daginn og skoðaði nýja slotið hennar í hundrað-og-einum. Þar stóðu reyndar yfir þrif og málun svo lítil mynd var komin á híbýlin en þetta á eftir að verða hið allra huggulegasta slot, því get ég lofað. Og ekki skemmir fyrir gardenpartý aðstaðan. Það eina sem hægt var að setja út á var að húsið var byggt áður en rafmagnið var fundið upp svo það eru kerti í ljósakrónunum og eldavélin gengur fyrir kolum en Frúin lét það ekki aftra sér að eignast draumaíbúðina. Þar sem að Frúin var ekki flutt inn með allt sitt hafurtask, heldur aðeins það allra nauðsynlegasta eins og hvítvínsflösku og tappatogara, þá þurftur gesti að skiptast á að sitja á eina stólnum á heimilinu og bakkelsið með kaffinu var skorið með kíttispaða. Ég hlakka bara til næstu heimsóknar þegar Frúin og heimasætan (sem by the way fékk ekki að mála herbergið sitt svart með rauðum hauskúpum og leðirblökuvængjum af einskærri illhvittni í aldraðri móður sinni) hafa komið sér fyrir.

2006-07-23T19:29:00.000Z

Það hefur ýmislegt á daga mína drifið frá því síðast, það merkasta er auðvitað að einn af föngulegri karlpeningu heims er nú laus og liðugur. Nei Forski, ég er ekki að tala um Klístrómedis eða Sófóklepís eða einhverja aðra Grikki á náttsloppum heldur sjálfan Dave Navarro. Monopoly var reyndar fljót að átta sig á þeirri "einstöku tilviljun" að Frú Líklör sagði skilið við sinn ektamaka til 40 ára og 12 börnum seinna nákvæmlega um það leiti sem fréttist að Dave væri aftur avalible!
Annað markvert er að ferðaklúbbur Forska og Grumpu lagði aftur land undir fót eftir vel heppnaða ferð á Þingvelli um daginn og skellti sér á Gullfoss og Geysi með öllum hinum túristunum. Því miður er samt útlit fyrir að ferðum fari eitthvað fækkandi á næstunni þar sem Forski situr nú sveitt og grúskar í bókum og skrifar BA ritgerð svona þegar allt heilvita fólk situr úti í sólbaði og borðar ís.
Brönsklúbburinn lagði líka land undir fót og gerði góða ferð á Selfoss þar sem ostakökurnar runnu ljúft niður. Sá merki atburður átti sér þar líka stað að allir meðlimur mættu auk þess sem Móðir Jörð kom sem sérstakur gestur alla leið frá Eyarbakka hefur annað eins ferðalag varla verið lagt á eina manneskju síðan landpóstarnir voru og hétu. En hvað gerir fólk ekki til að hitta vini sína? Kokksi kom svo með afkvæmið til að sýna það gestum og gangandi og var það mál manna að þar færi einstaklega fallegt barn og það besta var að það svaf allan tímann.
Það er samt eitt sem ég skil ekki alveg í samskiptum fólks við lítil börn. Af hverju þarf fólk að tala einhverja fíflalega "smábarnamállísku" þegar það talar við litla krakka? Skilja börn eitthvað frekar mu mu en orðið belja eða voffi frekar en hundur ef þeim er bara kennt það strax í upphafi að þessi gjammandi háruga skepna heiti hundur, punktur? Til hvers að vera að flækja hlutina með einhverjum afbökuðum orðskriflum? Og það sem fer mest í taugarnar á mér er dudda! Hver fjandinn er eiginlega dudda?! Gúmmítúttan sem troðið er upp í börn til að þau þegi heitir snuð og hefur alltaf gert, for crying out loud! Hvernig ætti setningin "hættu þessu voli eða þú færð snuðið þitt aldrei aftur" að vera óskiljanlegri tveggja ára barni en "hættu þessu voli eða þú færð dudduna þína aldrei aftur" nema hvað að einhverju orðskrifli sem ekki er til í íslensku máli er troðið þarna inn. Hver fann eiginlega upp á þessu?

Nú er um fátt annað rætt á kaffistofum landsins en Rockstar:Supernova og "okkar maður" hann Magni sem er að verða heimsfrægur karókísöngvari. Fólki sem tekst að búa til vinsælt sjónvarpsefnu úr því að draga fram þrjá afdankaða has beens, komna vitlausu megin við 40 árin og annað hvort of krumpaða eða grunsamlega lítið krumpaða í framan er virðingarvert út af fyrir sig svona markaðslega séð. Þar sem ég hef ekki séð nema um það bil 1/4 úr þætti af þessu ætla ég ekki að fara að dæma þetta neitt. Hins vegar vil ég koma með tillögu að íslensku útgáfunni sem Skjár 1 á alveg örugglega eftir að sjóða saman. Þessir þrír has beens verða sem sagt Gulli Falk, Siggi Reynis og Björn Blöndal. Þeir sem keppa um að verða söngvarar í þessari megagrúppu sem mun heita Terranova (alltaf svo frumlegir þarna á Skjá 1) verða t.d Jónsi í Svörtum fötum, Hreimur í Landi og sonum, Kalli Bjarni, Birgitta Haukdal, Ásgeir Kolbeins, Sveppi og fleiri "sannir rokkarar". Lögin sem keppendur verða látnir syngja verða heldur ekki af lakara taginu. Það verður t.d Rbbabara Rúna, Tvö hjól undir bílnum, Obla dí obla da, Wild boys og fyrir þá allra hörðustu I love rock´n ´roll.

Að lokum vil ég svo óska Monopoly til hamingju með .........(veljið tölu sjálf) ára afmælið!!!!!!!!!!!!
Já og eitt enn, ég komst að því að orðið TÖLVULEIKUR er töfraorð sem þarf að nota til að vekja Tensai San af cyberdvala. Svo hér er það: TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR, TÖLVULEIKUR....................

2006-07-04T23:02:00.000Z

Til að upplýsa þær örfáu sálir sem ekki fylgjast með HM í fótbolta um gang mála þá voru Ítalir rétt í þessu að slá súrkálsæturnar með sítt að aftan (Þjóðverja) út úr keppninni!!!!!!
Þó svo að Nesta sé fjarri góðu gamni þá voru þarna margir aðrir í liðinu sem tóku sig einstaklega vel út á vellinum og þá enginn betur en Cannavaro (sjá mynd). Ítalir komu sérstaklega vel greiddir og snyrtilegir til fara til leiks og auk þess í lang flottustu búningunum í keppninni þannig að Harald Brautwursten og félagar í Þýska liðinu áttu aldrei möguleika. Já og by the way þá skoruðu Ítalir 2 mörk í leiknum.
Talandi um íþróttir, þá hef ég ekki lagt það í vana minn undanfarið að nenna að lesa íþróttasíðurnar í blöðunum en hef öðru hvoru verið að glugga í þær síðustu daga til að fylgjast aðeins með HM. Það væri hreinlega ekki í frásögur færandi nema hvað...að ég er komin á þá skoðun að íþróttafréttaritarar Fréttablaðsins séu upp til hópa málhaltir unglingar. Þar hefur verið að finna hverja amböguna og málvilluna eftir aðra...ja nema bara Bibba á Brávallagötunni sé komin í íþróttirnar! Það gekk nú alveg fram yfir alla þjófabálka vitleysan í blaðinu um daginn þar sem fjallað var um fyrrum fótboltahetju sem hafði hoppað út um glugga á 5. hæð. Mann greyið hefur greinilega átt eitthvað erfitt undanfarið, konan kanski farin frá honum með golfsettið og veiðistöngina en skilið organdi krakkana og sígjammandi hundinn eftir. Hann hefur því séð sitt óvænna og á dramatískan hátt hent sér út um glugga frekar en t.d að skjóta sig í hausinn (eða láta einhvern annan skjóta sig í hausinn að amerískum sið). Fyrr á öldum hefðu menn m.a.s stungið sig í hjartastað með gylltum rýting og sungið harmþrungna aríu í 8 versum á meðan þeim blæddi út...but anyway. Maðurinn sem sagt hoppar þarna út um glugga rétt si svona en það vill svo illa til að hann deyr ekki eins og hann hefur væntanlega reiknað fastlega með heldur liggur nú stórslasaður á spítala. Frá þessu gluggastökki segir þessi ungi íþróttafréttamaður og ætlar um leið að slá um sig með góðu orðatiltæki og segir orðrétt "að maðurinn liggi stórslasaður milli steins og sleggju á sjúkrahúsi"!!

Nú er ég búin með íþróttapistil dagsins og þá er komið að pólitíkinni. Nánar til tekið leyniþjónustunni hans Björns Bjarnasonar. maðurinn ætlar hreinlega ekki að gefast up! Fyrst hann fékk ekki her þá vill hann núna leyniþjónustu. Spurningin er þessi, hvað á þessi leyniþjónusta eiginlega að gera?! Hvað gerir t.d víkingasveitin annað en að handtaka fulla kalla í Fellahverfinusem með óhlaðnar refabyssur (og eru auk þess í flestum tilvikum steinsofnaðir þegar víkingasveitamatsjóarnir eru búnir að fara í gegn um Die hard rútínuna sína).
Það á kanski að fara að njósna um Íslensku Mafíuna (skammstafað ÍM) sem stundar stórfellt landabrugg í húsnæði fyrir ofan sjoppu í Hafnarfirði. það hafa m.a.s náðst af því myndir. Svo er fullt af einhverjum leikfimibullum út um allan bæ, sjáiði t.d Kramhúsið. Þar eru líka útlendingar! Vissara að vera vel á verði gagnvart svoleiðis fólki. Talandi um útlendinga, veit einhver hvað fer fram bak við tjöldin í Alþjóðahúsinu, ha?!
Svo eru alls konar leynifélög með skuggalegan tilgang starfandi út um allt. Vinstri grænir, Ísland-Palestína, Mannréttindaskrifstofan, virkjanaandstæðingar, hvalavinafélagið, Ásatrúarsamtökin, blóðbankinn, FÍB, mígrenisamtökin, ræktunarsamband Flóa og Skeiða, vísnavinir...og svona mætti lengi telja. Hver veit eiginlega fyrir víst hvað öll þessi "sakleysislegu" félagasamtök standa í raun og veru fyrir! Glanni glæpur er líka örugglega stór varasamur, ég meina...maður með svona nafn! Og svo er íþróttaálfurinn hálf dularfullur karakter ef út í það er farið. Fullorðinn maður sem klæðir sig upp í þröngan spandexgalla og hoppar um allt eins og fífl, hvað er hann að fela?

2006-06-25T12:35:00.000Z

Ég lagði heldur betur land undir fót í gær þar sem ég plataði Forska til að skreppa í laugardagsbíltúr alla leiðina til Þingvalla. Ég verð nú að viðurkenna að ég hafði aldrei komið til Þingvalla áður. Var sem sagt ekki með í neinum af þessum "menningarferðum" sem voru farnar þangað back in the days. Forgangsatriðin voru þó á hreinu í þessari ferð því fyrsti viðkomustaður var Hótel Valhöll þar sem við fengum okkur kaffi og ostaköku. Það er ekki hægt að ætlast til að maður sé sársvangur og illa haldinn af ostakökuskorti að príla upp brekkur úti í sveit. Afskaplega ánægjuleg ferð í alla staði. Mér fannst þó Forski vera farin að haga sér eitthvað undarlega á tímabiuli þar sem við máttum ekki labba fram hjá miðlungs stóru túni án þess að hún fylltist einhverju víðáttubrjálæði og hlypi um það endilangt gólandi og veifandi höndum í allar áttir. Einhver sá undarlegasti fetis sem ég hef heyrt um!
Og hvernig fannst mér svo Þingvellir? Jú jú, þetta vara bara alveg ljómandi fínt. Nú á ég bara eftir að fara á Gullfoss og Geysi og skoða trailer parkið á Laugarvatni. Við Forski höfum svo líka ákveðið að gerast menningarlegar og fara á Njáluslóðir einhvern góðviðrisdaginn. Menningarferð þýðir núna vel undirbúið ferðalag með gönguskó og örnefnakort en ekki skyndiákvörðun á laugardagsmorgni með whiskyflösku og gettóblaster. Hmmm...hitt hljómar nú bara ekki svo illa eftir á að hyggja!!

Nú er HM í fótbolta á fullu eins og hefur sjálfsagt farið fram hjá fæstum. Ég er búin að fara að sjá 2 leiki á pöbb niðri í bæ og ætla að kíkja á einn eða tvo leiki í dag. Á eftir eru nefnilega hollendingar að spila við portúgala og svo á morgun eru ítalir að spila við einhverja. Ég læt mig hafa það þó ítalir spili hundleiðinlegan fótbolta og hafi alltaf gert svo framarlega sem þeir eru sýndir í nærmynd. Það var því mikið áfall þegar ég sá það í Fréttablaðinu í morgun að Nesta verður ekki með í leiknum en við það lækkar fegurðarstuðullinn þónokkuð. Ég hef hvorki horft á leiki með englandi né þýskalandi og versta martröðin væri sú að þessi tvö lið spiluðu til úrslita. Það yrði verst útlítandi úrslitaleikur frá upphafi. Sjáiði (eða helst ekki) t.d Wayne Rooney! Hann lítur út eins og Denni dæmalausi á sterum! Það hlítur að vera deginum ljósara hvað lið maður velur til að horfa á.

Ákveðnir meðlimir brönsklúbbsins stungu upp á því á síðasta brönsfundi að flytja fundarstaðinn frá Kaffi París og eitthvað annað þar sem Tensai san líkaði ekki matreiðslan á téðu kaffihúsi. Eggin voru víst ekki rétt hrærð og brauðið of mikið ristað öðru megin, svo var baconið of hart og djúsinn of blautur. Tensai san er nefnilega kona sem veit hvað hún vill. Aðrir klúbbmeðlimir voru auðvitað jákvæðir á að gera breytingar og stungið var upp á um það bil öllum veitingastöðum í Reykjavík að Péturspöbb uppi á Höfða undanskildum, en einhver fann eitthvað að þeim öllum. Einum fannst of mikið reykt á Brennslunni, Thorvaldsen var of artý fartý, kaffið var vont á Oliver, það var of mikið af organdi smábörnum á Te og kaffi, stólarnir voru óþægilegir á Súfistanum, það var djammlykt á Vegamótum, þjónustan var ömurleg á Sólon o.s.frv, o.s.frv. Niðurstaðan varð sem sagt að vera áfram á Kaffi parís enn um sinn. Tensai san verður því bara að koma með nesti.

2006-06-13T22:05:00.000Z

Ég vil byrja á að óska Kokksa til hamingju með afkvæmið!!! En þar sem Kokksi gerir enga hluti eins og flestir aðrir þá gekk þetta víst ekki alveg samkvæmt planinu. Eftir að hafa gengið með í tæpt ár var Kokksi hætt að geta gengið inn um einbreiðar dyr og þurfti að fara á milli staða í jarðýtu og ekkert bólaði á barninu ákváðu læknarnir að grípa til sinna ráða og ná í krakkan með valdi sem var og gert síðustu nótt. Prinsinn var sem sagt tekinn með keisaraskurði og heilsast víst báðum bísna vel eftir allt saman. Ekki veit ég alveg af hverju þetta heitir keisaraskurður né hvernig hann er framkvæmdur og hef ekki hugsað mér að komast að því. Ég sá einu sinni mynd af fæðingu í sjónvarpinu sem mér fannst álíka yndislegt og að horfa á opið beinbrot eða heilaskurðaðgerð á miðöldum. En það er misjafnt hvað fólki finnst fagurt. Sumir halda t.d ekki vatni af hrifningu yfir Barry Manilow.

Það er allt að gerast í pólitíkinni þessa dagana. Halldór Ásgrímsson viðurkenndi loksins að þessi volaði flokkur sem hann stýrir hafi fyrir löngu drullað upp á bak og ákvað að yfirgefa skútuna meðan hún þó maraði enn í hálfu kafi. Fyrir algera tilviljun á svo væntanlega eftir að losna seðlabankastjóra staða eða feitt sendiherradjobb. Hann klikkaði bara á einu. það eru ekkert nema hálfvitar í þessum flokki svo það að finna formann í staðinn var ekki eins auðvelt og að segja það. Halldór hafði ákveðið að Guðni hætti líka til að hann fengi ekki djobbið þó hann væri varaformaður og því fremstur í röðinni. Guðni sagðist bara ekkert ætla að hætta. Þá voru í örvæntingu dregnir fram allskonar grasasnar sem líklegir kandídatar og hætti maður alveg að fylgjast með á tímabili hver var næstur. Til að leysa þennan vanda ætla ég að stinga upp á því að Guðlaugur Laufdal trúbadorinn geðþekki á Omega verði formaður. Flokkurinn þarf mann sem hefur bjargfasta trú á verkefninu og ekki verra að hann geti gripið í gítarinn við hin ýmsu tækifæri. Framsóknarflokkinn hefur alltaf vantað sinn eigin Árna Johnsen. Varaformaður yrði svo Reynir Pétur göngugarpurinn glaðbeitti á Sólheimum. Maður sem talar beint frá hjartanu og hefur útgeislun og ekki verra að hann geti gengið hringinn í kring um landið og hitt kjósendur. Ég meina, hvað annað er hægt að nota 8 mánaða sumarfrí í?

Það rekur hver stórundarlegi atburðurinn annan þessa dagana. Ég sagði frá því um daginn að ég hefði rekist á BB á förnum vegi sem út af fyrir sig er álíka algengt og sumar á Íslandi (frétti af því að núna væri hann ofan á allt annað farinn að lesa veðurfréttirnar á NFS...eða var það að sjá um Brúðkaupsþáttinn Já...?). Sá fáheyrði atburður gerðist nefnilega í síðustu viku að Móðir Jörð dúkkaði óvænt upp rétt si svona í bænum. Og engin börn með!!! Ég komst reyndar að því að þessi óvænta en engu að síður ánægjulega heimsókn átti sér sínar skýringar sem voru ekki þær að Móðir Jörð ákvað það einn eftirmiðdaginn að kíkja í kaffi og spjall í rólegheitum til vina sinna. Úr sveitinni var það helst að frétta að spretta er í meðallagi, ær flestar tvílembdar og kvenfélagið verður með kökubasar og hlutaveltu á 17. júní þar sem séra Ingjaldur á Saurum mun flytja hátíðarræðu.

2006-05-30T22:19:00.000Z

Einhvernvegin kom það mér ekkert ofboðslega á óvart hvernig þetta endaði allt saman í Reykjavík eftir kosningarnar. Framsóknarflokkurinn er eins og allir ættu að vera farnir að vita mesta hóra íslandssögunnar og væri það mikil landhreinsun að losna við það snýkjudýr af yfirborði jarðar. Þar sem herferðin Eiturlyfjalaust Ísland árið 2000-og-eitthvað virðist gjörsamlega dæmd til að misheppnast þá vil ég leggja til nýja herferð sem yrði Framsóknarlaust Ísland árið 2010.
Ég hef stundum verið að velta því fyrir mér nákvæmlega hvaða fólk það sé sem kýs Framsóknarflokkinn af fúsum og frjálsum vilja? Ef það er restin af gamla liðinu sem ekki kýs íhaldið af því að Ólafur Thors var svo góður maður, þá vorkenni ég því hreinlega ekki neitt að búa 12 saman í 15 fermetra herbergi og borða gamalt rúgbrauð og súrt skyr í hvert mál. Við værum nefnilega öll að borða gamalt rúgbrauð og súrt skyr í hvert mál og byggjum í óeinangruðum timburhjöllum uppi í afdölum með sultardropana á nefinu ef þessi flokkur hefði fengið að stjórna eftir sínu höfði. Reyndar skildist mér að örvisa gamalmennum hefði verið rúllað í löngum bunum í hjólastólunum til að setja x við bé og gott ef ekki líkhúsin voru tæmd líka. Það sést víst líka voða lítill munur á "vistmönnum" þar og forystumönnum flokksins.
En þetta er víst það sem Reykvíkingar vilja, annar Kópavogur. Fullt af nýjum húsum en ekki nokkra hræðu að sjá enda ekkert gert fyrir fólkið sem býr í öllum þessum húsum nema þá að búa til fleiri moll og stærri bílastæði. Nákvæmlega jafn aðlaðandi og amerískt úthverfi. Það kom í póstinum í dag bæklingur þar sem verið er að kynna Lista- og menningarhátíð í Hafnarfirði sem á að standa yfir í 10 daga. Ég er að reyna að láta mér detta eitthvað í hug sem hefur verið gert í Kópavogi íbúunum til upplyftingar síðustu 18 árin eða svo en hreinlega dettur ekki neitt í hug nema að það hafa verið byggð alvega rosalega mörg hús.
Við skulum bara rifja upp hvernig Reykjavík var fyrir ekki svo rosalega mörgum árum síðan. Engin Menningarnótt, ekkert Gay Pride, engin Vetrarhátíð, ekkert Iceland Airwaves, næstum engin kaffihús, bannað að vera með borð og stóla úti á gangstétt, allir skemmtistaðir loka kl. 3, ekki hræða á ferli í miðbænum eftir kl. 6 á virkum dögum, ekkert Hitt hús fyrir krakkana, engin Unglistahátíð, engin Hátíð hafsins o.fl, o.fl. En Reykvíkingar (en þó ekki meirihluti þeirra sem greiddu atkvæði hversu furðulega sem það hljómar) hafa valið það að kjósa gömlu herrana yfir sig aftur og við þá segji ég bara verði ykkur að góðu.

En maður á ekki að láta pólitíkina fara of mikið í taugarnar á sér heldur reyna að gera eitthvað skemmtilegt. Ég t.d eyddi helginni í sveitasælunnu á Kirkjubælarklaustri og fylgdist með 400 mótorhjólum djöflast upp og niður brekkur. Fór m.a.s á pöbbinn á staðnum á laugardagskvöldinu og komst að því að fullt fólk er alveg jafn leiðinlegt sama hvar það er á landinu.
Nú er nefnilega motocross sísonið byrjað á fullu og þá fer maður að bregða undir sig betri fætinum um helgar og fylgjast með látunum. Mér finnst það samt alveg merkilegt að manneskja sem hefur jafn lítinn áhuga á vélknúnum farartækjum og ég og enga löngun til að eignast slíkt skuli detta inn í að hafa gaman af að fylgjast með þessu sporti. Ég held að það sé jafn mikið úr karakter og áhugi minn á dísætum bleikum kokteilum. En það er eitthvað við það að standa með myndavélina út í braut og horfa á 100 mótorhjól koma æðandi að manni og eiga svo fótum fjör að launa svo maður tali nú ekki um ef einhver dúndrast á hausinn og flýgur 100 metrana á í frjálsu falli og fær svo alla þvöguna yfir sig. Það er gaman!

Ég rakst um daginn á afar sjaldséðan bröndóttan hrafn sem var sjálfur íþróttaálfurinn BB á gulu ógninni akandi niður Laugaveginn. hann gaf sér þó tíma frá öllu sportinu til að drekka með mér nokkra kaffibolla í góðu yfirlæti á Kaffibrennslunni. Ég geri ráð fyrir að hann eigi ekki eftir að sjást meir opinberlega fyrr en eftir að körfuboltakeppni ólæsra og málhaltra gettónegra líkur í ameríku og lærasýningunnu miklu líkur í Þýskalandi í sumar. Þá tekur við íslandsmótið í langspyrnum með atrennu sem leikið er á tyrfðum kartöflugörðum um landið í sumar og öllum er sama um hvernig fer svo framarlega að KR vinni ekki. Ég ætla reyndar að fylgjast aðeins með HM en á eftir að gera upp hug minn með hverjum ég held til vara ef Hollendingar vinna ekkert. Ég þarf að skoða myndir af liðunum áður en ég get eitthvað ákveðið mig um það en ég held ég geti sagt það strax að það eru ekki Þjóðverjar, hormotta og sítt að aftan er ekkert sérstaklega foxy. Ítalir hafa alltaf verið ákaflega huggulegir og sömu leiðis Portúgalir og nú eru með lið frá suður-ameríku sem vert er að skoða nánar. Ég er líka alfarið á móti þeirri reglu sem bannar leikmönnum að fara úr treyjunni ef þeir skora mark. Ég meina, á nú að taka allt fönnið úr þessu? Það er sko greinilegt að það eru karlmenn sem stjórna þarna sem hafa engan sens fyrir því sem kvenkyns áhorfendur hafa gaman af. Þetta er líka arfavitlaust frá peningalegu sjónarmiði því að ef konur færu að fylgjast með fótbolta líka þá er kominn nýr hópur sem auglýsendur gætu reynt að selja vöru sína og það væri hægt að fara að auglýsa eitthvað annað en bjór, bíla og snakk í hálfleik

2006-05-21T20:43:00.000Z

Hverjum hefði eiginlega dottið í hug að nokkrir sveittir finnar í latexbúningum myndu vinna júróvisjónkeppnina?! Þessi keppni gæti orðið mjög áhugaverð á næsta ári því hefðin er sú að allir hinir reyna að apa eftir þeim sem vann árið áður. Ég sé fyrir mér eintóma Kiss og Manowar klóna en þó með smá þjóðlegum tilbrigðum eins og t.d tyrkneski keppandinn væri eldspúandi magadansmær og rússneski keppandinn dansaði kósakadans á lendarskýlu með plastsverð. Við sendum auðvitað Birgittu Haukdal í Marilyn Manson átfitti. Gæti litið svona út. Alltaf jafn sexy hún Birgitta. Pant vera með júróvisjónpartý á næsta ári!

Fyrir utan júróvisjón þá ber auðvitað hæst núna kosningarnar um næstu helgi. Eitthvað virðist vera farið að gæta örvæntingar hjá Framsóknarflokknum því kosningaloforðin eru orðin ansi skrautleg. Það nýjasta er að flokkurinn lofar ókeypis pólskri heimilishjálp á hvert heimili, þriggja daga vinnuviku, að mislæga monsterið þarna við Landspítalann verði selt og ágóðanum skipt á milli allra borgarbúa (arkitektafélagið hafi lýst áhuga á að kaupa enda þyki þeim fátt fegurra en slaufur og mislæg gatnamót), flugvöllurinn bæði verður og fer(eftir því hver spyr), sundabrautin verður á öllum þrem stöðunum, gamla fólkið fær nautasteik og súkkulaðikökur í öll mál, það verða opnir leikskólar allan sólarhringinn, gerð verða jarðgöng upp í Árbæ og byggt álver í Breiðholtinu, allir fá ókeypis bílastæði og svo mun flokkurinn beita sér fyrir því að allt verði stærra, betra, hærra, lengra og auðveldara en umfram allt kosti minna (ekki skilgreint nánar). Ég meina, hver fellur ekki fyrir svona kosningaloforðum?
Þá er þetta aðeins einfaldara hjá Sjálfstæðisflokknum. Aðal stefnumálið virðist vera fleiri bílastæði og fleiri einbýlishús. En það virðist vera það sem Reykvíkingar vilja helst samkvæmt nýjustu skoðanakönnunum. Við erum auðvitað öll það moldrík að það eru minnst 3 jeppar á hverju heimili og einhversstaðar verða þeir allir að geta lagt og svo duga okkur ekki aumingjalegar blokkaríbúðir undir leðursófasettin og plasmaskjáina. Svo er það gamla fólkið sem er tískumálefnið í ár. Nú, það býr auðvitað bara í kjallaranum á 400 fermetra einbýlishúsunum sem við komum öll til með að búa í ef Flokkurinn kemst til valda og er sinnt af pólskum og tælenskum eldabuskum þegar við erum of bissí við að selja verðbréf eða kaupa fyrirtæki í útlöndum. Það er sko full time job að standa í allri þessari útrás.
Þar sem enginn í Flokknum kannast við að það sé til fátækt fólk á Íslandi (félagsmálarónarnir í Fellahverfinu hafa það bara fínt á öllum þessum örorku- og atvinnuleysisbótum sem þeir fá upp í hendurnar án þess svo mikið sem að selja eitt hlutabréf) þannig að það er issjú sem er engin ástæða til að ræða þó uppgjafakommarnir og sænska sósíalliðið á vinstrivængnum sé sífellt eitthvað nöldrandi um einstæðar mæður með 6 börn og 100.000 kall á mánuði. Svoleiðis er bara til í Búlgaríu og þannig löndum enda engin álver þar.

En það er ekki nóg að vera með eitthvað eintómt tuð en hafa svo ekkert til málanna að leggja þannig að ég hef sett saman lista yfir þau mál sem ég myndi leggja áherslu á ef ég væri einráður borgarstjóri (svona svipað og Davíð var).
-Öll ljót hús yrðu rifin. Hús eins og Landsbankahúsið Laugavegi 77, Mál og Menningarhúsið, gamla Morgunblaðshöllin (sem ég myndi rífa sjálf prívat og persónulega), húsið sem strætóstoppustöðin var í á Lækjartorgi, Suðurlandsbrautin eins og hún legði sig og meiriparturinn af Ármúla og Síðumúla. Fellahverfinu yrði leift að standa sem minnisvarða um ömurlegan arkitektúr og komandi kynslóðum víti til varnaðar.
-Arkitektum yrði bannað að koma nálægt nýbyggingum
-Jeppar væru bara leyfðir í úthverfum
-Þeir sem fengju pening hjá Féló þyrftu að vinna þegnskylduvinnu í staðinn eins og að mála grindverk, leggja hellur eða fara út að labba með gamlar konur. Engin ástæða til að láta þetta lið liggja bara fullt heima hjá sér öllum til ama og engum til gagns.
-Þeir sem vilja láta aðra passa krakkana sína á dagin verða að gjöra svo vel að borga fyrir það. Það er engin skyldugur að hrúga niður börnum so it´s your problem.
-Það verður bannað að byggja fleiri verslunarmiðstöðvar. Það er hægt að hrúga þessum mollum upp í Kópavogi. Kópavogur verður hvort eð er varla ljótari en hann er.
-Burt með þennan flugvöll. Fólkið sem er að fljúga utan af landi er hvort sem er allt að fara til Keflavíkur á leiðinni á Benedorm
-Mislæga slaufumonstrið við Landspítalann verður líka flutt í Kópavoginn þar sem það er meira í stíl við bæjarmyndina. Hvað er eiginlega að götum sem liggja beint áfram ?
-þetta hátæknisjúkrahús getur líka verið einhversstaðar annarsstaðar en þar sem á að troða því niður núna. Veiku fólki er alveg sama hvar fjandans spítalinn er. Það er ekki að rölta í bæinn og kíkja á kaffihús eða eitthvað! Þetta verður líka einhver alger óskapnaður ef íslenskir arkitektar komast með puttana í þetta og best að það sé í sjónfæri sem fæstra. Og hvað er líka pointið með að byggja trilljón fermetra spítala fyrir 10 skrilljónir þegar ekki eru til peningar til að reka þennan sem fyrir er og eina fólkið sem vinnur þar sem er íslenskumælandi eru stjórnendurnir?
-Það yrði gerð göngubrú út í Viðey, Árbæjarsafn flutt í Hljómskálagarðinn og gosbrunnur settur á Lækjartorg. Það yrði þá kanski einhverntíma fólk á þessum stöðum.
Þetta er bara svona það helsta sem ég tel að þurfi að gera í borginni

2006-05-16T22:53:00.000Z

FRÉTTATILKYNNING FRÁ EYÞÓRI ARNALDS:

"I´ve been framed!!! The cat did it!!"

Topp 10 lögin hjá Sjálfstæðismönnum í Árborg (nú Tuborg)

1. Highway to hell - AC/DC
2. Whisey in the jar - Thin Lizzy
3. One scotch, one bourbon, one gin - Georga Thorogood
4. Road to nowhere - Talking Heads
5. Det var brennivin i flasken da vi kom - Kór sjálfstæðisfélagsins Bakkusar
6. Drunk like me - Dogs D´Amour
7. Baby you can drive my car - Beatles
8. Sjúddí rarí rei - Gylfi Ægisson
9. Blindfullur - Stuðmenn
10. Stál og hnífur - Bubbi (alltaf sungið á 6. glasi)

2006-05-15T00:27:00.000Z

EYÞÓR ARNALDS FOR PRESIDENT!!!!!!

Já kallinn minn, breytinga er sko þörf. Go Eyþór!!

2006-05-08T22:11:00.000Z

það er ekki hægt að segja annað en að ýmislegt hafi á daga manns drifið síðan síðast enda liðinn allt of langur tími frá síðustu færslu. Það eru búnir páskar og 1. maí og hvítasunnan er handan við hornið. Meðan ég var að pikka þetta inn var ég að spá í hvað hefði svona merkilegt gerst um hvítasunnuna að heilu þjóðirnar þurfi að halda upp á það með því að fara á fyllirí föstudag, laugardag og sunnudag, vera að drepast úr þynnku á mánudegi og vera restina af vikunni að jafna sig eftir fríið. En ég get bara ómögulega munað hvaða kristilegu stórvirki voru framin þessa helgi.
Ekki það að ég hafi setið að einhverju sumbli. Ég lenti í því að þurfa að mæta í fermingarveislu og þar sem það var innan fjölskyldunnar þá var víst skyldumæting. Trikkið við svona veislur er bara að koma seint og fara snemma. Ég slapp hins vegar naumlega við það...afskið, rétt missti af því að mæta í fermingarveislu hjá Frú Líkjör. Ég sem var m.a.s búin að kaupa Passíusálmana handa fermingarbarninu áritaða af höfundinum. Mini Monopoly fékk nefnilega einhverja kokkaveiki og þar sem Monopoly var dræverinn þá komst ég hvorki lönd né strönd. Þessi kokkaveiki er sjálfsagt tilkomin af því að Monopoly elur barnið á grænmeti og hver yrði ekki veikur af að borða svoleiðis í hvert mál? Og að það sé eitthvað hollt og grennandi eins og þessi Solla þarna grænmetisbulla heldur fram er alger misskilningur. Ég á t.d kanínu sem étur ekkert nema gras og kál en er samt alger hlunkur, útskýrið það?!

Talandi um Monopoly þá brá hún undir sig betri fætinum ásamt Mini Monopoly og skellti sér til London í afslöppun sem væri ekki í frásögur færandi nema hvað að Londonía hefur legið rúmföst síðan. Álagið við að þurfa að brölta á fætur fyrir allar aldir heilt páskafrí (þ.e þegar Mini Monopoly fannst vera kominn fótaferðatími sem er vanalega fyrir sólarupprás) og streðið við að sópa upp smákökumylsnu og þurrka kámug fingraför í heila viku fór víst alveg með hana. Nei það er sko ekki tekið út með sældinni að eiga börn. Mér skilst að Móðir Jörð hafi ekki sofið út á þessari öld og sé hætt að þekkja önnur umhverfishljóð en organdi börn. Og svo ætlar Kokksi að fara að demba sér út í þetta allt saman án þess að blikna. En svona er þetta víst bara, það er m.a.s líka til fólk sem lætur hengja sig upp á krókum og stinga nöglum upp í nefið á sér og finnst það bara allt í lagi þannig að það er misjafnt hvað manskepnan sækist eftir segi ég nú bara. Svo situr aumingja Forski innan um allar þessar barnakerlingar og hefur ofan á allt þurft að hlusta á kúka-, ælu- og fæðingarsögur heilu og hálfu kvöldin. Og hversu grós er það?! Ef ég starfaði við krufningar haldiði að einhver hefði áhuga á að sitja undir lýsingum á rotnandi líkamshlutum, burtskornum útlimum eða skemmdum innyflum? Nei, ég hélt ekki.
Annars er Forski núna farin að sletta á Frönsku eftir dvölina í París sem að hennar sögn var alveg draumur. Ég var nú í París hérna um árið og fannst það ekki nema svona rétt í meðallagi. En ég hef engan áhuga á fatabúðum og finnst Móna Lísa bara ósköp venjuleg mynd af kellingu með Sólheimaglott. Allt er svíndýrt og Frakkar ótalandi á skiljanleg tungumál og montrassar upp til hópa sem éta grísaeyru, leðurblökuvængi og kolkrabbaeystu eða eitthvað álíka kræsilegt. Má ég þá frekar biðja um súrar beljulappir og úldinn fisk að íslenskum sið.

Ég er búin að sitja við tölvuna núna undanfarin kvöld og fara í gegn um allar myndirnar mínar. Ég er nefnilega búin að útvega mér nýja síðu til að setja þær á þar sem allir geta skoðað og það er vissara að hafa mig góða núna því hver veit annars hvað gæti lekið á netið. Svo kann ég líka á Photoshop svo það er hægur vandi að fara að stunda sögufölsun í stórum stíl ef ekki vill betur til. En þetta er slóðin: http://www.flickr.com/photos/lolla/

Ég var eitthvað að fletta blöðunum áðan þar sem ég er blessunarlega laus við þetta óþarfa apparat sem sjónvarp er og haldiði ekki að ein fyrirsögnin hafi verið um óeirðir í Breiðholtinu. Af fréttinni að dæma er komin borgarastyrjöld í Fellahverfinu þar sem fermingarbörn ganga berserksgang. Er þetta ekki lýsandi dæmi um þetta hverfi? Ég hef alltaf sagt að þarna væri bara vandræðapakk. Og hvar eru þá foreldrar þessara unglinga kann einhver að spyrja? Nú þeir sem eru ekki á Kaffi Strætó á happy hour milli 2 og 6 (það er á virkum dögum, um helgar sefur fólk út þannig að þá er happy hour milli 5 og 7) eru væntanlega bara sofandi heima hjá sér eða að horfa á sápuóperur í sjónvarpinu eða þá að verða sér út um auka pening hjá Féló ef örorkubæturnar hafa klárast. Vinna ku ver lítt þekkt fyrirbæri í þessu hverfi og eru það þá helst útlendingar sem ekki hafa náð að aðlagast nógu vel sem enn standa í þannig brasi. Og hverjir eru foreldrar hverra er líka oft æði óljóst þar sem nýjir pabbar flytja inn á heimilið á nokkura mánaða fresti og hvernig er hægt að muna hver er sá orginal? Til að leysa þetta vandamál legg ég því til að íbúar hverfisins verði fluttir allir með tölu til Keflavíkur þegar varnarliðið hunskast í burtu og verði komið fyrir þar sem það var. Það er m.a.s afgirt svæði og ekki of nálægt öðrum mannabyggðum nema þá Keflvíkingum sjálfum en það er eiginlega bara allt í lagi. Það geta þá allir slegist við alla á Traffic um helgar. Fellahverfið yrði síðan jafnað við jörð og flugvöllurinn fluttur þangað. Mörg vandamál leist á einu bretti!

P.S. Lofa því að láta ekki líða svona langt þar til næsti pistill kemur, fólk verður nú að geta fylgst með þeirri ábyrgu þjóðmálaumræðu sem hér fer fram. Já og svo eru að koma kosningar og Vilhjálmur Þ. búinn að setja upp sparihárkolluna. Meira um það síðar.

2006-04-03T19:59:00.000Z

Ég hef orðið vör við það að fólk sé að ásaka mig um fordóma gagnvart ákveðnum þjóðfélagshópum. Ég vil nú ekki kannast við það og vísa þeirri gagnrýni algerlega á bug, eins og stjórnmálamennirnir orða það þegar skítaslóðin á eftir þeim er orðin að risavöxnum fjóshaug ekki er annað hægt en að renna á rassgatið í forinni. T.d hefur mér verið núið því um nasir að hafa andúð á bifvélavirkjum og jeppaköllum. Ég get lítið gert í því þó heil stétt manna þekki mánuðina bara út frá því hvaða berrassaða gliðra glennir sig á dagatalinu þeirra og detti flest annað í hug en góð næring þegar þeir sjá banana. En menn meiga vera með smurolíu á puttunum og hafa áhuga á knastásum og loftsíjum mín vegna. Fordómaleisi mínu til sönnunar fór ég á árshátíð hjá Bílanausti (í boði Nítró sem er þar innanborðs) um helgina og geri aðrir betur. Ég á t.d ekki eftir að sjá Monopoly fyrir mér á aðalfundi aðdáendaklúbbs Lemmy eða Móður Jörð skrifa greinar í Bleikt & Blátt.
Og hvernig var svo, spyr kanski einhver? Ég lifði það alla vega af. Til að byrja með mætti mótorhjóladeildin, sem ég var í samfloti með, auðvitað allt of seint á staðinn. Karlmenn eru nefnilega verri en konur (OK, fyrir utan Forska og Frú Líkjör) ef eitthvað er að hafa sig til og koma sér út úr húsi. Þannig að þegar við mættum á Kaffi Reykjavík þar sem þetta var haldið þá var auðvitað allt orðið fullt og ekki nóg með það heldur var búið að bera fram forréttinn og allir bifvélavirkjarnir búnir að skófla honum í sig og skola niður með tvöföldum vodka í kók. Þjónustufólk staðarins, sem hafði allt með tölu greinilega gleymt að taka Prosacið sitt þennan morgun, ætlaði að fara að koma okkur fyrir einu og einu í laus sæti innan um knastásakalla og sólbrúnkukremaðar permanentkellingaranar þeirra en við vildum auðvitað heldur halda hópinn og eftir japl, jaml og fuður þar sem að Nítró bossarnir reyndust þverari en yfirþjónninn þá fengum við að fara niður á neðri hæðina og fá matinn til okkar þangað.
Og ekki vorum við að kvarta. Gátum setið í þassum fínu leðursófasettum, barinn í meters fjarlægð og losnuðum við að hlusta á afspyrnu ófyndin skemmtiatriði og urðum ekkert vör við hljómsveit kvöldsins sem að sögn þeirra sem á hlíddu hefði getað tæmt heilt líkhús með leiðindunum einum saman. Líkin hefðu hreinlega ekki þolað við og flúið. Matseðillinn var greinilega sá sami og á fyrstu árshátíð Bílanausts 1956 enda ekki hér á ferðinni fólk sem er að láta einhverjar nýjungar þvælast fyrir sér. Innbakað rækjudæmi eitthvað, seig "nauta"lund með brúnni sósu með óræðu bragði, Bónusgrænmeti og soðinni kartöflu sem stungið hafði verið inn í bakarofn rétt til málamynda og Royal vanillubúðingur úr pakka með sykri ofan á (sem hefði með góðum vilja verið hægt að kalla Créme Brulée ef sykurinn hefði verið örlítið brúnn). Þjónustan var svo þannig að Basil Fawlty hefði ekki komist með tærnar þar sem þessir höfðu hælana í óliðlegheitum og dónaskap. En okkur fannst þetta eiginlega bara fyndið og eins og BB myndi líta á þetta þá var þetta bara ný reynsla og maður á jú að líta á jákvæðu hliðarnar á öllum málum. Næst ætla ég svo að skella mér á Players og fylgjast með leik Rotherham og Scunthorp í enska boltanum, drífa mig á ball með Stjórninni á Klúbbnum við Gullinbrú og mæta á spilakvöld hjá hverfasamtökum Fellahverfis þar sem hægt væri að vinna sér inn kassa af Egils gull, fartölvur sem einhverra hluta vegna eru allar án hleðslutækja, bjór og skot fyrir tvo á LangaBar og bílgræjur með slitnum snúrum.

En að allt öðru. Eitthvað virðist fólk vera farið að þjást af félagsfælni upp á síðkastið. Þar sem að skemmtinefndin gafst upp á að vera að skipuleggja alltaf einhverjar stórskemmtilegar uppákomur og samsæti og komast svo að því 5 mínútum áður að allir voru eitthavð bissí eða ekki í stuði þá er bara ekkert að gerast. Rosalega hlítur sjónvarpsdagskráin allt í einu að vera orðin góð eða eru allir flúnir til Danmerkur eða eitthavað?! Það er jú allt að fara til fjandans hérna segja þeir og fyrst Baugur er hvort sem er búinn að kaupa hálfa Kaupmannahöfn þá er líklega bara skárra að vera þar. Kanski opna þeir líka Bónus búð á Strikinu. Ég er ekkert að kvarta yfir þessu af því að ég hef ekki fundið mér ástæðu til að baka pönnukökur í langan tíma og fínu Belgísku trufflurnar sem ég keypti í fríhöfninni til að eiga í dönnuðum kaffiboðum liggja undir skemmdum.

2006-03-15T21:52:00.000Z

Ég hef ákveðið það hér og nú að ég ætla að fylgjast með Júróvisjón í ár. Þetta fyrirbæri verður bara áhugaverðara með hverjum keppandanum sem maður heyrir um. Ekki nóg með að Silvía Nótt verði þarna til að hræra í liðinu heldur verða Þjóðverjar með kántríhljómsveit og Finnar toppa allt með að senda gleðisveitina Lordi (sjá mynd). Ég held að fólk sé loksins að hætta að taka þessa keppni alvarlega sem er auðvitað bara hið besta mál. Það er þó alla vega möguleiki á að hafa eitthvað gaman af þessu. Þetta eru ekki lengur eintómar smástelpur jarmandi tárvotum augum um ástarsorg og óhamingju. Það er núna bara í Ædolinu. Og talandi um þennan ófögnuð sem þetta Ædol er. Að hálf þjóðin sé límd fyrir framan sjónvarpið að fylgjast með einhverjum unglingum gaula sömu gömlu Whitney Huston ræpuna þátt eftir þátt og ná ekki upp í nefið á sér af hneykslun af því að einhver Bibba frá Breiðdalsvík komst ekki áfram. Hún sem náði Maríu Carey svooo vel. Reyniði að vera frumleg þarna nefaparnir ykkar! Að hápunkturinn í íslensku tónlistarlífi sé það að menntaskólakrakkar syngi Wham lög nákvæmlega eins og orginalinn er bara skandall. Og að það næst merkilegasta séu fjórar gliðrur sem engin þeirra getur sungið almennilega og ennþá síður samið lag en kunna að brosa og dilla sér og rústa íslenskum diskólögum sem ekki voru góð fyrir. Hvert er þessi þjóð eiginlega að fara, ég bara spyr!? Þetta er eins og að haldin væri skáldsagnakeppni og sá ynni sem gæti gert bestu kóperinguna af Sölku Völku eða einhverju álíka útjöskuðu verki.

Við Monopoly ásamt mini Monopoly lögðum land undir fót um helgina og skelltum okkur á Eyrarbakka enda síðustu forvöð að heimsækja Móður Jörð áður en hún flytur úr torfbænum og í nýtísku steinhús með framandi tækjum og tólum.
Þar sem Monopoly hefur opinberlega lýst því yfir að vera orðin miðaldra og ofan á allt saman einstæð móðir í Hlíðunum þá kom það í sjálfu sér ekki á óvart að ökuferðin tók drjúga stund (eða u.þ.b svipað lengi og hestur með kerru fullhlaðna af heyböggum er að skokka þetta) enda vissara að fara varlega með barn í bílnum og þriggja millimetra snjór á veginum. Þetta þýddi að ég hlustaði á Kardimommubæinn frá upphafi til enda, Best of Brúðubíllinn og Strumparnir syngja fyrir börnin. Eftir þetta er ég farin að kunna að meta Dolly Parton og Barböru Streisand.
Það er þó alltaf gaman að njóta gestrisni Móður Jarðar sem varpaði m.a.s fram þeirri villtu hugmynd að halda upp á 29 ára afmælið sitt með pompi og prakt. Það þýðir væntanlega heitt kakó og marensterta á sunnudagseftirmiðdegi milli kl. 2 og 3 meðan börnin fá sér síðdegislúr. Síðan les hún stuttan kafla úr BA ritgerðinni sinni, sýnir slædsmyndir frá síðasta fundi foreldrafélagsins og endar á því að allir syngja saman Hve glöð er vor æska.

Ég hef ekki talað um pólitík alveg heillengi en nú verður maður að segja nokkur orð eins og t.d "aumingja Björn Bjarnason". Ekki nóg með það að Baugsfeðgar og öll þeirra fjölskylda hafi verið sýknuð af því að kaupa sér Armani jakkaföt og garðsláttuvélar og láta kompaníið borga og að hafa lánað, eða ekki lánað sjálfum sér peninga þá ákvað herinn að segja bara so long and thanks for all the fish, rétt si svona. Þar sem herinn hefur lengi verið sérstakt áhugamál Björns Bjarnasonar þá er þetta eflaust svipað áfall og að konan hans færi fram á skilnað þar sem hún væri að fara að taka saman við Jóhannes í Bónus. Björn hefur því beðið Halldór að skrifa Bush bréf og biðja hann að skilja okkur ekki eftir svona ein og algerlega varnarlaus gagnvart morðóðum aröbum með sprengjur í nærfötunum sem leynast hérna á hverju horni. Svo er rússneska mafían komin og farin að selja heimabruggaðan fjósalanda, kínverskar leikfimibullur ganga berserksgang og ógna fólki með teygjuæfingum og útlendir náttúruverndarterroristar mölva baksýnisspegla á jarðýtum. Hvar endar þetta!

2006-03-04T19:04:00.000Z

Þá er ég komin heim frá Svíaríki. Tilbreyting að fara í svona bissnesferðir þar sem maður situr á fundum með fólki og skiptist á nafnspjöldum. Kann þó betur við þær tegundir af ferðum þar sem maður situr á pöbbum og skiptist á fylliríssögum.
En ég var sem sagt í Boras í Svíðjóð í viku. Síðast þegar ég fór til Svíþjóðar þá endaði það með gönguferð út í skógi um miðja nótt í mígandi rigningu, heimboði í kaffi og kökur frá náunga sem hét Abdull og bjó heima hjá mömmu sinni auk þess sem Móðir Jörð og Monopoly eignuðust báðar einlæga aðdáendur af hinu kyninu. Þessi ferð var öllu dannaðri. Engin rokkælupartý og ekki farið í neina sóðalega næturklúbba og þannig séð ósköp lítið um að vera. Ég stóð mig m.a.s að því eitt kvöldið að vera að horfa á þátt með Mörthu Stewart í sjónvarpinu þar sem hún vara að kenna fólki að brjóta saman handklæði. Hversu heimskur er hægt að vera að geta ekki fundið út úr því sjálfur hvernig handklæði eru brotin saman?! En maður fór samt auðvitað út að borða á hverju kvöldi og var maturinn alveg hinn ágætasti. Á einum veitingastaðnum fylgdi m.a.s magadans með í kaupunum. Eitt mættu þeir þó læra blessaðir en það er að laga almennilegt kaffi. Hvað er með þetta uppáhellingarsull sem stendur í glerkönnu á heitri hellu og sýður þar þangað til einhver asnast til að sulla því í sig?! Ég held svei mér þá að Gulur Bragi sé ennþá drukkinn í Svíþjóð.
Á hótelinu mínu var veitingastaður sem breyttist í pöbb á kvöldin. Fínt að geta fengið sér einn öl fyrir svefninn eða þangað til ég komst að því að það er "live" músík þar á fimmtudags og föstudagskvöldum. Þar sem svíar eru mikil tónlistarþjóð og alveg heill hellingur af hinum fínustu hljómsveitum kemur þaðan þá hafði ég svo sem ekkert á móti því svona fyrirfram eða þar til ég komst að því að góðu hljómsveitirnar spila líklega allar einhversstaðar annarsstaðar en í Boras. Á fimmtudagskvöldinu tróð upp hljómsveit með svo tregafullri söngkonu að manni fanst himnarnir hreinlega vera að hrynja. Svo var það föstudagskvöldið. Þá voru mætt á svæðið einhver sænskur Herbert Guðmundsson og Birgitta Haukdal eins og hún á örugglega eftir að vera um fimmtugt. Svona svakalega hress og djollí syngjandi Kim Larsen slagara. Martha Stewart að brjóta saman handklæði varð allt í einu ekki svo slæm hugmynd.
Svo lærði ég líka eitt orð í sænsku. Jordgubbe.

Eins og flestir ættu að vita þá var valentínusarþorrablótið haldið um síðustu helgi. Ef ekki hefði verið fyrir það að Gösli og Zorglúbb mættu galvaskir og seinna um kvöldið tveir vinir þeirra þá hefði varla talist partýhæft vegna slælegrar mætingar. Við Forski höfum því íhugað að breyta skemmtinefndinni í matarklúbb þar sem við bjóðum bara hvor annari. Hinir geta þá bara átt sig og setið á náttfötunum fyrir framan sjónvarpið á laugardagskvöldi með kók og örbylgjupizzur og horft á raunveruleikaþætti og lesið Séð og heyrt og furðað sig á hvernig stendur á því að allir aðrir virðast lifa miklu áhugaverðara lífi. Og svo í ellinni þegar fólk fer að ryfja það upp hvað það hafi svo gert yfir dagana þá man það ekki eftir að hafa gert neitt milli þrítugs og fimmtugs annað en að horfa á sjónvarpið og hafa áhyggjur af því hvað ætti að vera í kvöldmatinn. Tíminn eftir fimmtugt fer svo í að sjá eftir öllu sem fólk gerði ekki þegar það var yngra.
Jæja, skítt og laggó með það. Ég er alla vega farin á Nasa að horfa á snillingana í Wig Wam trylla líðnn. Fyrir ykkur hin vona ég að norska heimildamyndin á RÚV um lifnaðarhætti geita í Þrændarlögum verði áhugaverð!!

2006-02-20T23:27:00.000Z

Ég hef sko ekki setið með hendur í skauti þessa helgina frekar en endra nær (þó ég komist nú ekki með tærnar þar sem Móðir Jörð hefur hælana hvað varðar atorkusemi eins og sannri sveitakonu sæmir, meðan ég pikkaði þetta inn hefur hún örugglega sett í eina þvottavél, bakað kanilsnúða, stöðvað þrenn áflog, kysst á tvö bátt, straujað nokkrar skyrtur og útskýrt gang himintunglana fyrir einhverju afkvæmana). Það var farið á fætur fyrir allar aldir á laugardaginn (fyrir kl. 10) og brunað í Sandvík sem er rétt hjá Höfnum. Vissi reyndar ekki hvar Hafnir voru fyrr en ég keyrði þar fram hjá og var bent á einhverja volaða húsaþyrpingu sem kúldraðist þarna í auðninni. Hver býr sjálfviljugur á þessum stöðum þarna á Suðurnesjunum spyr ég bara (svona eftir á að hyggja minnist ég þess ekki að hafa nokkurntíma séð fólk á ferli á þessum Suðurnesjakrummaskuðum)? Maður verður þunglyndur af því að keyra þarna fram hjá og hefur það á tilfinningunni að þarna sé allt svart/hvítt...alltaf! Ég efast stórlega um að grasið verði grænt á sumrin, ef að þá koma sumur þarna á þessum útnárum. Maður á auðvitað að venjast blómlegum sveitum Skagafjarðar með sællegar kýr á beit og blóm í haga, fuglasöng og lækjarnið og Álftagerðisbræður syngjandi í bakgrunni.
Já, svo við höldum okkur við ferðalagið þá fékk ég mér góðan göngutúr í fjörunni og gott ef það sást ekki grilla í fótspor eftir Forska í sandinum þar sem hún hafði hlaupið um tindilfætt í slow motion þarna í fyrrasumar í spænskri sveiflu sem breyttist skyndilega í ameríska hrollvekju þar sem Forski var ofsótt af whita trash zombíum og Prince Charming var ekkert svo charming eftir allt saman heldur hafði verið sendur frá Trailerpark from hell til að leggja líf Forska í rúst. En Forski sá að lokum við kauða, gaf honum drag í höfuðið og spark í rumpinn og málið var dautt.

Á sunnudeginum var var risið úr rekkju löngu áður en hanarnir svo mikið sem opnuðu annað augað (kl. hálf níu!) og brunað af stað í Ólafsvík með nokkrum vöskum mótorhjólaköppum sem ætluðu að gera þar heiðarlegar tilraunir til að fótbrjóta sig. Það er nefnilega hægt að gera það á margan annan hátt en að fara á skíði.
Þar sem við erum á heimleið er staldrað við í sjoppu í Ólafsvík til að kaupa sér eitthvað að borða. Þar sem úrvalið var ekkert gríðarlegt var skellt sér á einn borgara og haldiði ekki að hann hafi komið með spældu eggi?! Svona eru víst borgararnir í sveitinni enn framreiddir. Og þar sem ég sit og borða spæleggsborgarann minn þá kemst ég ekki hjá því að sjá hluta af þættinum Það var lagið með Hemma Gunn þar sem sjónvarp inni á búllunni var á fullu blasti og Hemmi smælaði framan í heiminn og eitthvað fólk söng af meiri ákefð en getu íslensk sveitaballalög frá 1950. Þetta held ég að sé versti sjónvarpsþáttur sem ég hef séð (ja nema kanski fyrir utan þáttinn sem Barði í Bang Gang var einu sinni með á Skjá Einum en Barði er einhver ófyndnasti brandarakall sem sögur fara af) og hef ég séð þá marga, belive me! Þetta var mér sagt að væri einn vinsælasti þátturinn í Ríkisimbanum og er það greinilegt dæmi um að íslenska þjóðin sé að eldast.

Þó ég hafi ekki sjónvarp og sé ekkert á leiðinni með að fá mér svoleiðis eftir reynsluna af Hemma Gunn þá getur maður nú ekki annað en talað aðeins um Júróvisjón dramað. Júróvisjón gæti jafnvel orðið skemmtilegt ef fleiri svona freakshow eins og Silvía Nótt væru send í geimið. Það skipti þá engu máli þó lögin væru jafn mikið crap og venjulega. Gamlar konur eru gjörsamlega að tapa sér í hneykslan í símatímum útvarpsstöðvanna og hafa eflaust þurft áfallahjálp eftir að úrslitin komu í ljós þarna á laugardagskvöldið. Hvert er þessi heimur eiginlega að fara? Jú, beint til helvítis að þeirra mati. Ég mæli með að fólk hætti að taka þessa keppni jafn alvarlega og heilaskurðaðgerð og reyni að búa til eitthvað stuð úr þessu. Norðmenn gætu sent eitthvað hresst blackmetal band, finnar sendu snillingana í Leningrad Cowboys og annað í þeim dúr. Hér sjáum við t.d mynd af hinni merku norsku hljómsveit Gorgoroth sem fengi gamlar konur til að krossa sig í bak og fyrir áður en þær hnéu í ómegin og eldri kallar misstu slag úr hjartagangráðnum.

Um þar síðustu helgi var kíkt aðeins út á lífið með Forska og Frú Líkjör sem átti tæplega hálfrar aldar afmæli. Eftir óheyrilegt pastaát á Ítalíu sem endaði með því á Forski fékk harðlífi þá var kíkt á Thorvaldsen í tvo-sjö bjóra og rauðvínsuppskeru lítils sveitabýlis skolað niður með (þ.e það sem Forski og Frúin létu ofan í sig). Ég var hins vegar komin heim snemma enda óbeinar reykingar álíka mikið áhugamál hjá mér og vetrarólympíuleikarnir sem by the way ég vissi ekki að væru í gangi fyrr en ég skoðaði eitthvað dagblað í gær.
Síðan var afmælið haldið hátíðlegt á dannaðri hátt með kaffi og pönnsum og hele familíen í Vogunum á sunnudeginum. Frúin var þó eitthvað slöpp þarna framan af degi og þurfti aðeins að halla sér, sjálfsagt einhver bölvuð fuglaflensa bara.

Svona að lokum þá vona ég að Monopoly hafi það gott á Akureyri. Hún er víst búin að smakka þennan Brynjuís sem er ekkert annað en frosin undanrenna og hefur keypt sér kók í bauk og pulsu með kartöflumús og rauðkáli. Ætli hún verði ekki farin að tala eins og Cortes jr. þegar hún kemur til baka?
Og svo er það ekkert annað en að mæta á valentínusarþorrablótið á laugardaginn þó Hammers verði sárt saknað þar sem hann verður á Akureyri(hvað er þetta eiginlega með Akureyri?) og mun þar koma fram sem leynigestur á árshátíð Kíwanisklúbbsins Sumarliða.

2006-02-10T22:16:00.000Z

Mál málanna í dag er auðvitað Eurovision. Það er hreinlega ekki talað um annað. Skítt með það þó múslimar um allan heim séu að verða enn geðveikari en þeir hafa nokkurn tíma verið (og ekki þótti manni á það bætandi), en verður Silvía Nótt með í keppninni eða ekki?! Ok, mér finnst Silvía Nótt svolítið fyndin oft og svo sem allt í lagi að hræra upp í þessari voluðu keppni en þetta lag er bara sorp!! Þá er ég ekki að segja að hin lögin í keppninni séu eitthvað skárri, síður en svo. Þar sem ég hef ekki sjónverp þá hef ég ekkert séð af þessu óskapnaði en ég hef heyrt nokkur lög í útvarpinu. Það besta af öllu (eða það versta, eftir því hvað maður hefur mikinn húmor fyrir þessu) var lag sem var svona típískur Geirmundar slagari nema hvað höfundurinn (sem by the way er örugglega að nálgast eftirlaunaaldur) hefur ákveðið að reyna að höfða til unga fólksins og skellt rappkafla inn í mitt lagið sem átti jafn mikið heima þar og Osama Bin-Laden á flokksþingi repúblikana. Svo eru einhverjar gamlar kellingar frá Tálknafirði eða álíka útkjálkum hringjandi inn alveg brjálaðar yfir þessari dónalegu kvensnift sem þeim finnst Silvía Nótt vera og vildu helst sjálfsagt hafa Ellý Vilhjálms eða Álftagerðisbræður þarna. Og aumingja Birgitta Haukdal, hvers á hún að gjalda? Það virðist öllum vera sama um lagið hennar og aðdáendurnir hafa snúið við henni bakinu, allt út af Silvíu Nótt. Birgitta er orðin eitthvað so yesterday! Get on your horse and ride into the sunset, lady!

Ég var að fletta blaðinu Birtu áðan sem væri ekki í frásögur færandi nema hvað, að þar á forsíðu er Cortes drengurinn sem að ég komst að við lestur blaðsins að hefur verið valinn kynþokkafyllsti karlmaður landsins af hlustendum tveggja útvarpsstöðva. Sko! Ég hreinlega veit ekki hvort þetta segir meira um afburða lélegan smekk íslenskra kvenna á karlmönnum eða hvort að úrvalið er hreinlega ekki skárra. Var ekki líka Logi Bergmann valinn hérna um árið? Come on...maðurinn er með ferkantaðan haus! Hann er eins og Max Headroom í framan. Nei, hann ER Max Headroom. Og ef mig misminnir ekki þeim mun meira þá held ég að Stefán Jón Hafstein hafi hampað þessum titli. For crying out loud!!! Hver verður valinn næst? Geir Ólafsson? Halldór Ásgrímsson? Nei, ætli það verði ekki bara Glanni Glæpur! Hvar eru allir þessir myndarlegu íslensku karlmenn eins og....eehh...uuhhmm...ööö?! OK, ég læt ykkur vita þegar mér dettur einhver í hug.
Svo er það þessi mongólíti þarna, fyrrverandi herra Ísland sem lítur út eins og William Hung á ljósabekkjatrippi og mér skilst að sé varla talandi. Var ekkert skárra í boði? Cortes drengurinn hefði átt að taka þátt í þessu líka. Hann hefði getað farið með leikþátt úr Nonna og Manna, pantað sér kók í bauk og pulsu með kartöflusalati á akureyrísku og klikkt svo út með vel valinni aríu úr Rígólettó. En við hér á blogginu eigum líka okkar eigin kandídat í herra Ísland. Eins og flestir vita hefur BB verið að taka á því í ræktinni og er kominn með þennan líka svakalega six-pack. Og ekki nóg með það heldur er hann orðinn útlærður í notkun allra helstu tegunda ljósabekkja og til að setja punktinn yfir i-ið þá skellti okkar maður sér í allsherjar yfirdekkun með klippingu, litun og öllum pakkanum og eins og sést á myndinni hér til hægri er meira hunk vandfundið á þessu skeri í dag og kvenfólkið hreinlega rennur til í sætunum þegar kallinn mætir á svæðið. Gillzenegger hvað (eða hvað svo sem þessi ljósabekkjauppskafningur kallar sig)?!

Forski og Tensai San eru væntanlega núna byrjaðar að undirbúa menningarreisuna miklu til Glasgow í næstu viku. Tensai San veitir ekkert af því að komast í burtu frá öllum æstu aðdáendunum og kokteilboðunum og öllum þessum heimsóknum á Bessastaði sem eru örugglega farnar að verða þreytandi. Svo maður tali nú ekki um öllum heiðursnafnbótunum sem Tensai San er hreinlega búin að missa tölu á. Heiðursfélagi í kattavinafélaginu, kona ársins hjá bílgreinasambandinu, heiðursborgari í Trékillisvík, bjartasta von ársins hjá þjóðdansafélaginu og svona mætti lengi telja upp. Tensai og Forski ætla því að eyða nokkrum dögum í að finna út hvort skoskir karlmenn eru í nærbuxum undir skotapilsinu og heimsækja nokkrar haggisverksmiðjur. Menningarlegra getur það nú ekki verið.

Ég vil svo að lokum óska Frú Líkjör til hamingju með afmælið á sunnudagin en hún fæddist um það leiti sem talsíminn var fundinn up.

2006-01-31T23:26:00.000Z

Ef ég hef einhverntíma verið í vafa þá er það hér með komið á hreint að íþróttir eru böl. Lenti í því í dag að það var handboltaleikur í útvarpinu meðan ég var í vinnunni og í hverju horni var útvarp í botni með þessum blessaða leik í gangi. Hvernig er það, heyrir fólk skyndilega eitthvað verr þegar íþróttalýsingar eru annars vegar? Eða er það svona frábært að hlusta á misgáfaða íþróttafréttamenn segja ÆÆÆ þegar einhver íslendingur glutrar boltanum úr höndunum eða segja ekkert annað en "strákarnir okkar" þegar landsliðið álpast til að vinna leik? Hér er fólk alveg að missa sig yfir því að fylgjast með fullorðnum karlmönnum í stuttbuxum leika sér og það í einhverri öríþrótt sem þessi handbolti er. Ég er viss um að það stunda fleiri fílapóló í heiminum heldur en handbolta. En þó að leikurinn sé búinn þá er íþróttabölið bara rétt að byrja. Þá fara menn að analísera leikinn og velta sér upp úr því hvort þetta eða hitt hafi verið víti eða hvort að markvörðurinn hefði átt að verja. Vinsælast er þó að tuða yfir dómurunum og er t.d heill útvarpsþáttur á einni útvarpsstöðinni á besta hlustunartíma alla virka daga helgaður því að íþróttanördar geta hringt inn og tuðað yfir dómurunum. GET A LIFE!

Ég hlusta stundum á útvarpið í vinnunni og oftast verður þá Rás 2 fyrir valinu (alla vega þegar ekki er verið að tala um íþróttir þar). Ég hef því heyrt eitthvað af þessum lögum sem eru í einhverri undankeppni fyrir Eurovision. Sko, þó að Eurovision sé frekar hallærislegt fyrirbæri og oft ekkert voðalega up to date hvað varðar lagavalið þá finnst mér þetta nú full langt gengið í þessari forkeppni. Hver valdi eiginlega lögin sem komust þarna inn?! Vistmenn á Grund eða fastagestir í Súlnasalnum á Sögu? Lögin í söngvakeppni Kvenfélagsins á Sauðárkróki sem haldin er um Sæluvikuna eru ferskari. Af hverju eru Álftagerðisbræður ekki bara sendir með Nóttin er fögur eða eitthvað álíka? Nei, sendum bara handboltalandsliðið með Gerum okkar, gerum okkar, gerum okkar besta og Bjarna Fel til að stjórna hljómsveitinni og þá verða allir ánægðir.

Svo er það þetta herra Ísland mál sem er nú einn brandarinn til viðbótar. Það er þarna einhver mongólíti úr Keflavík sem er valinn (þar sem væntanlega allar 14 ára stelpur á suðurnesjunum hafa náð inn í símakosningunni). Svo kemur bara í ljós að drengurinn er alger hálfviti (fyrir utan það að vera ekkert nema hallærislegur og líta út eins og bjáni) þannig að hann fær ekki að vera herra Ísland lengur og alveg jafn asnalegur gaur úr Hafnarfirði er settur í staðinn. Þetta er svo búið að vera "the frétt" í viku. WHO CARES!!! Ég legg til að BB skelli sér í þessa keppni næst og að sjálfsögðu rúlli henni upp. Myndi gefa mikið fyrir að sjá hann á g-strengnum með 5 lítra af brúnkukremi utan á sér. "Og BB nýkjörinn herra Ísland hefur áhuga á íþróttum, ferðalögum og útivist og hefur gaman af börnum. Hann hlakkar til að ferðast um heiminn og leggja góðgerðarmálum lið og hann átti alls ekki von á þessu." Það er eitt sem ég var að spá í, fær herra Ísland ekki líka kórónu?

Skemmtinefndin kom nýlega saman til að plana skemmti- og selskapsdagskrá ársins. Sökum kaffidrykkju og kökuáts komst nefndin ekki lengra en að plana fyrsta viðburðinn sem verður þorrablót/valentínusarskemmtun þann 25. febrúar sem er vonandi nægur tími fyrir barnafólkið að skipuleggja sig og panta barnabíur. Þar sem uppskriftin af súru júgrunum féll í misgóðan jarðveg (þó vissulega sé það þorramatur) þá ákvað nefndin að hafa eitthvað sem höfðaði til sem flestra en um leið að vísa í þessa tvo viðburði sem eru þorrinn og Valentínusardagur. Kom t.d fram tillaga um að hafa hjartalaga hrútspunga, slátur með marshmellows púðum, bleika sviðasultu og súkkulaðihúðaðan hákarl. Þessi nýbreytni á eflaust eftir að slá í gegn

2006-01-15T23:03:00.000Z

Haldiði ekki að janúar sé bara hálfnaður rétt si svona og það voru jól bara í fyrradag eða eitthvað álíka. Eða er það kanski bara að tíminn líði hraðar og hraðar eftir því sem maður eldist. Eða allt þar til maður þarf að fara á elliheimili ef maður er það hrikalega óheppinn. Þar gerir fólk lítið annað en að sitja á rúmunum sínum og bíða eftir að það komi matur og kaffi. Ég vann nefnilega einu sinni á elliheimili og svona var það þá og hefur eflaust ekkert breyst síðan. Það er því eins gott að safna í digra sjóði til efri áranna.
Það væri líka hægt að reyna að taka shortcut og í staðinn fyrir að nurla saman einhverjum krónum um hver mánaðamót og þurfa í staðinn að lifa á rottuborgurum frá Svarta Svaninum eða útrunnu Coco puffsi í 10 kílóa umbúðum úr Bónus þá er að reyna að drífa sig á þing og helst að komast að sem ráðherra í eins og eitt kjörtímabil og geta svo lifað eins og kóngur á feitum eftirlaunum það sem eftir er æfinnar. Möguleikarnir eru náttúrulega mestir ef ég gengi í Framsóknarflokkinn og hvað gerir maður ekki fyrir peninga? Annar möguleiki í stöðunni væri að ráða sig hjá nýríku útrásarkompaníi þar sem hugtakið siðferði þekkist ekki og láta reka sig eftir nokkra mánuði. Bingó! Huggulegur starfslokasamningur thank you very much og ég get setið með tærnar upp í loft þar til ég drepst þó ég verði 100 ára og borgað öðrum fyrir að gera allt sem ég nenni ekki sjálf. En til að fara þessa leið þarf maður víst að vera í Sjálfstæðisflokknum en hvað gerir maður ekki fyrir peninga?

Þó að það sé ekki mikið búið af árinu þá er maður strax búinn að fara í eitt dannað kaffiboð. Að þessu sinni hjá Monopoly í slotinu í Hlíðunum. Það bar helst til tíðinda að Móðir Jörð mætti í samkvæmið og trúði fólk varla sínum eigin augum þegar hún renndi í hlað á Massey- Fergusoninum með mjólkurbrúsana á pallinum. Af henni var það helst að frétta að fyrir utan það að hafa prjónað sokka og vettlinga á öll 18 börnin, bakað laufabrauð og tekið slátur og saltað hrossakjöt í 40 lítra tunnu þá hefur hún verið að skrifa ferskeitlur í héraðsfréttablaðið Eyrarbakkapóstinn, auk þess að sjá um handavinnudálkinn í blaðinu. Hún er auk þess ritari sóknarnefndarinnar og hvíslari hjá leikfélaginu sem nýverið setti upp leikritið Síðasti bærinn í dalnum við fádæma góðar undirtektir.
Monopoly bauð þarna upp á hnallþóru eina mikla sem hvarf eins og hendi væri veifað ofan í gesti. Forski sem var nýkomin frá Hillbilly country og hafði ekki fengið annað að borða í viku en Big Mac og kleinuhringi með sultu hámaði í sig kræsingarnar og útlistaði fyrir okkur áramótin í Alabama sem ganga út á það að fólk mætir í sínum fínustu smekkbuxum og með nýþveginn tóbaksklút, grillar svín á teini og skolar því niður með heimabrugguðu whisky og kl. 12 á miðnætti skjóta allir úr haglabyssunum sínum upp í loftið og þeyta flauturnar á pick-up jeppunum. Síðan er slegið upp balli í rúmgóðri hlöðu þar sem tannlaus fiðluleikari og einfættur banjóleikari halda uppi stuðinu með klassískum ættjarðarlögum eins og "I´m counting my cattle", "Billy Bob is coming to town" og "I´m in love with my gun".
Eitt að því sem kom til umræðu í þessu mjög svo dannaða kaffiboði voru áramótaheitin sem flest gengu út á það að hætta að borða, hætta að drekka, hætta að reykja, hætta að djamma, hætta að eyða peningum og hætta að gera asnastrik. Nema hvað Frú Líkjör tók eina rétta pólinn í hæðina og ákvað að hætta að lifa lífinu eins og miðaldra kelling að drepast úr leiðindum, vöðvabólgu og appelsínuhúð og haldandi að Gylfi Ægisson sé ennþá aðal töffarinn í bransanum. Nei takk, nú ætlar hún sko að hrista af sér slenið og gera allt sem hana langar til að gera eins og að hanga í tölvunni á kvöldin, skella sér á ball öðru hvoru (og þá ekki með Geirmundi á Players), slóra hjá vinum sínum í kaffi og læra að nota iPod. Maður lifir jú bara einu sinni og til hvers að eiða þessu eina eintaki af lífi sem maður hefur í það að láta sér leiðast og enda sem bitur gömul kelling? Go Frú Líkjör!!

Eins og venjan er þá var ég í sveitinnu yfir jólin. Þar dundaði ég mér svona við eitt og annað og meðal annars það að gramsa í gömlum bókum og blöðum á háaloftinu. Eitt af því sem ég rakst á voru gamlar matreiðslubækur og bækur og blöð um ýmiskonar hagnýt heimilisfræði. Mamma var nefnilega einu sinni í húsmæðraskóla. Ein af þessum bókum var Nýja matreiðslubókin sem gefin var út 1954. Þar kennir ýmisa grasa eins og t.d hvernig á að búa til fjallagrasaysting, netlusúpu og lúðubuff. Það er uppskrift af hænsnum í hvítri sósu og heilabollum sem ég efast ekki um að allir eru spenntir að fá að smakka. Best af öllu er samt uppskrift af súrsuðum júgrum sem ég læt hér fylgja með svo áhugasamir geti gert þetta sjálfir heima hjá sér:
"Skerið júgrið í 2-4 hluta eftir stærð. Skerið upp í spenana og útvatnið júgrið í 1-2 daga. Skiptið oft um vatn til þess að ná mjólkinni. Sjóðið júgrið í 1-3 klst. og kælið. Suðutíminn fer eftir tegund og aldri skepnunnar. Súrsið júgrið í skyrmysu. Á sama hátt má sjóða og súrsa heilbrigð lungu, hrútspunga o.fl." Bon Appetite!

2006-01-01T20:41:00.000Z

Gleðilegt nýtt ár öll sömun!!! Og mínar allra bestu þakkir fyrir það sem er að líða. Því eins og Freddy Mercury sagði í kvæðinu hérna um árið:
"Friends will be friends,When you're in need of love they give you care and attention.
Friends will be friends,When you're through with life and all hope is lost,
Hold out your hand cos friends will be friends
right till the end"
Það er líka ánægjulegt hvað margir eru farnir að blogga þannig að núna getur maður alltaf fundið sér eitthvað skemmtilegt að gera þegar maður nennir ekki að gera neitt í vinnunni.
Ég vil líka þakka Davíð Oddssyni fyrir að hafa hætt í pólitík, Gísla Marteini fyrir að hafa skitið á sig í prófkjörinu, Jónínu Ben fyrir að vera alert fífl 0kkur hinum til skemmtunar í skammdeginu, KR fyrir að hafa ekki unnið neitt í sumar og slegið kanski aðeins á montið, Steve Jobs fyrir að hafa fært okkur iPodinn, Billy Idol fyrir comeback ársins, Blink 182 fyrir að hafa hætt og vil eindregið benda Stuðmönnum á að fylgja fordæmi þeirra.

Ég fór í sveitina yfir jólin eins og venjan er og hafði það afskaplega gott í hinu besta yfirlæti hjá múttu. Eldaði bæði hamborgarhrygg og kalkún að ógleymdu taðreyktu hangiketi af veturgömlum sauð með þverhandarþykkri fitu. En sem betur fer tíðkast skötuát ekki í minni sveit. Fær fólk ekki nóg af skemmdum mat á þessum þorrablótum? Svo bakaði ég auðvitað reiðinnar bísn enda tíðkast það enn til sveita að bjóða gestkomandi upp á minnst 8 sortir af heimabökuðu. Svo voru pakkar opnaðir og allt tilheyrandi og jólabókin í ár hét Whores, og fjallar um hina margrómuðu sveit Jane´s Addiction sem auk margra kosta skartaði einum föngulegasta karlpeningi sem sögur fara af. Sjálfum ofurtöffaranum Dave Navarro.

Það er ekki hægt að tala um allt þetta jólastand og það sem því tilheyrir án þess að minnast á jólalögin. Ekki það að ég hafi hlustað mikið á Jólaleg jól eða Jól alla daga en mér fannst að það yrðu að vera einhver jólalög svona í bakgrunni. Þannig að ég fór á netið og reyndi að finna eitthvað við hæfi og haldiði ekki að ég hafi fundið plötu sem heitir "We wish you a hairy christmas". Þetta er líklega sú mesta snilld sem ég hef heyrt lengi! Þarna eru sem sagt nokkur vel valin hairmetalbönd í spandexi og með túberað hárið að kyrja jólalög eins og þeim einum er lagið. Warrant eru með Father Cristmas og Tuff eru með Jingle bell rock, Roxx Gang með Santa´s back in town og Bullet Boys með Silent night svo nokkur dæmi séu tekin. Hvernig getur þetta verið annað en stórkostlegt?!
Og það er ekki að því að spyrja að ég komst í þetta fína jólaskap. Ég verð að viðurkenna að ég held ég sakni bara heirmetalsins eftir allt saman. Ég er alveg búin að fá nóg af þessu sjálfsvorkunar/þunglyndis/neikvæðnivæli sem er í gangi í dag. Svona gaurar eins og Staind og Korn ættu bara að né sér í snæri og labba bak við hús. Glamrokkið gekk þó út á sex, drugs and rock´n´roll sem er hin heilaga þrenning og ekki skemmdi gott partý fyrir.

Áramótin vori alveg stórfín. Ég fór m.a.s á brennu og svo kíkti sjálfur BB í kaffi og konfekt eftir flugelda. Alltaf gaman að fá BB í heimsókn, mætti gerast mikið oftar!
Forski skellti sér hins vegar til Alabama og ætlar að eyða nokkrum dögum í Redneck country. Sagðist ætla að versla einhver ósköp á útsölunum þar. Kemur eflaust til baka með troðfullar töskur af ermalausum rósóttum kjólum, flatbotna skóm, stretsbuxum og terlínjökkum. Mjög smart. Svo eins og allir vita þá safnar Forski þjóðbúningadúkkum og kaupir örugglega eina í þjóðbúningi Alabama sem er hvítur skósíður kufl með hvítri keilulaga hettu sem nær niðurfyrir andlitið en er með göt fyrir augun. Afskaplega þjóðlegt allt saman. Georga Bush á m.a.s svona búning og notar hann oft.

Ég held að Tensai San sé orðin frægasta persónan sem ég þekki. Hún er að verða jafn fræg og Dorrit held ég bara. Ég hef ekki frétt af því hvað Tensai gerði yfir áramótin en eflaust hefur hún verið í galakvöldverði á Bessastöðum. Ég hreinlega gleymdi að gá að því áðan hvort hún var á myndinni yfir þá sem voru að fá fálkaorðuna.
Eitt man ég þó mjög vel en það var að Tensai San var með miklar yfirlýsingar þess efnis að hún ætlaði sko aldrei að láta sorpsnepilinn DV nappa sig í viðtal. En hvað sé ég núna rétt fyrir jólin annað en forsíðuna á téðum snepli og mynd af Tensai í close up!! Hvað gerðist eiginlega? Komu útsendarar frá blaðinu í skjóli nætur og rændu iPodinum, laptopinum og öllum tölvuleikjunum og hótuðu að koma því öllu fyrir kattarnef nema Tensai féllist á að koma í viðtal? Eða bundu þeir hana fasta við stól og hótuðu að lesa allt ritsafn Halldórs Laxness eða láta hana horfa á allar svart/hvítu, tallausu hrollvekjurnar frá 1926 sem Hammer safnar í bílförmum?? Hvað er næst! Fólk með Sirrý og Brúðkaupsþátturinn Já? Jafnvel að Móðir Jörð geti plöggað viðtali í Bændablaðið þar sem hún er öllum hnútum kunnug. Tensai er eins og allir vita mikill aðdándi klaufdýra með horn og annara mannætuskepna sem ganga villt í íslenskri náttúru og á sér þá ósk heitasta að búa í sveit og mjólka kýr og hesta kvölds og morgna og týna banana og spaghetti af trjánum eins og gert er í sveitum.

2005-12-18T22:48:00.000Z

Ég er komin með Kevin Turvey syndromið sem felst í því að maður gerir nákvæmlega ekkert annað en að vera í vinnunni. Ekki nóg með að ég sé farin að vinna frameftir á virkum dögum heldur er ég líka farin að vinna um helgar og það bæði laugardaga og sunnudaga. Þar sem fólk kanski þekkir viðhorf mitt til vinnu almennt þá þykir þessi vinnusemi af minni hálfu miklum tíðindum sæta. En svona er það að vera ómissandi!
Ég vildi nú samt miklu frekar eyða þessum tíma í eitthvað áhugaverðara eins og að hanga á kaffihúsi, glugga í gott blað eins og t.d Classic Rock sem er mesta snilldar blað ever, fá mér eitthvað gott að borða og sötra eins og einn bjór. Ekki það að maður hafi eitthvað upp úr allri þessari vinnu þar sem það tekur því varla að standa í þessu eftir að skatturinn hefur hirt sitt. En ég er alla vega búin að borga örorkubæturnar fyrir nokkra félagsmálaróna úr Fellahverfinu sem geta nú keypt sér tvær Smirnoff og kassa af Egils Gull í tilefni jólanna og gott ef ekki líka skellt sér á ball með Stjórninni á Players. Nokkrar einstæðar mæður geta líka þakkað mér fyrir barnabætur, barnabótaauka, barnabótaumframauka, aukaumframbarnabætur og extraspesíalaukabarnabætur. Ég er líka búin að borga minn skerf í handsaumuðum silkigluggatjöldum og gullhúðuðum blöndunartækjum á starfsmannaklósetti íslenska sendiráðsinas í Kúalalúmpúr auk þess að borga fyrir uppihald einkakaffiþjóns sendiherrans. Fyrirhuguð jarðgöng á milli Stokkseyrar og Eyrarbakka verða líka m.a kostuð af mínum skattpeningum og líka embætti umboðsmanns fjallasóleyjarinnar.

Ég er ekki mikil jólamanneskaj í mér og er þannig séð voða lítið að spá í þessu öllu. Ég fer alla vega ekki á taugum yfir því að vera ekki búin að skrúbba allt húsið að innan og utan, sauma nýjar stofugardínur eða kaupa mér nýtt sófasett., Ég var t.d að nenna því núna áðan að hengja seríu út í glugga sem er búin að standa í kassa á stofuborðinu í meira en viku. Meiri verður jólaskreytingin ekki á þessu heimili. Þar sem ég var í vinnunni í dag þá ákvað ég að reyna að koma mér í þetta marg umtalaða jólaskap og kveikti því á Létt 96.7 sem spilar bara jólalög. Mikið óttalegt sorp er mikið af þessum lögum. Og svo ekki sé minnst á textana við sumt af þessu sem eru bara algert bull. Takið sem dæmi textann við Little drummer boy. Hann gengur út á það að þessi drummer boy þarna valsar um lemjandi á þessar trommur sínar fyrir jesúbarnið. Hvað haldiði að María mey segi við því að einhver kæmi þarna trommandi með tilheyrandi hávaða þegar krakkinn er kanski nýsofnaður? Ég efast ekki um að hún tæki þessar bévítans trommur og mölvað þær í tannstöngla. Og svo er það lagið Jólaleg jól! Hvaða þvæla er það eiginlega? Jólaleg jól!? Það eru samt ekki bara þessir nýrri jólalagatextar sem ég skil ekki. Ég skil t.d ekki enn vísuna um jólasveina einn og átta, eða a.m.k hluta af henni. Hver er t.d þessi Jón á Völlunum og hvað kemur hann málinu við? Og "upp á stól stendur mín kanna"?! Hvað í ósköpunum á það eiginlega að þýða? Ég held að sá sem samdi þetta hafi verið búinn að fá sér aðeins of mikið út í kaffið. Og þá er ég ekki að tala um mjólkurvörur.

Það var ein kona í vinnunni sem sagði mér frá því um daginn að hún ætlaði að fara og kaupa föt á hundinn sinnl. Þegar ég spurði hana að því hort hundurinn hennar væri hárlaus þá horfði hún svona á mig eins og ég hefði byrjað að tala Hebresku og skildi greinilega ekki þetta kaldhæðna komment. En ég bara spyr, til hvers er fólk að klæða dýrin sín í föt? Heldur fólk virkilega að hundinum sínum líði vel í köflóttum jakka og með slaufu um hausinn og finnist þeir vera svölustu hundarnir á svæðinu? Það er ástæða fyrir því að dýr eru loðin og það er ekki bara til að geta farið úr hárum í uppáhalds sófanum manns. Ég ætti kanski að kaupa jólasveinabúning á Helmút en ég er ekki viss um að honum fyndist það neitt spes þó mér þætti það kanski eitthvað dúllulegt að hafa svarta kanínu í rauðum jólasveinabúning hlaupandi um allt. Svo gæti ég fest bjöllu á dindilinn á honum og hengt jólakúlur í eyrun. Voðalega held ég að jólin yrðu þá jólaleg.

2005-12-08T23:37:00.000Z

Þá er maður kominn heim frá Danaveldi úr þessari annars ágætis árshátíðarreysu með vinnufélögunum og þeirra ektamökum (þ.e þeim sem á annað borð áttu þannig). Ekki það að ég hafi verið að mingla einhver ósköp og satt að segja þá hitti ég ekki eina einustu hræðu úr hópnum fyrr en á þriðja degi. Og það er ekki af því að ég sé svona antisocial eða hafi verið að kaupa hass í Kristjaníu allan tímann heldur hafði ég ekki alveg sömu þörf fyrir að versla frá mér allt vit í einhverjum hræðilegum mollum (sem allir ættu að vita að eru af hinu illa og ætti því að forðast) eins og flestir. T.d fóru allir nema ég og einn eða tveir aðrir í einum hóp í moll dauðans á föstudeginum og eyddu þar heilum 6 klukkutímum! Og ég er ekki að ýkja! For crying out loud, vill eitthvað miðaldra fjölskyldufólk (eins og flestir vinnufélagar mínir eru) sem les þetta útskýra fyrir mér hvernig þetta er hægt! Það var þarna fólk sem fór heim með 5 troðfullar ferðatöskur á stærð við japanskan smábíl og flestir aðrir með litlu minna. En hvað verslaði ég? Fyrir utan áfengi í Fríhöfninni og það sem ég borðaði og drakka...ekki neitt!
Eins og allir hafa tekið eftir þá er ég afskaplega umburðarlind manneskja og laus við alla fordóma og læt hlutina ekki fara svo auðveldlega í taugarnar á mér en eftir þessa helgi þá er ég gjörsamlega farin að hata reykingar og þennan ósið ætti að banna hið fyrsta og allir sem verða uppvísir af því að svæla ofan í aðra á almannafæri ætti að fjarlægja með valdi, keyra út í Krísuvík og skilja eftir þar. Það reykja nákvæmlega allir í Kaupmannahöfn, allsstaðar. Maður er hvergi óhultur fyrir þessum óþverra. Eftir að hafa setið inni á kaffihúsi (og þá er ég ekki að tala um eitthvað Grand Rokk dæmi) þá lyktar maður eins og öskubakki og m.a.s á fínum veitingastöðum er fólk að svæla ofan í mann meðan maður er að borða. Hvar er Þorgrímur Þráinsson núna þegar það þarf á honum að halda?

Maður er alveg hættur að geta opnað blað eða horft á sjónvarp þessa dagana án þess að Tensai San sé þar. Hún er m.a.s farin að skreyta forsíðu Séð og heyrt ásamt Ólafi og Dorrit og hinu þotuliðinu sem hún er víst farin að mingla við. Fyrirsögnin var víst eitthvað á þessa leið "Tensai San deilir uppskrift af súrsuðum selshreyfum með Dorrit sem er mjög spennt að prófa". Og ekki nóg með það heldur keppast nú saumaklúbbar og kvenfélög við að tilnefna Tensai San konu ársins og núna síðast var það Ættfræðifélag Gnúpverja og Vitavinafélagið sem veittu henni viðurkenningu og Línudansklúbburinn Snörurnar hefur gert hana að heiðursfélaga. Hammer gerir lítið annað en að svara aðdáendabréfum og senda hárlokka og áritaðar myndir til æstra aðdáenda.

Þó að það sé kominn 8. des þá er ég eitthvað voðalega lítið farin að spá í þessum jólum. Ég er ekki búin að baka vanilluhringi, föndra jólakort og taka fram 8 kassa af jólaskrauti eins og ég efast ekki um að allar fyrirmyndar húsmæður, eins og t.d Móðir Jörð og Monopoly eru búnara að gera, fyrir utan það að þrífa undir gólffjölunum, sauma jólasveinagardýnur og búa til aðventukransa (sem börnin svo annað hvort rífa í tætlur eða borða, allt eftir aldri). Ég hef ekki heyrt eitt einasta jólalag þar sem ég á iPod og hlusta ekki á útvarp og stór efast um að ég eigi eftir að nenna að hengja upp eitthvað jólaskraut. Kanski ég spreyi bara Helmút rauðan, lími á hann gerfiskegg og strái á hann smá glimmeri og verði með lifandi jólaskreytingu í ár?

2005-11-28T20:42:00.000Z

Ég er búin að vera eitthvað svo voðalega vant við látin undanfarna daga. Skýringin á því er sú að það er búið að vera mjög mikið að gera í vinnunni og ég sem vinn helst aldrei yfirvinnu, enda lít ég á vinnu sem sóun á góðum frítíma, hef verið að vinna frameftir núna í nokkra daga og m.a.s unnið á sunnudegi sem er allra síðasta sort. Það var þó ekkert sem gat komið í veg fyrir Thanksgiving dinnerinn þó að mætingin hafi verið svona upp og ofan. Móðir Jörð fer náttúrulega ekki á mannamót tvisvar á sama ársfjórðungnum þannig að fjarvera hennar kom í sjálfu sér ekki á óvart en Frú Líkjör var sárt saknað og sömu leiðis Tensai San og Hammer. Tensai þurfti að vinna (já sagði ég ekki að vinna væri böl) og Hammer hefur væntanlega týnt sér í svart/hvítri hrollvekju frá 1923. Örugglega algert meistaraverk. Það ánægjulega var þó að Kokksi lagði á sig ferðalag frá útnáranum Eyrarbakka til að geta borðað með okkur kalkún með alles. Gaman að sjá hvað Kokksi var sælleg og rjóð í kinnum með sína bumbu út í loftið í vaðmálspilsi og rósóttum ullarsokkum, greinilega það nýjasta úr Kaupfélaginu á Eyrarbakka. Þetta var meira að segja það fjölskylduvænt matarboð að mini Monopoly fékk að koma með og borðaði sig pakksadda af hálfu epli og einni krukku af sultu og Forski fór heim með heila hvítvínsflösku óopnaða. Hversu gamalt og leim pakk erum við að verða?! Eru það ekki gömlu dansarnir á Hótel Sögu næst og bingó í Vinabæ?

Talandi um Tensai San þá virðist hún vera orðin íslenska útgáfan af Móður Teresu og Díönu prinsessu. Maður fer bráðum að sjá myndir af henni haldandi utan um eyðnismituð börn í Afríku með tár í augunum yfir vonsku heimsins eða bjargandi strönduðum hvölum við strendur Ástralíu eða þá að berjast fyrir rétti Star Trek nörda að gera Klingósku að viðurkenndu tungumáli (enda alls ekkert asnalegri en t.d finnska og hljómar mjög svipað og hollenska). Alls staðar þar sem ofsóttir minnihlutahópar þurfa stuðning er Tensai San mætt hvort sem það er á fundi einstæðra mæðra úr Breiðholtinu sem kerfið sveik eða flokksþingi Framsóknarflokksins. Hammer stendur svo eins og klettur að baki sinni konu sama hvað á dinur, svona eins og Dennis Tatcher.

Þessar framkvæmdir sem hafa verið í gangi undanfarið í borginni hafa væntanlega ekki farið fram hjá neinum. Ég er t.d ekki ein um það að skilja ekki tilganginn með því að búa til einhverjar slaufur og lykkjur á ósköp venjulega beina götu þannig að loksins þegar þú kemst út úr þeim 2 tímum seinna þá endarðu á sama stað og þú byrjaðir á. Svo meðfram öllum þessum 18 akgreinum og slaufum sem liggja allar straight to nowhere á að byggja eitthvað skrilljón fermetra ferlíki sem á að vera viðbót við Landspýtalann. Eru hreinlega allir íslendingar orðnir sjúklingar eða hvað?! Eru lyfjafyrirtækin búin að finna upp það mikið af sjúkdómum eins og bakflæði og athyglisbresti að það þarf sjúkrahús á stærð við þorp úti á landi undir alla þessa sjúklinga sem vissu ekki einu sinni af því hvað þeir voru illa haldnir fyrr en heimilislæknirinn benti þeim á það (og ávísaði um leið á 6 tegundir af lyfjum). Á þetta kanski að vera þetta blessaða hátæknisjúkrahús sem einhverjum PR snillingi á vegum ríkisstjórnarinnar hefur tekist að koma inn hjá þjóðinni að það vanti alveg bráðnauðsynlega? Að byggja eitthvað space age sjúkrahús fyrir fólk með ímyndunarveiki til að það geti svo staðið autt því það eru ekki til peningar til að reka það. Frábært! Vantar ekki líka hátækniskóla fyrir lesblinda (sem öll börn virðast vera nú til dags, ekki það að þau bera nenni ekki að læra að lesa) og örvhenta? Þessi aumingjavæðing er farin að ganga allt of langt. Krakkinn þinn er óþekktarormur sem ætti að rassskella eins og einu sinni til að sýna hver ræður en nú heitir það að aumingja barnið sé ofvirkt, kelling í Breiðholtinu kveikir óvart í stofusófanum með logandi sígarettu á fylliríi og í stað þess að vera bara send í afvötnun þá er aumingjas konan greind með geðhvarfssíki og sjálfsmorðshugleiðingar, einhver í vinnunni þinni djókar með það að þú sért kominn með hamborgararass og bjórvömb (sem flestir íslendingar eru by the way á góðri leið með að fá) og í stað þess að segja viðkomandi að éta það sem úti frýs og helst mikið af því þá leggstu í þunglyndi út af meintu einelti og fólk má ekki lengur fá bakverk án þess að fara á örorkubætur. Ekki furða að lyfjafyrirtækin skili met hagnaði og geti borgað stjórnendunum álíka laun og greidd eru öllum fiskverkakonum á landinu til samans á heilu ári. Hvar endar þetta eiginlega?!

2005-11-16T12:21:00.000Z

Ég gerði mér lítið fyrir og skellti mér tónleika með Bubba Morthens á mánudagskvöldið. Ekki það að ég sé einhver aðdáandi Bubba og finnst hann lítið hafa gert af viti síðan hann þóttist vera hættur að dópa og byrjaði í staðinn að dásama notaða bíla frá Heklu (talandi um að verða miðaldra). En þar sem að mér var boðið þá sló ég til. Rokknaglarnir ógurlegu, Bjössi og Bjarni úr stórbandinu Mínus voru nefnilega fengnir til að spila undir og hrista smá líf í þetta og Bubbi vill greinilega ennþá vera smá rokkari og það lítur því ekki vel út að vera með hljómsveit sem er samansett úr eintómum pappakössum í jakkafötum með velmegunarístru og orðnir óþægilega þunnhærðir.
Þar sem ég sat þarna á svölunum gat ég virt fyrir mér fólkið þegar það gekk í salinn. Það voru þarna gömlu aðdáendurnir sem kaupa allar plöturnar hversu vondar sem þær eru (saman ber þessa Kúbuþvælu hérna um árið og allar ástarjátningarnar til hennar Brynju sem segði svo bara so long and thanks for all the fish og náða sér í nýjan) og kaupa þá oftast ekkert annað því þeir eru algerlega staðnaðir á einhverju slortímabili í lífi sínu. Svo var það miðaldra uppaliðið sem heldur ennþá að það að fíla Bubba sé eitthvað rebel dæmi og svo aðal aðdáendurnir í dag sem eru miðaldra heimavinnandi húsmæður sem hafa líklega aldrei heyrt Ísbjarnarblús og finnst Utangarðsmenn óttalegt garg.
Ég hugsaði með mér að svona ætlaði ég sko ekki að enda, ég hreinlega neita að eldast meira. Ég hef komist að því að það sem heldur fólki ungu fram á grafarbakkann er gott rokk. Sjáiði t.d Lemmy. Lítur hann út fyrir að vera fæddur 1945? Ó nei! Ég hef því ákveðið að hlusta framvegis bara á heavy metal og dauðarokk, fá mér tattoo upp á axlir og byrja í dópinu. Þar sem ég komst aldrei lengra en á Jack Daniels tímabilið á sínum tíma (sem er reyndar mjög mikið rokk) þá þýðir ekkert annað en að taka bara allan pakkann í þetta skiptið. Ég hef dregið fram gamla leðurjakkann minn og sé mest eftir því að hafa aldrei keypt mér spandexbuxur eins og Monopoly átti. Rifnar gallabuxur verða því að duga. Það eina neikvæða við þennan nýja lífsstíl minn er að það er lítið rokk að hanga á kaffihúsum og borða kökur og verð ég því að hætta því snarlega og fara að stunda Ellefuna og aðrar álíka subbubúllur þar sem maður auðvitað pantar sér þrefaldann Jack Daniels í kók. Þegar svo t.d Móðir Jörð eða Monopoly eru að koma úr lagningu eða á leiðinni á Tupperverkynnigu laugardagskvöldi svo ég tali nú ekki um barnaafmæli eða keramiknámskeið þá er ég að mæta á barinn í góðum fíling. "Living after midnight/rockin ´til the dawn" eins og segir í kvæðinu.

Nú fer að styttast í Thanksgiving og eins og komið hefur fram þá ætla Tensai San og Hammer að slá upp partýi og heilmikilli átveislu að því tilefni. Ég er auðvitað boðin og búin að taka til hendinni við eldamennskuna og Forski hefur tekið að sér að velja vín við hæfi með matnum. Hún tekur þetta hlutverk mjög alvarlega og er strax byrjuð að undirbúa sig með því að fara í Ríkið og kaupa rauðvínsflöskur til að smakka. Það skiptir auðvitað miklu máli að vanda valið og mun Forski því vera upptekin við vínsmökkun út næstu viku.
Ég skil samt ekki af hverju þarf að apa allt þetta Thanksgiving dæmi hrátt upp eftir ameríkönum. Það er svo sem ekkert að því að vera með svona þakkargjörðarmáltíð en það ætti að vera íslenskt þema á þessu. T.d að minnast þess tíma þegar flestir höfðu lítið að bíta og brenna og vera þakklát fyrir það sem við höfum í dag. Í staðinn fyrir að borða kalkún sem fæstir hafa einu sinni séð nema frosinn, reittann og afhausaðann í kæliborðinu í Hagkaup þá ætti að vera eitthvað sem tengist okkar menningu meira. Aðalrétturinn gæti verið sjálfdauð rolla sem búin er að liggja í saltpækli síðan um páska og meðlætið væri hamsatólg, njólastappa og mauksoðnar kartöflur. Í eftirrétt væri súrt skyr og pottskófir og milli rétta væri hægt að narta í fiskiroð og tilgengna sauðskinnsskó (gömul handrit er því miður ekki lengur hægt að bjóða upp á). Með þessu væri drukkin eldsúr mysa.

2005-11-06T20:25:00.000Z

Jæja....ég fyrir mína parta verð ég að segja að Halloween partýið á laugardaginn er með skemmtilegri partýum sem ég hef verið í lengi. Fyrir það fyrsta var mætingin framar vonum. M.a.s Móðir Jörð gerði sér lítið fyrir og barðist yfir heiðina í hríðarkófi, óð illfærar ár og barðist yfir snjóskaflana og hélt á vit sorans í stórborginni, burt frá öllum börnunum sem kvöddu hana í dyragættinni með tárvota hvarma og sorgmædd lítil andlit og angist í augum yfir því að vita af móður sinni svo víðs fjarri í heila fjóra klukkutíma.
Ég hefði samt viljað að Kokksi og Kevin Turvey hefðu verið þarna líka. En Kokksi er víst í sínum eigin óléttuheimi núna sem að ég ímynda mér að sé svipað og að vera einhverfur þar sem ekkert kemst fyrir nema óléttan. Ekki það að ég eigi einhverntíma eftir að kynnast þessu hugarástandi, ekki frekar en ég á eftir að kynnast því hvernig geirfuglakjöt er á bragðið eða hvernig það er að framkvæma heilaskurðaðgerð eða hvað þá hvernig tilfinning það er að kjósa Framsóknarflokkinn. Þetta er bara svona mín ágiskun. Kevin Turvey var búinn að boða komu sína og allir biðu hérna spenntir eftir að hitta hann í eigin persónu en ætli það hafi ekki verið framlenging í leiknum hjá Björgarden og Lingbotnen í sænsku þriðju deildinni sem hann hefur starfs síns vegna ekki getað misst af. Einu sinni blaðamaður, alltaf blaðamaður.
En þó að þessa tvo aðila vantaði til að fullkomna gott teiti þá virtust allir skemmta sér hið besta og þá enginn betur en Forski sem lék þarna við hvurn sinn fingur eins og Laxness hefði orðað það. (Tensai San er líka farin að tala svona, wonder why?) Eitthvað var hún þó að óskapast yfir því hvers vegna hún hefði mætt á hjólaskautum þar sem það væri svo erfitt að standa í lappirnar á þeim. Ég benti henni hins vegar á að hún væri alls ekki í hjólaskautum og ástæða óstöðugleikans hliti því að vera önnur eins og t.d þessar fjórar rauðvínsflöskur og átta bjórar sem hún var búin að drekka. Forski og Zorglúbb Mikli tóku það nefnilega óbeðin að sér að innbirða sín á milli mesta allt það meðal áfengismagn sem svona típískt rokkælupartý lætur ofan í sig á heilu kvöldi. Meðan Forski gerði rauðvíninu góð skil þá kom Zorglúbb höndum yfir flösku af rándýru skosku eðal maltwhisky og lét ekki staðar numið í vínsmökkuninni fyrr en það var rétt botnfylli eftir. Ekki það að það hefði skipt nokkru máli eftir þriðja glas hvað hann var að drekka. Ég hefði getað skipt whiskynu út fyrir gamalt heimabruggað hvannarrótabrennivín og hann hefði ekki fundið nokkurn mun. Sé núna reyndar eftir að hafa ekki gert það.
Svo byrjuðu allir á trúnó! Zorglúbb króaði aumingja Monopoly af úti í horni og fór á vinnutrúnó. Af tvennu illu held ég þó að Monopoly hafi viljað sitja undir vinnutrúnói en að fá að heyra allt (og þá meina ég allt) um norskt dauðarokk. Þá tók Forski við og tók hvert trúnóið eftir annað, greip bara þann sem hendi var næstur og jós úr trúnóskálunum yfir viðkomandi sem gat sér enga björg veitt. Svo rammt kvað að þessu að hún var farin að leggja suma í einelti og áttu þeir hinir sömu fótum fjör að launa þegar dugði ekki lengur að fela sig bak við gardínurnar. Endirinn á þessu ævintýri var sá að Frú Líkjör (sem stóð engan vegin undir nafni þetta kvöld en öfugt við suma aðra lærir greinilega af reynslunni) varð að drösla Forska heim eins og kartöflusekk. Þegar boringismi og fyllirísmi eru annars vegar hefur enginn roð í Forska.

Það var ekki bara Halloween partý þessa helgina heldur var líka prófkjörið hjá Sjálfstæðisflokknum. Gísli Marteinn náði kanski ekki fyrsta sætinu...og reyndar ekki heldur öðru sætini og rétt marði þriðja sætið (bwwaaahhhhhhaahahahhhhahahhahaaaa!!!!) en hann var kosinn vinsælasta stúlkan, fallegasta brosið og ljósmyndafyrirsæta Lögbirtingablaðsins. Úrslitin voru túlkuð af stuðningsmönnum hans sem mikill varnarsigur þar sem ytri aðstæður voru mjög óhagstæðar. Það var rísandi naut í fiskum og tunglið í þriðja húsi sem skapaði andstöðu við unga menn með sólheimabros auk þess sem það var stórstreymt og vindur blés úr austri. Þar sem Davíð Oddson var stuðningsmaður Gísla Marteins þá eru þessi úrslit honum mikil vonbrigði og hefur hann því ákveðið að hér eftir verði prófkjör lögð niður innan Sjálfstæðisflokksins. Þau séu hvort eð er örugglega fundin upp af afturhaldskommatittum sem vita ekkert hvað lýðræði þýðir. Það þýðir auðvitað að ráða yfir lýðnum, stupid!.

Nú fer að líða að því að ég bregði mér til Köben í nokkra daga. Ekki það að ég sé eitthvað spennt fyrir Köben, finnst það vera svipað og að fara til Akureyrar og er ekki frá því að tungumálin hjá Dönum og Akureyringum séu jafn óskiljanleg. En þar sem þetta er á vegum vinnunnar og maður þarf ekkert að borga þá auðvitað skellir maður sér. En hvern fjandann gerir maður í Kaupmannahöfn? Treður sig út af smörrebrödi, síld og Carlsberg og kaupir hass fyrir afganginn? En voðalega fannst mér það eitthvað týpískt fyrir miðaldra+ fólkið sem er í meirihluta í þessu fyrirtæki að vilja fara þangað. Hjá sumum er Kaupmannahöfn ennþá nafli alheimsins. Ef ég hefði fengið að ráða væri verið að fara til Róm eða Barcelóna eða eitthvað sunnar á bóginn eða jafnvel til Vínar. Af einhverjum undarlegum ástæðum hefur mig alltaf langað til Vínar fyrir jólin. Ég hef þessa mynd af Vín í hausnum (sem á eflaust ekkert skilt við raunveruleikann frekar en að hér búi allir í snjóhúsum og er bara komin úr amerískum bíómyndum og kókauglýsingum) að þar keyri allir um á hestasleðum með bjöllum á þessum árstíma og allir séu úti á götu að drekka heitt kakó og borða ristaðar hnetur. Svo á öllum gangstéttum séu gamlar konur með sölubása að selja heklaða dúka og þjóðbúningadúkkur og barnakórar eru á hverju götuhorni að syngja Heims um ból (á þýsku auðvitað). Það sé alltaf snjór fyrir jólin og alltaf frost og logn og snjókarl í hverjum garði og upplýst jólatré. Horfði ég kanski of mikið á jólateiknimyndir í desember þegar ég var krakki?

2005-11-01T21:17:00.000Z

Ef þú ert karlmaður er þetta ákaflega kynæsandi mynd. Það verður skýrt út á eftir.

Ég vona að allir séu búnir að fara með grímubúningana sína í hreinsun og taka fram graskerin því það er farið að styttast í Halloween rokkælupartýið mikla á laugardaginn. Þeir sem að vilja troða upp með skemmtiatriðum er það velkomið og gæti Hammer t.d tekið valda kafla úr frægum svart/hvítum hrollvekjum eins og t.d Dracula´s dirty underwear eða The bride of Blob enda Hammer sérlegur aðdáandi bíómynda sem voru framleiddar fyrir daga Rómverska keisaradæmisins með nýjustu tæknibrellum þess tíma. Kevin Turvey var búinn að lofa einhverju "hot" atriði og eins gott að hann standi við það. Kanski hann og Gísli Marteinn hoppi saman út úr graskeri á miðnætti? Kevin Turvey er hér með formlega boðinn sem sérstakur heiðursgestur og sem slíkur fær hann að velja sér óskalög (svo framarlega sem þau séu ekki með hljómsveitum sem byrja á P) og hefur tækifæri til að halda stutta tölu (svo framarlega sem íþróttir koma þar ekki við sögu).
Annars sá ég auglýsingu í DV um dagin sem mig grunaði að Kevin hafi laumað í blaðið. Hún var svona: "Ungan blaðamann langar að kynnast konu með margt í huga. Hún þarf að geta troðið, hlaupið 100 m. á 15 sekúndum, skorað úr beinni aukaspyrnu og sett í þvottavél. Einnig er æskilegt að hún hafi aðgang að Formúlu 1 bíl og finnist Pantera vera gáfumannapopp. Aldur er afsætt hugtak en hún má ekki vera hærri en 2og10 þar sem ég á svo lítinn bíl. Áhugasamir sendi svör merkt Hola í höggi".

Ég skellti mér út að borða um síðustu helgi og fyrir fólk eins og mig dugaði ekkert annað en Hótel Holt og 6 rétta franskur matseðill ásmt jafn mörgum mismunandi tegundum af víni með til að skola öllu rétt niður. Ég var þarna í hópi fræga og ríka fólksins og var þarna t.d einn ónefndur toppur í KB banka væntanlega að halda upp á að hafa keypt hlutabréf í bankanum á 15 milljónir og selt þau svo aftur 5 mínútum seinna á 250 milljónir. En ég meina bissnes er bissnes. Og eins og vera ber þá var pólitíkus á svæðinu, nánar til tekið Guðlaugur Þór sem er örugglega nákvæmlega jafn montinn, sjálfumglaður og leiðinlegur og hann lítur út fyrir að vera. Ég var þarna sjálf í hinu huggulegasta kompanýi jakkafataklæddra ungra manna þar sem voru lögfræðingur, verðbréfasali og hótelstjóri ásamt einum motocrossbrjálæðingi svona til að gera þetta athyglivert. Já, ég er ekki frá því að maður sé á uppleið í lífinu.

Ég er búin að liggja heima með hálsbólgu núna í nokkra daga. Eflaust náð mér í hana þarna á kvennafrídeginum enda allt gjörsamlega morandi í börnum þá niðri í bæ og eins og allir vita eru þau gangandi sýklaúðari með hor og slef niður á höku og öllu svo makað með kámugum puttum á allt og alla ásamt leyfunum af pulsunni sem þau borðuði í háseginu, vaxlitunum sem þau borðuðu stuttu seinna og sandinum með kattapissinu sem þau voru að borða rétt áður en þau voru sótt. Ég hef því verið að lesa blöðin spjaldanna á milli og ýmislegt athyglivert dúkkað upp. Í einu þeirra las ég það t.d að vísindamenn sem hafa greinilega ekkert þarfara með tíma sinn að gera hafa verið að athuga hvernig kynin upplifa mat á mismunandi hátt. Hvað matur höfðar meira til karla en kvenna og öfugt og lykt af hvaða mat kemur fólki til. Það kom mér reyndar ekki á óvart að konur töldu súkkulaði, jarðarber og myntu ákaflega kynörvandi matartegundir. Allt voða exotískt. En karlmenn aftur á móti urðu alveg sérlega til í tuskið við að finna lykt af pizzu og roast beef!! Hversu sexy er það?! Er hægt að vera lúðalegri?!! Ég er búin að kortleggja heilastarfsemi karlmanna. Milli þessara 17 mínútna sem þeir eru að hugsa um eitthvað annað en kynlíf þá eru þeir að hugsa um fótbolta, pizzur og roast beef! Homer Simpson come back, all is forgiven! Þannig að ef kona ætlar að næla sér í einn til í tuskið um helgina þá setur hún bara pizzusneið á milli brjóstanna and the rest is history.

2005-10-26T20:36:00.000Z

Gísli Marteinn er farinn að ofsækja mig. Það virðist vera sama hvert ég fer eða hvaða blað ég opna allsstaðar er Gísli Marteinn brosandi þessu mongólítabrosi sínu. Eins og lög gera ráð fyrir þá fór ég í bæinn á kvennafrídaginn og innan um upprifnar konur með hringladi potta, organdi börn og kröfuspjöldin á lofti hver haldiði ekki að hafi dúkkað upp á Ingólfstorgi og verið að bjóða viðstöddum heitt kaffi annar en Gísli Marteinn strumpurinn síkáti! Af hverju tattóverar hann bara ekki á ennið á sér "kjósið mig, fíflin ykkar" og kemur þá alla vega hreint og beint fram? Ég geri mér þó alveg grein fyrir því að svona fjöldasamkomur eru gósentíð fyrir pólitíkusa á atkvæðaveiðum en flestir hinir létu sér þó nægja að labba með og brosa kumpánlega til nærstaddra. Nú er reyndar að koma sá tími að það má ekki opna almenningsklósett án þess að hópur af pólitíkusum sé mættur á svæðið og allsstaðar þar sem má eiga von á því að sjónvarpsmyndavélar séu, þar eru þeir mættir í flokkum. Hver man ekki eftir grátbroslegum uppákomum eins og að sjá Halldór Ásgrímsson á handboltaleik og vera ekkert að fylgjast með leiknum heldur að passa upp á að allir sæju nú að hann væri þarna úti á meðal skrælingjanna. Og svo er ekki nokkur leið að ná tali af neinu af þessu fólki hin þrjú árin og átta mánuði kjörtímabilssins.
En varðandi kvennafrídaginn þá fór allt friðsamlega fram þó fæstir hafi vitað hvað var um að vera þarna uppi á sviðinu á Ingólfstorgi því ekkert hljóð var á neinu. Það hefur greinilega verið einhver misskilningur í gangi þarna milli skipuleggjenda og þeirra sem sáu um sviðið. Þeir hafa greinilega haldið að þarna væri kröfuganga heyrnrskertra og því engin ástæða til að hafa eitthvað hátalarakerfi í gangi, allt færi auðvitað fram á táknmáli. En ég geri fastlega ráð fyrir að það hafi verið farið fram á réttmætar kröfur eins og styttri vinnutíma, hærri laun, lengra sumarfrí, fleiri kaffipásur og lægri eftirlaunaaldur. Auk þess væri hægt að fara fram á það að karlmenn lærðu á þvottavélar, lærðu að fara eftir leiðbeiningum, gætu hitt ofan í klósett, þrifið eldavélar eftir notkun, lært einföldustu mannasiði, hlustað þegar verið er að tala við þá og áttað sig á því að fótbolti er ekki æðra tilverustig heldur fullorðnir menn að leika sér. En þetta eru nú kanski frekar svona langtímamarkmið sem ber að stefna að í áföngum. Róm var ekki byggð á einum degi

Ég fór á árshátíð um helgina, nánar tiltekið hjá Vélhjólaíþróttaklúbbnum. OK, mér var boðið og þetta eru ekki þeir sem keyra um á ferlíkjum á stærð við tjaldvagn og eru allir komnir með gráa fiðringinn eða þessir á Japönsku túrbósaumavélunum í appelsínugulum leðursamfestingum. Anyway, það var alla vega þess virði að fá gott að borða og skola því niður með nokkrum rauðvínsglösum. En ekki halda að það hafi verið pólitíkusalaust. Nei ó nei. Að vísu var það ekki Gísli Marteinn, hann hefur bara ekkert vitað af þessu því annars hefði hann verið mættur á BMX hjólinu, heldur var Sif Friðleifsdóttir þarna í góðum gír. Sif er nú svo sem ágætis manneskja og ekkert út á hana að setja þannig, en þessi afdankaði stjórnmálaflokkur sem hún er í, það er annað mál. Sjáiði bara hverjir eru þarna fremstir í flokki. Halldór Ásgrímsson, Guðni Ágústsson og Jón Kristjánsson. Er til sorglegri samkoma, ég bara spyr? Aðalfundur Félags útfararstjóra er örugglega áhugaverðari en þingflokksfundir hjá Framsóknarflokknum.

Eins og ég hef minnst á þá hef ég verið mikið erlendis undanfarið og er að fara aftur eftir rúman mánuð. Ég hef kannski einhverntíma sagt það áður, en þetta getum við þessi einhleypu og barnlausu. Síðasta utanlandsferð var til London þar sem ég náði að slappa af eftir að hafa fengið barnafólkið í heimsókn þarna um daginn. Skarkali stórborgarinnar er ekkert á við stjórnlaus börn. Þessi reynsla fékk svo á mig að ég fékk martraðir lengi á eftir þar sem mig dreymdi að ég væri að vinna á barnaheimili. Og að ég væri æfiráðin. Ég lenti nú m.a.s í því í þessari ferð að hafa tækifæri á að hitta David Beckham face to face. Ég var stödd þarna á Oxford Street fyrir utan einhverja stórverslun og allt í einu kemur maður hlaupandi út úr búðinni með gjallarhorn og myndatökulið á eftir sér og fer að tilkynna að David Beckham sé inni í búðinni til að hitta fólkið af götunni. Þar sem ég stend þarna við dyrnar þá vindur hann sér að mér og segir mér að drífa mig inn, ég gæti verið fyrsta manneskjan til að hitta goðið þarna. En þegar ég segi bara nei takk, ég hafi bara ekki áhuga þá horfir hann svona á mig eins og það hafi skyndilega vaxið bananar út úr eyrunum á mér. Ég held að hann sé ennþá að klóra sér í höfðinu yfir þessum furðulegu viðbrögðum, aumingja maðurinn. Því hver vill ekki hitta David Beckham? Sko, hvað er svo sem merkilegt við þennan smámælta froðuheila? Og svo er kellingin hans alveg síðasta sort.
Ég vil líka nota tækifærið og þakka Londoníu fyrir upplýsingar um góða veitingastaði í borginni. En hversu posh lífsstíll er á fólki þegar litli kósí restaurantinn in the hood er þannig að þjónarnir eru betur klæddir en leikararnir við Óskarsverðlaunaafhendinguna, matseðillinn er skrautskrifaður á Egypskan papírus og aðrir en fastagestir þurfa að sýna bankabókina sína áður en þeir fá að panta forréttinn?

Einhvernvegin virðast allir vera fluttir á Eyrarbakka þessa dagana. Móðir Jörð er auðvitað búin að vera þar í kartöflugarðinum heima, eins og Árni Johnsen orðaði það svo skemmtilega. Svo flutti Kokksi á svæðið og ákvað í leiðinni að fjölga mannkyninu þar sem sjálfsagt er ekkert skárra að gera þar. Nú er svo Forski farin í sveitarómantíkina til að hlusta á hafið og horfa á laufin falla og vonast sjálfsagt til þess í leiðinni að fá bókmenntalegan innblástur. Ég hef það fyrir satt að hún sé nú farin að yrkja ljóð í gríð og erg enda annar hver maður þarna í þorpinu skáld eða listamaður. Lítill fugl hvíslaði að mér einu ljóðanna sem Forski hefur verið að yrkja í kvistherberginu á síðkvöldum við kertaljós og vindnauð í rjáfri. Ég hef ákveðið að deila því með ykkur og er það svona:
Tilgangur lísins
Ég horfi út á hafið og velti fyrir mér tilgangi lífsins
öldurnar dansa breikdans á hafsbotninum
og fuglarnir elta bláar kjötbollur milli skýjanna.
Kettirnir mjálma Popplag í g-dúr
þar til mýsnar ganga út og skella hurðum,
tilvern hringsnýst og karlinn í tunglinu
tekur út úr sér fölsku tennurna.
Þá verður mér það ljóst!
Ég verð að drekka minna rauðvín.

Já Forski kann sko fleira en boringisma skal ég segja ykkur. Næsta stórskáld er fætt! Þar sem Tensai San hefur lýst því yfir opinberlega að Halldór Laxness sé mesti snillingur bókmenntasögunnar og að bækur eins og "Í túninu heima" hafi verið henni mikill innblástur þá ætla ég hér að lýsa því yfir að Forski verður okkar næsti nóbelsverðlaunahafi.

2005-10-22T12:14:00.000Z

Þar sem ég hef verið mikið erlendis undanfarið (eða kanski frekar vegna þess að ég hef ekki sjónvarp, hitt hljómaði bara betur) þá hef ég ekki mikið fylgst með þessum íslensku raunveruleikaþáttum sem tröllríða dagskránni á Skjá einum. Ég hafði eiginlega voða lítið pælt í þessu þar til ég sá í slúðurblaði allra landsmanna (þ.e DV) myndir af tilvonandi Batselorum. Og þvílíkt samansafn af aflituðum og ljósabekkjaleignum hnökkum frá Selfossi hef ég bara ekki séð áður. Var bara alls ekki hægt að finna þokkalega útlítandi karlmann í landinu sem var til í að láta hafa sig að fífli og slefa upp í einhverjar sílíkongellur með athyglissýki í leiðinni?! Og þetta ástarfley! Hvað er það?! Seglskúta full af menntaskólakrökkum ennþá á gelgjunni sem leiddist í skólanum en nenntu ekki að vinna, stjórnað af afdönkuðum leikara með gráa fiðringinn. Æði! Svo er það Ædolið. Hvenær hættir fólk að nenna að horfa, og það sem verra er, hlusta á karókíkeppni hæfileikalausra tónlistarviðrina sem halda að það að geta gaulað Sálarlag sé eitthvað til að vera stoltur af? Þetta eru óþolandi gæjarnir með kassagítarinn í öllum partýum og stelpur sem finnst Whitney Houston skapandi og metnaðarfullur tónlistarmaður með einstæða hæfileika og ekkert þeirra gæti samið lag frekar en ég boðist til að halda barnaafmæli (meira af því á eftir). Ég horfi til þess með hryllingi að nú fer Britney Spears og Justin Timberlake kynslóðin að koma inn í þetta og þá á orðið "vont" eftir að öðlast alveg nýja og dýpri merkingu.
Nú bíð ég bara eftir að Skjár einn hristi íslensku útgáfuna af Survivor fram úr erminni. Þar koma væntanlega saman sjóarar frá Tálknafirði og afdankaðar kellingar úr Fellahverfinu nýkomnar úr sinni 8. afvötnun og til í allt ásamt handrukkurum og suðurnesjamönnum sem eru öllu vanir frá Traffic í Keflavík. Síðan verða allir sendir út í Hrísey með nokkra pulsupakka og samlokur, þar sem búið er að loka sóttkvínni þar og allt stendur autt og ekkert gáfulegra við þessa eyju að gera, og kamerurnar settar í gang.

Eins og Monopoly minntist á hérna þá ákvað ég að reyna í mér þolrifin um daginn og bjóða barnafólki í kaffi og kruðerí. Það voru sem sagt Monopoly sjálf ásamt mini Monopoly og Gösli rokk og spúsa hans ásamt tveim afkvæmum undir þriggja ára. Ég veit ekki alveg hvað ég var að hugsa þarna en þetta er svipað og að mér hefði dottið í huga að labba um götur í Ísrael með Hitlersgrímu og syngja Þýska hermarsa. Sem sagt algerlega galið. En fyrst ég var búin að þessu þá var ekki aftur snúið og ég ákvað að gera gott úr öllu og baka vöfflur og ýmislegt fleira gúmmelaði sem maður gæti þó gætt sér á meðan á ósköpunum stæði. Það er skemmst frá því að segja að kanínurnar þurftu áfallahjálp eftir að eitt barnið hafði reynt að slíta af þeim eyrun og annað öskrað svo mikið af skelfingu yfir að sjá þessi mannætudýr að flísarnar losnuðu af veggjunum á baðinu. Ég hef Tensai San sterklega grunaða um að hafa komið einhverjum ranghugmyndum inn í kollinn á mini Monopoly þannig að hún haldi að litlar, krúttlegar, loðnar kanínur séu stórhættulegar manndrápsskepnur svo ekki sé nú minnst á kýr og kindur sem samkvæmt Tensai San eru hin illvígustu rándýr. Ég þurfti svo að fara á heilsuhæli í útlöndum eftir þessa heimsókn. Þar fyrir utan sem ég er enn að finna kámug fingraför undir borðum og stólum og á öðrum stöðum þar sem manni sjálfum dettur ekki í hug að vera með puttana. Hvernig er þetta eiginlega?! Það er hægt að kenna hundum að velta sér og elta prik og hestum að telja og m.a.s fílum að sitja á rassinum en það virðist ekki vera hægt að kenna börnum að haga sér skikkanlega þó ekki væri nema í annara manna húsum? Fussumsvei!!

Þar sem Móðir Jörð hætti við að halda útskriftar-rokkælupartý núna um helgina þá verður fólk bara að bíta í það súra og vera bara þeim mun hressara í Halloween partýinu fyrstu helgina í nóvember. Muna að hafa búninginn kláran og þeir sem geta ekki skilið afkvæmin eftir sjálfala verða að fara að huga að því að koma þeim í geymslu þetta laugardagskvöld. Leim afsakanir eins og að það sé mikið að gera eða hundurinn sé með bronkítis eða það þurfi að skipuleggja sokkaskúffuna eru EKKI teknar til greina.
Nú segist Móðir Jörð ætla að slá útskriftarpartýinu saman við sextugs afmælið sitt og er nú þegar búin að panta safnaðarheimilið á Eyrarbakka undir fögnuðinn og fá samkór kvenfélagsins og kiwanis til að skemmta. Maður verður víst að láta sig hafa það að bíða en verst að þurfa að afpanta þriggja vikna lúxussiglinguna í Karíbahafinu sem hún átti að fá í útskriftargjöf.

Nú þegar Tensai San er orðin heimsfræg fjölmiðlastjarna þá virðist hún vera farin að mingla bara við Einar Kárason og Thor Vilhjálmsson og svoleiðis fólk í kokteilboðum og á frumsýningum og búin að gleyma okkur hinum. Ég reyndi að senda henni tölvupóst um daginn en fékk hann bara aftur í hausinn þar sem selebið var búið að loka netfanginu sínu (nema þá að pósthólfið hafi verið fullt af aðdáendabréfum). Ég gæti bara hæglega "lekið" einhverjum upplýsingum um Tensai San í Kevin Turvey sem hefur hæg heimantökin að láta birta flenni fyrirsagnir í DV eða Hér og nú um gamla skandala og vafasama fortíð.

2005-10-09T20:09:00.000Z

Það er eins og að spyrja Björgólf hvort hann sé blankur eða Jónínu Ben hvort að séu nokkuð annað en lausar skrúfur í hausnum á henna að ég sé að tjá mig um Gísla Martein. En sumt getur maður bara hreinlega ekki staðist. Mig dreymdi nefnilega þennan álf um daginn. Draumurinn var einhvernvegin á þá leið að ðeg var að labba á Laugaveginum að kvöldi til og sé þá álengdar ámátlega persónu klædda eins og Emil í Kattholti standa eins og bjálfa á gangstéttinni. Þegar nær kemur sé ég að þetta er sjálft borgarstjóraefnið sem stendur þarna og er að safna í kosningasjóðinn með því að sýna breikdans fyrir klink. Og hvað geri ég? Nú auðvitað varð ég að sjá karlkvölina dansa breikdans svo ég setti klink í baukinn hjá honum. Og þar með var sá draumur búinn. Og enn að Gísla Marteini, þá sá ég auglýsingu í einhverju blaði þar sem valinkunnugt fólk lýsti stuðningi sínum við hann og dásamaði í bak og fyrir. Móðir Teresa, Jóhannes Páll páfi og Albert Einstein öll til samans hefðu varla þótt stórfenglegri manneskjur. Það sem ég tók þó eftir var það að meðalaldurinn á þessu fólki hefur örugglega verið sá sami og á Grund sem segir kanski mikið um hvaða fólk kemur til með að kjósa þennan sprelligosa. Gamlar konur sem finnst hann vera krútt og vekur upp hjá þeim móðurtilfinningar og gamlir karlar sem finnst hann innst inni vera óttalegur trúður og því auðvelt fyrir þá sem eru með alla spotta Flokksins í hendinni að kippa í þá á réttum stöðum og fá fram réttan hlátur og tilheyrandi smjaður á réttum stöðum. Sjálfstæðisflokkurinn er að verða samansafn af einhverjum svona fjarstýrðum skrýpalingum. Ég held ég bara hætti að tala um þetta áður en ég fer í vont skap og enda kanski á að tjá mig um útibúið frá Flokknum sem Halldór Ásgrímsson stjórnar. Ef einhver hefur lært boringisma þá er það hann.

Jæja, að einhverju skemmtilegara. Það var t.d mjög skemmtilegt að hitta Forska á föstudagskvöldið yfir einum bjór (að því að ég hélt að stæði til). En Forski var ekki á þeim buxunum heldur demdi í sig heilli rauðvínsuppskeru frá meðalstóru brugghúsi og var komin á trúnó dauðans áður en ég gat svo mikið sem rönd við reist. Ég veit t.d núna að hún hún var valin viðskiptavinur ársins hjá Victoria´s Secret, neitar að viðurkenna að ALLIR ameríkanar séu fífl, finnst Michael Bolton vera sexy, finndist Gísli Marteinn bara dúlla ef hann tæki af sér gleraugun og rótaði hárinu pínulítið, hefur fengið viðurnefnið "Tyson" og tróð upp með óvænt skemmtiatriði í síðasta starfsmannapartýi hjá Eimskipum. Og það var ekki að lesa upp úr sænskum fagurbókmenntum, trúiði mér. Forski var því miður ekki alveg jafn hress á laugardagskvöldinu þegar húsfrúin úr Vogunum brá sér í kaupstaðinn til að upplifa skemmtanalífið þar sem Forski átti að vera partner in crime. Vona samt að húsfrúin hefi getað fengið sér eins og einn snúning áður en Forski geyspaði sjálfa sig úr kjálkaliðnum

Nú þegar bissnesvæðingin tröllríður öllu og enginn er maður með mönnunm nema græða á tá og fingri á einhverjum bissnes og geta féflett sem flesta grandalausa neytendur þá er ég búin að komast að því hver er sá sniðugasti. Það er sá sem rekur félagsmálarónabúlluna Monte Carlo þar sem subbuholan Langibar var áður. Langibar var svona staður þar sem þeir voru sem ennþá höfðu einhverja smá sómatilfinningu og voru ekki alveg komnir í það að þekkja alla á Kaffi Austurstræti með nafni. Nú er hins vegar búið að breyta þessu í spilasal. Það er reyndar það eina sem hefur breyst. Það hangir þarna enn sama félagsmálarónaliðið og einstaka fullir sjóarar. Snilldin í þessu hjá eigandanum felst auðvitað í því að geta á lúmskan hátt hirt nákvæmlega hverja einustu krónu með gati af kúnnunum sínum. Ef þeir ekki ná að drekka út allar bæturnar sínar á barnum þá eyða þeir því sem eftir er í spilakössunum. Ég sé fyrir mér heilmikla útrásarmöguleika og þá sérstaklega á norðurlöndunum þar sem bæturnar eru mun rausnarlegri en hér á landi og þar býr mikið af íslendingum á allskonar bótum sem myndu taka þessu framtaki fagnandi. Þarfir þessa markhóps eru líka vel þekktar. Happy hour frá 4-7 og tveir fyrir einn af ákavíti ef keyptir eru 5 bjórar. Vöruframboð þarf heldur ekki að vera mikið heldur nægir ein tegund af þokkalega drykkjarhæfum bjór með ekki miklu botnfalli og ein til tvær tegundir af sterku víni sem blandast vel í volgt, goslaust kók. Enginn myndi t.d setja heimabrugg fyrir sig svo framarlega sem enginn yrði blindur af því og réttu ölvunarstigi yrði náð án annara teljandi aukaverkana.

Að lokum vil ég svo minna fólk á að taka frá laugardaginn 5. nóvember fyrir Halloweenfagnaðinn mikla sem stendur til að halda. Þeir sem þurfa t.d á barnapíum að halda eru vinsamlegast beðnir að tryggja sér a.m.k tvær svo ekkert geti farið úrskeiðis. Öðrum er bent á að róa sig í rauðvíninu kvöldið áður svo engin gleðiorka fari til spillis. Planið er að hafa þetta veglega hátíð með útskornum graskerjum og viðeigandi búningum og öll skemmtiatriði sem þykja hæfa tilefninu eru vel þegin. Að Forski syngi Enríke Iglesíasfroðuballöður hæfir t.d ekki tilefninu Og þó, tilhugsunin er reyndara bara þónokkuð skerí og veit ég að bæði Hammer og Tensai San hafa upplifað það og Hammer fær enn martraðir þar sem hann dreymir Enríke búi í næstu íbúð og syngi endalausa dúetta með Júlíó Iglesías. Það verður nú að vera eitthvað meira en að láta grey Kevin Turvey syngja Helloweenlög á g-strengnum(bara til að ná réttu tóntegundinni, auðvitað og hefur ekkert með pervertískar hugsanir að gera).

2005-10-02T18:44:00.000Z

Þá er enn einn sunnudagurinn runninn up með tilheyrandi leti. Sofið fram undir hádegi eins og vera ber, hangið á internetinu smá stund, rölt í bæinn og fengið sér eitthvað í svanginn og hangið á huggulegu kaffihúsi með gott blað í hönd og úðandi í sig kaffi og kruðeríi fram eftir degi. Kíkt í bókabúð á leiðinni heim, sest í hægindastólinn með Fréttablaðið (maður verður nú að fylgjast með Baugs sápunni) og nýlagaðan kaffibolla og góða músík í gangi og Helmút knúsaður aðeins í leiðinni. Kanski maður fari svo bara út að borða í kvöld. Já, þetta getum við þessi einhleypu og barnlausu leyft okkur. Að lifa algerlega áhyggjulausu lífi án þess að vera nokkuð að spá í hvað einhverjir aðrir eru að bollaleggja og þar sem maður gerir bara það sem manni dettur í hug, þegar manni dettur það í hug.
Það er bara vinnan sem skemmir fyrir mér þetta fullkomna líf. Að þurfa að mæta eitthvað inn í Kópavog kl. 8 á hverjum fjandans virkum degi og komast ekki í burtu fyrr en kl. 4 er auðvitað alveg óásættanlegt. Vinna er mannskemmandi og ég tala nú ekki um ef maður situr uppi með leiðinlega vinnufélaga. Mínir eru að vísu flestir þolanlegir í hófi sem er betra. Ég gæti t.d verið að vinna með Gísla Marteini, spáiði í því! Það eru ekki nema furðufuglar eins og Kevin Turvey sem bókstaflega sækist eftir því að hanga í vinnunni daga og nætur. Honum hefur nú staðið til boða heilt hlaðborð af kruðeríi og nýmalað kaffi frá Guatemala ásamt mínu margrómaða kompaníi og ég hef m.a.s gengið svo langt að bjóðast til að spila Pantera sem dinnermúsík en allt kemur fyrir ekki. Nei, það þarf að horfa á 5 fótboltaleiki sem allir fara 0-0 og 8 körfuboltaleiki þar sem 15 ára gettónegrar sem eru hvorkir læsir né skrifandi rífast í dómaranum og slást sín á milli á góðum degi og 80% af tímanum sem leikurinn tekur fer í auglýsingar og leikhlé. Svo er það langstökk einfættra, kúluvarp kvenna með bringuhár, bogfimi blindra og ökuleikni Bandalags félagsmálaróna úr Fellahverfinu. Fullkominn dagur!

Eins og þeir hafa tekið eftir sem ekki hafa verið í sól og sumri í útlöndum þá er þetta kaldasti september frá því mlingar hófust sem nú er að enda. Það eina sem hefur bjargað þessum mánuði frá því að vera í minnum hafður fyrir ömurlegheit er Jónína Ben. Konan er snillingur!! Akkúrat þegar þarf á einhverju upplífgandi að halda þá bjargar hún deginum með því að kunna ekki að senda tölvupóst á rétt netföng. Og ef einhver hefur efast um að Sjálfstæðisflokkurinn er eins og Mafían og Davíð þá Corleone eða hvað hann hét, þá opinberast það núna. Eini munurinn er að hér kýs yfir 30% þjóðarinnar Mafíuna yfir sig af fúsum og frjálsum vilja hversu furðulega sem það hljómar. Og gerir það aftur og aftur hversu illa sem Davíð og co. taka okkur í rassgatið og koma fram við okkur eins og við séum algjör fífl (sem by the way rúmlega 30% þjóðarinnar er greinilega og á því ekki annað skilið en að vera tekinn í rassgatið).
Það vantar fleira fólk eins og Jónínu Ben og Árna Johnsen til að skemmta okkur í skammdeginu. Fólk sem er algerlega siðblint og hugsar ekki um neitt nema eigið rassgat og er svo uppfullt af sjálumgleði að hrokagikkurinn þarna hjá Chelsea er eins og Dalai Lama í samanburði og skandalisera svo svakalega að skítamokstursgengið ú Flokknum með Jón Steinar og Harald Johannessen fremsta í flokki nær ekki að róta yfir drulluslóðina áður en lyktin fer að anga um allt. En hvað gerir rumlega 30% þjóðarinnar? Kýs þessa drulluháleista enn og aftur! Getur maður ekki sagt sig úr íslensku þjóðfélagi eins og maður getur sagt sig úr þjóðkirkjunni og verið svona utan þjóðfélaga? Já, ég er alveg brjáluð!!!

Svo maður snúi sér að einhverju jákvæðara þá hittumst við Forskaren um daginn og skipuðum sjálfar okkur í skemmti og menningarmálanefd. Öfugt við þær nefndir sem þessi volaða ríkisstjórn sem við sitjum uppi með skipar, þá hefur þessi skilað tillögum af mikilli skemmtidagskrá bæði fljótt og örugglega. Fyrsta mál á dagskrá er auðvitað útskriftarpartý hjá Móður Jörð. Skemmtinefndin kom að vísu ekki beint að þeirri ákvörðun en eftir að hafa komist yfir tölvupóst þess efnis að skemmtiatriðin ættu að vera upplestur Móður Jarðar úr BA ritgerð sinni "Notkun gúmmístígvéla í íslenskum fjósum og flórmokstur á fyrri hluta 20. aldar", söngatriði með Karlakórnum Breimir, samkvæmisleikir og bingó þá var ákveðið að grípa í taumana og leggja til að haldið verði almennilegt rokkælupartý þar sem drukkinn verður vodki í volgu og goslausu kóki og ekkert spilað nema heavy metal. Með miklum úrtölum tókst að fá Móður Jörð til að samþykkja þessa tillögu.
Síðan verður Halloween haldið með pompi og prakt þann 5. nóvember, Thanksgiving þann 26. nóvember og Lúsíukvöldið margfræga þann 10. desember. Nú veit ég að barnafólkinu sundlar og liggur við yfirliði að lesa þennan lista. Þetta eru hvorki meira né minna en FJÓRAR helgar!! Jedúddamía!!! Heldur þetta einhleypa lið að fjölskyldufólk hafi ekkert skárra að gera en að vera úti á lífinu helgi eftir helgi? Börnin eiga eftir að bíða varanlegan skaða af að hafa ekki foreldrana yfir sér ALLA 365 daga ársins. Þau fara að þjást af ofvirkni og athyglisbresti og enda sem vandræðaunglingar sem spila tölvuleiki og hlusta á þungarokk og eignast jafnvel kærustur eða kærasta. Þetta er bara of hræðilegt til að hugsa þetta til enda!! Það verður því bara að koma í ljós hverjir taka þá örlagaríku ákvörðun að taka þátt í gleðinni en ekki er ráð nema í tíma sé tekið og skipulagsglöðu hér með gefið tækifæri á að skipuleggja sig út árið.

2005-09-24T10:42:00.000Z

Jæja, þá er maður bara kominn heim aftur. Ég skil aldrei í sjálfri mér hvað még er að gera hérna á þessu ískalda og rándýra skeri eftir að hafa verið í útlöndum í nokkra daga. Þegar ég kom heim á föstudagsnóttina þá var auðvitað rok eins og er hérna alltaf og það komu snjókorn í flasið á mér þegar ég opnaði hurðina á flugstöðinni og kuldinn nísti inn að beini. Svo fór ég í búð í gær til að kaupa svona það nauðsynlegasta til að eiga í ísskápnum eins og jógúrt, ost, álegg og kál handa Helmút og það kostaði jafn mikið og ég eyddi á þrem dögum úti í Króatíu. Þar kostar t.d 16" pizza 350 kall, bjór í gleri á veitingastað 130 kall og kúluís með tveim kúlum 120.
Það er reyndar ástæða fyrir að ég nefni þetta þrennt því þetta er búið að vera uppistaðan í fæðinu síðustu tvær vikurnar. Þó Króatía sé alveg afskaplega fallegt land og karlmennirnir sérstaklega álitlegir, hávaxnir og myndarlegir, þá geta Króatar ekki eldað mat almennilega frekar en ég kann að skipta um hásingar í vörubíl. Það er allt ofeldað og ókryddað og við sem viljum hafa einhverja sósu með öllu erum ekkert voðalega hrifin af þurru kjöti með soðnu grænmeti. Svo get ég svarið að þeir eru enn að drekka gulan Braga, alla vega bragðaðist kaffið þannig. En þeir virðast hafa lært að búa til góðar pizzur og góðan ís af nágrönnum sínum Ítölunum, þeir eiga bara eftir að ná þessu með kaffið almennilega.
Síðustu tvo dagana var ég svo á Ítalíu. Ég stóð í þeirri meiningu að það ætti að vera í Bolognia þaðan sem var flogið en svo kom í ljós að ferðaskrifstofan hafði ákveðið að hola okkur niður á Rimini þar sem var víst annar hópur á þeirra vegum. Ég fékk hroll bara við að heyra nafnið og ekki minnkaði skelfingin þegar keyrt var inn í bæinn og strönd dauðans blasti við eins langt og augað eygði. Eintómir feitir túristar flatmagandi í sólbekkjum og einhverjir hoppukastalar og rennibrautir allsstaðar. Næst við ströndina var svo túristaverslunargatan þar sem allar búllurnar seldu sama draslið og síðan var restin af húsunum sem maður sá hótel. Ég hafði það á tilfinningunni að ég væri stödd í helvíti. Hvað í ósköpunum átti ég að gera hér í næstum tvo heila daga?! En upp á vgg á hótelinu rakst ég á kort af bænum og fór að skoða það aðeins og sá þá eitthvað sem var kallað old town og var í 15 mín. göngufjarlægð. Það gat ekki verið verra en það sem ég hafði hingað til séð svo ég arka af stað og viti menn, haldiði ekki að ég hafi fundið þennan voðalega huggulega gamla bæjarhluta með gömlum borgarmúrum, rómversku hliði, göngugötur og torg með gosbrunnum og styttum af páfum og herforingjum og kaffihús allt í kring. Fullt af fínum merkjavörubúðum og fólkið í kring um mann var ekki allt klætt eins og fífl og flestir töluðu ítölsku. Þarna gat ég líka loksins fengið almennilegt kaffi og alveg svakalega gott tiramisu. Mér var borgið!
En fólk verður bara að kíkja í heimsókn til að heyra nánari ferðasögu. Kaffi og kruðerí í kvöld fyrir þá sem það vilja. Ég hef heldur ekkert heyrt hvað hefur gerst markvert í fjarveru minni. Hvernig er kartöfluuppskeran í ár og er Móðir Jörð búin að taka slátur? Er Forski búin að sökkva sér ofan í sænskar málvísindabækur eða er hún enn að lesa Rauðu ástarsögurnar? Hefur Monopoly lyft sér upp og brugðið undir sig betri fætinum og farið á bókasafnið um helgina? Eru Hammer og Tensai San búin að kaupa nuddpott og innbygða poppvél við ultra-mega-túrbó 2000 sófann sinn? Og hvar er Kokksi????????!!!!!!!!!!!!!!

2005-09-07T21:22:00.000Z

Á þessum tíma á morgun verð ég á Ítalíu! Vildi bara deila þessu með ykkur. Síðan taka við tvær vikur í sumri og sól í Króatíu. Vildi líka bara deila þessu með ykkur.
Ég átti afskaplega ánægjulegt símtal við Móður Jörð í gær. Alltaf gaman að heyra hvað er að gerast úti á landi. Kartöfluuppskeran lofar góðu, berjaspretta er með besta móti lömb koma feit af fjalli og hreppsnefndin hélt opinn hátíðarfund í tilefni af því að 20 ár eru liðin síðan bensínstöðin opnaði. Það er hreinlega allt að gerast á Eyrarbakka. Og þar sem Móðir Jörð getur bráðum formlega farið að titla sig íslenskufræðing þá er hún á kafi í viðeigandi verkefnum. Hún er að skrifa mjög lærða grein í Bændablaðið sem ber yfirskriftina "Vöxtur kartöflugrasa í votviðrasömu árferði og áhrif kattahlands á garðrækt í þéttbýli". Og ekki nóg með það heldur er hún orðin ritstjóri Markaskrárinnar og hefur tekið að sér að skrá sögu Kvenfélagsins Hallgerðar á Eyrarbakka og þegar tími gefst til skrifar hún pistla um sultugerð og barnauppeldi í bæjarblaðið Bakkabúann.
Mér skilst að Kokksi lifu öllu rólegra lífi þarna í sveitinni. Hún er víst búin að leggja öllum pinnahælaskónum sínum og flegnu dressunum og gengur hamingjusöm í hippamussum og sandölum og týnir blóm og hlustar á fuglasöng. Forski var eitthvað að reyna að koma henni á deit en fann ekkert skárra en fjarskildan ættingja Gísla á Uppsölum ættaðan frá Alabama sem hafði ekkert um að tala annað en pikköppa og haglabyssur. Að sögn flúði Kokksi svo hratt af vettvangi að mr. date from hell er eiginlega ekki búinn að átta sig á því ennþá. Nei, Forski ætti bara að halda sig við þessi bókmenntaverk sem hún virðist lesa af fúsum og frjálsum vilja en eru víst þannig að þau fá Tensai San til að tárfella af leiðindum við það eitt að lesa á kápuna. Hammer setur bara upp gömlu gleraugun sín og sér ekki neitt og er því óhultur fyrir þessum ósköpum.
Ég brá mér á kaffihús um daginn sem ég geri reyndar ansi oft (við getum þetta þessi einhleypu og barnlausu) og væri það ekki í frásögur færandi nema hvað... Ég var sem sagt stödd á Te og kaffi á laugardegi. Ég læt mig oft hafa það að fara þangað þrátt fyrir að það sé óopinber samkomustaður fólks í fæðingarorlofi þar sem kaffið þar er með eindæmum gott svo ekki sé minnst á súkkulaðikökuna. Ég er þarna í mestu makindum að glugga í blöðin og sötra kaffið mitt og er m.a.s ekkert sérstaklega að pirra mig á kjökrandi börnum og er að fara að stinga upp í mig girnilegum súkkulaðikökubita þegar mér verður litið á næsta borð. Þar situr kona sem ég get svarið að er bara að koma af fæðingardeildinni, svo lítið barn er hún með og í þeim töluðu orðum skvettir hún upp brjóstunum og stingur öllu saman á kaf upp í krakkann sem er eins og fluga á appelsínu miðað við mjólkurbúið. Svo er það bara plopp og næsta brjóst upp á borð. Sko, þetta er ekki það sem maður vill horfa upp á yfir kaffi og kruðiríi. Einhverjir verulega ofvaxnir svitakirtlar, signir niður á nafla og í litum sem maður á ekki að venjast. Þetta er grós!! Ég vil beina þeim tilmælum til kvenna sem þurfa að fóðra börn með eigin framleiðslu að gera það heima hjá sér eða a.m.k sýna öðrum þá tillitssemi að fara á afvikinn stað eða snúa sér undan í stað þess að geifla tútturnar framan í alla viðstadda. Þetta er svona svipað og að karlmenn myndu si svona vippa niður um sig buxunum á almannafæri og fara að klóra sér í pungnum (sem virðist vera ein af frumþörfum karlmanna). Næst þegar ég fer á Te og kaffi verður það eftir venjulegan háttatíma ungabarna.
Í dag voru að berast þau stórtíðindi að Aðal hefur ákveðið að hætta að ráða öllu opinberlega og ætlar þess í stað að einbeita sér að því að ráða öllu bak við tjöldin. Svo fyrir algera tilviljun var að losna staða Seðlabankastjóra sem er svona þægilegt innidjobb sem Aðal gæti vel hugsað sér að dútla við meðfram garðræktinni og briddsinu. Ágætis peningur líka þó Aðal hafi auðvitað verið búinn að hugsa fyrir því fyrir löngu og lagað til eftirlaunakerfi uppgjafa pólitíkusa þannig að hann mun lifa góðu lífi það sem eftir er. Eitthvað fóru þessar fréttir þó illa í suma því það sást til margara ungra mann í jakkafötum og með fartölvur hágráta ofan í bankabækurnar sínar og rétt getað staulast upp í jeppana sína og út í úthverfin þar sem lagt verður á ráðin um það hvernig koma megi björtustu von íslenskra stjórnmála til valda, sjálfum Gísla Marteini, holdgerfingi stuttbuxnahersins úr Valhöll
Svo vil ég bara segja, hafið það gott á meðan ég er í fríinu, þó þið eigið auðvitað ekki eftir að hafa það eins gott og ég næsti tvær vikurnar:)

2005-08-29T15:06:00.000Z

Við Monopoly ákváðum á föstudaginn að vera ekkert lengur að púkka upp á þetta lið sem maður þekkir og héldum kaffi- og kruðirískvöld fyrir okkur sjálfar (það var orðið allt of langt síðan maður gat afsakað sætindaát með því að það væru jú gestir). Til að gæta alls jafnræðis þá voru látin boð út ganga að þetta stæði til og okkur til mikillar ánægju sá húsfrúin úr Vogunum sér fært að mæta og tók m.a.s með sér nýjan meðlim í kruðirís- og slúðurfélagið þar sem aðrir virðast hafa fullt af öðrum hnöppum að hneppa eða þá búa í öðrum landshlutum þar sem samkvæmi eru ákveðin með þriggja vikna fyrirvara. En það er allt hægt ef viljinn er fyrir hendi eins og maðurinn sagði. Thanks for nothing!

Það er þó ánægjulegar fréttir að Forskaren hefur látið heyra frá sér aftur eftir langa þögn (eitthvað sem maður á ekki að venjast á þeim bænum). Hún er víst farin að stunda Kick box og Rómverska glímu á fullu þar sem hennar íðilfagri og gjörsamlega ómótstæðilegi hunk virðist laða að sér annað kvenfólk eins og opnunartilboð í raftækjabúð. Hver getur svo sem staðist mann með fortíð og er að komast á eftirlaun þannig að ekki þarf að hafa áhyggjur af að hann eyði heilu og hálfu sólarhringunum í vinnunni? Það er ástæða fyrir því að dýrustu húsgögnin eru í antíkbúðunum. Fólk vill hluti með sögu. Svo er hann bæði með sitt eigið hár og tennur og getur lesið á gigtarlyfjaumbúðir án þess að nota gleraugu. Hún þarf því að verja sitt með kjafti og klóm og lætur það ekki eftir sér að hjóla í Úkraínska Evrópumeistarann í bekkpressu kvenna hérna um daginn þar sem Forska þótti konan sú vera að færa sig heldur mikið upp á skaftir. Já konur biðja ekki ókunnuga karlmenn um að rétta sér saltið á veitingastað nema eitthvað miður siðsamlegt búi þar undir. Forski var reyndar með glóðarauga á báðum og sprungna vör á eftir en eins og segir í kvæðinu "stand by your man".

Mér varð það á um daginn að fletta slúðurpésanum DV (það var algerlega óvart, ég hélt ég væri að lesa Lögbirtingarblaðið) og haldiði ekki að ég hafi rekið augun í mynd af íþróttaálfinum ógurlega Kevin Turvey þar sem hann var að tjá sig um vesturbæjarmótið í pokahlaupi og skella fram heitasta slúðrinu úr skautadansinum. Var hann hinn vígalegasti á að líta í Hells Angels gallanum og með marghleypuna á öxlinni. Þetta er kanski standard viðbúnaður þarna á DV þar sem alltaf má eiga von á bálreiðum forsíðuviðfangsefnum blaðsins að leiðrétta eitt og annað sem var kanski ekki alveg sannleikanum samkvæmt. Maður er nú bara hálf smeikur við að bjóða honum í vöfflur. Hvað ætli nágrannarnir haldi? Ég sem er ekki þekkt fyrir annað en að vera fyrirmyndarnágranni sem aldrei er nokkrum manni til ama og trufla aldrei neinn með hávaða og partýlátum enda engin ástæða að spila Michael Bolton eða Kenny G. í einhverjum hvínandi botni og þetta fólk sem maður þekkir er hvort sem er allt orðið það gamalt og þreytt að það er farið að geispa um 10 leitið ef það þá hefur sig í að standa upp úr sófanum og kíkja í heimsókn og allir eru farnir heim og háttaðir undir sæng fyrir miðnætti

Þá hefur uppáhald okkar allra, krúsídúllan hann Gísli Marteinn ákveðið að hann langi til að vera næsti borgarstjóri í Reykjavík. Helstu baráttumálin eru að koma upp Tívólíi á Austurvelli og bjóða upp á ókeypis candyfloss, að löngu frímínúturnar verði lengri, að stærðfræðikennsla verði lögð niður, að allar opinberar byggingar verði málaðar bláar og að öllum verði gert skylt að ganga með blá hanska. Einnig að öllu gömlu fólki verði séð fyrir ókeypis fölskum tönnum. Hann kynnti framboð sitt á Grænuborg í gær og bauð upp á pylsur handa öllum að því tilefni. Hér er ungur maður með hugsjónir og markmið og vilja til að brúa kynslóðabilið

Borgarstjóraefnið á framboðsfundi

2005-08-23T13:27:00.000Z

Ég get ekki sagt annað en að ég hafi átt hina fínustu menningarnótt- og dag. Var komin í bæinn við fyrsta hanagal (sem er um kl. 2, þetta er morgunsvæfur hani) með myndavélina á lofti ef ég skildi rekast á eitthvað mjög myndrænt. Það var múgur og margmenni eins og lög gera ráð fyrir en ég fór út með því hugarfari að láta ekkert raska minni stóísku ró og alls ekki að láta tillitslaust baranavagnafólk fara í taugarnar á mér. Ég stóð mig m.a.s að því að vera í slagtogi með títtnefndu barnavagnafólki þar sem ég hitti Monopoly ásamt mini Monopoly á menningarröltinu. reyndar passaði ég mig á því að standa hinu megin við götuna með "ég þekki ekki þessa konu" svip þegar óumflýjanlegir fylgifiskar barnavagnafólks, þ.e öskrandi og grenjandi börn, fóru að láta verulega á sér bera og mini Monopoly hóf að þenja raddböndin. Reyndar uppgötvaði ég pottþétta aðferð til að losna undan ágangi (í orðsins fyllstu merkingu) barnavagnafólksins á svona samkomum. Maður einfaldlega leitar uppi einhverja háværa rokkhljómsveit og viti menn, ekki einn einasti barnavagn nálægur. þannig gengur maður bara milli hljómsveita og kemur tiltölulega ómarinn og lemstraður út úr þessu öllu. Málið með 17. júní er að það eru allt of fáar hávaðasamar rokkhljómsveitir og allt of margir brúðubílar þar þannig að þá er beinlínis stórvarasmt að vera á ferli.

Ég hef verið að reyna að hóa saman nokkrum kerlingum í kaffi og kruðirí undanfarið og er skemmst frá því að segja að það hefur engan árangur borið. Það er örugglega auðveldara að koma á friði í mið-austurlöndum og fá Davíð Oddsson til að segja eitthavð fallegt um Jón Ásgeir. Þetta verkefni er ég farin að kalla Mission impossible og sé ég fyrir mér að þriðja myndin (eða hvað þær eru nú margar) í samnefndum myndaflokki verður byggð á þessu. Tom Cruse leikur þá mann sem reynir að fá 6 vini sína til að koma eitt kvöld og spila póker og drekka bjór (það gengur einfaldlega ekki að láta aðal karakterinn skipta um kyn eftir 2 myndir þannig að þetta fjallar um nokkra kalla) en hernig sem hann reynir þá eru menn alltaf að gera eitthvað annað. Einn er t.d kominn með 20 árum yngri kærustu sem á poodlehund sem heitir Mímí og geltir allan sólarhringinn og eyðir öllum hans peningum í handtöskur og naglasnyrtingu, annar á 18 börn sem hann er búinn að telja sér trú um að verði gjörsamlega ósjálfbjarga fram undir tvítugt og einhverjir ákváðu að flytja til Melrakkasléttu og freista gæfunnar við veðurathuganir og svo mætti lengi telja. Eins og allir hljóta að sjá er þetta erfiðara verkefni en að fletta ofan af leynifélagsskap umhverfisverndarbullna sem spreyja staðhæfulausum áróðri á opinberar byggingar og valda með því upplausn í þjóðfélaginu.

Eins og flestir hafa tekið eftir hefur Forskaren verið í eitthvað annarlegu ástandi upp á síðkastið. Hún er víst farin að trúa öllu sem stendur í Rauðu ástarsögunum og hefur ekki hætt að brosa síðan í júlí. Nú hefur hún gjörsamlega gufað upp og er ég farin að halda að það sé eitthvað dularfullt á seyði. Ég hef heyrt af Ultra-mega kins-size turbo 3000 sófanum sem Tensai San og Hammer fjárfestu í nýlega m.a til að Forskaren hefði einhversstaðar höfði sínu að halla sem fátækur námsmaður. Ég vil bara benda Tensai San á að leita betur í sófanum hvort það gæti verið að Forski sé þar einhversstaðar og rati ekki upp úr honum aftur. Þó rámar mig í það svona þegar ég fer að hugsa um það að það var eitthvað útlent herskip hér um helgina og nokkrir huggulegir ungir menn í júníformum sáust spígspora um bæinn en í eitt skiptið fannst mér ég sjá svona útundan mér 4 dáta á harðahlaupum undan konu í rósóttum sumarkjól. Þar sem mér fannst þetta allt hálf undarlegt var ég viss um að mér hefði missýnst eitthvað en svona eftir á að hyggja þá svipaði þessari konu ótrúlega mikið til Forska í sumardressinu sínu og flestir þekkja áhuga hennar á mönnum í einkennisbúningum. Hún var t.d lengi að jafna sig eftir að Angus Young gekk út. En ég vænti þess að Forski geti gefið skýringar á þessu öllu saman. Stuttu seinna sá ég svo Kevin Turvey með 3 ljósmyndara og sminku hlaupandi á eftir þar sem han sá fyrir sér forsíðufrétt á DV "Einstæð móðir úr Fellahverfinu áreytt af vopnuðum handrukkurum af erlendu bergi brotnum í Reykjavíkurmaraþoninu" undirfyrirsögnin væri svo "kerfið verndar ekki borgarana gegn dæmdum ofbeldismönnum"

Q: Af hverju lítur George W. Bush alltaf út eins og hálfviti á myndum?
A: Hann er hálfviti:)

2005-08-15T11:53:00.000Z

Það kemst enginn upp með að vera krimmi eða ólátaseggur á Íslandi, það er alveg ljóst. Okkar ástkæra ríkisstjórn og málaliðar hennar með sjálfan ríkislögreglustjóra í fylkingarbrjósti prúðbúinn með borða og gullbryddingar upp á axlir, vernda okkur borgarana fyrir þannig óþjóðalýð. Við vitum öll að þessi Baugsfamilía er skítapakk eins og hún leggur sig. Kaupa útlend fyrirtæki út um hvippinn og hvappinn (þeir eru búnir að kaupa allt á Íslandi sem er til sölu) eins og einhverjir fínir menn og græða fullt af peningum og allt þetta án þess að spyrja Hans náðasamlegustu hátign Davíð Oddsson að einu eða neinu. Senda honum örugglega ekki einu sinni jólakort, hvað þá bjóða honum í lax. Svo er þetta lið spanderandi á sig pylsum og hamborgurum og gott ef ekki ódýru útlensku brennivíni líka og allt straujað á kreditkortin hjá fyrirtækinu og hluthafarnir tapa milljörðum...nei, skrilljörðum á öllu sukkinu. Þetta er fólk sem kann ekki að skammast sín og svo er þessi Jóhannes bara fyllibitta og kommúnisti. Svona fólk á auðvitað að draga fyrir dómstóla og eins gott að bæði frændinn og besti vinurinn eru komnir í hæstarétt til að passa upp á að þessi gamalmenni sem þar eru fyrir geri engar gloríur eins og í öryrkjamálinu þarna um árið
En íslenskir glæpamenn eru ekki þeir einu sem vaða hérna upp, ó nei ekki aldeilis. Hér ganga útleskir hryðjuverkamenn lausir og ekkert nema árvökul augu lögreglunnar hafa komið í veg fyrir að þeir hafi gert meiri óskunda en fram að þessu. Okkur er öllum sama um þessa mela þarna uppi á Kárahnjúkum, það fer þangað ekki nokkur kjaftur hvort eð er og ekki ætlum við að skipta okkur af því hvað ítalir borgi kínverjum eða portúgölum í kaup. Laun eru jú einkamál hvers og eins og það er bara hnýsni og dónaskapur að vera eitthvað með nefið ofan í því. Svo eru þetta líka allt bara einhverjir útlendingar og sumir m.a.s ekki einu sinni hvítir og það er bara betra að vera ekkert að ofala þá, þeir gætu viljað setjast hérna að og ekki viljum við eiga það á hættu að fá yfir okkur flóð af kínverjum sem taka af okkur alla þessa vel borguðu vinnu sem við annars sláumst um að fá að vinna eins og í fiski, á sjúkrahúsum og elliheimilum, í byggingarvinnu og í færibandaverksmiðjum.
Ríkislögreglustjóri er svo upptekinn af þessum örfáu umhverfisverndarbullum sem voru að hlekkja sig við skóflur og naglbíta við Kárahnjúka að hann varla sefur orðið karlkvölin. Svo þegar 4 þeirra ákváðu að bregða sér í túristaferð til Akureyrar og Mývatns þá þýddi ekki annað en að senda tvo löggubíla á eftir þeim hvert einasta fótmál í 3 daga. Og annar þeirra var m.a.s leynilöggubíll. Ríkislögreglustjóri er nefnilega snjall! Þó ótrúlegt megi virðast þá eiga þessar bullur íslenska vitorðsmenn sem ætti auðvitað að kæra fyrir landráð finnst honum. Þetta er allt stórhættulegt fólk og þegar upp komst að einn þeirra hafði ekki skilað vídeóspólu á réttum tíma var ekki annað þorandi en að senda 10 löggur á svæðið með sírenuvæli að innheimta skuldina. Eins gott að hann hafði ekki gleymt að borga fasteignagjöldin, þá hefði víkingasveitin væntanlega verið send.

Ég er farin að hafa áhyggjur af Forskaren. Hún virðist hafa yfirgefið okkur hér í þessum heimi og flutt í einhvern annan þar sem allt er rósrautt og allir hlaupa um á strönd í slow motion í hvítum flaksandi fötum. Henni var falið það verkefni sem framkvæmdastjóra kaffi- og kruðirísnefndar að hóa saman í kökuboð en hvað gerist? Jú einmitt, nákvæmlega ekkert! Meðan við hin erum farin að þjást af alvarlegum kruðirísskorti þá gengur Forski bara um eins og Colgate auglýsing, flissandi og skríkjandi eins og smástelpa.

Ég var um helgina á motocrossmóti eins og svo oft áður. Ég kann ekki að keyra bíl en ég veit orðið að í motocrossi áttu að standa frekar en að sitja, klemma hjólið með löppunum, beygja þig fram yfir stýrið og út með olnbogana. Svo áttu að innri fótinn út í beygjum og leggja hjólið, bremsa eins seint og þú getur og gefa í um leið og þú ferð að beygja og horfa langt fram og ekki læsa afturdekkinu. Og talandi um motocross þá langar mig að vita hvar íþróttafréttasnápurinn Kevin Turvey hefur verið meðan það hefur verið í gangi? Kanski upptekinn við að fylgjast með vesturbæjarmóti í nútímafimleikum með jó jó eða Garðabæjarmótinu í ungbarnasundi? Ég sá hann alla vega aldrei að fylgjast með þessu eina alvöru sporti fyrir menn og konur sem þora. M.a.s Móðir Jörð mætti um helgina á gúmmítúttunum beint úr kartöflugarðinum með öll börnin í pilsfaldinum og bauð nærstöddum upp á sviðakjamma og ákavíti á brúsa. En hinn svokallaði íþróttafréttamaður var hvergi sjáanlegur. Kanski enn í Loðmundarfirði eða á Trékyllisvík að uppgötva næsta Hjalat Úrsus?

girls just want to have fun!

2005-08-05T09:49:00.000Z

Égf get ekki annað sagt en að ég hafi átt hina fínustu verslunarmannahelgi. Það var skundað í höfuðstað norðurlands (nei, það er ekki Sauðárkrókur af einhverjum óskiljanlegum ástæðum sem tengjast örugglega klíkuskap og Framsóknarflokknum) og ungir mótorhjólamenn myndaðir í bak og fyrir í glampandi sól og hita. Keppnin fór vel fram og ekki nama þrír sem enduðu á spítala.
Ég hef aldrei stoppað á Akureyri lengur en í nokkra klukkutíma þannig að ég vissi svo sem lítið um það hvað hægt var að gera þarna annað en að fara í Sjallann sem ég að sjálfsögðu gerði. Það fer enginn til Akureyrar án þess að fara í Sjallann skildist mér. Þar komst ég að því að Akureyringar hafa ekki enn uppgötvað fyrirbærið röð. Til að komast þarna inn er fyrst farið inn í eitthvað andyri og þaðan inn í húsið og það virtust allir þurfa að troða sér inn í þetta andyri eins og rollur í rétt þó að hver hefði getað séð að það gekk ekkert fljótar að komast inn þannig. Og hvað haldiði að hafi blasað við þegar svo maður loksins slapp inn úr þvögunni? Sálin hans Jóns míns í svaka fíling og fullt lið bert að ofan með appelsínugular hárkollur og glosticks um hálsinn syngjandi hástöfum! Hvað gat maður annað gert en að fara beint á barinn. Að hafa staðið í einhverjum slagsmálum við fulla unglinga til þess eins að fá Sálina hans Jóns míns í andlitið. Ég var m.a.s alveg dauðfegin þegar einn af mótorhjólamönnunum byrjaði að tala um mótorhjól við mig. En ég hef þó núna komið á Sjallann. Ég fór lika á Bautann eins og hinir túristarnir, þar sem vinsælasti rétturinn er ofsteikt sneið af nautakjöti borin fram með fjalli af lauk löðrandi í olíu á brauðsneið og með bernessósu. Ég ákvað að spila safe og fékk mér djúpsteiktan fisk í orly, svona eins og mamma gerir og lauksúpu sem var bara alveg ljómandi góð.
Eitt af því fjölmarga sem Akureyringar monta sig af er ísinn í Brynju. Þar sem ísát er sérstakt áhugamál hjá mér þá varð ég auðvitað að prófa herlegheitin. Þetta reyndist hins vegar bara vera eins og venjulegur Emmess undanrennuís með vatnsbragði og hef ég ákveðið að halda mig við Kjörís það sem eftir er.

Eins og flestir vita þá hefur fjölgað all hressilega í fjölskyldunni á Laugaveginum. Kanínuungarnir eru nú að verða tveggja vikna gamlir og orðnir fjörugir eftir því og farnir að skottast um allt á baðinu Helmút til mikillar armæðu. Helmút þjáist nefnilega af afbríðisemi á háu stigi sem lýsir sér í því að hann er orðinn pirraður og skapfúll og gerir allt sem hann má ekki gera og er allsstaðar þar sem hann má ekki vera og urrar svo bara á mig þegar ég er að skamma hann. En ég skil hann nú samt ósköp vel því eftir að hafa verið einn og ofdekraður fram að þessu þá er örugglega erfitt að sætta sig við að það sé komin önnur kanína sem borðar úr dallinum manns og kúkar og pissa í búrið manns og ekki friður fyrir ungunum. Ég ætla því að reyna að koma James fyrir á góðu heimili þegar ungarnir eru orðnir nógu gamlir til að taka þá frá henni og ef einhvern langar í rólega, skapgóða og krúttlega kanínu þá er James kanínan fyrir þig.

Það hefur ýmislegt gengið á hjá sumu fólki undanfarið og dramatíkin eins og í verstu sápuóperu. Ég hef heyrt að Monopoly og Forskaren hyggist endurvekja The men are pigs society. Annars á Forskaren eftir að koma með alla sólarsöguna og hef ég stungið upp á því að það verði gert yfir kaffi og kruðiríi fljótlega og að sem flestir sjái sér fært að taka þátt í þeirri djúpu og yfirveguðu umræðu sem þar mun fara fram (Hammer yrði þar á eigin ábyrgð en þar sem hann er hinn mesti ljúflingur og herramaður ætti öllu að vera óhætt auk þess sem Tensai san hótar bara að fara að gefa honum spítalamat ef hann verður með einhvern uppsteit). Já og talandi un Tensai san þá á hún eftir að upplýsa opinberlega hvernig hún nældi í sendiherrastöðuna í Japan. Eru Tensai og Davíð Oddsson orðnir einhverjir vinir?

Hefur þessi aldrei heyrt minnst á góðakstur? Skyldi Óli H. vita af þessum glannaskap?

2005-07-25T16:04:00.000Z

Það fór þá ekki svo að það kæmi ekki smávegis sumar hérna á þessu skeri. Ég var farin að skoða ítölsku fasteignaauglýsingarnar, alveg búin að gefast upp á roki og rigningu og kvefi og hálsbólgu. Síðasta helgi var einmitt helgin sem ferðafélag BKBK ætlaði að efna til hópferðar norður í land að skoða bændur og búfénað og tína fífla og sóleyjar á grænum túnum hlaupandi um í rósóttum sumarkjólum. En nei, nei. Það var bara beilað á öllu saman. En útivistarfrömuðurinn ég lét nú ekki svoleiðis stoppa mig og skellti mér eftir sem áður í sveitina með mótorhjólakappanum ógurlega sem brunaði á Akureyri á laugardagsmorguninn til að geta æft sig í motocrossbrautinni þar í 2 tíma. Það er ýmislegt sem menn leggja á sig fyrir sportið. Svo var bara dólað í sveitina og verið þar í góðu yfirlæti hjá múttu fram á sunnudag þar sem voru kótelettur og silungur í matinn að sönnum sveitasið og margar sortir af kökum með kaffinu. Og þar var líka sól og 20 stiga hiti allan tímann en ekki þoka og rigning eins og í sumum öðrum landshlutum.
Þetta ferðalag var svo bara upphitun fyrir verslunarmannahelgina því á föstudaginn á aftur að bregða undir sig betri fætinum og skunda norður í land þar sem sólin skín og grasið grær, fuglar syngja og hamingjusamar kýr standa á beit við hvern sveitabæ. Til að ná mér aðeins niður eftir alla sveitarómantíkina ætla ég að fylgjast með eins og einni motocrosskeppni á Akureyri og sjá svo draugfulla unglinga ælandi og pissandi í görðum bæjarbúa á eftir. Þetta verður svona atferlisstúdía. Hvernig ofneysla áfengis getur gert fólk af fíflum á örskömmum tíma. Það verður svo inntakið í ransóknarverkefni mínu í atferlisfræði sem mun heita "People never learn" Við dannaða fólkið sem súpum bara pent á rauðvíni og kokteilum skiljum bara ekki svona vitleisisgang.

Eins og flestir vita nú þegar þá hefur orðið fjölgun í fjölskyldunni þar sem lítil brún kanína, sem var gefið nafnið James af þeim sem kom henni í fóstur, hefur bæst við heimilisdýrin. James sem sagt fannst illa til reika, blautur, skítugur og svangur og alveg grindhoraður ráfandi um uppi í Mosfellsbæ þar sem hundspott var að hræða úr honum líftóruna. Ungur maður sem átti leið þar hjá gat ekki horft upp á þetta og tók James með sér heim án þess að hafa hugmynd um hvað hann ætti svo að gera við hann þar sem þessi miskunsami samverji býr í pínulítilli leiguíbúð og er auk þess mjög lítið heima. James var því komið í fóstur hingað og eftir að hafa fengið bað og nóg að borða fór hann allur að braggast. Helmút var að vísu ekki sérlega hrifinn af samkeppninni og þjáðist til að byrja með af afbríðisemi á háu stigi.
En þetta er bara hálf sagan. Eftir nokkra daga fór ég að taka eftir því að James fór að haga sér eitthvað undarlega og á miðvikudaginn þegar ég kom heim úr vinnunni höfðu 10 kanínuungar litið dagsins ljós. Ég á sem sagt núna 12 kanínur! Einhver stakk upp á því að þarna væru komnar 10 gúrme máltíðir fyrir Alice en ég hef bara ekki hjarta í mér til að láta hana éta þessi litlu grei eftir að hafa séð þau vaxa og dafna. En ekki get ég haft 12 kanínur, svo mikið er víst þannig að eftir ca. 6-8 vikur verða ungarnir sendir í Dýraríkið sem kemur þeim vonandi á góð heimili. Ég veit að Helmút getur ekki beðið því eftir að ungarnir fæddust er þaðJames sem ræður ríkjum á baðinu og Helmút greiið er bara bitinn í rassinn ef hann er eitthvað að þvælast fyrir. Og nei, ég þarf ekki að hafa áhyggjur af að það fæðist aðrir 10 ungar eftir nokkrar vikur því Helmút er líka kvenkyns.

Að lokum eru það svo nýjustu fréttir af KR sem hafa fengið Bjarna Fel. til að taka aftur fram skóna og eru þess fullvissir að það á eftir að styrkja framlínu liðsins mikið í fallbaráttunni. Einnig hefur verið fenginn afrískur seiðkarl í vesturbæinn til að galdra fram betra gengi. Mun hann sjóða galdraseyði sem leikmenn eiga að drekka til að auka þeim orku og áræðni sem m.a inniheldur hrafnsrassa, flugufætur, mistilteina, hákarlaeistu, fíflamjólk og froskaeyru bragðbætt með balsamicediki. Ef það dugar ekki til þá hefur verið fenginn galdramaður af vestfjörðum til að vekja upp draug til að senda andstæðingunum fyrir leiki. Hann mun svo ganga undir nafninu vesturbæjarmóri og mun ráfa um vesturbæinn í 100 ár syngjandi KR lagið.

2005-07-11T00:34:00.000Z

Það er ekki annað hægt að segja en að Hammer og Tensai San hafi fundið hið huggulegasta slot þarna í vesturbænum. Bara verst að þegar þau eru búin að koma fyrir öllum bókunum, DVD myndunum, diskunum og plötunum þurfa þau örugglega að leigja herbergi úti í bæ fyrir sjálfa sig. En þar sem það var bara búið að raða upp einhverju smotteríi af DVD diskum þarna á laugardaginn þá gátu gestir í innflutningshófinu komið sér nokkuð vel fyrir. Eins og við var að búast var það hin besta skemmtun þó svo að enginn legði í að smakka á eplasnafsinum dularfulla. Það voru heldur engir grænir kokteilar á boðstólum þannig að húsráðendur sluppu við það að húsfrúin úr Vogunum fengi sér blund hjá þeim sökum óútskýrðrar þreytu og slappleika sem hellist skyndilega yfir hana þegar kokteila ber á góma. Kanski heldur ekki alveg bestu aðstæðurnar til þess enn sem komið er þar sem kirkjubekkirnir úr Strandakirkju eru notaðir sem stofusófar. En mér skilst að lime græna chesterfield sófasettið með áföstu bonsai tré, einkageisu og tedrykkjuáhöldum í stíl sem Tensai San pantaði upp úr japönskum vörulista sé rétt ókomið.Hún kannaðist reyndar ekkert við að hafa séð um að þessi geisa fylgdi líka með þegar hún var að panta en Hammer var alveg handviss.

Rosalega er ég orðin leið á þessum Idol liði sem hamast við að gefa út hverja karókí plötuna á eftir annari. Er ekki búið að gera alveg nógu margar útgáfur af einhverjum Bítlalögum og Sálarlögum? Hver er tilgangurinn með því að taka One nákvæmlega eins og U2 nema mörgum klössum neðar í gæðum? Og til hvers að gefa út The sound of silence þegar það hljómar eins og Art Garfunkel í mútum að syngja í barnaafmæli eftir að vera nýkominn úr botnlangauppskurði? Og ekki nóg með að þeir sem lentu í 1. eða 2. sæti séu að láta reyna á þolrifin í áhugafólki um tónlist heldur eru farnir að dúkka upp keppendur sem duttu út í 68 manna úrslitum á Reyðarfirði með sínar einstöku útgáfur af Yesterday, You´ve lost that loving feeling og Are you lonesome tonight. Karókíkóngur Íslands, Páll Rósinkrans er þó farinn að fá einhverja samkeppni um hylli eldri kvenna. Svo er þessi óáran farin að breiðast út eins og krabbamein. Þannig gáfu Paparnir út hræðilega Bubba coverplötu í fyrra og óbjóður númer eitt, Á móti sól tóku sig til og rústuðu ekki bara 12 heldur 24 íslenskum sveitaballalögum sem maður hélt á sínum tíma að mörg hver væri ekki hægt að gera verri. Var Traustur vinur og Stolt siglir fleyið mitt ekki nógu vont fyrir? En þeir geta þetta strákarnir. Það furðulegaste við þetta er svo að þetta selst í þúsundum eintaka. Getur einhver sagt mér hvaða fólk þetta er eiginlega sem kaupir þetta rusl? Er endalaust mikið til af fólki í Fellahverfinu sem eru þeir einu sem ég get ímyndað mér að hafi svona fágaðan tónlistarsmekk? Ekki það að það er örugglega rífandi stemming í góðu partýi á þriðjudagseftirmiðdegi þegar 15 ára á föstu er skellt á fóninn
og ég tala nú ekki um þegar nýbúið er að borga út örorkubæturnar og heilu blokkirnar eru í gargandi stuði

Ég er gjörsamlega hætt að botna í þessum gatnaframkvæmdum hérna í borginni. Reykjavík er að verða eins og Los Angeles, ekkert nema mislæg gatnamót, slaufur, brýr og bílastæði. Ég kynntist þessum umferðarmonsterum af eigin raun um daginn þegar ég fékk bílfar með Monopoly vestur í bæ sem hingað til hefur bara tekið nokkrar mínútur og ekki verið mjög svo flókin aðgerð. En það er nú orðið öðru nær. Eftir að hafa lent inni í einni slaufunni og farið upp og niður mislæg gatnamót, undir og yfir brýr í allar áttir en samt alltaf endað á sama stað var okkur hætt að lítast á blikuna. Fengu allir verkfræðingarnir sem vinna hjá Vegagerðinni að hanna slaufur þetta árið? Var það svona jólabónus? Ein slaufa á mann fyrir vel unnin störf? Reyndar er ég nokkuð ánægð með breytinguna hjá Hlemmi þar sem umferðin hefur snarminnkað og maður á ekki lengur á hættu að fá 17 ára ökuníðing á Audi Quatro inn í fordtofu hjá sér. En skýringin er sjálfsagt sú að allir eru lost í einhverjum slaufum og gatnamótum út um allan bæ. Og hvernig er með alla þessa jeppa sem fólk kaupir sér á fleiri milljónir til að skjótast á milli úthverfa? Ég hef ekki orðið vör við að ástand vega innanbæjar sé svo bágborið að það þurfa að vera bæði Pajero og Hi-lux á hverju heimili. En það er nú gott að hafa jeppa til að fara í bústaðinn, segir fólk kanski. Já einmitt! Alla leið upp í Borgarfjörð þar sem er malbikað upp að hverjum dúfnakofa? I don´t think so! Þetta er bruðl sem ætti að uppræta og ætti t.d að leggja sérstakan bruðlskatt á alla sem eiga jeppa. Annað eins er nú skattlagt. Hvar er Geir Haarde núna þegar hann gæti verið að gera eitthvað af viti?

2005-07-04T09:37:00.000Z

Þá hefur það verið staðfest og öllum gert ljóst: Wig Wam er besta hljómsveit í heimi!!!!!! Og þó að Forskaren og Kokksi (sem by the way virðist vera er horfin í faðm einhvers myndarlegs bóndasonar á Willysjeppa) hefi fengið gráa fiðringinn þarna á Duran Duran og séu búnar að draga fram gömlu Simon la Bon plakötin og herðapúðajakkana þá eru þeir bara aumingjalegar snyrtibuddur miðað við Wig Wam. Við erum að tala um ferðatöskusett skal ég segja ykkur...nei, höfum það járnbent koffort. Og þeir sem beiluðu á þessu eiga eftir að naga handarbökin upp að öxl því í komandi framtíð þegar fólk fer að ryfja upp merkustu atburði lífs síns þá mun vera álíka merkilegt að hafa séð Wig Wam á Gauknum og að hafa verið á Woodstock eða séð Bítlana í Cavern klúbbnum eða Elvis á sveitaballi í Memphis.
Forskaren mætti þarna með deitið upp á arminn og hætti ekki að brosa allt kvöldið. Reyndar létu turtildúfurnar sig hverfa úr mannþrönginni á miðjum concert og báru við ofnæmi fyrir reykingum og svitalykt en ég hef grun um að þau hafi laumast á afvikinn stað til að haldast í hendur og horfast í auga það sem eftir var kvöldsins og farið svo í rómantíska gönguferð í fjörunni við sólarupprás. Allt í slow motion auðvitað.

Ég afkastaði reyndar alveg heilmiklu þessa helgi. Fór í sveitina til múttu á föstudaginn, á mótorhjólakeppni á Blönduósi á laugardaginn, Wig Wam um kvöldið og var svo með voðalega huggulegt sunnudagskaffi þar sem Forskaren og Tensai San mættu ásamt Monopoly og mini Monopoly. Meiningin er að skreppa í sveitaferð einhverja helgina og þurfti að skipuleggja það allt saman frá a-ö. Maður anar ekki bara eitthvað út á land og er ekki búinn að skipuleggja neitt. Það þarf að kaupa nesti og bjór og rauðvín með nestinu og....já, meira þótti nú ekki ástæða til að skipuleggja. Tensai san þarf líka að vinna sig upp í það að telja í sig kjark til að feisa kýr með vígtennur og aðrar manndrápsskepnur sem að hennar sögn leika lausum hala í sveitum landsins.
Monopoly hafði gert sér vonir um að fá að berja The Spanish Fly augum og var búin að taka saman mjög ýtarlegan spurningalista og 18 blaðsíðna persónuleikapróf til að ganga úr skugga um hvort hann væri worthy on svo mætti Forskaren ekkert með gripinn með sér. Og Monopoly sem hafði brotist úr öðru hverfi í roki og slagveðri til að berja dýrðina augum. En það breytti því ekki að pönnukökurnar runnu ljúflega niður. Svo getur maður strax farið að hlakka til næstu helgar þegar Tensai San og Hammer halda innflutningspartý aldarinnar. Ég átti leið þarna framhjá um daginn og mér sýndist flutningabíll frá Ölgerðinni vera þarna fyrir utan og menn að bera inn bjórkassa. Svo vita allir að Hammer er með margar skúffur fullar af mis göróttum drykkjum og skilst mér að það hafi komið í leitirnar í flutningunum vodkaflaska sem var keypt á Donington ´84.

Ég verð að viðurkenna að ég er farin að sakna sveitafólksins hérna á blogginu. Það rætist vonandi eitthvað úr því þar sem Móðir Jörð er komin heim úr fríinu í Tyrklandi, væntanlega eins og ristuð brauðsneið á litin og vonandi úthvíld. Ja nema að hún hafi ekkert getað slappað af þar sem hún hafi haft áhyggjur af að hitta Halim Al eða Osama bin Laden á hverju horni og því ekki óhætt að hleypa börnunum eftirlitslausum ít í garð sem by the way er víggyrtur með krókódílasíki í kring en maður veit aldrei hvað þessum aröbum dettur í hug að gera. Já og svo eru það öll skordýrin og eiturslöngurnar. Jedúddamía! Aumingja börnin gætu verið bitin af tarantúlu eða gleipt í heilu lagi af 8 metra löngum Python og var ekki líka einhver búinn að tala um að það væru fjallaljón á þessum slóðum!? Og ætli sé óhætt að borða matinn? Þetta er örugglega allt af heimaslátruðu og grænmetið löðrandi í skordýraeitri og svo þvær fólk sér ekki um hendurnar þegar það er búið að gera stykkin sín og gott ef margir nota ekki einu sinni klósettpappír heldur laufblöð. Og hvað ef er ekkert laufblað við hendina akkúrat þegar þarf að gera númer tvö!? Aaarrrggggghhhhhhhh!!!!

2005-06-27T23:27:00.000Z

Þeir töpuðu aftur!!!!Bwaahhaaahahahahaaaa!!! Þetta hallæris KR lið sem heldur að það sé Real Madrid og er með montnustu og leiðinlegustu stuðningsmenn í heimi, (fyrir utan Man. Utd.) svona karaktera sem halda að það sé svaka fínt og hip og kúl að halda með KR, og svo eru þeir rasskelltir á berann bossann af Val. Skyndilega er ég farin að hafa áhuga á íslenskum fótbolta sem mér hefur til þessa þótt álíka áhugaverður og íslandsmótið í pönnukökubakstri eða kúluspili. Og ekki skemmir að Valsmenn eru farnir að vera í svona voðalega huggulegum aðsniðnum treyjum italian style og mættu fleiri lið taka sér það til eftirbreytni. Eini ókosturinn er að stuðningsmennirnir fara að ganga í eins fatnaði en hafa kanski ekki allir vöxtinn í það og það er ekkert sérstaklega sexy að sjá fulla stúku af köllum með bjórvömbina hangandi undan treyjunni og björgunarhring sem sést alla leið úr Sundahöfn og brjóstkassann lafandi niður á nafla. En meðan KR heldur áfram að tapa er mér skemmt. Næst verða þeir teknir í bakaríið af Hvöt á Blönduósi...old boys.

Kraftaverkin gerast enn. Forskaren fann riddarann á hvíta hestinum! Eða það heldur hún alla vega. Ég vona að hún hafi munað að leggja fyrir hann spurningalistann og persónuleikaprófið og sé ekki að ana út í einhverja vitleysu og komast svo að því seint og um síðir að hann sé kynskiptingur frá Bíldudal sem heitir Guðríður og á 3 börn af fyrra hjónabandi, borðar tvíbökur í rúminu, kreistir tannkremstúbuna í miðjunni, sefur í sokkunum og hefur óstjórnlegan áhuga á bútasaum. Það er of seint að byrgja barnið þegar brunnurinn er dottinn ofan á það. Auk þess er hætt við því að þegar fólk er í einhverri ástarvímu þá sé skynsemin víðs fjarri og það fari að taka furðulegustu ákvarðanir eins og að fara að hlusta á Michael Bolton, horfa á Brúðkaupsþáttinn Já, kaupa efnisminnstu pjötlurnar úr Victoria´s Secret eða lesa allar Rauðu ástarsögurnar og hugsa "þetta er alveg eins og hjá mér".

Þá fer að líða að innflutningspartýinu mikla hjá Hammer og Tensai San og ég vænti þess að það sé búið að panta snitturnar og kaupa kampavínið og 120 l. bjórtunnan sé komin í hús. Ég heyrði það utan að mér að Tensai San hefði fundið alla herðapúðajakkana sína og bleiku legghlífarnar í flutningunum og ætli að mæta galvösk á Duran Duran á fimmtudaginn og að hún sé með ALLAR Duran Duran plöturnar í iPodinum og syngi hástöfum með Union of the snake og fleiri ódauðlegum meistaraverkum. Það fer reyndar litlum sögum af því hvað Hammer finnst en hann er víst búinn að vera voða lítið heima upp á síðkastið, alltaf eitthvað að útrétta og svona og mikið að gera í vinnunni. Ég er aftur á móti búin að finna spandexbuxur og leðurgrifflur og er að leita að rauðum leðurjakka með kögri enda verður maður að vera rétt dressaður þegar Wig Wam koma og trylla lýðinn á laugardagskvöldið. Ég er löngu farin að telja niður dagana
COME ON COME ON COME ON!!!!!!!!!!!!!!!!!!!!!!!!!!!!!!!!!!!!!!!!

2005-06-19T23:32:00.000Z

Það er ekki hægt að segja annað en að þetta hafi verið hin fínasta helgi. Og þriggja daga helgi í þokkabót. Þegar ég verð forsætisráðherra ætla ég að innleiða fjögurra daga vinnuviku, það er bara alveg passlegt finnst mér. Nú fær Kevin Turvey sjokk og getur hreinlega ekki skilið að fólk vilji ekki vera í vinnunni frá febrúar og fram í maí, stanslaust. Nei minn kæri, ég held að flestir séu bara ánægðir með að gera eitthvað allt annað eins og t.d að kíkja í kaffi til vina og kunningaj! Ég fór t.d í þessa fínu grillveislu á laugardaginn til Monopoly og milli þess að háma í sig heilsteiktan grís á teini og súpa á rauðvíni með þá voru heimspeki og trúarbrögð krufin til mergjar af okkur ásamt Tensai san og Forskaren. Og tók það ekki nema svona hálftíma. Pís of keik.
Reyndar verður að viðurkennast að Forskaren er í eitthvað annarlegu ástandi þessa dagana. Hún svífur um á bleiku skýi babbladi eitthvað á spænsku og ákallar Amor í gríð og erg. Er líka samkvæmt áreiðanlegum heimildum búin að panta bílfarm af vörum úr Victoria´s Secret (og þá er ég ekki að tala um flíspeysur og lúffur). Og hún hefur ekki heyrst muldra "men are pigs" í meira en viku! En þar sem ég hef nú farið til Spánar þá get ég nú bent henni á nokkra frasa sem gott er að kunna og geta reynst vel í samskiptum við hitt kynið eins og "Dónde hay un hotel barato?" eða "Quisiera una cama" eða þá "Estoy buscando la iglesia" og svo í beinu framhaldi af því "Quisiera una bambino" (smá ítölsk sletta þarna í lokin) þar sem maðurinn er væntanlega kaþólskur. Já hvað gerir maður ekki til að aðstoða vini sína.

Ég er farin að sjá það að ég læri ekkert af reynslunni. Hversu oft er ég búin að lenda í því að fara niður í bæ á dögum eins og 17. júní og sleppa við illan leik heim aftur undan barnavagnafólkinu? En havað gerði ég á 17. júní? Jú, ég álpaðist í bæinn. Og eftir að hafa fengið 18 blöðrur á stærð við sjávarspendýr í andlitið , kandífloss í hárið og 10 barnavagna í kálfana þá sá ég mitt óvænna og fann friðsælt tún og lagði mig þar meðan mestu ósköpin dundu yfir og reyndi að heyra ekki í Nylon sem jörmuðu í bakgrunni. Hvað er það annars sem barnavagnafólkið gerir á þessum dögum þegar það hættir sér út úr úthverfinu sínu? Lætur selja sér rándýrar óætar pulsur, fána og blöðrur á okurprís sem er svo hent strax næsta dag og krökkunum sælgæti í hjólböruvís þar til þau verða alveg tjúlluð. Þegar það svo loksins kemst heim til sín eftir 2 tíma í umferðarhnút á leiðinni (það heldur að strætó sé bara fyrir gamalt fólk og öryrkja) eru börnin orðin tryllt af sykuráti og foreldrarnir að fara yfirum á taugum. Æði!

Hvað er það eiginlega að einhver gaur sem sullar smá súrmjólk yfir nokkra jakkafatakalla og kellingar á tilgangslausri snobbráðstefnu á aðal snobbhóteli bæjarins sé dæmdur í gæsluvarðhald fyrir "glæpinn" meðan barnaperri sem var með heilt hús fullt af tölvum stútfullum af barnaklámi labbar út af löggustöðinni eftir að hafa líklega bara sagt "sorry maður, ætlaði ekki að gera þetta"? Er þetta eitthvað sem okkur á bara að finnast eðlilegt? Að Súrmjólkurmaðurinn ógurlegi sé svona stórhættulegur að það verði takk fyrir að geyma hann bak við lás og slá og láta lögguna vakta ráðstefnuna 24/7 svo fína álfólkið geti drukkið sig fullt í friði. Hvað ætli allir þessir dönnuðu útlendingar haldi annars um okkur? Ekki viljum við fá slæmt umtal í útlöndum, skítt með þessa krakka. Þetta voru örugglega líka allt saman stelpur í allt of stuttum pilsum og strákar á stuttbuxum og með bera leggi þannig að þau buðu bara upp á þetta. Og svo var perrinn búinn að segja sorry. Þessi Súrmjólkurfantur er líka örugglega að flytja inn dóp og það er meira áríðandi að loka svoleiðis fólk inni fyrir lífstíð heldur en menn sem iðrast gjörða sinna (ég biði ekki í það ef hann hefði líka verið nappaður við að svíkja undan skatti, þá hefði hann verið afhausaður á staðnum). Björn Bjarnason er svo sannarlega á réttri leið í Dómsmálaráðuneytinu. Um að gera að kjósa hann aftur næst.

2005-06-14T12:17:00.000Z

Já það er nú blessuð blíðan þessa dagana og þetta lýtur bara vel út eða þar til fera ð snjóa á 17. júní. Einhvernvegin finnst mér alltaf hafa verið skítaveður þennan dag. Sé fyrir mér skemmtiatriði í Lækjargötu að fjúka út í veður og vind í rigningu og roki og hitastigið rétt yfir frostmarki. Þeir fáu sem láta sig hafa það að vera utandyra eru annað hvort fullir unglingar, fullir sjóarar, rónar bæjrins að safna saman leyfunum úr bjórflöskunum og einstaka útlendingur með hordropa hangandi úr nefinu og skjálfandi úr kulda ennþá að velta fyrir sér af hverju hann fór ekki til Bahamas.
Ég vænti þess að einhverjir reyni þó að sletta úr klaufunum um helgina þar sem hún er í lengra lagi. Hver veit nema áhugaverðir ungir menn af framandi þjóðerni verði að spóka sig í bænum og Forskaren gæti notað tækifærið og æft að halda fyrir lestara um gríska harmleiku á erlendum tungumálum. Þá á ég við meira svona einkafyrirlestra heldur en að hún komi sér fyrir á fjólförnum stað og hefji upp raust sína vegfarendum til fróðleiks og skemmtunar. Ég hef það m.a.s fyrir satt að Monopoly ætli út á galeiðuna sem í hennar tilfelli er þá að fara á bókasafnið síðdegis, fá sér rauðvínsglas með kvöldmatnum, kíkja á Ömmukaffi um kvöldið og vera komin heim fyrir 11. Ég treysti því að Londonía sem verður með í för geti beitt einhverjum brögðum til að þetta verði nú ekki alveg svona pathetic.

Ég sat á Thorvaldsen í hádeginu einn daginn í síðustu viku og var í mestu makindum að fá mér hádegismat þegar inn vinda sér nokkrir jakkafataklæddir ungir menn og tala mjög fjálglega um samninga, vísitölur og gengisþróun. Greinilega að vinna í einhverjum af bönkunum í nágrenninu. Svo gengur þar framhjá einn af gestunum á Kaffi Austurstræti og er hálf svona slappur og sjúskaður og örlítið reikull í spori með skrámu á enninu og er bara þarna á gangi fyrir utan og þannig séð ekki fyrir neinum. En ungu jakkafatadrengirnir sáu þó ásæðu til að pirra sig óskaplega yfir "öllum þessum rónum allsstaðar" með viðeigandi fyrirlitningartón í röddinni og hneiksluðust óskaplega á því að "feita lessan í Ráðhúsinu" nákvæmlega eins og einn þeirra orðaði það, og uppskar hlátur félaga sinna, gerði ekkert í þessu. Sko, það eru nú takmörk fyrir því hvað er hægt að vera dónalegur og fordómafullur. Aldrei myndi ég t.d segja "krullaði, valdasjúki hrokagikkurinn með trúðseyrun og svínsnefið" þegar ég tala um Davíð Oddsson. Og talandi um pólitíkusa þá er Halldór Ásgrímsson greinilega búinn að læra margt gagnlegt í þessu ríkisstjórnarsamstarfi. Nær að selja gömlu SÍS félögunum banka á spottprís og ekki bara það heldur stórgræðir sjálfur ásamt familíunni á öllu saman. Hann fær að ákveða hver fær hvað, hvernig, hvenær og fyrir hvað þar sem Davíð fékk að úthluta hinum bankanum og fór létt með það þó hann hafi verið með einhverja flensu þarna einn daginn. Svo ætla einhver möppudýr að fara að rannsaka þetta eitthvað nánar þá er væntanlega bara hringt eitt símtal og taktíkin hans Davíðs notuð og viðkomandi manni gert stuttlega grein fyrir því að ef hann hafi sig ekki hægan þá verði stofnunin hans lögð niður eða a.m.k djobbið hans eða þá allt batteríið flutt á Þórshöfn á Langanesi.

Þó að ég nenni ekki mikið að fylgjast með íþróttum þá finnst mér alltaf jafn fyndið þegar KR gengur illa í fótbolta. Það hreinlega hlakkar í mér þegar þeir tapa leik. Ég kalla það m.a.s ekki illkvittni heldur meira svona "gott á ykkur montrassarnir ykkar" með eitthvað KR blað og KR útvarp og hver veit hvað og fannst mér það koma sérstaklega vel á vondan þegar Gísli Marteinn var fenginn til að lýsa einhverjum tapleiknum í þessu hallærislega KR útvarpi. Ég er komin með rétta djobbið handa Gísla Marteini, þar sem Vilhjálmir þarna borgarfulltrúi verður gerður að útvarpsstjóra til að reyna að hressa upp á borgarstjórnarflokk Sjálfstæðisflokksins þá er tilvalið að Gísli Marteinn verði útvarpsstjóri KR útvarpsins. Það er meira eitthvað á hans plani. Ég þykist vita að Kevin Turvey hefur ákveðnar skoðanir á íþróttum en er væntanlega upptekinn við að fylgjast með Breiðholtsmóti öldunga í nútímafimleikum með sippubandi. Og eitt enn, hvað er það að vera með tveggja tíma íþróttaþátt á rokkútvarpsstöð á besta tíma dagsins? Hverjum er ekki sama hvað Valtý Birni finnst?! Og hver nennir að hlusta á viðtöl við Gulla Jóns varamann hjá old boys í blaki hjá Þrótti á Neskaupstað? (Nema kannski Kevin Turvey sem situr spenntur við útvarpið). Burt með íþróttabölið!!

Og að lokum vil ég minna alla á að mæta á tónleika ársins þann 2. júlí þegar glamtöffararnir í Wig Wam koma og sanna að karlmenn geta notað varalit og augnskugga og samt verið cool. Upp með spandexbuxurnar!

2005-06-04T21:05:00.000Z

Það er búin að vera einhver tölvuleti í gangi núna undanfarið. Ég er auðvitað orðin svo mikil útivistarmanneskja og náttúrubarn að ég hef bara ekki tíma til að hanga fyrir framan tölvuskjá. Ég vil frekar vera úti í óspillti náttúrunni og anda að mér blómaangan og hlusta á fuglana syngja og lækina niða.
Um síðustu helgi fór ég í sveitaferð til að upplifa kyrrðina og komast í snertingu við bóndann í sjálfri mér. Kirkjubæjarklaustur varð fyrir valinu og haldið af stað úr bænum á föstudegi. Eftir góðan nætursvefn í afskaplega huggulegri bændagistingu gekk maður út á hlað við fyrsta hanagal og horfði á lömbin hlaupa um tún og hamingjusamar kýr á beit í iðagrænum brekkum. Alveg eins og í Milka súkkulaðiauglýsingu! Svo teygði maður vel úr sér og borðaði hafragraut og slátur í morgunmat og var stálsleginn fyrir daginn. Reyndar voru nokkur mótorhjól með í ferðinni en ekkert sem orð er á gerandi, strákarnir verða jú aðeins að fá að leika sér, eins og við vitum þá virðast þeir aldrei vaxa upp úr því. Ég er enn að bíða eftir að Monopoly bjóði mér með sér á Þingvelli, Gullfoss og Geysi meðan ég er á þessu náttúrutrippi mínu.

Það fór þó aldrei svo að Móðir Jörð næði ekki að klára þessa blessuðu ritgerð sína áður en hún færi alveg yfirum. Og haldiði ekki að hún hafi bara fengið þessa glimrandi fínu einkunn. Eini gallinn er sá að nú vill hún helst ekki tala um neitt annað og ættingjar hennar meiga eiga von á að fá ritgerðina innbundna sem jólagjöf í ár, áritaða. Það að hún sé farin í langþráð frí til Tyrklands er bara lognið á undan storminum því eflaust kemur hún tvíelfd til baka og gætir þess vandlega að ENGINN geti gleymt þessu masterpís sem (að hennar sögn) þessi ritgerð er. Gott ef Harper Collins ætlar að gefa hana út í viðhafnarútgáfu fyrir næstu jól og Steven Spelberg búinn að tryggja sér kvikmyndaréttinn. Heyrst hefur m.a.s að Mel Gibson og Nikole Kidman komi til með að leika í myndinni. Þetta verður þá svona sambland af Mad Max, Múlan Rús og ET.

Nú er fjörið að fara að byrja fyrir alvöru í tónleikabrjálæðinu mikla. Iron Maiden á þriðjudaginn og vænti ég að við eldra fólkið reynum að vera einhversstaðar saman til að reyna að koma í veg fyrir að vera troðin niður af óðum unglingum. Hammar og Tensai San verða þó kanski að reyna að pranga gömlum geisladiskum inn á saklausa tónleikagesti og miðað við það orðspor sem fer af sölumannshæfileikum Tensai San þá ætti Hammer auðveldlega að geta losað fyrirtækið við dót sem hefur ekki selst síðan fyrir jólin '92. T.d The Pan Pipes Orchestara play Modern Talking (Forskaren á að vísu eintak), Exist greatest hits, Lögreglukórinn syngur sjómannalög og safnplötu með dönskum júróvisjónlögum.
Til að toppa allt saman þá hefur Drýsil flokkurinn ákveðið að koma saman aftur og gleðaja gömul rokkhjörtu og hetjurnar í Wig Wam ætla að koma og sanna fyrir öllum að karlmenn geta enn gengið í spandexbuxum og túberað á sér hárið.

2005-05-23T12:03:00.000Z

Það fór þá aldrei svo að maður mætti ekki í Júróvisjónpartý. Og ekki nóg með það heldur greiddi ég atkvæði í þessari bjánalegu keppni. En maður varð nú að leggja sitt lóð á vogarskálarnar til að hetjurnar í Wig Wam næðu góðum úrslitum. Svona snillingar koma ekki fram í þessari keppni nema á...ja, ekki bara síðan ABBA tók Waterloo hérna um árið. (Þó ég hafi verið í Wig Wam bolnum mínum þá var ég ekki eins ýkt og sumir sem veifuðu norskum fána allt kvöldið og gott ef voru ekki í háhæluðum skóm og með svartan varalit). Það er samt eitt sem ég skil ekki en það er hvernig fólk getur tekið þetta fyrirbæri það alvarlega að verða gjörsamlega miður sín yfir því að þett íslenska lag komst ekki áfram. Come on, þetta var bara leiðinlegt lag og hún Selma "okkar" höfðar kanski ekkert voðalega mikið til unglinga og miðaldra kvenna í Albaníu eða Slóveníu. Fyrir utan það að þessi búningur sem hún var í var hallærislegri en dressið á Wig Wam og þeir voru að grínast! Hvernig er þetta eiginlega með íslenska hönnuðu, af hverju þurfa þeir að vera svona "ógeðslega fríkaðir" alltaf hreint? Hver getur t.d gleymt því hvernig Icy flokkurinn góðkunni var klæddur og var ekki Einar Ágúst í pilsi í eitthvert skiptið í þessari keppni? Ég hef nú líka séð myndir frá svona tískusýningum þar sem íslenskir hönnuðir eru að sýna og þetta er allt eitthvað dót úr fiskibeinum, hjólbarðagúmíi, gömlum rúmteppum eða eitthvað álíka. Úlpur þar sem hettan snýr niður og skór með hælnum að framan. Æði!!!
Forskaren hefur áður tekið fyrir þátt Gísla Marteins í þessu Júróvisjóndæmi og kvitta ég heils hugar undir allt það sem þar kemur fram. Maðurinn er verri en vond gubbupest, hettusótt og þynnka eftir viku fyllirí sett saman. Annars kom maðurinn í Wig Wam dressinu og með fánann með pottþétta leið til að vinna þessa keppni. Það svo sem skiptir ekki máli hvaða lag verður, bara að flytjandinn líti þokkalega út í flegnum kjól. Svo á að vera með fullt svið af gó gó dönsurum í mjög efnislitlum flíkum dillandi öllum skönkum framan í myndavélarnar. Trikkið er svo að fá nokkra "listræna dansara" lánaða frá Geira á Goldfinger því þær eru frá öllum þessum löndum, Eistlandi, Lettlandi, Rússlandi, Slóvakíu og öllu þessu og passa að það komi skýrt fram í öllum kynningum og þar sem allir kjósa bara samlanda og nágranna þá erum við með garanterað fullt af stigum út á þessi tengsl sem eiga auðvitað bara að sýna hversu fjölmenningarlegt land Ísland er. Já og passa bara að vera með nokkra huggulega karlmenn á sviðinu líka svo hommarnir, sem kunna manna best að meta þetta fríksjó, fái eitthvað fyrir sig líka.

Það er alltaf verið að gera rannsóknir á öllum mögulegum hlutum og þá sérstaklega vinsælt að gera rannsóknir á því hvað er hollt og hvað er ekki nógu hollt til að láta ofan í okkur. Þegar það kemur í ljós að sígarettur eru frekar í verri kantinum og sömu leiðis gosdrykkir með hálfu kílói af sykri í lítersfkösku en aftur á móti gúrku og grænkál eitthvað skárri þá spretta heilsugúrúar og líkamsræktarfasistar fram úr öllum skúmaskotum og ota niðurstöðunum framan í fólk hvort sem því líkar betur eða verr og ætlast til að allir fari nú að borða nagdýrafóður í hvert mál og lifa happily ever after. Þetta sama fólk gasprar ekki jafn mikið þegar það kemur í ljós að súkkulaði er meinhollt og örvar heilastarfsemina, kaffi er gott fyrir taugakerfið og vín og björ er allra meina bót og að það er líkamanum nauðsyn að fá fitu til að smyrja liðina og heilann. Það hefur heldur ekki voðalega hátt um það að fullt af fólki á miðjum aldri er farið að hrynja niður í hjartaáföllum vegna þess að það ofreynir sig í ræktinni og venjulegt fólk sem lendir í bílslysum eða dettur og tognar kemst ekki að hjá sjúkraþjálfurum fyrir slösuðum íþróttamönnum sem eru alltaf meira og minna lemstraðir. Þessir heilsu- og íþróttanördar vaða hérna uppi eins og það sem þeir prediki sé heilagur sannleikur og fólk eigi að lifa einhverju meinlætalífi og borða baunabuff, sveppaseyði og þara. Málið er bara að gera allt í hófi, svo einfalt sem það hljómar. Drekka vín í hófi, borða súkkulaði í hófi og borða blóðugar nautasteikur í hófi og maður verður hamingjusamari og líður miklu betur en að ætla að reyna að pína ofan í sig eitthvað jukk frá Sollu á Grænum Kosti af því það á að vera eitthvað svo voðalega hollt og vera fúll og pirraður endalaust. Fussum svei!!

2005-05-19T11:40:00.000Z

Ég er heldur búin að gera víðreist síðustu dagana. Á laugardaginn var það mótorhjólakeppni á Hellu (NEI ég er ekki gengin í Sniglana) þar sem vaskir menn spændu í gegn um drullupolla og upp og niður brekkur sér til ánægju og heilsubótar. Þetta með heilsubótina má kanski liggja milli hluta þar sem 3 keppendur voru fluttir með sjúkrabíl í bæinn brotnir á hinum ýmsu stöðum. Myndavélin góða var auðvitað með í för og allt fest á filmu. Á sunnudag var svo skundað á Eyrarbakka ásamt Forskaren, Monopoly og mini Monopoly þar sem Móðir Jörð tók á móti borgarbörnunum í vaðstígvélunum og með gúmmíhanska nýkomin úr kartöflugarðinum. Þær eru svona þessar sveitakonur, þeim fellur aldrei verk úr hendi. Á meðan þær eru að gefa börnunum að borða eru þær t.d líka að brjóta saman þvott, baka pönnukökur, stoppa í ullarsokka og hekla sjal. Og ekki vantaði heldur kræsingarnar. Staflarnir af pönnukökum ásamt ýmsu öðru góðgæti þannig að borð svignuðu. Ekkert nema bilaður handþeytari kom svo í veg fyrir að marenstertan góða væri töfruð fram. Bæjarbúarnir voru svo dregnir í fjöruferð þar sem Forskaren fékk svo mikið að hreinu lofti í lungun að henni lá við yfirliði. Hún hafði ekki andað að sér svona miklu af koltvísýringslausum lofttegundum síðan á Þjóðhátíð hérna um árið.
Eins og komið hefur fram þá er Kokksi líka orðin sveitakelling og ekki fyrr búin að koma sér fyrir en bóhemar Stór-Eyrarbakkasvæðisins eru farnir að gefa henni undir fótinn. Þeir mæta þarna í sínu fínasta pússi, stífpressuðum hvítum jakkafótum með rós í hnappagatinu og syngja madrígala fyrir utan gluggann hjá henni á síðkvöldum. Svo lauma þeir ljóðum undir hurðina og blómum í póstkassann. Kokksi kann enda athyglinni vel og sést nú orðið tipla tindilfætt um grænar grundir leikandi við lömbin og með sóleyjakrans á höfðinu.

Ég er ein af þeim sem hlusta á útvarp í vinnunni og hef þar úr nokkrum stöðvum að velja. Maður skildi því ætla að eitthavð af þeim væri þannig það væri hlustandi á, maður gerir heldur ekki svo miklar kröfur . En því er nú öðru nær. Byrjum á Kiss fm sem er án nokkurs vafa versta útvarpsstöð í heimi, fm 95.7 er litlu skárri og létt 96.7 er bara fyrir kellingar sem hanga á femin.is og horfa á Fólk með Sirrý. Á Bylgjunni spilar Bjarni Ara bara lög með sjálfum sér og Sálinni og Rás 2 er undirlögð undir Eurovision og fréttum af henni "Selmu okkar" sem er víst búin að vinna keppnina minnst þrisvar milli þess sem Gestur Einar spilar nýja diskinn með Boga Jóns leikfimikennara á Siglufirði (sem hann gaf út sjálfur og heitir Í fögrum lundi ég fékk þig kysst). Á Rás 1 eru þættir eins og Ég man þá tíð, Aldnir hafa orðið og svo Dánarfregnir og jarðarfarir og Daglegt mál á milli þess sem spilaðar eru sinfónýjur og karlakórar. Ég fer kanski að hafa áhuga á því þegar ég nálgast áttrætt þó ég efi það stórlega. X-fm spilar nákvæmlega sömu lögin og X-ið 97.7, bara í annari röð. Svona leiðinlegt amerískt háskólarokk og breskt indie nema hvað X-fm ætla nú heldur en ekki að vera frumlegir og brjóta upp dagskránna með íþróttaþætti. Og þeir taka það með trompi og setja á dagskrá tveggja tíma íþróttaþátt á besta tíma dagsins þar sem Halti Björn tuðar um hvort þetta eða hitt var víti eða ekki og hvort þessi eða hinn leikmaðurinn sé hugsanlega að fara til Chelsea. Svo toppar hann leiðindin með að vera að hringja í einhvern Jóa Jóns þjálfara hjá Neista á Hofsósi í 3. flokki karla í körfubolta og ræða við hann í löngu máli. HVERJUM ER EKKI SAMA!! Það gefur svo auga leið að ég er ekki mikið að stilla á Útvarp Latabæ eða kristilegu útvarpsstöðina hvað sem hún heitir þar sem ég hef hvorki gaman af lögum úr Dýrunum í Hálsaskógi né af Áfram kristmenn krossmenn slögurum. Ég ætti kanski bara að fara og kaupa mér geislaspilara?
Og fyrst ég er byrjuð að pirra mig yfir fjölmiðlum þá verð ég að minnast á þennan snepil sem farið er að bera í hús og kallast Blaðið. Sko, ef til er eitthvað sem hægt er að kalla dagblaðslíki þá er það þetta. Nema ég sé að misskilja þetta eitthvað og að markhópurinn sé illa læsir og þroskahamlaðir. Fréttirnar, sem oftast eru um ekki neitt, eru í það stuttu máli að það segir manni ekki nokkurn skapaðan hlut um málið og restin af blaðinu er um rassinn á Jennifer Lopez og nýju íbúðina hans Einars Bárðar (þ.e á þeim örfáu blettum í blaðinu þar sem ekki eru auglýsingar). Er málið það að fólk er bara með attention span upp á 1 mínútu og ræður ekki við orð sem eru lengri en 8 bókstafir? Það þarf að leggja sig meira fram við að lesa Andrés Önd.

Ég vil svo óska Tensai San til hamingju með að hafa fundið ljósið og keypt sér tölvu sem stendur undir nafni (og þar á ég auðvitað við Apple ef einhverjir treggáfaðir eru að velta því fyrir sér). Ég er viss um að familían verður hamingjusöm á Hringbrautinni, hvert með sinn laptop. Þau geta m.a.s sent hvort öðru e-mail yfir eldhúsborðið ef það t.d skyldi vanta saltið eða kaffið sé búið því auðvitað verður allt þráðlaust á því tæknivædda heimili. Hugsa sér þægindin af þessu ef t.d Tensai San er upptekin í mjöööög djúpum tölvuleik þá getur hún sent Hammer e-mail og beðið hann að snúa lærinu í ofninum eða taka úr þvottavélinni því þau eru auðvitað alltaf on-line eins og allt önnum kafið nútímafólk er.

Aaarrrrggghhhhhh!!!!!! Þetta hefur fólk upp úr því að vera með stílista frá helvíti!!

2005-05-06T09:52:00.000Z

Haldiði ekki að ég bara skellt mér í kröfugöngu á 1. maí. Ja, eða svona næst um því. Gangan var að vísu búin og allir komnir niður á Ingólfstorg þegar ég mæti og ætla að fara að krefjast hærri launa, styttri vinnuviku og fleiri frídaga því hver nennir að eyða bestu árum ævinnar í það að hanga í leiðinlegri vinnu 8 tíma á dag 5 daga vikunnar með leiðinlegu fólki að gera leiðinlega hluti? Ég hef aldrei fyrr mætt í svona göngu þannig að ég bjóst við að sjá reyða verkamenn með hnefann á lofti syngjandi baráttusöngva og veifandi rauðum fánum og spjöldum með slagorðum gegn arðræningu kapítalismans. En hvað sé ég? Jú, þarna voru anarkistar og femínistar að vekja á sér athygli og hópur frá Sólheimum eða álíka stofnun í bæjarferð skemmti sér alveg konunglega og einn tók sig m.a.s til og fór að stjórna lúðrasveitinni. Restin var miðaldra fjölskyldufólk á sunnudagsrúntinum sem keypti sér svo ís og keyrði að því loknu út í úthverfið sitt á Pajero jeppanum sínum og beið eftir að sjá sjálft sig í sjónvarpsfréttunum.
Ég held bara að það séu engir verkamenn eftir á Íslandi, þ.e innfæddir verkamenn. Við erum löngu hætt að láta bjóða okkur að vinna subbuvinnu eins og í fiski, við viljum öll bara vera á huggulegum skrifstofum fyrir framan tölvur að gera eitthvað voðalega gáfulegt. Að vera úti í kulda og slabbi að naglhreinsa timbur er líka langt fyrir neðan okkar virðingu auk þess sem byggingaverktakar eru glæpamenn og svikarar upp til hópa og eru Impregilo ókrýndir kóngar í þeim efnum þangað sem íslensku skúrkarnir sækja sínar fyrirmyndir. Að skúra gólf og þrífa annara manna skít er líka alveg síðasta sort sem enginn íslendingur með vott af sjálfsvirðingu lætur bjóða sér eða þá að vinna á sjúkrahúsi eða elliheimili...jedúddamía! En við höfum fundið lausnina eins og aðrar vestrænar þjóðir og hún er einföld. Útlendingar. Fólk sem er nógu gott til að vinna skítavinnu á skítalaunum og kvartar ekki svo við hin innfæddu getum spígsporað um í drögtunum okkar og sérsaumuðu jakkafötunum og talað um hagvöxt, vísitölur og rekstrarhagnað. Þeir sem komast ekki í vel launað skrifstofudjobb eru bara lúserar og endar sem öryrkjar í Fellahverfinu. Að vera lúser er víst metið til 75% örorku og að vera félagsmálaróni er 100% örorka. Svo situr allt þetta lið heima hjá sér í félagslegu íbúðunum sem því eru skaffaðar og dælir ritalíni í krakkana því það nennir ekki að fá þá til að gegna og vorkennir sjálfu sér fyrir að vera svona miklir öryrkjar. Það er greinilegt að ég þyrfti að vera félagsmálastjóri til að kippa þessi í liðinn.

Nú fer væntanlega að líða að því að stúdentar þessa lands klári prófin sín og skili ritgerðunum sínum og geti farið að lifa nokkurnvegin eðlilegu lífi aftur. Móðir Jörð og Forskaren eru víst báðar komnar með bókaför í andlitið og með nagaða blýanta í báðum munnvikum (það er nefnilega þægilegra að naga blýanta en lyklaborð), hárið allt úfið og baugar á stærð við svefnpoka undir augunum. Forskaren hefur skrifað mjög lærða stúdíu um Playgirl og Móðir Jörð svipt hulunni af leyndardómnum um höfund Andrésar Andar og hugsanlegra fyrirmynda Bjarnabófanna í 300 blaðsíðna ritgerð. Við hin sem lifum þessu áhyggjulausa lífi og höngum á kaffihúsum og lesum glanstímarit vonum að flestir komi heilir út úr þessu havaríi.

Dæmigerður íbúi í Fellahverfinu á leið á hverfispöbbinn

2005-04-26T11:50:00.000Z

Það er ekki hægt að segja annað en að dannaða kökuboðið/sumarfagnaðurinn hafi vakið stormandi lukku. Fólk mætti þarna í sínu fínasta pússi í sannkölluðu sumarskapi. Þó að við séum sum að nálgast miðjan aldur óþægilega mikið þá erum við ennþá það wild og mikil partýljón, að flestir voru líka á Robert Plant tónleikunum kvöldið áður (sjaldan verið saman komið eins mikið af hrukkum á einum stað bæði í salnum og á sviðinu). Plant kallinn vakti mikla lukku og Hammer seldi bílfarma af geisladiskum með dyggri aðstoð Tensai San sem er þekkt fyrir sölumannshæfileika sína (ég er viss um að helmingurinn af fólkinu var bara að skoða en lét Tensai pranga inn á sig með óprúttnum sölumannaklækjum ekki bara öllu með Robert Plant og Led Zeppelin heldur líka Richard Clyderman, Árna Johnsen og gott ef ekki tvennum jakkafötum).
Ég segi það og skrifa að þarna var fólk sem á jafnvel líka börn og gæludýr sem fór út TVÖ KVÖLD Í RÖÐ! Ó mæ god!! Hvar ætlar þessi heimur eiginlega að enda?! En ég get róað óttaslegna landsbyggðarbúa með því að allt fór vel fram og gott ef Forskaren snaraði ekki fram úr erminni nóbelsverðlaunaritgerð um Pan og alla hans fjölskyldu eftir þessa fínu andlegu afslöppun. Því hvað er meira afslappandi en að hlusta á AC/DC og borða marens. Og talandi um marens þá tók undirrituð sig til og bakaði einn slíkan fyrir kökuboðið og geri aðrir betur. Nú þegar svo fer að vora þá fer að koma tími á gardenpartý eða þá grillveislu. Hvað er betra en að sitja í sólinni með sangria og narta í kótelettu?

Ég vil óska Tensai San og Hammer til hamingju með að vera búin að finna sér framtíðarheimili. Svona eitthvað sem hentaði þeim fullkomlega með pizzastað á jarðhæðinni, videoleigu í bakgarðinum og unglingurinn á heimilinu geymdur í skúr úti á lóð. Strætó stoppar í anddyrirnu og matvörubúðin er hinumegin við götuna. Ef Tensai San er með þráðlaust net og skrifstofustól á hjólum þarf hún ekki einu sinni að standa upp frá vitsmunalegu tölvuleikjunum sem hún spilar til að versla í matinn. Það eina sem vantar upp á þessa fullkomnu heimsmynd er bókabúð í næsta húsi. Mér skilst líka að það séu svalir á slotinu og ef ég loka augunum sé ég fyrir mér gasgrill og sólstóla. Life is sweet! Tensai San og Hammer eru heldur ekki þau einu sem eru að hugsa sér til hreyfings heldur ætlar Kokksi að setjast að á Eyrarbakka og una þar glöð við sitt með hænur í garðinum og rabarbara- og kartöflubeð. Að búa á Eyrarbakka er svona eins og að búa í Trékyllisvík eða eitthvað álíka nema hvað það er auðveldara að komast í burtu. Þar er bara bensínstöð sem er opin milli 1 og 13 á mánudögum, enginn banki, engin matvörubúð, í skólanum eru 3 börn og á Móðir Jörð þau öll því allir aðrir íbúar staðarins eru a.m.k komnir á breytingaskeiðið eða þaðan af eldri, það eru allir skildir öllum og allir hafa einhver viðurnefni, á bókasafninu sem er ein hilla í heimahúsi og opið í dimbilviku eru bara til ættfræðibækur og fæstir eru ennþá búnir að fá sér litasjónvarp. Svo er bara sveit þarna í kring eins langt og augað eigir og þar er allt morandi í morðóðum klaufdýrum ef marka má Tensai San sem hefur kynnt sér málið og lent í miklum hremmingum við þá rannsóknarvinnu.

Svo maður vaði nú úr einu í annað þá er loksins búið að kjósa páfa þannig að nú er maður loksins laus við að blöðin séu full ef ekkifréttum um það hvort einhver reykur sé hvítur eða ekki. Og hvað völdu þeir (og ég tek skýrt fram "þeir" því þetta var bara kallasamkoma eð víla og díla um sín eigin völd)? Jú vitringarnir 150 eða hvað þeir voru margir völdu elliæran þjóðverja, Hubert Hitler (þeim fannst nafnið reyndar hljóma svolítið kunnuglega en það var frekar talið kostur en löstur) sem tók sér nafnið Jósef Mengela VIII. Hans fyrsta verk var að fyrirskipa að allir aðstoðarmenn presta og biskupa yrðu að vera karlkyns og ekki eldri en 12 ára; lýsa getnaðarvarnir, konur, snyrtivörur, internetið, farsíma, vélknúin farartæki, rafmagn, óguðlegar bókmenntir, menntamenn og kapalsjónvarp sem verkfæri djöfulsins; lýsa því yfir að Jörðin væri flöt og væri miðja alheimsins og að guð hefði sagt honum allt þetta prívat og persónulega. Guð hafði reyndar líka sagt honum að ganga í korseletti, standa á öðrum fæti í baðkari í 3 tíma á dag, raka á sér augabrúnirnar og tala afturábak á miðvikudögum en það var ekki látið fylgja með í fréttatilkynningunni frá pávagarði.

2005-04-13T12:37:00.000Z

Ég hef lýst því yfir hér áður að ég ætlaði mér að verða biskup en núna hef ég skipt um skoðun, ég ætla að verða formaður Sjálfstæðisflokksins. Það er nefnilega ýmislegt sem þarf að breyta til betri vegar í þessu þjóðfélagi og að vera formaður Sjálfstæðisflokksins er eins nálægt því og maður kemst að vera einræðisherra án þess að framja valdarán. Maður lofar bara öllu sem manni dettur í hug, jarðgöng hér og jarðgöng þar og segir nokkrar góðar skrýtlur á fjögurra ára fresti og hib, hib, hib...Barbabrella! Maður er alltaf kosinn aftur. Indislegt þetta lýðræði. Svo hefur maður lítið málfundafélag eins og Framsóknarflokkinn til að redda sér þessum meirihluta sem enþá þarf á Alþingi, samkvæmt lögum sem allir sjá að eru barn síns tíma. Þeim mun færri sem taka ákvarðanirnar þeim mun minna þras og tuð. Umræður eru stórlega ofmetið fyrirbæri.
Eins og venjur gera ráð fyrir þá kem ég vinum og ættingjum í allar helstu stöður og embætti sem standa til boða og tryggi mér velvild fyrirtækja og annara sem eitthvað eiga með því að selja þeim ríkiskompaný á sérkjörum og hagræða lögum og reglum svo lítið beri á þannig að mínir menn njóti góðs af. Þar sannast máltækið að Þú gerir ekki neitt fyrir neinn sem gerir ekki neitt fyrir neinn.
Eins og áður sagði er margt sem mætti hér betur fara. Byrjum á sérstöku áhugamáli mínu sem eru barnabætur og fæðingarorlof. Ekki það að ég sé eitthvað á móti barnabótum sem slíkum, það er örugglega heilmikið puð að eiga börn eins og t.d að þurfa að halda barnaafmæli þar sem haugur af börnum ryðst um íbúðina þína eins og fellibilur, öll orðin snarvitlaus af sykuráti með tilheyrandi öskrum og djöfulgangi. En ef á að borga fólki sérstaklega fyrir það að hrúga niður börnum hvers eiga þá þeir að gjalda sem kjósa það að lifa í friði og ró og lausir við allt þetta vesen sem barneignum fylgir? Eigum við ekki rétt á einhverjum sporslum líka? Eins og t.d skattaafslætti eða lengra sumarfríi? Mér finnst það hið mesta þjóðþrifamál að leiðrétta þessa mismunun sem þarna er greinilega á ferðinni.
Ég myndi svo selja bæði Sinfóníjuna og Þjóðkirkjuna (enda svo sem voða lítið annað sem eftir er að selja). Hvað á ríkið svo sem að gera með að standa í að halda úti stærsta coverbandi á landinu og þar sem prestar taka hvort sem er aukalega fyrir allt sem þeir gera er engin ástæða til að ríkið borgi þeim laun ofan á það allt. Þetta gæti líka leitt til samkeppni sem er naytendum til góða. Fremingar á tilboði eg tvær giftingar fyrir eina. Svo á að láta listamenn vinna fyrir listamannalaununum sínum. Rithöfundar geta farið í skóla og lesið fyrir krakkana (enda börn nú til dags orðin meira og minna ólæs af endalausu sjónvarpsglápi og tölvuleikjahangsi), tónlistarmenn fara og spila fyrir fólk á kaffihúsum (nema Atli Heimir Sveinsson sem verður settur í að aðstoða meindýraeyði borgarinnar við að fæla burt rottur) og myndlistamenn búa til útilistaverk. Og hvað er það að einhverjir skákmenn séu á fullum launum frá ríkinu bara fyrir að vera til og tefla skák?
Það má örugglega gera margt betur í heilbrigðiskerfinu. T.d ætti að skikka lækna til að hætta að láta sinnisveikar kerlingar og félagsmálaróna ú Breiðholtinu hafa lyf í kílóavís. Ef þeir nenntu að vinna vinnuna sína og reyndu að komast að því hvað virkilega hrjáir sjúklingana, ef þá eitthvað, í stað þess að moka bara endalausum lyfjum í alla sem vilja gleipa þau, þá væru eflaust til nógir peningar til að aðstoða þá sem þurfa á því að halda. Og talandi um félagsmálaróna þá er orðið alveg ótækt hvað mikið af fólki er á örorkubótum. Það virðist vera nóg að vera aumingi og fyllibytta til að komast á örorkubætur og hanga allan daginn og troða í sig öllum lyfjunum sem fólk fær við aumingjaskapnum og þess á milli drekka út bæturnar á kaffi Austurstræti. Hver haldiði að sé t.d fjölmennasti hópurinn sem fær bætur hjá Féló! Einstæðar mæður með 8 börn hangandi í pilsfaldinum eða hreyfihamlaðir? Nei aldeilis ekki. Það eru einhleypir karlmen!! Hverslags aumingjasamkoma er þetta þjóðfélag að verða? Senda þetta lið bara í fisk á Bolungarvík eða á Kárahnjúka.
Svo göngum við auðvitað í Evrópusambandið og hendum þessum vita vonlausa gjaldmiðli sem við höfum haldið allt of lengi upp á og þá þurfum við ekkert á öllum þessum sendiráðum að halda út um allar trissur. Nóg að hafa bara eitt í Brussel til að díla við ESB, annað í Skandinavíu svona upp á gamlan kunningsskap og til að sýna norræna samstöðu og eitt í ameríku og annað í asíu. Meira þarf nú ekki. Afdankaðir pólitíkusar verða bara að finna sér vinnu eins og annað venjulegt fólk. Þar sem ég er nú búin að spara stórar upphæðir þá er kominn tími til að lækka virðisaukaskattinn. 24.5% er auðvitað alveg galið og ég botna bara hreinlega ekkert í því að fólk sé ekkert að setja út á það. Reyndar setja íslendingar ekki út á eitt eða neitt heldur láta allt yfir sig ganga. Merkilegur þessi undirlægjuháttur. Einhversstaðar las ég að meðal Jóninn og Gunnan eru fram í miðjan júní að vinna bara fyrir ríkishítina. Finnst fólki það bara allt í lagi að rúmlega fimm mánuði ársins hirðir ríkið öll launin sem það vinnur sér inn? Ég sé að ég verð svona upplýstur einvaldur sem hefur vit fyrir þegnunum og ber hag þeirra fyrir brjósti.
Ef að ég verð svo við völd mjög lengi er reynslan sú að það fari að gæta ofsóknaræðis þannig að nauðsinlegt verður að koma á fót leyniþjónustu til að fylgjast með þeim sem eru "out to get me" eða eitthvað tortryggilegir á annan hátt og svo þarf auðvitað að passa sig á öllum þessum hryðjuverkamönnum sem verla er þverfótað fyrir nú á tímum. Þar er sjálfkjörinn yfirmaður Georg Ólafsson sem hefur sýnt mikla og góða fasistatilburði sem yfirmaður Útlendingaeftirlitssins og vilja til að breyta Landhelgisgæslunni í alvöru sjóher. Hér er maður með metnað og skýr markmið. Það ætti líka að vera frekar auðvelt í framkvæmd þar sem nú eru myndavélar á hverju götuhorni, löggan má hlera símtöl þegar þeim dettur það í hug og til stendur að setja staðsetningarbúnað í alla bíla. Pís of keik!

2005-04-09T12:21:00.000Z

Ef að ég hef lesið rétt af dagatalinu þá er sumardagurinn fyrsti eftir tæplega 2 vikur. Allt í lagi með það en spurningin er bara, kemur ekki vor á undan sumrinu? Og er það þá ekki eitthavð aðeins lengra en nokkrir dagar? Ef þetta er aftur á móti vorið þá finnst mér það vera ansi hráslagalegt. Á svona dögum eins og hafa verið í þessari viku, þar sem maður þarf að vera með trefil, vettlinga og lopahúfu ætli maður að hætta sér út fyrir hússins dyr, skil ég ekkert í því af hverju ég er ekki á Honolulu. Ég er líka viss um að Fisher sér eftir öllu saman og biður um að vera sendur aftur í fangelsið í Japan, þar er þó ekki 8 stiga frost og rok 2 vikum fyrir formlega sumarkomu. Ég er m.a.s farin að drekka kaffi í vinnunni til að halda á mér hita sem er mikið sagt þar sem ég er orðin svo mikill kaffisnobbari eftir að ég fékk fínu kaffivélina mína (sem malar jafnóðum gúrme kaffibaunirnar sem kosta vikulaun plantekruverkamanns pakkinn), að ég fussa og sveija við þessu venjulega Gevaliakaffi sem flestir sulla í sig eins og væri verið að bjóða mér gulan Braga.
Hugsa sér hvað fólk þurfti að gera sér að góðu í vörum og þjónustu þar til ekki fyrir svo löngu síðan (og það er nota bene ekki að þakka Sjálfgræðisflokknum og þaðan af síður Framagosaflokknum heldur tilskipunum frá stóra, ljóta Evrópusambandinu). Ég man nú þann tíma þegar ekkert var til nema Braga- og Ríókaffi. Það var bara til brauðostur og franskbrauð eða heilhveitibrauð og ávextir sem fengust (þ.e epli, appelsínur, bananar og mandarínur á jólunum) voru engu skárri en það sem notað er í svínafóður í öðrum löndum. Maður þurfti að standa í biðröð í Ríkinu og biðja afgreiðslufólkið um allt sem maður ætlaði að kaupa sem reyndar var ekki mjög fjölbreitt því það eina sem var til voru nokkrar tegundir af vodka, brennivín og sjeniver sem ég held að enginn geti gleymt hvernig var á bragðið sem einhverntíman smakkaði þann óbjóð. Ef maður svo vildi vera virkilega dannaður á því keypti maður flösku af Blue Nun hvítvíni. Það er alltaf verið að væla og skæla yfir því að Laugavegurinn á að vera orðinn eitthvert grei en ég man nú alveg hvernig þetta var hérna lengi vel eftir að ég flutti til Sódomu Reykjavíkur. Þegar búðirnar lokuðu kl. 5 eða 6 á virkum dögum þá var bara ekki kjaftur á ferli í bænum fyrr en svo allir þustu út á götu kl. 3 um helgar þegar skemmtistöðunum lokaði, allir meira og minna dauðadrukknir og allt logaði í slagsmálum. Búðir koma og fara, það er bara þannig, sumur rekstur gengur upp og annar ekki og þó það loki einhverjar búðir á Laugaveginum opnar bara önnur í staðinn. Og úthverfapakk er alls staðar eins hvort sem það er í Reykjavík eða einhverri annari borg, það fer í mollin að versla og svo beint heim í úthverfið og kveikir á sjónvarpinu. Ég fyrir mína parta vildi ekki skipta á miðbænum í dag fyrir miðbæinn eins og hann var fyrir 20 árum. Ég vil hafa mín kaffihús og nóg af veitingastöðum að velja úr og fullt af búðum opnar um helgar. Það eru heldur ekki bara íslendingar sem eru orðnir það feitir og latir að þeir geti ekki hugsað sér að fara milli húsa nema í bíl og grenja svo yfir því að þurfa að borga í stöðumæla, bílaofnotkun er alþjóðlegt vandamál og í flestum öðrum borgum er mun harðara tekið á því að koma einkabílum út úr miðborginni en hér er gert og stöðumælagjöld oft hærri þar sem bílaumferð er bara hreinlega ekki bönnuð með öllu. Hvað segðu fótaveiku íslendingarnir þá?

Þá er loksins búiðm að koma páfanum 6 feet under eins og maður segir. Ég er innilega sammála Móður Jörð um að þetta brölt allt í kring um það að karlræksnið hrökk loksins upp af var orðið ansi þreytandi. Ekki eins og það hafi komið einhverjum á óvart þegar hann svo loksins dó, maðurinn búinn að vera hálf dauður í mörg ár og var löngu hættur að geta talað hvað þá annað. Megas var bara frekar skírmæltur miðað við hann. En hann hékk á þessu embætti sínu eins og svangur hundur hangir á beini allt þar til hann gaf loksins upp öndina, það er erfitt að afsala sér völdum sjálfviljugur. Og talandi um Megas þá var karlinn sextugur um daginn og þó svo hann hafi aldrei getað sungið þá hefur hann samið nokkrar góðar vísur og einstaka ágætt lag og stendur alltaf fyrir sínu sama hvað er annars að gerast í tónlist í kring um hann. En er hann á listamannalaunum, karlinn? Eða er það ennþá þannig að popptónlist þyki svo ómerkilegt fyrirbæri að það sé ekki verjandi að láta peningana okkar skattborgarana í þannig dót? Þá er nú Atli Heimir Sveinsson betur að þessum peningum kominn. Þó enginn nenni að hlusta á verk eins og "Konsert fyrir falska fiðlu, sög og spastískan píanóleikara" þá er það allt saman mikil list. Reyndar skilst mér að það sé jafnvel enn betra að vera eitthvað tengdur þessum örfáu manneskjum sem ákveða hver fær þessi blessuðu listamannalaun heldur en að vera að rembast við að vera mikill listamaður. En svo getur maður líka spurt, til hvers á ríkið að vera að borga einhverju fólki peninga fyrir að vera heima hjá sér og búa til eitthvað sem hægt er að kalla list? Og á þá ekki vinnuveitandinn, þ.e ríkið, það sem þú hefur verið að búa til á launum frá því? Ef rithöfundur skrifar bók á listamannalaunum þá ætti ríkið að fá ágóðann af bókinni. Ég ætlast ekki til að vera á launum í vinnunni minni að búa til einhverja boli sem eru svo seldir og fá líka þá peninga, ég var að gera þetta í vinnutímanum þannig að fyrirtækið fær hagnaðinn af vinnuframlaginu mínu. Þannig ætti það líka að vera með þessa listamenn sem fá listamannalaun

2005-04-01T20:54:00.000Z

Ég verð að játa það að það hefur verið eintóm leti í gangi núna undanfarna daga og lítið gert um páskana annað en að liggja með tærnar upp í loft. Og þó, ég afrekaði þó það að bregða mér í virðulegt matarboð í Hlíðarnar. Svo skellti ég mér á blueshátíð ásamt öllu hinu miðaldra fólkinu og sá þar m.a mann spila listavel á þvottabretti. Nú svo lét ég plata mig aftur í þetta fáránlega Popppunkt spil þar sem spurningarnar eru allar um íslenskt sveitaballapopp eða 80´s indie. Og svo á maður að íta á einhverja pínulitla bjöllu ef maður veit svarið en hver nennir því? Sérstaklega ef maður spilar með fólki sem heldur að það sé í úrslitaleiknum á Heimsmeistaramótinu í Popppunkti og verðlaun upp á 50.000.000 í boði þá er það beinlínis skaðlegt lífi og limum að vera að þvælast eitthvað mikið fyrir.

Mikið var það annars hressandi að fá Bobby Fisher hingað. Það vantar mann með almennilegar skoðanir eftir að Ástþór Magnússon flutti úr landi. Ég legg til að það verði svo reist stytta af Fisher í Hljómskálagarðinum og best væri ef hún gæti ausið út úr sér fúkyrðunum ef maður setur pening í þar til gerða rauf. Fyrir 50 kall fengi maður níð um gyðinga, fyrir 100 kall auk þess reiðilestur um Bandaríkin og fyrir 200 kall fylgdu með fordómar í garð kvenna, samkynhneigðra, svertingja, asíubúa, fátækra, einstæðra foreldra, öryrkja og fjölmiðlafólks. Nokkur síðastnefndu atriðin væru í boði ríkisstjórnarinnar þar sem hún telur ákveðnum hópum í þjóðfélaginu vera ofaukið og þarft að bent sé á þá staðreynd. Svo er bara að vinna að því að fá fleira frægt fólk til að gerast íslenskir ríkisborgarar því ekki viljum við hitt pakkið, svo mikið er víst. Osama Bin-Laden er auðvitað efstur á óskalistanum en svo má athuga Robert Mugabe, Slobotan Milosevich og Charles Manson.

Ég hef aldrei skilið þetta fyrirbæri Mannanafnanefnd. Að það sé til nefnd skipuð nokkrum gömlum köllum sem hefur það að markmiði að skipta sér að því hvað fólk skýrir börnin sín. Hvað kemur öðrum það við hvaða nöfnum afkvæmi bláókunnugs fólks gegna? Það er afskaplega misjafn smekkur manna á því hvaða nöfn þeim finnst falleg og hver ekki. Mér finnast t.d nöfnin Jónas og Guðrún ekki sérlega falleg nöfn og hvað þá Jófríður Lúðvík en mér dettur ekki í hug að amast eitthvað við fólk sem lætur börnin sín heita þetta. Nú og ed að einhver er svo hundóánægður með nafnið sitt að hann getur ekki hugsað sér að bera það út ævina þá er auðveldlega hægt að skipta um nafn. Maður fyllir bara út eyðublað á Hagstofunni, flóknara er það nú ekki. Ég fór að skoða það um daginn svona að gamni mínu (skárra en að eyða tímanum í að glápa á heilalausa bíómynd sem maður man ekki einu sinni hvað heitir 2 tímum seinna) hvaða nöfn má nota og hver ekki. Sum þessara nafna eru svolítið furðulegt svo ekki sé meira sagt en það þarf enginn að segja mér að ef þú hittir mann sem heitir Finngálkn að þú eigir eftir að gleyma honum í bráð. En það má víst ekki. Ekki frekar en Fryolf, Zeppelin, Konstantínos eða Lusifer. En hvað er t.d að nöfnum eins og Eðvald eða Adrian ég bara spyr, en þau eru víst líka bönnuð. Kvenmannsnöfn eru líka mörg mjög áhugaverð en þeir sem höfþu hugsað sér að kalla dæturnar Anndrá, Lárenzína, Ástmary eða Athena verða að láta sér detta eitthvað annað í hug. Og sama og með strákanöfnin þá sé ég ekki af hverju nöfn eins og Siv, Elíza eða Blær eru bönnuð. Sérstaklega þegar skoðað er hvað er leyft. Þá þykja nöfn eins og Þúfa, Petrúnella, Jóra, Geirríður og Evlalía í fínu lagi og karlmannsnöfnin Mýrkjartan, Kjallakur, Dufgus, Bótólfur og Bryntýr. Ef fólk vill skýra börnin sín Blöðrukyrtill eða Huppa þá er það bara þeirra mál og börnin geta þá hefnt sín á þeim ef þau hafa orðið fyrir aðkasti út af nafninu með að senda foreldrana á elliheimili upp á ársgamalt þurrt brauð og kalt kaffi það sem eftir er æfinnar.

2005-03-14T12:16:00.000Z

Þá er komið að því að maður þarf að fara að skila skattaskýrslunni. Ekki það að það sé eitthvað stórmál. Það liggur við að það eina sem þurfi að gera sé að skrifa undir, flest allt annað virðist vera á framtalinu enda veit Stóri Bróðir nánast allt um okkur frá vöggu til grafar. Maður fær nú bara netta áfall þegar maður sér svart á hvítu samantekið hvað maður hefur verið að borga í skatta á árinu. Og það er bara tekjuskatturinn. Svo er virðisaukaskatturinn og allir þessir óbeinu skattar og tollar sem lagðir eru á alla skapaða hluti án þess að við tökum eftir því. Ætli ríkið hirði ekki svona 50-60 % af laununum okkar. Ísland og Ástralía eru einu löndin í hinum vestræna heimi þar sem skattar hafa hækkað á síðustu árum. Lifi frjálshyggjan! Og í hvað fara svo þessir peningar? Ekki í það að gamla fólkið geti lifað sómasamlegu lífi nema það eigi eignir og peninga til að borga fyrir aukaþjónustu sjálft. Háskólinn þarf að standa í happdrættisrekstri til að skrimta. Landhelgisgæslan er á döllum sem ættu að vera komnir á Sjóminjasafnið. Sjúkrahúsin eru meira og minna með lokaðar deildir og fólk sem þarf að fara í aðgerðir sem eru ekki upp á líf og dauða verður ellidautt áður en það kemst að og fólk sem á ekki fyrir mat þarf að standa í biðröðum fyrir utan hjálparstofnanir sem nota bene eru reknar fyrir frjáls framlög og öryrkjarnir þurfa að safna dósum til að geta lifað.
En það er sendiráð í Japan sem kostaði 700 milljónir að byggja og kostar 200 milljónir á ári að reka. Það þurfti líka nauðsynlega að byggja nýtt í Þýskalandi í flottasta hverfinu í Bonn og með 400 manna móttökusal þó það hafi staðið til boða að nota sameiginlega aðstöðu til stærri samkoma með hinum norðurlandaþjóðunum, en það var víst ekki nógu fínt. Þá eru ótalin öll hin sendiráðin og sendiherrarnir með 2 milljónir á mánuði og helminginn skattfrjálst. Svo þurfa þingmennirnir og allur embættismannaskarinn að vera að þvælast í útlöndum í tíma og ótíma á sky high dagpeningum. Það er til svo mikið af ríkisstofnunum að það veit örugglega enginn tölu á þeim né hvað allt þetta fólk sem þar er í vinnu er að gera en einhversstaðar þarf að koma öllum flokksgæðingunum fyrir. Það er ekki til það lítilfjörlega embætti að Flokkurinn sé ekki með puttana í því hver þar situr auk þess sem Framsóknarútibúið fær að ráðstafa einni og einni stöðu til að halda þeim góðum saman ber fréttastjóra útvarpsins þar sem einhver sölumaður hjá Marel var ráðinn sem aldrei hefur komið nálægt fréttaflutningi nema sem fréttaritari í Kaupmannahöfn eða einhversstaðar í fjandanum fyrir mörgum árum.
Ég er að spá í að næst þegar embætti biskups verður auglýst ætla ég að sækja um. Þetta er örugglega voða þægilegt innidjobb og ekki er biskupinn að messa neitt sérstaklega mikið auk þess sem það er sjálfsagt ágætlega borgað og biskupinn er æviráðinn. Ég hef reyndar enga reynslu af preststörfum en hef farið í nokkrar messur og ef þess er krafist í starfslýsingu að maður sé alltaf klæddur eins og fífl þá verður bara að hafa það. Það er ótvíræður kostur að fá í þetta starf menneskju með reynslu af veraldlegu vafstri en ekki alltaf endalaust einhverja slepjulega guðfræðinga. Og það að ég sé ekki í Þjóðkirkjunni ætti að vera kostur frekar en hitt þar sem þá sé hægt að líta á mig sem biskup allra landsmanna. En til að allt þetta megi verða að veruleika þarf ég að koma mér í mjúkinn hjá Flokknum. Ég ætla að byrja á því að mæta á hverjum sunnudegi heim til Dabba með nýbakaða skúffuköku og fara að skrifa miklar lofrullur um Foringjann í öll blöð og gefa svo út bók sem á að heita Við erum öll Davíð inn við beinið og er með skemmtisögum og fleygum setningum frá Foringjanum. Hmmm...ég held ég fari bara strax að máta hempur.

Það hefur lengi loðað við lögguna að þar stigi ekki allir í vitið og sannaðist það heldur betur um síðustu helgi. Þá var ítalskur arkitektanemi handtekinn um miðja nótt fyrir að hafa fyrr um daginn verið að taka myndir af Alþingishúsinu og teikna af því skyssur og héldu breinin í löggunni að þarna væri kominn stórhættulegur hryðjuverkamaður sérstaklega sendur frá Osama Bin-Laden til að sprengja það í loft upp. Duhh!! Ég sé þá fyrir mér í gráum rykfrökkum og með sólgleraugu og gerfiskegg elta manngreyið allt kvöldið til að finna út hvort hann væri einn að verki eða ætti hér samverkamenn og réðust svo til atlögu á Sirkus af öllum stöðum, þar sem hann var í mesta sakleysi að fá sér öl og vissi ekki hvaðan á sig stóð veðrið þegar hann var handtekinn af mönnum með hatta og uppbretta kraga. Svo var honum haldið í steininum fram á næsta dag meðan leitað var dyrum og dyngjum að handsprengjum, bassúkum, sprengivörpum, stýriflaugum og ég veit ekki hvaða drápstólum sem löggan var alveg viss um að hann hefði meðferðis. Þetta minnir mig á íslensku sprengjuleitarsveitina í Írak sem fann útrunnið sinnep hérna um árið og gott ef þeir fundu ekki líka gamalt súrkál og úldin egg. En mikið svakalega hefur Björn Bjarnason verið svekktur þegar ekki tókst með nokkru móti að klína neinu hryðjuverkabrölti upp á þennan mannræfil. Hann hefur örugglega verið búinn að dressa sig upp í army uniformið og Haraldur Johannessen búinn að setja upp alla borðana og þeir félagarnir verið tilbúnir að boða blaðamannafund um málið og sýna um leið fram á að við þurfum alveg bráð nauðsynlega bæði her og leyniþjónustu því hérna vaði alþjóðlegir hryðjuverkahópar uppi óáreyttir. En það gengur bara betur næst.

Lögreglan að mjög svo leynilegum störfum

2005-03-01T11:40:00.000Z

Ég var að skoða um daginn í slúðurblaði allra landsmanna, listann yfir þessi hús sem er búið að gefa leyfi fyrir að rífa á Laugaveginum. Það er deginum ljósara að þeir sem settu saman þennan lista eru á algerum villigötum því það eru alveg snarvitlaus hús sem á að rífa. OK, það er kannski þarna einn og einn kofi sem hefur verið hrúgað upp við hliðina á einhverjum húsum á sömu lóðinni sem meiga alveg fara en það ætti að hreinsa betur til en það. Til að byrja með á að rífa þetta ömurlega Kaupgarðs hús þar sem Bónus er, þvíkíkur hroði sem sá steypukumbaldi er. Hvernig var þetta með arkitekta á þessum tíma, lærðu þeir allir í A-Þýskalandi? Ekki er Síðumúlinn, Ármúlinn eða Suðurlendsbrautin mikið augnayndi. Svo þegar búið er að jafna Kaupgarð við jörðu má næst taka biðskýlið við Hlemm, Landsbankahúsið á Laugavegi 77, síðana halda beinustu leið að Mál og Menningarhúsinu og þurrka af yfirborði jarðar og ekki verra að taka Skífuhúsið í leiðinni. Í Bankastrætini má Hans Petersen húsið alveg hverfa og fyrst maður er kominn í stuð er alveg upplagt að losa sig við þetta hræðilega hús á Lækjartorginu þar sem Strætóbiðstöðin er. Þvílík landhreinsun sem það væri að þurfa aldrei að líta þann hroða augum aftur. Punkturinn yfir i-ið í umhverfismálum borgarinnar væri svo að losna við gamla Morgunblaðshúsið og viðbygginguna milli Apóteksins og Hótel Borgar. Síðan væri íslenskum arkitektum bannað að koma nálægt því að hanna það sem á að koma í staðinn því það endar oftast með einhverum risastórum gler og stál kumböldum. Finnst einhverjum t.d Seðlabankahúsið, Orkuveituhúsið eða glerbáknið á Suðurlandsbrautinni falleg hús?
Svo eru það þessi forljótu steinsteyptu torg. Lækjartorgið er alger skelfing og ekki er Ingólfstorgið mikið skárra. Torg geta svo sem verið ágæt ef við endann á þeim stendur falleg bygging og svo maður tali nú ekki um ef að þar væri gosbrunnur en því er ekki að heilsa í þessu umhverfisslysi sem Reykjavík er fyrir utan Þingholtin og næsta nágrenni. Það þarf að vísu að taka það með í reikninginn að þegar aðrar þjóðir voru að byggja sín torg með gosbrunnum og höllum þá bjuggu Íslendingar í holum í jörðinni ásmat hundum, kindum, köttum og flóm að drepast úr sulti og skyrbjúg og ekki alveg að spá mikið í menningu og listir. Þegar svo hersetan kippti okkur loksins inn í nútímann og við uppgötvuðum steinsteypu varð fjandinn laus. Nú eru svo blessaðir arkitektarnir að uppgötva gler með álíka skelfilegum afleiðingum. Ég er þeirrar skoðunar að arkitektar séu upp til hópa umhverfisglæpamenn þar sem tímabilið frá 1960-1980 sé sínu verst. Ég legg til að þeir sem voru ábyrgir fyrir Múlunum, Suðurlandsbrautinni og Fellahverfinu í Breiðholti ættu að vera hýddir opinberlega og væri við hæfi að gera það á Lækjartorgi sem þessir sömu menn hafa væntanlega líka hannað.
Þegar svo hreinsunarátak er á annað borð komið af stað er upplagt að halda áfram og eyða t.d Framsóknarflokknum sem hefur lifað eins og sníkjudýr á öðrum flokkum frá stofnum og dreyft sínum flugumönnum um allt eins og ólæknandi krabbamein, Davíð Oddssyni ætti sömu leiðis að henda á haugana enda fyrir löngu orðinn bilaður og Björn Bjarnason mætti fara sömu leið þar sem hann hefur fyrir það fyrsta aldrei verið í lagi. Konur með freka öskrandi krakka ætti að fjarlægja og sömu leiðis tryggingasölufólk sem angrar mann með símhringingum í tíma og ótíma. Stuðmenn eru löngu orðnir úr sér gengnir eins og síðustu 5 plötur hafa greinilega borið með sér og ættu þeir að sjá sóma sinn í að láta sig bara hverfa sjálfviljugir og Í svörtum fötum og Birgitta Haukdal eru ekkert annað en hljóðmengum sem ætti ekki að líðast. Að lokum ætti svo að senad Gísla Martein í endurvinnslu og athuga hvort ekki sé hægt að búa til úr honum blómaker eða eitthvað annað gagnlegt. Því eins og maðurinn sagði þá er hrein borg fögur borg nema í Síðumúlanum sé.

2005-02-21T11:28:00.000Z

Þetta þorrablót hérna um daginn virðist ætla að hafa ýmsar ófyrirséðar afleiðingar í för með sér. Kokksi virðist hafa náð áður óþekktum hæðum í trúnólistinni og hreinlega trúnóað fórnarlambið upp úr skónum svo úr varð rómantískt deit á laugardagskvöldi yfir kertaljósum, konfekti og Barry White á fóninum. Geri aðrir betur! Forskaren var því send út úr bænum á meðan svo trúnóparið hefði smá prævasí. Hinn íbúinn hefur væntanlega brugðið sér með kassagítarinn á Catalínu og tekið nokkur Bubbalög með Gulla trúbador sem hefur þanið skemmtarann undir. Anyway, Forskaren sem sagt, var víst ekki alveg í stuði til að eyða kvöldinu á Catalínu eða úti í sjoppu og fékk engan pening til að fara í bíó þannig að hún skellti sér í sveitina með mér og Monopoly ásamt eftirmynd þeirrar síðarnefndu. Nánar til tekið var skundað í Vogana og húsfrúin þar heimsótt og tappi tekinn úr eins og einni rauðvínsflösku. Mjög svo ánægjuleg kvöldstund þó þarna hafi verið saman komið meira af börnum en ég hef séð á einum stað síðan ég lenti einhverntíma í strætó fullum af Wham aðdáendum að koma af Wham kvöldi á Villta Tryllta Villa.
Reyndar var þessi helgi í alla staði hin ánægjulegasta því heimsóknin í Vogana var ekki eina húllumhæið. Á sunnudaginn skellti ég mér auðvitað á Food and fun hátíðina í Listasafninu og minglaði þar við alla matarnörda landsins og horfði m.a á ákaflega huggulegan hollending djúpsteikja lakkrísreima í orlydeigi. Áhugavert. Nú svo á föstudagskvöldið var kíkt við á einu alvöru rokkbúllu bæjarins, þ.e Ellefunni (ég geri ráð fyrir að miðaldra, þreytta fjölskyldufólkið sem ég þekki haldi að Ölkeldan sé ennþá rokkbúlla bæjarins en svo er ekki) og skellt í sig bjór og Jack Daniels í engifer og lime undir dúndrandi metal. Þarna voru líka allar helstu rokkstjörnurnar og maður var bókstaflega umvafinn síðhærðum, skeggjuðum,húðflúruðum karlmönnum í leðurbuxum og kúrekastígvélum. Má ég takk fyrir frekar biðja um svoleiðis heldur en einhver heimspekinemaslitti með mæðusvip og sultardropa á nefinu sem Forskaren virðist eitthvað svo hrifin af þessa dagana (hefur sjálfsagt verið að horfa á enn eina rómantísku gamanmyndina). Og talandi um það! Rómantískar bíómyndavellur sem fá konur til að halda að lífið sé bara ein stór hamingja og að allt fari vel að lokum og draumaprinsinn bíði hinumegin við hornið. Wake up sister! Ég hef reyndar hvorki séð Titanic eða Lady in red til að geta úttalað mig um hversu fáránlegar þær ræmur eru en nóg hef ég þó séð í gegn um tíðina til að sjá það að þessar myndir eru gerðar til að ala á ranghugmyndum trúgjarnra kvenna um lífið og tilveruna. Ímyndið ykkur bara vonbrigðin þegar þær svo hitta það sem þær halda að sé draumaprinsinn. Þær kynnast manni á keramiknámskeiði (maður sem fer á keramiknámskeið hlýtur að vera rómantískur) sem segist vera verðbréfasali, hann býr í penthouse íbúð í bryggjuhverfinu, á BMW jeppa og ferðast mikið. Konan er alveg í skýjunum og sér þarna draumaprinsinn holdi klæddan og hamingju til æfiloka. En viti menn, þegar hún rankar við sér úr rómantísku bíómyndavillunni þá kemst hún auðvitað að því að hann er fráskilinn með 4 börn sem öll eru með athyglisbrest og ofvirkni, hann á ekki krónu í jeppanum heldur var að prufukeyra hann og íbúðina á vinur hans sem er fasteignasali og var hann bara að passa hana meðan sá var í útlöndum. Hann er ekki verðbréfasali heldur sendibílstjóri og ástæðan fyrir keramiknámskeiðinu var að ganga í augun á 25 ára viðhaldinu sem var ástæða hjónaskilnaðarins áðurnefnda og ferðalögin eru jeppaferðir með félögunum úr fótboltanum og þar koma engar konur nálægt nema sem myndefni á subbulegum vídeóspólum.

Síðhærðir, mismikið skeggjaðir, húðflúraðir karlmenn í leðurbuxum og kúrekastígvélum..

2005-02-14T15:14:00.000Z

Ég get ekki sagt annað en að þorrablótið/innflutningspartýið/stórafmælið hafi tekist vel og ekki annað að sjá en að þeir sem á annað borð sáu sér fært að mæta hafi bara skemmt sér vel og verið sáttir við að sleppa öllu þessu gráa, súra, illa lyktandi, bragðvonda dóti sem kallast Þorramatur og snæða þess í stað fiðurfé í ýmsum útfærslum og renna því niður með ostum, flani og berjasafa (sem einhverra hluta vegna Forskaren drakk úr dropateljara). Einhverjir voru þó greinilega að laumast í eitthvað annað en berjasafa þegar líða tók á kvöldið. Ég sá t.d ekki betur en að Kokksa hafi tekist að draga blásaklausan ungan mann út í horn þar sem hún hélt yfir honum mikla trúnóræðu og hann ræfillinn gat enga björg sér veitt. Annar húsráðenda hvart svo skyndilega og hef ég grun um að hann hafi dottið ofan í bjórtunnu. Allir aðrir voru ósköp dannaðir og var þetta óneitanlega farið að minna á aðalfund í kvenfélagi þar sem þeir sem ekki voru farnir heim kl. 11 gapandi og geyspandi voru gjörsamlega búnir á því kl. 2 (nema auðvitað Kokksi sem var með Frískamín í brúsa) og rétt höfðu það af að skreiðast út í leigubíl.Já það er sko ekki tekið út með sældinni að vera orðin miðaldra. En þetta var gott gaman og skemmtilegt meðan á því stóð...eða svona að mestu leiti.Einn af verri fylgikvillum áfengisdrykkju Kikksa virðist vera að fá gríðarlega löngun til að spila vonda tónlist öllum öðrum til ómældrar ógleði. Modern Talking og Scooter fær mann ekki bara til að fá hroll og útbrot heldur vekur líka upp einhverjar bældar ofbeldiskenndir þannig að mann langar til að henda fólki fram af svölum. Toppurinn var svo þegar einn ónefndur veislugestur sem ég kann ekki frakari deili á dró upp kassagítar og fór að standa fyrir hópsöng á Bubba lögum. Ég held ég hafi bara ekki lent í þannig uppákomu síðan í útilegu í Þórsmörk ´87. Haltu þig bara við Skátana væni minn.

Ég var að lesa það um daginn að helmingur þjóðarinnar væri kominn með einhverja sjúkdóma sem enginn hafði heyrt minnst á fyrir nokkrum árum. Fólk þjáist nú umvörpum af bakflæði (sem var nú bara kallað ropi í minni sveit) eða síþreitu og annar hver krakki er með lesblindu, ofvirkni eða athyglisbrest. Hvernig væri að fólk bara drattaðist í bælið á skikkanlegum tíma á kvöldin og hætti að hanga yfir tölvunni eða fyrir framan sjónvarpið fram á nætur. Og ekki telja ykkur trú um að það sé svo voðalega nauðsynlegt að vinna einhver ósköp heima. Vinnustaðurinn er til þess og það kann auk þess enginn að meta það þó þú hangir yfir tölvuskjánum heima hjá þér þar til augun í þér eru orðin ferköntuð. Og face it, það er enginn ómissandi. Það sést best á þessu 8 mánaða jóla/sumar/páska/helgar/vetrar fríi sem Alþingi tekur sér. Ég hef alla vega ekki tekið eftir því að allt leysist upp í stjórnleysi á meðan.
Það sem svo börn vantar er bara gamli góði aginn en ekki einhver sjúkdómsgreining sem afsakar það að þau nenna ekki að læra að lesa almennilega og geta ekki hlítt. Það vantar að foreldrarnir geri þeim það skiljanlegt strax í upphafi hver það er sem ræður á heimilinu og hver setur reglurnar og að það á að fara eftir þeim no matter what sama hvað er öskrað of grenjað. Er það furða að börn séu orðin meira iog minna stjórnlaus þegar foreldrarnir snúast í kring um þau eins og skopparakringlur og banna þeim ekki nokkurn skapaðan hlut og hlaupa á eftir öllum frekjuköstum eins og rakki á eftir beini. Svo eru þau varla læs eða skrifandi þar sem enginn er að fylgjast með því að þau læri heima og kennararnir ráða svo ekki neitt við neitt. Loksins þegar allt er komið í óefni og á að fara að gera eitthvaðþá er fundið á þetta fínt sjúkdómsheiti sem afsakar tepruskapinn í foreldrunum og frekjuna í krökkunum. Ofvirkni og athyglisbrestur hafa lengst af gengið undir heitinu óþægð og finnst mér bara að það ætti að kalla hlutina sínum réttu nöfnum. Þegar Siggi litli er farinn að fá brjálæðisköst yfir því að fá ekki að horfa á sjónvarpið þegar hann vill, að mamma hans leiki sér ekki við hann þegar hann langar að leika og að matmálstímar og háttatímar séu ekki þegar honum hentar og önnur börn sem eru aðeins minna stjórnlauseigi á hættu að gá skó í höfuðið vegna þess að hann fær ekki að hafa öll leikföngin alltaf, þá er aumingja Siggi litli ekki veikur af ofvirkni. Hann er einfaldlega bölvaður óþekktarormur sem ætti fyrir löngu að vera búið að taka í lurginn á og sýna hver það er sem ræður og að það sé ekki hann.
Ég skil hreinlega ekki af hverju ég varð ekki uppeldisfræðingur!

2005-02-08T23:32:00.000Z

Nú hefur matarnefnd þorrablóts setið á löngum og ströngum fundum í allan dag enda hvorki létt verk né löðurmannlegt að ákveða hvað við komum til með að setja ofan í okkur. Í stuttu máli þá var niðurstaðan sú að þorramatur væri kannski ekki matur og engin ástæða til að láta slíkt ofan í sig bara af því að einhverjir sveittir leigubílstjórar sem éta matinn sinn í Múlakaffi gera það. Að borða súr eystu úr klaufdýrum er ekki eitthvað sem fólk á að þurfa að gera af fúsum og frjálsum vilja. Þar fyrir utan sem þetta dót allt saman er selt á okurverði og það eru bæði fátækir námsmenn og fátækir starfsmenn Baugs í hópnum. Samþykkt var samhljóða tillaga Húsfrúarinnar fyrrverandi um að slá þessu upp í osta og rauðvínskvöld ásamt girnilegum smáréttum af erlendum uppruna og flani on the side enda hún bara góðu vön eftir vistina á South Fork.
Því miður hefur fækkað í hópi þeirra sem geta séð sér fært að mæta þar sem einmitt þetta kvöld hefur verið boðaður fundur í Kvenfélaginu á Eyrarbakka og hafði borist af því njósn að Framsóknarflokkurinn undirbyggi yfirtöku á félaginu. Því verða allir að mæta sem vettlingi geta valdið til að tryggja að formaðurinn, Þuríður í Stóru-Þúfu haldi velli og það þýðir auðvitað að Móðir Jörð á ekki heimangengt og verður hennar sárt saknað. En þar sem Þuríður í Stóru-Þúfu hefur staðið sig frábærlega í starfi sem formaður, t.d gaf Kvenfélagið kaffistell í safnaðarheimilið, skóhillur í Grunnskólann og sá um útgáfu á markaskránni þá er það skylda kvenfélagskvenna að koma í veg fyrir þessa fjandsamlegu yfirtöku á félaginu. Ef Framsóknarflokkurinn nær að sölsa undir sig Kvenfélagið hver veit hvað verður næst? Kirkjukórinn? Starfsmannafélag frystihússins? Golfklúbburinn? Enginn verður óhultur og fyrr en varir mun Græna höndun læða sér um allt.
Athugulir lesendur hafa væntanlega tekið eftir því að fundi matarnefndarinnar sem fram átti að fara á sunnudag var frestað þar til í kvöld. Ástæðan var sú að Húsfrúin fyrrverandi greindist með lausa skrúfu í höfðinu, eða þar um bil. Það var einhvernvegin þannig að heiladingullinn losnaði og rúllaði til og frá í höfðinu á henni, sem er ekki bara óþægilegt heldur skildist mér að ef hún hallaði sér of mikið til hliðar þá gæti hann dottið út um eyrað og því vill auðvitað enginn þurfa að lenda í.

Tónleikaárið virðist ætla að fara af stað með trukki og dífu. Það er ekki fyrr búið að bóka Iron Maiden en tilkynnt er að Alice Cooper sé væntanlegur og svo var Hammer að upplýsa að bæði Whitesnake og REM væru líklega á leiðinni. Eins og sést eru þetta allt menn á miðjum aldri og þar yfir sem neita að klippa sig og hætta að ganga í spandexbuxum en virðast enn höfða til fjöldans eftir öll þessi ár, svona eins og Geirmundur. Má ég pant byðja um Motörhead og Judas Priest næst. Þeir sem hafa áhuga á óperusöng eiga líka von á glaðningi þar sem Placido Domingo og hinn sem ég man ekki hvað heitir eru að koma til að þenja raddböndin. Ef einhverjum þykir mikið að borga 5.000 kall til að sjá Iron Maiden þá er það bara smápningar sem duga varla fyrir blandi í poka miðað við hvað miðinn getur kostað á Domingo. Þar þarf að punga út 30.000 kalli fyrir bestu sætin, takk fyrir. 30.000! Hvar í ósköpunum eru þau sæti eiginlega? Á sviðinu við hliðina á hljómsveitarstjóranum? Og fær maður kampavín og kavíar í hlénu og fer svo heim með Domingo á eftir og spjallar yfir koníaksglasi?

Nú fer að styttast óðum í að Húsfrúin í Vogunum komist formlega á virðulegan aldur. Við Hammer sem höfum reynslu af þessum tímamótum getum hughreyst hana með því að það er engu að kvíða. Við höfum t.d tekið eftir því hvað við erum orðin mikið gáfaðri, myndarlegri og skemmtilegri og komust þó fáir með tærnar þar sem við höfðum hælana í þeim efnum. Svo fara stórafmælin að skella á hvert á eftir öðru næstu árin, það eru nefnilega ákveðnir einstaklingar sem ég þekki sem eru ekki alveg jafn ungir og þeir vilja vera láta. En það er ekkert að því að eldast. Sjáiði t.d Mick Mars í Mötley Crue. Hann er ný kominn úr mjaðmaskiptiaðgerð enda aðeins nokkrum árum yngri en páfinn, en er enn að rokka á fullu eins og unglingur. Þar sést nú alveg greinilega hvort lífernið er í raun heilsusamlegra, meinlætalífið hjá páfanum eða rokkælupartýlífið hjá Mick Mars. Sá síðarnefndi lítur nú þónokkuð betur út verð ég að segja. Rokkið heldur manni ungum, það er margsannað mál.

einn þessara manna er orðinn afi

2005-01-31T18:13:00.000Z

Ég fékk vitrun um helgina. Nei, nei, ég er ekki farin að sjá Jesúmyndir á ristaða brauðinu mínu eða á óhreinum matardiskum né heldur byrtist María mey mér á fáförnum stað. Það eru geðræn vandamál ekki vitrun. Nei, það rann upp fyrir mér að heavy metal er málið. Punktur. Ég var sem sagt að stela tónlist af netinu eins og ég geri svo, oft og telst líklega stórglæpamaður á því sviði, og eitt af því sem ég náði í var nýja platan með Judas Priest. Og þar sem ég setti fyrsta lagið á og hækkaði vel í græjunum þá rann upp fyrir mér ljós og ég hugsaði, this is it! Já takk yessirybob. Nú hlusta ég bara á sveitt heavy metal í gargandi botni og læt ekki bjóða mér eitthvað ömurlegt kellingavæl eins og Damian Rice eða Coldplay. Mjúkir menn my arse! Hér eftir verða það bara gargandi, leðurklæddir testósteronboltar og minnst 2 gítarsóló í hverju lagi. Ég hef dregið fram hverja snilldarplötuna á fætur annari og þetta eru menn sem kunna að skýra plöturnar sínar. Reinventing the steel, Screaming for vengeance, Fighting the world, Reign in blood, Slowly we rot...listinn er endalaus. Hér er ekki verið að grenja út af einhverjum misheppnuðum ástarsamböndum eða velta sér upp úr misrétti og vonsku heimsins og setningin I love you er álíka algeng og bleikir fílar. Heavy metal rules!

Nú fer að styttast í Þorrablótið/innflutningspartýið/stórafmælið og það þarf að fara að huga að því hvað verður á matseðlinum. Þar sem þessi týpíski þorramatur er að mestu leyti ekki hundum bjóðandi þá verður bara að brydda upp á einhverjum nýjungum til að gera þetta áhugaverðara. Ég smakkaði t.d um daginn harðfisk með lime og chillisósu sem smakkaðist alveg ágætlega. Svoltið sérstakt en samt fínt. Ég geri nú samt ekki ráð fyrir að það sé fyrir alla þó mér finnist það fínt. Mér finnast t.d kartöfluflögur með salti og ediki algert æði en hef ekki enn hitt neinn annan sem borðaar það fyrir utan þann aðila sem kynnti mig fyrir harðfiskinum. Hmm... það segir kannski eitthvað? En maður á að taka öllum nýjungum með opnum huga. Ég hef líka verið að kynna mér aðeins þennan ósið sem það er að háma í sig úldinn mat einu sinni á ári og svo íslenskar matarvenjur almennt enda ætla ég að halda fyrirlestur um það mál á Þorrablótinu og er ég komin með stutt uppkast upp á 14 síður. Þá er nú bolludagurinn (sem ég var að sjá að er eftir viku) skemmtilegri siður.

Ég stóð mig að því að vera að fletta Séð og heyrt á einhverju kaffihúsinu um daginn. Ég var sko búin að lesa Financial Times og Nature. Nema hvað að ég þekkti hvorki haus né sporð á langflestu fólkinu sem talað var um í blaðinu. Annað hvort er svona svakaleg gúrkutíð eða þá að ég fylgist bara ekki nógu vel með ríka, fræga og fallega fólkinu í dag. Hvar er Fjölnir Þorgeirsson eða Friðrik Weisshappel? Og svo er það þetta Idol lið sem ég heyri fólk tala um eins og séu nákomnir ættingjar. Hvað er eiginlega merkilegt við það að heyra hæfileikalausa, bólugrafna unglinga rústa einhverjum Sálarlögum sem voru þó nógu vond fyrir. Og svo bara versnar það þegar reynt er að tala við þetta lið sem fæst getur komið saman óbrenglaðri setningu. En það er jú alltaf til fólk sem vill sínar 15 mínútur af frægð. Hvað hafa svo þessir snillingar sem komust í úrslitin í fyrra sér til frægðar unnið? Annar gaf út sólóplötu sem fáir nenntu að hlusta á og enn færri keyptu nema einhverjir hillbillys á Suðurnesjunum og er hans helst minnst fyrir að klæða sig eins og fífl. Hinn gaf út karókíplötu sem var jafnvel enn verri og væmnari en síðasta plata Páls Rósinkranz en af einhverjum óskiljanlegum ástæðum keyptu allar miðaldra kellingar landins þennan óskapnað og létu ekkert á sig fá þó maðurinn syngi eins og Beaker í Prúðuleikurunum. Hvernig væri að láta þetta lið reyna að syngja heavy metal, ha?! Þá fyrst á það eftir að skíta í brækurnar.

2005-01-23T23:58:00.000Z

Hvernig er þetta eiginlega með þessa ríkisstjórn, standa þessir menn ekki við neitt sem þeir segja. Hvar er Bobby Fisher!!?? Okkur var lofað því að fá hann í jólagjöf og svo gerist bara ekki neitt. Eftir hverju er verið að bíða spyr ég nú bara? Maðurinn er frægur, á nóg af peningum og er og með góðum vilja er hægt að kalla skák íþrótt þannig að hann er þá íþróttamaður, hann er ekki ættaður frá Asíu eða Afríku og er mjög líklega fasisti samanber miður fögur ummæli hans um gyðinga. Maður hefði haldið að þetta ætti að duga til að honum yrði veittur ríkisborgararéttur hraðar en það tekur Davíð að taka úr sér rúllurnar á morgnana. Hér væri loksins kominn pólitískur flóttamaður sem Útlendingaeftirlitið gæti sætt sig við að hleypa inn í landið því hver vill einhverja bláfátæka og ættlausa hottintotta og halanegra eða þá Kínverja sem fjölga sér eins og mý á mykjuskán og verða búnir að taka yfir Ísland áður en við getum rönd við reyst? Þessir stórvarasömu útlendingar hafa jafnvel vélað siðvandar íslenskar stúlkur til að giftast sér með einhverjum ósvífnum bellibrögðum bara til þess að komast hingað til landsins helga með allt sitt hyski. Það er ekki að ástæðulausu að fráfarandi forstjóri Útlendingaeftirlitsins, Herr Flick (gott ef hann gengur ekki við staf og er alltaf í síðum leðurfrakka og stígvélum og konan hans heitir Helga), hefur ekki tekið neinum vettlingatökum á þessu lúserapakki. Vonandi að arftaki hans í embætti, Jósef Mengele, fylgi sömu stefnu þvi annars stefnum við beinustu leið til glötunar.

Ég var að bíða eftir strætó um daginn sem væri ekki í frásögur færandi nema hvað, að ég rek augun í auglýsingu aftan á einum þeirra frá útvarpsstöðinni Kiss fm. Þar er einhver fíflalegur leikur í gangi sem gengur út á það að fólk sem á börn á að hringja inn í einhvern ömurlegan þátt og láta krakkann "segja eitthvað sætt" eins og segir í auglýsingunni. Hvað er það!! Ekki nóg með að þessi hræðilega útvarpsstöð spili það mesta sorp sem hægt er að finna á geisladiskum heldur ætla þeir að bæta um betur í fíflaganginum og eyða heilu þáttunum í að útvarpa óskiljanlegu babbli í slefandi smábörnum. Er nákvæmlega ekkert skárra sem þetta aumingja fólk getur látið sér detta í hug að hvelja útvarpshlustendur með sem óvart álpast til að stilla á stöðina. Þetta er ekki sætt, þetta er bara hálfvitalegt. Af hverju eru svona rusl stöðvar ekki lagðar niður? Þó Jón Gnarr sé leiðinlegur og álíka fyndinn og fundargerð frá aðalfundi Félags íslenskra endurskoðenda þá myndi ég frekar vilja hlusta á hann segja ekkibrandara í mjjjööööög löngu máli eins og hans er von og vísa heldur en að hlusta á einhverjar mömmur, sem hafa greinilega ekkert skárra að gera (sjálfsagt einstæðar mæður á bótum og styrkjum og aukabótum og viðbótarstyrkjum), reyna að toga eitthvað gáfulegt upp úr börnum sem ekki eru einu sinni komin á það þroskastig að vera farin að borða sand og flugur hjálparlaust.

2005-01-16T19:23:00.000Z

Það er ekki hægt að segja annað en að "men are pigs" kvöldið hafi verið ákaflega dannað og dömulegt. Enginn skandall, enginn sofandi í sófanum daginn eftir og allt trúnó svona frekar á léttu nótunum (enda var kokteilbarinn harðlæstur af gefnu tilefni). Þrátt fyrir fögur fyrirheit þá voru engin ástarbréf eða myndir brenndar á báli né skartgripum sturtað niður úr klósettinu og niðurstaðan úr öllum þeim djúpu umræðum sem þar fóru fram var í stuttu máli sú að "men may be pigs but it´s a dirty job and someone has to do it".

Skemmtinefnd BKBK hefur sett fram þá formlegu tillögu að Þorrablót verði haldið þann 12. febrúar í Hamraborginni. Og ekki nóg með að þetta sé eitthvað venjulegt Þorrablót heldur er þetta Innflutnings-afmælis-þorrablót hvorki meira né minna. Húsfrúin og Kokksi eru að koma sér aftur fyrir á fornum slóðum í Hamraborginni og Húsfrúin í Vogunum verður formlega miðaldra þennan dag þannig að það þótti alveg tilvalið að steypa þessu öllu saman í eitt allsherjar geim. Og þar sem þetta eru allt merkisatburðir þá hefur Móðir Jörð enga afsökun fyrir því að mæta ekki þó fyrirvarinn sé bara 4 vikur. Hún gæti jafn vel komið með væna flís af feitum sauð þarna úr sveitinni. Eins og fram hefur komið verður einungis boðið upp á þorramat sem hægt er að kalla með góðri samvisku mat, 0g allt venjulegt fólk getur borðað án þess að loka augunum og hafa þvottaklemmu á nefinu. Frést hefur að það verði m.a.s boðið upp á sérstakt þorraflan og ábyrgist ég að það verða ekki súrir hrútspungar of kálfalappir með jarðarberjum og súkkulaði þó það væri reyndar alveg sérstaklega þorralegt flan.

Ég vissi ekki hvaðan á mig stóð veðrið þegar Monopoly spurði í forundran hvort ég ætlaði virkilega ekki að horfa á beinu útsendinguna á laugardagskvöldið. Ég kom hreinlega af fjöllum og hefði ekki heyrt um neina beina útsendingu á einu né neinu enda hvorki með útvarp né sjónvarp. Voru Börnin að koma heim? Var Davíð búinn að láta slétta á sér krullurnar? Hafði Halldór Ásgrímsson sagt brandara? Hafði fótboltalandsliðið unnið leik? Nei, nei! Haldiði ekki að þetta hafi verið bein útsending frá einhverri söfnun þar sem ALLIR leiðinlegustu sjónvarpsmenn og (ó)skemmtikraftar landsins voru saman komnir að reyna að vera hressir og sniðugir til að kreysta peninga út úr fólki. Gott og vel að safna peningum til styrktar góðum málefnum en er ekki hægt að gera það á aðeins mannúðlegri hátt en að hafa Gísla Martein flaðrandi og flissandi á skjánum heilt laugardagskvöld? Nei takk, má ég þá frekar biðja um fund í "Men are pigs society".

2005-01-11T13:46:00.000Z

Voðalega finnst mér sumar hérna vera að láta einhverja karlaskarfa hringla eitthvað með sig! Jú jú þeir geta svo sem alveg verið fínir, en bara í hófi. Ís og súkkulaði er líka voða gott en eitthvað held ég að það yrði hálf klént ef maður væri að háma það í sig í tíma og ótíma, og kannski bara vondan ís og gamalt súkkulaði ofan á allt saman. Maður á auðvitað líka bara að velja það besta eða þá einfaldlega sleppa því segi ég (það er líklega ástæðan fyrir því að Grumpa er enn single). Ég hef áður farið í gegn um það að velja sér tilvonandi maka er ekki eitthvað sem á að gera kl. 3 á laugardagskvöldi á Sólon á 6. bjór. Nei og aftur nei. Svoleiðis er dæmt til að mistakast. Þetta á allt að gerast mjög vísindalega og úthugsað og ef viðkomandi gripur stenst ekki ALLAR kröfurnar þá er næsta skref í því ferli að segja hina gullnu setningu "erum við einhverjir vinir?" og snúa sér að öðrum málum eins og t.d að drekka meiri bjór. Ef riddarabrynjan og hvíti hesturinn eru ekki sýnileg í heimkeyrslunni hjá viðkomandi er betra heima setið en af stað farið. En þette lítur auðvitað allt öðruvísi út ef bara er verið að leyta að eintaki í hjálpartækjasafnið, þá er allt leyfilegt. Eftir allt þetta tal skil ég orðið mjög vel að Hammer sé hættur að þora að láta sjá sig hér á blogginu:)

Óformlegur félags- og stuðningsmannafundur BKBK komst að þeirri niðurstöðu á sunnudaginn eftir að hafa gætt sér á vöfflum og kaffi að ekki væri úr vegi að halda Þorrablót. Húsfrúin er auðvitað bara góðu vön eftir dvölina á Southfork Ranch og stakk upp á gúrme eins og súrum hrútspungum, sviðasultu, hákarli, súrsuðum nautgripalöppum og slátri með miklum mör. Fyrir þessa vandætnu sem ekki kunna að meta þjóðlega siði og borða ekki úldinn mat væri hægt að hafa hangikjöt, harðfisk, rúgbrauðm og flatkökur. Öllu yrði svo skolað niður með Brennivíni (eða flóaðri mjólk fyrir þá sem virðast hafa eitthvað óþol gagnvart áfengi og eiga það til að lognast út af í sófum út um allan bæ). Tensai San verður svo sjálfkjörin til að sjá um skemmtiatriði, bæði vegna frábærrar framistöðu á Lúsíukvöldinu og einnig vegna þess að stinga upp á því að sonurinn héldi upp á 17 ára afmælið í Veröldinni okkar í Smáralind og fengi trúð, frostpinna og útskorna köku (sérstaklega þegar á það er litið að hann þarf heilan nautabúgarð í Brasilíu til að sjá sér fyrir fatnaði og fylgihlutum og notar meiri snyrtivörur en við allar til samans og hefur ekki enn tekið eftir því að hægt er að fá flest í fleiri litum en svörtu). Þar sem styttist óðfluga í Þorrann þá vil ég hér með leggja þessa hugmynd í dóm félags og stuðningsmanna BKBK. Í beinu framhaldi af mlög svo vel heppnuðu sunnudagskaffi síðasta sunnudag langar mig líka til að stinga upp á því að sunnudagskaffi verði mánaðarlegur viðburður, t.d fyrsta sunnudag í hverjum mánuði. Hvernig hljómar það? Það skal tekið skýrt fram að þessi uppástunga er ekki bara til þess að Grumpa geti troðið sig út af sætindum og kruðiríi og sé bara að nota vini sína sem skálkaskjól fyrir eigin græðgi.

Monopoly virðist hafa tekist að lokka til sín aðra heimilishjálp eftir að Londonía varð að flíja af landi brott í skjóli nætur. Mér skilst að hún hafi þurft að fara í þrefalda handsnyrtingu og Tyrkneskt nudd svo ekki sé minnst á lagningu og rope yoga svo var hún útjöskuð eftir þessa fáu daga. Og hún fékk ekki einu sinni rauðvínsdreitil eða osttægju. Húsfrúin fyrrverandi frá Ameríku er greinilega ekki ennþá þúin að ná sér eftir að hafa sagt sig úr Ewing fjölskyldunni að hún lét gabbast og flutti inn til Monopoly sem hugsar sér nú gott til glóðarinnar að þurfa ekki að strauja gardínur, ryksuga, skúra, vaska upp eða þvo þvott næstu vikurnar. Svona eru þessar einstæðu mæður, þú réttir þeim litlaputtann og þú ert étinn lifandi áður en þú veist af. Svo koma þær í Fólk með Sirrý eða í DV og skæla yfir því hvað kerfið fer illa með þær. Ég sé fyrir mér fyrirsögnina "Kerfið sveik mig" eða þá frétt í DV sem gæti hljóðað svo: "Einstæð móðir með gerfifót lögð í einelti af Alfonsi Hitler stöðumælaverði. Kveðst ekki geta lagt fyrir framan Kaffi Austurstræti óáreitt. Á erfitt með að ganga langar vegalengdir eftir þrjá tvöfalda brennivín því Tryggingastofnun neitar henni um nýjan gerfifót eftir að sá gamli brákaðist við að detta niður stiga í Ölveri."

2005-01-06T18:42:00.000Z

Haldiði að sé ekki bara komið nýtt ár og það númer 2005 í röðinni frá því að einhver byrjaði að nenna að hafa fyrir því að hafa á þeim tölu. Áramótin hjá mér fóru mjög friðsamlega fram, engin flugeldastórskotahríð eða því um líkt enda er svoleiðis bara fyrir karlmenn sem hafa ennþá gaman af því að leika sér. Þetta eru örugglega sömu mennirnir sem eiga jeppa á 50" dekkjum, eða whatever sem stærðin á þessu er, gjörsamlega hlaðinn í ljóskösturum og einhverju drasli þó að það lengsta sem þeir fari sé upp í Bláfjöll. En eitthvað verða þeir að hafa fyrir stafni blessaðir, ekki þræða þeir útsölurnar nema þá kannski sem burðardýr fyrir konuna sína. Tekið tillit til þess hversu mikil mannraun það er að vera kannski dreginn á 10 útsölur á einum og sama deginum, vera næstum troðinn undir af kellingum sem kaupa allt sem hönd á festir hvort sem það er nefháraplokkari eða rafmagnssósuhristari og burðast með úlfaldahlass af innkaupapokum þá er þeim næstum fyrirgefið að geta hangið yfir 3 fótboltaleikjum á dag í Manchester United búningnum sínum með bumbuna lafandi yfir buxnastrenginn og slafrandi í sig sveittum rottuborgurum og bjór, tuðandi yfir dómaranum allan tímann. Og þeir meiga svo sem alveg keyra allt of dýru jeppana sína í sköflum þessa fáu daga sem snjóar eitthvað að ráði og svo eru sumir sem virðast ekki vaxa upp úr því að spila heilalausa tölvuleiki og skoða klámsíður á netinu í vinnunni og verður bara að leyfa þeim það. Mörkin setur maður við þá sem gera ráð fyrir að ALLIR hafi áhuga á fótbolta og hásingum og finnst ekkert athugavert við að brydda upp á því umræðuefni við öll tækifæri. Ímyndið ykkur stúlkur mínar ef þið væruð að deita svona gæja og hann býður ykkur út að borða. Ekki á La Primavera (sem hann heldur örugglega að sé plata með Jóhanni Kristjánssyni) ef hafið gert ykkur vonir um það, heldur á American Style og pantar double megaburger með beikoni handa ykkur báðum. Svo fer hann tala um leikinn við Arsenal í næstu viku og að Giggs sé miklu betri á kantinum en Ljungberg og segir ykkur svo í trúnaði að hann kalli jeppann sinn Trölla. Ef einhverjir kannast við meiri deit from hell þá er þeim frjálst að trúa okkur fyrir þeirri ægilegu lífsreynslu.

Ég vil lýsa yfir einskærri ánægju og stjórnlausri gleði yfir því að Húsfrúin skuli vera komin heim og búin að fá nóg af þessu brölti í útlöndum. Ég vil jafnframt leggja til að kaffihúsaferð eða vöfflukaffi á Laugaveginum sé fljótlega á dagskrá. Það eru reyndar allir meira en velkomnir í vöfflukaffi og ég ábyrgist að það verður ekki haldið fyrir hádegi svo Tensai San verður búin að taka rúllurnar úr hárinu og lesa Moggann (líka minningargreinarnar og leiðarann). Henni og Kokksa veitir örugglega ekkert af því að fá einhverja staðgóða næringu eftir allt útsölufárið.

2004-12-29T13:21:00.000Z

Já þá er maður bara kominn úr sveitinni, sæll og glaður og búin að hestúsa ómælt magn af hangikjöti með öllu tilheyrandi og svo auðvitað einn og einn konfektmola í eftirrétt. Það eru nú einu sinni jól, ha? Ég hafði það sem sagt mjög gott í þessu örstutta jólafríi en er núna a bæta mér það upp hvað þetta ver stutt og aumingjalegt og verð í fríi fram yfir áramót. Sit hér bara við tölvuna. nýlega vöknuð með kaffibolla og súkkulaði..afsakið hrökkbrauð, og er bara að dunda mér. Kíki kanski í bæinn á eftir og fæ mér meira kaffi og meira hrökkbrauð. Ég vorkenni fólki sem vinnur í búð og hefur þurft að díla við leiðinlega kalla og frekar kellingar með öskrandi börn í eftirdragi allan desember og fá svo ekki almennilegt jólafrí til að geta slappað af áður en útsölurnar byrja og heilu hjarðirnar af úthverfakellingum ryðjast inn í Kringluna og Smáralindina, rífa allt og tæta þannig að búð sem var tiltölulega snyrtileg að morgni er orðin eins og Chicken street í Kabúl um hádegi og engin teppi lengur til. Ræningjaflokkar ganga betur um.

Ég bíð núna bara spennt eftir virðulega kaffiboðinu á fimmtudaginn. Það er samt eitt sem mér finnst alltaf jafn undarlegt en það er þegar barnafólk er að skipuleggja eitthvað svona að það þykir ekkert sjálfsagðara en að boða fólk í heimsóknir fyrir hádegi! Þannig að ég þarf að rífa mig upp hérna fyrir allar aldir og mæta í kaffiboð hálf sofandi með stýrurnar í augunum. Að vera á ferli á frídeginum sínum á sama tíma og ruslakarlarnir eru að tæma tunnurnar og strætóbílstjórarnir að mæta í vinnuna er kanski helst til of snemmt. Morgunstund gefur ekki gull í mund, ég er löngu búin að komast að því. En aftur á móti er kvöldið fagurt og nóttin ung eins og segir í kvæðinu. En þar sem Monopoly er búin að vera að baka marens alla vikuna þá læt ég mig hafa það að drattast á fætur við fyrsta hanagal. Svo hef ég það fyrir satt að það sé allt hreint og strokið í Hlíðunum þessa dagana. Monopoly varð sér nefnilega úti um húshjálp. Londonía skrapp á klakann í nokkra daga til að slappa af og eiga nokkra rólega daga í burtu frá erli stórborgarinnar. En henni varð ekki kápan úr því klæðinu skal ég segja ykkur. Hún var ekki fyrr lent í Keflavík en Monopoly narrar hana með sér með gylliboðum um rauðvín og osta. Þegar svo heim er komið er dregin upp svunta og gúmíhanskar og aumingja Londonía látin skúra, skrúbba og bóna, strauja gardínur og viðra rúmföt. Svo var hún send á aðfangadag upp í Heiðmörk með sög að ná í jólatré! Það endaði auðvitað með því að Londonía stakk af í skjóli nætur út á land til að vera bara ekki alveg útkeyrð þegar hún færi til baka.

Londonía þrífur hátt og lágt

2004-12-13T21:53:00.000Z

Ég var að lesa helgarblað DV í gær, þar sem ég hef nú alltaf verið mikið fyrir slúðrið og svona. Gaman að vita hvað Birgitta Haukdal er að gera og svo eru auðvitað allar dramatísku fréttirnar af einstæðu mæðrunum sem virðast alltaf lenda í eintómu tjóni og vandræðum (er þetta kannski eitthvað sem Monopoly kannast við og getur deilt með okkur, raunir einstæðra mæðra). Það væri sem sagt ekki í frásögur færandi að ég væri að lesa helgar DV nema hvað að það var forsíðuviðtal við Jóa Fel. Þessi maður er gjörsamlega að ganga frá mér! Hann er verri en miltisbrandur! Ekki nóg með það að hann sé að gaufast með matreiðsluþátt í sjónvarpinu, sjálfur bakarinn, heldur tekst honum að klúðra því alveg gjörsamlega. Ég er mikil áhugamanneskja um allt matarkyns nema vera skyldi þorra"matur" en ég get ekki með nokkru móti horft á þessi ósköp. Til að byrja með er hann mjööög stoltur af því hvað hann er duglegur í ræktinni og einhverjum þættinum sá ég úr þar sem hann var búinn að draga alla massana vini sína í mat. Það hefur ekki komið saman jafn mikið magn af steraboltum síðan á austur-þýsku frjálsíþróttamóti fyrir 1985. Það var þarna m.a.s einhver Olga með skegg og bassarödd. Matreiðsluþættir ganga út á að elda mat, ekki að sýna kokkinn í sturtu eða í ræktinni. Svo gekk þetta út fyrir alla þjófabálka þegar hann fór að draga kellinguna sína inn í þættina. Hann stendur þá við eldavélina og hnykklar vöðvana með steikarpönnur í báðum höndum meðan hún sker grænmeti, stífmáluð og nýkomin úr handsnyrtingu. Kæmi mér ekki á óvart að gerfineglurnar dúkkuðu upp í salatinu því manneskjan kann ekki að halda á búrhníf frekar en ég kann að skipta um kúkableilu. Og svo smæla þau framan í heiminn, ein helvítis hamingjan uppstríluð. Farðu bara aftur að baka kleinuhringi, þarna viðrinið þitt! Siggi Hall come back, all is forgiven! Dagurinn sem ég hætti að horfa á sjónvarp er þegar Jói Fel, Sirrý og Davíð Oddsson mæta öll saman í þáttinn hjá Gísla Marteini.

Þar sem styttist nú óðfluga til jóla þá er ég komin á kaf í jólaföndrið. Ég er núna að útbúa jólakortin, að líma glansmyndir og og glimmer þannig að þið getið farið að hlakka til að fá kort frá mér. Þetta er nefnilega svooo sætt. Nú svo er ég búin að setja aðventuljós í alla glugga og næst á dagskrá er að baka piparkökuhús sem í ár verður Morgunblaðshöllin. Svo er ég auðvitað búin að prjóna marga jólasokka, sauma mér jólasvuntu og útbúa jólasveinahúfu sem spilar White christmas í hvert sinn sem ég hristi höfuðið. Ég er búin að taka fram hina sígildu plötu, Jólaleg jól með Svanhildi og allt jólaplötusafnið með Björgvini Halldórssyni sem eru 57 titlar. Svo er ég bara farin að segja hó hó hó þegar fólk talar við mig og Helmut er kominn með rautt gerfinef og gengur nú undir nafninu Rúdolf. Ég er strax farin að hlakka til páskanna!

2004-12-05T17:23:00.000Z

Jæja þá er Lúsíukvöldið afstaðið með pompi og prakt. Það verður að segjast eins og er að Lúsía kvöldsins stóð sig með miklum sóma og vakti ómælda ánægju meðal viðstaddra. Byrjaði þó á því að mæta um miðjan dag, hlamma sér beint upp í sófa með teppi og fá sér lúr sem hefði ekki verið tiltökumál nema hvað hún hraut svo að undir tók í húsinu. Kvað svo rammt við að nágranninn á efri hæðinni hélt að eitthvað væri að hrynja utan af húsinu. Ég hálfpartinn vorkenni Hammer að þurfa að búa við þetta. Búningur var í samræmi við tilefni og vantaði bara hvíta kyrtilinn til að hún liti út eins og 14 ára saklaus, ljóshærð og bláeig sænsk skólastúlka með englarödd sem hljómaði svo fagurlega í laginu Santa Lusia. Viðstaddir hreinlega klökknuðu og hlupu strax í næsta Rauðakross söfnunarbauk til að gefa peninga til bágstaddra. Og að halda fyrirlestur á japönsku var vissulega athyglivert. Efni fyrirlestursins fór reyndar eitthvað fyrir ofan garð og neðan hjá flestum. Þó Lúsían héldi því fram að hann væri tengdur þessu merka fyrirbæri þá hefði hún alveg eins getað verið að lesa upp veðurspána fyrir Tokyó og nágrenni næstu 5 daga. Lúsíukvöldið öðlaðist svo óvænt japanskt þema þegar svo einn veislugestur dró upp úr pússi sínu geisladisk með japönsku bandi sem spilar bara Queen lög, á japönsku auðvitað, sem vakti mikla lukka.
Þó að Móðir Jörð sæi sér ekki fært að mæta sökum annríkis (væntanlega að sauma lifrarpylsukeppi eða hekla jóladúka) þá birtist Kokksi eins og sólargeisli á sumardegi, búin að fá sig fullsadda af sænskum sósíal og komin aftur heim í heiðardalinn. Allt fór svo vel fram enda ráðsett fólk hér á ferð, nema hvað Húsfrúin úr Vogunum fékk einhverja slæmsku þegar líða tók á kvöldið sem lýsti sér í svima, magaverkjum og seinna uppköstum. Það hafði ekkert með görótta drykki að gera (not) heldur var þetta líklega bara einhvar fuglaflensa. Og hún náði ekki einu sinni að komast á gott trúnó!
Þá er ótalið annað skemmtiatriði þar sem Monopoly las upp úr dagbók frá 1986. Af þeim lestri að dæma gekk líf sumra mestmegnis út á það að skemmta sér og drekka bjór og vodka. Ég er strax farin að sekna þessara gömlu góðu daga (fyrir utan vodkans). Húsfrúin í Svíaríki má svo eiga von á myndum af herlegheitunum fljótlega.

Ég held ég sé búin að komast að því hvernig hægt er að verða ríkur fljótt og auðveldlega. Maður stofnar bara eitthvað bjánalegt pýramídafyrirtæki og selur fólki hluti í því. Það virðist vera til nóg af bjánum sem halda að þeir geti orðið ríkir á 2 vikum á þannig bissnes samanber þetta norska dæmi sem verið er að tala um núna. Lærir fólk aldrei? Ég hef því hugsað mér að stofna svona fyrirtæki þar sem hluthafar geta keypt nytjahluti eins og fótanuddtæki, soda stream, bumbubana, megrunareyrnalokka, megrunarplástur, rafmagnsskóreimingatæki, dagblaðaflettara og augnabrúnakrullujárn á hagstæðu verði. Það eina sem þarf að gera er að kaupa hlut í kompaníinu og um hæl fær fólk sent kort sem gildir í verslun félagsins á Grænhöfðaeyjum. Ég sem stjórnarformaður og forstjóri borga svo sjálfri mér rífleg laun svo ekki sé minnst á bónusa, álgsgreiðslur, risnu og kauprétt á hlutabréfum á genginu -5 sem fyrirtækið kaupir síðan af mér daginn eftir á genginu 40 enda mikil vinna og ábyrgð sem fylgir því að vera svona ómissandi fyrir fyrirtækið (spyrjið bara forstjóra KB banka). Svo læt ég mig bara hverfa einhversstaðar í Brasilíu og lifi happily ever after

2004-11-26T20:36:00.000Z

Alltaf er nú jafn gaman þegar föstudagur er að kveldi kominn. Að vita það að maður getur sofið út í næstu 2 daga og ekki nóg með það heldur slórað í bænum og hangið á kaffihúsum báða dagana er toppurinn á tilverunni. Ef ég heyri einhvern segja að ég eigi ekkert líf þá er það ekki rétt! Kanski það sé bara vísbending um að manni leiðist í vinnunni. Eða í mínu tilviki að manni leiðist yfir höfuð að vinna. Annað sem bendir sterklega til vinnuleiða er að fá nýtt dagatal fyrir árið 2005 og byrja á því að athuga á hvaða dögum fríin lenda eða þá að vera farin að hlakka til þess að fara á eftirlaun þegar maður er rétt ný orðinn 29.
Líklega er það rétt hjá Monopoly að þessi forsætisráðherralufsa sem við sitjum uppi með sé bara svo hrútleiðinlegur að maður leggst bara í leti og volæði. Ég hef oft verið að velta því fyrir mér hverjir kjósa eiginlega Framsóknarflokkinn. Flokkur sem er með formann sem er álíka mikill karakter og spælt egg og varaformann sem er einhver þorrablótstrúður þegar best lætur. En fólk hefur jú misjafnar skoðanir og misjafnan smekk, sumum finnst jafn vel Gísli Marteinn skemmtilegur.

Ég hef ákveðið það að vera alveg sérdeilis skynsöm og skipulögð þessi jólin og vera búin að gera allt sem þarf að gera snemma í ár. Þ.e að vera búin að kaupa jólagjafirnar fyrir Þorláksmessu og vera ekki að senda jólakortin þann sama dag. Ég hef sem sé ákveðið að taka mér Móður Jörð til fyrirmyndar og vera búin að plana mánuð fram í tímann allt niður í hin minnstu smáatriði. Eins og að þriðjudaginn 7. des kl. 6 ætla ég að vera búin að kaupa jólapappírinn og laugardaginn 11. set ég Helmút í jólabaðið. Lífið verður örugglega allt miklu auðveldara.
Þar sem ég hef ekki hingað til verið mikið jólabarn þá var ég að spá í að venda mínu kvæði í kross og taka jólin með trukki og dífu og allt sem þeim tilheyrir. Það fyrsta er auðvitað að baka ekki færri en 8 sortir af smákökum, skella í rjómatertubotna og svo ekki sé nú minnst á marensteru sem er auðvitað ómissandi á hverju jólaborði. Síðan byrja ég að skreyta. Það verða óróar í öllum herbergjum og seríor í öllum gluggum og svo ofskreytt jólatré að ekki verður hægt að sjá hvernig það er á litinn. Á toppnum verður svo stjarna sem blikkar og skiptir litum á 3ja sekúndna fresti. Í garðinum ætla ég að hafa jólasvein á hreindýrasleða sem hriglar bjöllu og syngur Jingle bells allan sólarhringinn milli þess sem hann hrópar hó hó hó. Svo verð ég með svona Betlehemssenu með Jesúbarni og vitringum og öllum pakkanum nema hvað ég ætla að slá alla út og vera með 3 Jesúbörn, 6 vitringa, Maríu , Jósef og 2 barnapíur. Uppi á þaki verð ég svo með risastóra Betlehemstjörnu sem snýst í hringi og spilar jólalög í kappi við syngjandi jólasveininn í garðinum. Á sunnudögum fer ég svo í jólasveinabúning og dreyfi karamellum. Ég er strax farin að hlakka til!

2004-11-18T21:25:00.000Z

Það er kominn snjór og það er ógeðslega kalt! Hvað er ég að gera á þessu skeri á þessum árstíma? Af hverju get ég ekki bara verið á Ítalíu með rauðvínsglas og að borða tiramisu í öll mál? Þetta er hið fullkomna óréttlæti. Heimurinn er vondur! Ég þarf að vinna í því að ná myndum að Björgólfi eða Jóni Ásgeiri í óþægilegum aðstæðum með einhverri sílíkonbombu sem heitir Suzy eða Michelle (eða þá báðum) og hóta að senda það konunum þeirra og DV nema þeir borgi mér myndarlega upphæð á mánuði það sem eftir er.

Þar sem veðrið hefur verið eins og í Síberíu undanfarið og ég ekki enn komin með nýja Digital afruglarann frá Stöð 2 þá hef ég verið að glápa á mun fleiri þætti á Skjá Einum en ég er vön. Ég segi nú bara, eins gott að þetta er ókeypis. Það er ekki nóg með að þeir grafi upp endalaust af einhverju amerísku drasli heldur er það sem þeir framleiða sjálfir af svipuðu kaliberi. Kíkjum aðeins á dagskrána.
Ég er löngu hætt að kippa mér upp við þessa þvælu sem Survivor er. Það segir sig sjálft að þegar hópur af moðhausum kemur saman til á eyðieyju í þeim eina tilgangi að skíma og plotta allir gegn öllum þá er það ekki fögur sjón. En það kemst samt ekki með tærnar þar sem Americas next supermodel er með háhælana. Þvílíkt rusl! Einhverjar stelpugálur sem flestar hafa ekki borðað meira en 3 salatblöð í mál í 5 ár að keppa í því hver getur geiflað sig og glennt meira framan í miðaldra karlfauska sem svo ráða því hver þeirra er send heim (sú fer þá venjulega að háskæla, finnst lífið ekki lengur vera þess virði að lifa því og hoppar fram af næstu brú...eða næst um því).
Svo þegar ég hélt að vont gæti ekki versnað þá sá ég Bingóþáttinn þeirra! Sá gengur út á það að OFSALEGA HRESSI STJÓRNANDINN sprellar og spriklar og gerir voða, voða mikið grín og er í rosa stuði milli þess sem hann spilar á orgel og les upp bingótölur. Ég færi á bingó í Vinabæ með Félagi eldri borgara á hverju laugardagskvöldi það sem eftir er frekar en að þurfa að horfa á svo mikið sem einn þátt til viðbótar af þessu sorpi. Þegar Fólk með Sirrý er að verða það skásta sem boðið er upp á þá er eitthvað mikið að. Ég verð þó að viðurkenna að mig hefur alltaf langað til að koma í þáttinn og vera svona skuggi bak við eitthvað tjald og tala með þvoglumæltri Barry White rödd um spillingunni sem á sér stað í Kvenfélagasambandi Íslands. Þar sem miðaldra virðulegar konur eru ekkert annað en stórinnflytjendur á bönnuðu sænsku munntóbaki, dreyfa fölsuðum kökuuppskriftum og selja bláberjasultu sem er með skemmdum bláberjum. Og hver veit nema þetta séu líka allt saman harðsvíraðir handrukkarar sem elta fólk og berja það með handtöskum og regnhlífum.

Þá er það ákveðið. Lúsíukvöldið verður 4. des. Það virðast bara allir geta mætt sem er afrek útaf fyrir sig. Og ég vænti þess að svíþjóðarfararnir verði með okkur í anda (helst vínanda þá). Það er þá ekkert annað að gera en að fara með pallíettukjólinn í hreinsun, taka fram manndrápspinnahælana og panta lagningu.

2004-11-10T21:36:00.000Z

Ég var að hugsa um það einn morguninn á leiðinni í vinnuna og algerlega ekki að nenna því hvers vegna í ósköpunum ég gerðist ekki prestur. Það er einfaldasta og þægilegasta djobb í heimi. Maður er æfiráðinn og á fullum launum frá ríkinu en fær svo borgað aukalega fyrir allt sem maður gerir nema messa einu sinni í mánuði ef maður nennir. Fermingar, giftingar, skýrnir og jarðarfarir, ekkert af þessu er innifalið í launum prestanna. Fyrir hvað er þá verið að borga þeim segi ég þá? Að vinna einn dag í viku að meðaltali við að fara með sömu gömlu tuggurnar aftur og aftur sem allir hafa heyrt minnst 1000 sinnum fyrir gamalmenni sem heyra hvort eð er ekkert hvað verið er að segja. Það væri alveg eins hægt að lesa upp úr Lukku Láka. Pant hafa svona vinnu þó maður þurfi að dressa sig upp í óléttukjól og með samanbrotinn lampaskerm um hálsinn svona rétt á meðan. Svo ef maður býr úti á landi þá er frítt húsnæði og alltaf einhverjar gamlar konur að bjóða manni í kaffi og kökur. Svo messar maður bara um jól og páska og reynir að fá fólk til að slá saman giftingum og jarðarförum og ekki verra ef hægt væri að troða einni og einni skýrn með og spara mikinn tíma og fyrirhöfn því hver nennir að gaufa með þetta dag eftir dag. Það ætti að hafa tvennar dyr á hverri kirkju þannig að þegar líkfylgdin fer út um framdyrnar koma brúðkaupsgestirnir inn um bakdyrnar. Framlegð er málið í dag.

Mér finnst við vera farin að vera helst til grimm við aumingja Bush ræfilinn hérna. Sérstaklega er Hammer grumpy, það mætti halda að hann hafi verið að hlusta á Herbert Guðmundsson, Justin Timberlake og Árna Johnsen allt sama morguninn! Bush er bara einfaldur maður og við verðum að virða honum það til vorkunar. Við meigum ekki vera vond við svoleiðis fólk. Það væri eins og að púa á keppendurna á Ólympíuleikum fatlaðra. Og ef hann vill borða ís með gaffli þá á bara að leyfa honum það. Enginn skaði skeður. Það er líka ekki réttlátt að halda því fram að þó hann virðist ekki geta sett saman setningu sem inniheldur fleiri en 4 atkvæði sé það merki um að hann sé eitthvað treggáfaður. Alls ekki. Skoðiði bara íslendingasögurnar, þar var ekki verið að eyða plássinu í einhvern orðaflaum heldur komið sér beint að efninu í sem fæstum orðum þannig að allir skildu við hvað var átt. Það er líka bara helmingur af ameríkönum sem eru vitleysingar. Hinir eru vooooða sorry yfir öllu saman. Tékkið á þessu:) http://www.b2.is/?sida=tengill&id=79133

Óformleg skoðanakönnun hefur leitt til þeirrar niðurstöðu að laugardagurinn 4. des virðist henta flestum best til að halda hið árlega Lúsíukvöld. Ég hef þó ekki enn heyrt í Tensai San sem mun verða veislustjóri og aðal Lúsía. Ég vona að hún hafi ekki álpast upp í einhvern sumarbústað úti í óbyggðum til að finna sitt innra karma, drukkið nokkrum fingurbjörgum of mikið af Sake, vafrað út í móa og orðið mannætuhúsdýrum að bráð. Við vitum öll að kýr geta verið stór varasamar svo ekki séu nú ninnst á sauðfé. Ekkert nema vígtennurnar og blóðhlaupin augun.

Ég átti leið í Hagkaup um daginn sem ekki væri í frásögur færandi nema hvað að ég rak augun í poka af flögum með salti og ediki. Þar sem ég veit ekki um neinn annan á Íslandi sem borðar þetta þá kom þetta algerlega eins og þruma úr heiðskýru lofti. Að Hagkaup séu að flytja inn snakk bara fyrir mig, hugsið ykkur! Reyndar skil ég ekki sjálf af hverju ég borða þetta. Það hefur eitthvað slegið þarna saman í bragðlaukunum. Enskar matarvenjur eru ekki eitthvað sem venjulegt fólk tekur upp að öllu eðlilegu. Hverjum öðrum dettur í hug að borða böku með rollunýrum í? Eða einhver minibjúgu úr svínafitu löðrandi í steikingarolíu? Stappaðar kartöflur með bökuðum baunum og svínaskönkum! En svona eftir á að hyggja þá getum við þó lítið sagt án þess að vera að grýta heilu hnullungunum úr glerhúsunum okkar. Úldin skata með bræddri rollufitu og súrir hrútspungar? Ég held við séum meira skyld bretum en við höldum. Og við erum bara nýhætt að éta sauðskinnsskóna okkar þegar við vorum búin að ganga niður úr þeim og renna svo öllu niður með hákarlalýsi. Jói Fel come back, all is forgiven!

Nammm!! Og hver segir að útlitið skipti ekki máli þegar matur er annars vegar?

2004-11-03T22:34:00.000Z

Mér til mikillar ánægju er Móðir Jörð komin í leitirnar!!! Já konan sú hefur víst alltaf nóg fyrir stafni eins og gjarnan er í sveitum á þessum árstíma. Haustverkin á fullu og allir að taka slátur og svíða kindahöfuð og útbúa sviðasultu. Svo eru það náttúrulega bútasaumsnámskeiðin, keramiknámskeið (allir verða nú að geta búið til ávaxtaskál og öskubakka), Laxnesklúbburinn, tantranámskeiðin, vinafélag íslensku varphænunnar er með fundi og svo auðvitað saumaklúbburinn Skvetturnar þar sem sérstaklega er lögð áhersla á að hafa marenstertur á samkomum. Já það er sko alltaf nóg að gera í sveitinni meðan við malbikspakkið hlussumst bara fyrir framan sjónvarpið með kók og snakk eða þá förum í Smáralindina eða á bílakynningu og fáum ákeypis pulsur og bol merktan Toyota á alla kanta.

Ég er endanlega búin að missa allt álit á ameríkönum og var það ekki mikið fyrir eftir að hafa hrapað mjög hratt síðustu 4 ár. Haldiði ekki að þeir hafi kosið yfir sig þennan ofsóknarbrjálaða moðhaus sem þeir hafa haft sem forseta síðustu 4 ár í önnur 4 til viðbótar! Þetta er svona svipað og að Ástþór Magnússon yrði kosinn forseti hér, ekki bara einu sinni heldur tvisvar! Og segir það ekki meira en mörg orð um amerískt skólakerfi að þessi maður sé með háskólapróf í sagnfræði nema Fáfræði sé sérstök námsgrein þarna vesturfrá. Smá dæmi:
"This very week in 1989, there were protests in East Berlin and in Leipzig. By the end of that year, every communist dictatorship in Central America had collapsed." —George W. Bush, Washington, D.C., Nov. 6, 2003
"My trip to Asia begins here in Japan for an important reason. It begins here because for a century and a half now, America and Japan have formed one of the great and enduring alliances of modern times. From that alliance has come an era of peace in the Pacific." —George W. Bush, who apparently forgot about a little something called World War II, Tokyo, Feb. 18, 2002
"It is white." —George W. Bush, asked by a child in Britain what the White House was like, July 19, 2001
En grínistar og stand-up comedians verða alla vega mjög ánægðir því nú hafa þeir nóg efni næstu 4 árin.

Ég sá í sjónvarpinu um daginn treiler (sem gerist mjög sjaldan þar sem ég er oftast að sinna húsverkunum á kvöldin eða setja niður haustlauka eða þá hekla jóladúka) þar sem var verið að kynna einhvern matreiðsluþátt með Jóa Fel sem væri ekki í frásögur færandi nema hvað hluti af kynningunni var hann að hysja upp um sig brækurnar væntanlega að koma úr ræktinni. Hvað er eiginlega með þennan mann? Er hann haldinn einhverri strýpiþörf eða hvað? Ég man ekki betur en að í einum þættinum hafi hann verið að striplast í sturtu. Og hvað kemur það metreiðslu við hvort kokkurinn er með sixpakk og taki 250 kíló í bekk? Hverjum er ekki sama? Eða er ég eitthvað að misskilja þetta. Sitja kannski kellingarnar stjarfar fyrir framan skjáinn og bíða eftir að sjá bossann á Jóa Fel en er alveg slétt sama hvort steikin er medium rear eða well done? Ég þakka bara mínu sæla fyrir að Siggi Hall hafði ekki þessar furðulegu kenndir. Ég hefði alla vega ekki horft á þann matreiðsluþátt.

2004-10-29T19:55:00.000Z

Lýst er eftir Móður Jörð. Síðast fréttist af henni að baka marenstertu með 3 börn hangandi í pilsfaldinum og heilan saumaklúbb á leið í kaffi.Hefur hún ekki sést á blogginu síðan hún neitaði því þar staðfastlega að vera í bókunum Íslenskar kvenfélagskonur eða Kirkjukóratal. Ef einhverjir hafa orðið hennar varir eru þeir beðnir að benda henni á að "there is a world out there"

2004-10-24T21:05:00.000Z

I´m Back!!!!! Jæja, ég ákvað þá að koma heim aftur eftir allt saman þó svo að það hafi runnið á mig tvær grímur á tímabili þar sem ég sat í sól og 30 stiga hita með bjórglas í hendi og heyrði einhverja vera að tala um að á Skerinu væri kafaldsbilur og ofsaveður og að Vestmannaeyjar hafi fokið á haf út í heilu lagi. Ekki það að ég saknaði þeirra eitthvað.
Anyway, þá var Tyrkland í stuttu máli alveg frábært. Reyndar keypti ég hvorki teppi né horfði á magadans en ég keypti hins vegar vatnspípu og tesett, hlutir sem verða að vera til á hverju heimili.Ég fór líka í nokkrar skoðunarferðir út í sveit aðallega til að skoða gamlar Rómverskar rústir og hella sem fólk hafði höggvið marga kílómetra inn í fjöll. Á þeim ferðum var keyrt í gegn um mörg lítil þorp sem gaman var að sjá. Þar voru helstu farartækin traktorar með kerru aftaní. Kallinn keyrði traktorinn en í kerrunni voru svo kerlingarnar og geiturnar. Kerlingarnar voru svo skildar eftir á akrinum að tína bómull meðan karlarnir sátu á kaffihúsunum og drukku te. Ekki kannski jafnrétti kynjanna í hnotskurn og ímynda ég mér að Húsfrúin í Svergie hafi snarað sér út úr bílnum og haldið þrumandi fyrirlestur um það málefni og svo lamið karlræflanna með handtösku eða þá regnhlíf.
Þar sem þetta var pakkaferð með leiguflugi þá var þarna fólk á öllum aldri allt frá tvítugu og upp úr. Ég lenti á útleiðinni í sæti við hliðina á gömlum hjónum sem var svo sem allt í lagi þar til sú gamla fór að tala við mig um lyfin sín, þá ákvað ég að þykjast vera sofandi það sem eftir var ferðarinnar. Reyndar var hún svo gömul og hrum að ég bjóst við að hún myndi hrökkva upp af á miðri leið en kerlingarskarið var enn tórandi þegar haldið var heim. En þið fáið að heyra alla ferðasöguna og sjá allar 130 myndirnar við fyrsta tækifæri. Hvað meiniði að þið séuð upptekin til 2006?
Eins og fram hefur komið þá stendur til að halda hið árlega Lúsíukvöld og hefur laugardagurinn 27. nóvember verið nefndur sem ágætur dagur til þess arna. Tensai San mun taka að sér að vera Lúsía og mun einnig troða upp með skemmtiatriði. Nýji barinn minn verður einnig formlega vígður og kokteilar hristir fram úr öllum ermum. Það þarf ekki að taka fram að það er mætingaskylda. Húsmæðrum suður með sjó er bent á það að vera búnar að taka slátur, svíða hausa, súrsa hrútspunga, búa til rabarbarasultu, sortera kartöflur, prjóna vettlinga, sauma sauðskinnsskó, bræða tólg, bródera sængurver eða ganga frá amboðum. Og ef þær halda að börnin eigi ekki eftir að bíða þess bætur að þær bregði sér af bæ eina kvöldstund og eigi eftir að enda sem handrukkarar, stöðumælaverðir eða bílasalar þá er það ekki rétt. Og til hvars haldið þið annars að karlmenn séu yfir höfuð á mörgum heimilum svona svipað og uppþvottavél eða þurrkari? Alls ekkert bráðnauðsynlegir en til ýmisa hluta nytsamlegir ef þeir eru rétt stilltir. Það má alveg nota þá í að dytta að ýmsu smálegu, sumir geta m.a.s vaskað upp og dýrustu módelin kunna að setja í þvottavél. Eins er hægt að kenna þeim að gefa börnum að borða og koma þeim í háttinn.

Týpísk Tyrknesk verkaskipting í sveitunum (áður en Húsfrúin í Svergie lætur til sín taka). Konurnar á akrinum en karlarnir á kaffihúsunum

2004-10-10T21:18:00.000Z

Þá er maður bara á leið í frí! Lagt af stað í fyrramálið við fyrsta hanagal. Ég hef verið að geyna að undirbúa mig fyrir óheyrilega langt og leiðinlegt flug, merkilegt eins og mér finnst gaman að ferðast hvað ég hata að fljúga. Þetta var allt í lagi hérna áður fyrr þegar maður var að fara í menningarreysur til Englands þá drakk maður sig bara fullan enda venjulega samferða hópi annara menningarvita sem líka höfðu ekkert skárra að gera en að drekka sig fulla. En svo færðist aldurinn yfir og maður hætti að drekka eins og einhver bjáni, loksins þegar maður þarf á því að halda. En svone eftir á að hyggja hvað er þá sorglegra en miðaldra kelling slafrandi full að röfla við fólk. Nei, maður lætur sig bara hafa það að hálfpartinn drepast úr leiðindum. Ég get ekki lesið því ég fæ bara hausverk og ég get heldur ekki sofið þó það sé oftast best að alla vega þykjast vera sofandi því oftar en ekki lendir maður við hliðina á fólki sem finnst alveg jafn leiðinlegt að fljúga eða þá að það telji það almenna kurteisi að ræða við sessunautinn. Ég er nú bara þannig að ég hef voða lítinn áhuga á að tjatta eitthvað við eldri konur um barnabörnin þeirra eða hvað það var nú gaman þegar saumaklúbburinn Skvetturnar skellti sér til Glasgow hérna um árið. Monopoly var að vísu búin að ráðleggja mér að fá mér svona svefnleppa fyrir augun til að geta sofnað og ætli ég bara reyni það ekki þó svo maður líti örugglega út alveg eins og fífl, vantar bara sloppinn og rúllur í hárið.
Þar sem ég er að fara til Tyrklands þá hefur Tensai San suðað stanslaust í mér að kaupa fyrir sig magadansmeyjabúning. Það er því nokkuð ljóst að Tensi San ætlar að vera með skemmtiatriði á næsta Lúsíukvöldi þannig að það kvöld verður eitthvað sem enginn má missa af. Ég hef líka fjárfest í forláta barskáp þar sem ég hef sett mér það takmark í lífinu að gerast kokteilfyllibitta á gamalsaldri og verður barinn formlega vígður við það tækifæri. Ég verð að prufusmakka hina ýmsu kokteila fram að þeim tíma því ekki þíðir að bera fram eitthvert glundur á því merka kvöldi. Ég mun hér með stinga upp á því að Lúsíukvöldið verði haldið fyrsta laugardag í desember eða síðasta laugardag í nóvember. Skipulagða fólkið getur þá farið að spá í því hvort hentar betur og látið mig svo vita því auðvitað vil ég að allir geti komið. Það verður nefnilega svoltið mikið af kokteilum.
En við heyrumst þá bara næst eftir 2 vikur. Ég er farin í sólina:)

Tensai San við leynilegar æfingar fyrir skemmtiatriði Lúsíukvölds

2004-10-04T21:25:00.000Z

Haldiði ekki bara að ég hafi skellt mér út á lífið á laugardagskvöldið ásamt Monopoly til að afsanna það í eitt skipti fyrir öll að við séum orðnar boring old farts sem hafi ekkert skárra að gera á þannig kvöldum en að hekla pottaleppa og hlusta á kvöldsöguna áður en við förum að sofa um 10 leitið. Nei ó nei, það skal sko ekki spyrjast um okkur stuðboltana. Það var því haldið í bæinn og byrjað á því að fá sér að borða á Rossopomodoro þar sem var ekkert nema eitthavð hávaðapakk að hita sig upp fyrir kvöldið og syngjandi kerlingar á einu borðinu í þokkabót. Jæja, það er ekkert sem 2-3 bjórar geta ekki kippt í lag ef maður er þannig stemmdur. En þar sem þetta var frekar snemma kvölds þá töldum við ekki við hæfi að fara að drekka okkur fulla svo við röltum á Ölstofu Kormáks og Skjaldar til að mingla við allt fræga fólkið sem er víst fastagestir þar.
Eins og ég sagði var ekki orðið mjög áliðið þegar hér var komið sögu svo þar inni var ekki kjaftur en úr því rættist þó bráðlega og vorum við umkringdar selebretís á alla kanta áður en við gátum sagt Séð og heyrt. En þá fór heldur að síga á ógæfuhliðina í þessari bæjarferð því ákveðnir aðilar voru farnir að geyspa meira en góðu hófi gengdi enda væntanlega komið langt fram yfir háttatíma, klukkan orðin rúmlega 12. Líka bara best að forða sér því það eru ekkert nema dópistar, ofbeldisseggir og unglingar á ferli á þessum tíma sólarhrings og betra að vera ekkert á vegi þess óþjóðalýðs.

Það hefur verið ákveðið að halda hið árlega Lúsíukvöld í byrjun nóvember en þar sem yfir Lúsían er flutt af landi brott þá verður einhver að taka við því sæmdarheiti og því hefur Lúsíunefndin stungið upp á því að Tensai San taki það að sér. Þar sem Tensai San er sérstaklega virðuleg og djúpþenkjandi persóna þá mun hún eiga eftir að bera aðventukrans á höfðinu með miklum sóma auk þess sem nefndinni þótti æskilegt að halda þessu embætti innan fjölskyldunnar. Ég efast ekki um að Tensai San eigi eftir að koma með einhverjar heimspekilegar útlistanir á Lúsíuhefðinni út frá ný-samúræskum súrrealisma með tilvísan í fúturískt raunsæi. Hvort við hin eigum eftir að skilja það er ekkert sem 3-4 bjórar geta ekki reddað. Ef Tensai San hefur einhverjar athugasemdir við þetta fyrirkomulag þá eru þær ekki teknar til greina.

Ég hef nú ekki mikið verið að velta mér upp úr pólitík hér enda gerir það ekkert annað en að pirra mann en ég trúði ekki mínum eigin eyrum um daginn þegar ég heyrði að Jón Steinar hafði verið ráðinn sem hæstaréttardómari. Fyrst er það frændinn og nú besti vinurinn. Hvað verður næst? Hannes Hólmsteinn sem háskólarektor eða Gísli Marteinn sem útvarpsstjóri? En þjóð sem kýs þetta yfir sig ár eftir ár á þetta bara skilið!
Það eru kannski ekki eftir mörg embætti eða stöður sem Flokkurinn hefur ekki ennþá náð að planta sínum mönnum en hér er listi yfir það sem er örugglega næst
-Forsetaembættið í lagt niður og Davíð skipar sjálfan sig kóng og fer að ganga um í rauðri, afsakið blárri skikkju og með kórónu og veldissprota. Embættið gengur svo í erfðir
-Formaður framsóknarflokksins verður kosinn á landsfundi sjálfstæðisflokksins enda er það bara formsatriði. Allir þingmenn framsóknarflokksins verða svo skikkaðir til að ganga í peysufötum
-Borgarstjórn Reykjavíkur lögð niður og Davíð skipar frænda sinn sem hertogann af Reykjavík og tekur sá umsvifalaust upp nafnið Jörundur I.
-Kristninefnd Flokksins skipar nýjan biskup sem fyrir einskæra tilviljun er briddsfélagi Davíðs og hans fyrsta verk verður að bannfæra Jón Ásgeir og Jón Ólafsson
-Halldór Blöndal verður gerður að ríkissáttasemjara og mun taka upp nafnið Salómon
-Davíð ákveður að semja sjálfur nýjan texta við þjóðsönginn enda sá gamli óttalegur leirburður sem enginn skilur hvort eð er. Fyrsta erindið mun samkvæmt áreiðanlegum heimildum byrja einhvernvegin svona "ó Davíð vor konungur, ó konungur vor/vér dáum þitt krullaða, dúllaða hár/öll sólkerfi himnanna snúast um þig/þínir Flokksskarar falla á kné"
-Skipaður verður umboðsmaður stóreignamanna sem sífellt verða fyrir öfund og aðkasti öryrkja og annars Breiðholtspakkas án þess að geta borið hönd fyrir höfuð sér
-Björn Bjarnason sér loksins æskudrauminn rætast og er skipaður yfirhershöfðingi. Hans fyrsta verk verður að fyrirskipa að gæsagangur verði opinbert göngulag og einungis hermarsar verðir spilaðir í Ríkis... afsakið Flokksútvarpinu
-Að lokum verður svo Gísli Marteinn skipaður bæjarstjóri í Latabæ enda alltaf í stuði

Flokkurinn lengi lifi! Húrra, húrra, húrra!!!!

2004-09-26T17:03:00.000Z

Þá er ég loksins komin aftur á malbikið eftir ánægjulega dvöl í sveitasælunni þar sem ég bakaði gulrótatertu dauðans a la Monopoly og var tertan sú étin upp til agna samdægurs. Það er reyndar eitt af því sem bendir til þess að ákveðið fólk er farið að eldast að það er farið að skiptast á kökuuppskriftum en ekki fylliríssögum af sjálfumsér. Annað dæmi um elli, er þegar fólki er farið að ofbjóða hvað unglingsstelpur klæða sig í stutt pils og fleigna kjóla og þegar þetta sama fólk er komið á fætur fyrir kl. 7 á sunnudagsmorgnum og fer í Kolaportið að kaupa sér lopasokka. Ég bíð bara eftir að sjá fólk í flókainniskóm, með falskar tennur, heklandi dúka og hafi horft á alla 100 þættina af Maður er nefndur og finnist Laugardagskvöld mað Gísla Marteini bæði fræðandi og skemmtilegur þáttur. Þar sem ég eldist mun hægar en allir í kring um mig (sem stafar helst af mínu heilsusamlega líferni og hollu mataræði) þá á þetta eftir að enda með því að ég verð umkringd eintómum tannlausum og heyrnarlausum gamalmennum einn góðan veðurdag.

Þó að Kokksi hafi nú yfirgefið okkur (og ég komst ekki einu sinni í kveðjupartýið:( ) þá vona ég að hann verði duglegur við tölvuna, enda sjálfsagt lítið annað að gera þarna í Uppsala, og sendi okkur línu af og til. Síðast þegar ég heimsótti þennan volaða bæ þá var aðal sportið að fara á einhvern pöbb þar sem voru bara feitir og sveittir mótorhjólagaurar, fúlskeggjaðir og með smurolíu á puttunum. Og lögin í græjunum voru Born to be wild og Smoke on the water. Svo var það hann Abdúll sem bauð okkur í kaffi til mömmu sinnar sem við auðvitað þáðum en komumst því miður ekki sökum anna og manngreyið var alveg eyðilagður. Strætóinn hætti að ganga kl. 10 á kvöldin því þá voru allir farnir heim að sofa því kl. 8 á morgnana fóru allir út að skokka með hundana sína. Það er örugglega meira um að vera á Breiðdalsvík en þarna í Uppsala. En þar sem að Kokksi og Húsfrúin eru svo sérdeilis kátar og skemmtilegar manneskjur þá hef ég ákveðið að ganga á bak þeirra orða minna að á þetta volaða pleis ætlaði ég aldrei aftur að koma og bregða mér í heimsókn einhvern daginn.

Ég brá mér í gönguferð í bæinn í gær sem ekki væri í frásögur færandi nema hvað að ég ákvað að fara á Súfistann í Máli og Menningu og fá mér kaffi og kíkja í bók í leiðinni. Og viti menn, haldiði að ekki sé útsala í gangi og fullt af áhugaverðum bókum á 50% afslætti. Það endaði auðvitað með því að ég keypti þarna fullan poka af bókum sem ég varð hreinlega að eiga og ættu að vera til á hverju menningarheimili. T.d "Mafia: The complete history of a criminal world", "Highlights: An illustrated history of cannabis", "Best desserts" og svo auðvitað "Tractors: An illustrated chronological history" með 500 myndum af traktorum. Ég átti von á því að Tensai San hefði mætt þarna með sængina sína og hjólbörur undir allar bækurnar. Ég er líka búin að vera að kaupa fullt af matreiðslubókum. Þar sem þetta blessaða eldhús mitt hefur ekki níst í neitt annað undanfarna mánuði en að hita bakkamat í örbylgjuofni þá varð maður bara að lesa uppskriftir og skoða myndir á meðan. En svei mér þá ef það er ekki farið að sjá fyrir endann á þessu eylífðarverkefni. Nú skulu sko pottar og pönnur teknar fram og fólk dregið í kaffiboð og matarveislur hvort sem því líkar betur eða verr. Þeir sem eru í einhverju aðhaldi eða megrun eru beðnir um að gleyma svoleiðis vitleysu. Baunabuff og tofusalat er ekki matur. Svo fer líka að styttast til jóla og ef fólk ætlar að geta borðað jólasteikina og konfektið og mætt í öll jólaboðin er eins gott að fara að æfa sig.

Hvort er nú girnilegra, tofujukkið eða súkkulaðikakan? Ég bara spyr!!

2004-09-11T11:05:00.000Z

Ég vil byrja á því að þakka Móður jörð fyrir höfðinglegar móttökur um síðustu helgi þegar við Monopoly og Tensai san brugðum undir okkur betri fætinum og skelltum okkur í sveitina. Eins og allra góðra sveitakvenna er siður var Móðir jörð nýbúin að slátra nauti og bauð upp á nautagúllas með öllu og ekki nóg með það heldur svignuðu borð undan kökum og kruðiríi sem við gerðum góð skil (ekki það að við værum svona gráðugar heldur vorum við bara þreyttar og svangar eftir langt ferðalag og tilhugsunina um það að þurfa kanski að fara út í kartöflugarð og taka upp eins og 2-3 beð eins og Móðir jörð var búin að hóta). En þar sem við sögðumst þá ætla að mæta á pinnahælum og í balletkjólum dugði til að Móðir jörð sá sitt óvænna og hætti við þau vondu áform. Hún má ekki eiga á hættu að skemma reppið sem hún hefur þarna í Trékyllisvík sem fyrirmyndar húsmóðir sem ekki má vamm sitt vita. Það hefði getað orðið vandræðalegt fyrir hana á næsta kvenfélagsfundi eða á næstu kirkjukórsæfingu ef sést hefði til þriggja miðaldra kvenna á háum hælum og í balletkjólum vera að taka upp kartöflur í garðinum hjá henni.
Allt þetta át átti þó eftir að hafa ófyrirséðar afleiðingar í för með sér því á heimleiðinni fór að bera á óeðlilegri gasmyndun í aftursætinu þar sem Tensai san sat með galopinn gluggann og þóttist ekki taka eftir neinu. Þetta var auðvitað út af gulrótunum sem Móðir jörð hafði laumað í gúllasið og falið í sósunni. En við komumst þó í bæinn heilu og höldnu en svei mér þá ef það voru ekki brunagöt í áklæðinu á aftursætinu.Tensai san sagðist hafa verið að leika sér með eldspítur!

Ég fagna því mjög að Kokkálaði kokkurinn er aftur farinn að láta ljós sitt skína hér meðal vor. Það sem þó verra er, er að Kokksi er að yfirgefa okkur og flytja í sósíalsæluna í Svíaríki þar sem einhver þarf að pass upp á að Húsfrúin tapi sér ekki alveg í sænskum málfræðiskruddum. Eða þá geri eitthvað annað en að lesa sænskar "fagurbókmenntir" eins og skáldsöguna Strætisvagninn eftir Pelle Svenson sem byggir á sannsögulegum atburðum og fjallar um strætisvagnastjóra sem einn daginn þarf að keyra leið 5 í stað leiðar 7 sem hann hefur alltaf keyrt og angistinni sem fylgir því að lenda allt í einu í ókunnum aðstæðum og hvernig hann í kjölfarið tekst á við sinn innri mann og kemur út úr þessari raun sem sterkari einstaklingur auk þess sem fylgst verður með Jónasi, fimmtugum bókara sem býr með móður sinni og 5 köttum og hvernig leiðir þessara manna liggja saman í strætisvagninum.
Það er svo auðvitað alger skylda að kveðja Kokksa og það helst með pompi og prakt, lúðrablæstri og flugeldum. Eða bara að setjast niður einhverstaðar og fá sér kaffi og með því.

2004-09-04T15:25:00.000Z

Ég verð að viðurkenna að skrifleti hefur aðeins gert vart við sig undanfarið þar sem kaffihúsahangs hefur tekið drjúgan tíma undanfarið. It's a dirty job but someone has to do it. Á sænsku myndi það útleggjast Det er skittedjobb men enman verda ad gjöre dat.

Já nú fer að líða að haustfundi BKBK sem að þessu sinni verður haldinn einhverstaðar á Stór-Eyrarbakkasvæðinu. Móðir jörð er væntanlega búin að skipuleggja þétta dagskrá eins og henni einni er lagið og verður spennandi að vita hvaða skemmtiatriði hún hristir fram úr erminni. En til að forða okkur borgarbörnunum frá fjöruferðum og allri annari náttúruskoðun höfum við ákveðið að mæta háhæluðum skóm og þröngum pilsum svo við séum löglega afsakaðar ef Móðir jörð vogar sér að stinga upp á skoðunarferðum í kríuvarp eða kíkja á einhver móabörð eða gamla kartöflugarða. Auk þess er Monopoly með bronkítis, Tensai San þjáist af víðáttufælni og ég er eitthvað voðalega slæm í mjöðminni þannig að öll óþarfa útivist er úr sögunni.

Ég varð fyrir því í gær að sjá sýnt frá flokksþingi repúblikana í Bandaríkjunum og þar af brot úr stefnuræðu Bush. Þeir sem voru mættir þarna voru allt einhverjir hillbillys frá Alabama í bleikum kúrekadressum og hétu annað hvort Billy Joe eða Mary Lou. Ræðan, sem Bush hefur örugglega fengið að semja sjálfur var eitthvað á þessa leið:
We will fight terrurrrism until someone dies. We are good people. We love our friends. The world will be safe. Terrurrrism is evil. And we will fight him. Halleluja. The other guy running for president of the world is from the axis of evil. And it´s a bad place. All terrurrists come from there. Thanks to our allies in Polgaria, Englia, Stockholm, Greet Brittun, Bulemia, The Turk Republik and in Austrikia. Special thanks to mr. Oddsson president of Kanary Islands. As we say in Texas, if you don´t have a brother on your back it must be broken.

Talandi um forseta þá fór heldur illa fyrir Clinton greyinu. Hann var hér í prívatheimsókn og var í sakleysi sínu plataður til að borða pylsu án þess að vita að þetta er búið til úr svínafitu, salti, óætum afgöngum frá kjötvinnslunni hjá SS og aukaefnum ásamt góðu dashi af kólestróli enda fékk hann svo kransæðastíflu af öllu saman. Eins gott að honum voru ekki gefna farsbollur líka, hann hefði varla lifað það af. Við erum bara orðin svo vön að borða hakkaða svínarassa með afskurðinum sem lent hefur á gólfinu að við erum orðin ónæm fyrir óþverranum sem er í þessu og borðum það með bestu list og byðjum um meira. SS hefur svo toppað sjáft sig í sparnaði og hráefnanýtni því nú er öllu drasli sem ekki er með góðu móti hægt að koma í pylsur eða kjötfars safnað saman, hvort sem það eru svínstrýni, beljuhalar, nautshausar, hrossalappir eða kjöt úr Bónus komið fram yfir síðasta söludag, allt hakkað og búin til úr því kássa sem er svo send með rútu til Hafnarfjarðar þar sem skólakrakkar eru látin borða það.

Hafnfirskur skólamatur